https://www.facebook.com/103710618249548/

د. ولاء عبد الكريم السيد - استشاري دولي الرضاعة الطبيعية ibclc, ٥ عمارات رابعة الاستثماري/ميدان الساعة/مدينة نصر, Cairo (2026)

21/05/2026

‼ أم مرضعة لاحظت وجود كلكيعة في ث*يها (تكتل) وبتألمها وصدرها دافيء وبدأ يحمر شوية أو في نقطة بيضا في ح**ة الث*ي زي راس الدبوس ... 🤕
ياترى إيه دا ؟؟🤔🤔

⬅ دا غالبا انسداد في القنوات اللبنية في الث*ي

❓❓❓يعني إيه انسداد في القنوات اللبنية ؟

⬅ القنوات اللبنية دي وظيفتها نقل اللبن المتكون في الحويصلات اللبنية في الث*ي لفتحات خروج اللبن في ح**ة الث*ي ولكن أحيانا يحدث انسداد في تلك القنوات ويتراكم اللبن خلف ذلك الانسداد ويعمل كلكيعة (كتلة) وتبدأ الام تشعر بالألم فيها 🤕 ويصاحب ذلك عادة احتقان في تلك المنطقة في الث*ي وربما احمرار وأحيانا ترى الام بقعة بيضاء في ح**ة الث*ي أيضا تزامنا مع ذلك

❓❓❓ امتى بيحصل انسداد في القنوات اللبنية في الث*ي؟

⬅انسداد القنوات اللبنية ممكن يحصل في أي وقت او تزامنا مع تغيير عادات الرضاعة .. زي تقليل عدد الرضعات مثلا لاي سبب (نزول للعمل مثلا .. نوم الطفل فترات طويلة دون رضاعة💤😴) وعادة بيروح لوحده خلال يوم او يومين والبيبي في الوقت دا بيكون متعصب على الث*ي😠 لان تدفق اللبن بيكون أبطء بسبب الانسداد

❓❓❓ إزاي تتجنب الام حدوث انسداد في القنوات اللبنية للث*ي؟
اولا⬅ ترضع كتير وحسب الطلب مش بجدول ومتطولش الفترات اللي مبترضعش فيها
ثانيا⬅ تتجنب ارتداء حمالات صدر ضيقة أو أي ملابس تضغط على الث*ي او منطقة منه
ثالثا⬅ تحافظ لنفسها على قسط من الراحة يوميا وتتناول طعام صحي مغذي

❓❓❓ طيب لو حصل انسداد في القنوات اللبنية للث*ي الأم تتصرف ازاي؟

العلاج بيبتدي بمجرد ما تشعر الام ان في كلكيعة في الث*ي او منطقة معينة بتألمها فيه

أولا⬅ترتاح خالص ولا ترهق نفسها بأعمال المنزل

ثانيا⬅تحاول إفراغ الث*ي المؤلم دا قدر استطاعتها عن طريق تفضيله في الرضاعة قدر الامكان والبدء به ولو البيبي رافض الرضاعة منه فاستخدام الشفاط لافراغ الث*ي دا ضروري وهيحسن الموضوع جدا

ثالثا ⬅عمل كمادات دافئة قبل الرضاعة ببضع دقائق لتساعد في فك ذلك الانسداد

رابعا ⬅ البدء في الرضاعة بذلك الث*ي للاستفادة من نهم الطفل ومصه بقوة في أول الرضعة في افراغ ذلك الث*ي مع التأكد من التقام الطفل بشكل صحيح له

خامسا ⬅عمل مساج لتلك الكتلة المتحجرة أثناء الرضاعة ودفع اللبن بها في اتجاه الح**ة تزامنا مع مص الطفل

سادسا ⬅ التغيير بين وضعيات الرضاعة المختلفة لضمان تفريغ الث*ي جيدا ( وأنصح دايما باختيار وضعية للرضاعة تكون ذقن البيبي فيها ناحية الكلكيعة الموجودة دا هيساعد في افراغها جدا )

سابعا ⬅عمل كمادات باردة بين الرضعات لتخفيف الالم والالتهاب

ثامنا ⬅ اذا لم تختفي تلك الكتلة خلال ايام او في حالة ارتفاع درجة حرارة الجسم على الأم الذهاب لاستشاري رضاعة طبيعية للفحص والمساعدة وربما طلب بعض الفحوصات واستبعاد حدوث التهاب أو خراج بالث*ي

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: ٥ عمارات رابعة الاستثماري – ميدان الساعة – مدينة نصر
للحجز 📞 01012340759

20/05/2026

نعتز بثقتكم ♥️♥️♥️

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: ٥ عمارات رابعة الاستثماري – ميدان الساعة – مدينة نصر
للحجز والاستفسار : 📞 01012340759

20/05/2026

من كام اسبوع جاتلي العيادة أم لطفل عمره شهرين ونص.. لاحظت ضيقها وحزنها الشديد من وهي داخلة عليا حجرة الكشف
بتشتكي من ألم في الرضاعة وصل لحد لا يُحتمل😔

ودار بيني وبينها الحوار التالي

- حاسة بالألم من امتى يا ماما؟

- من اول رضعة يوم الولادة.. بس كنت فاكرة انه (عادي)😔

- مين اللي قالك إنه عادي؟

-كلهم قالولي كدا
وانتظرت الوجع يروح ... بس مراحش

-اوصفيلي الوجع شكله ايه؟

- في الاول كان الوجع في أول الرضعة وبيهدى بعد كدا
بعدها بقت الرضعة كلها وجع ...
اتعودت عالوجع لحد ما الح**ة جابت دم وهو رجعه ..
وكنت ادهن كريم اهدى شوية ويرجع الوجع تاني
جربت كللللل الكريمات والوصفات
الوجع بقى طول الوقت برضع او مبرضعش
مش مستحملة الهدوم ونار بتقيد في الث*ي بعد الرضاعة
استحملت واستحملت .. بس خلاص

- خلاص ايه .. مش قادرة تكملي؟

- انا وقفت رضاعة خلاص بقالي اسبوع يا دكتورة😔

-وقفتي تماما؟

-اه

- وبعدين ؟

- ابني صعبان عليا وعايزة ارضعه .. بس مش قادرة

-بتشفطي الث*ي؟

-لا الشفاط بيوجعني أوي .. واللبن قل جدا
وحاليا أنا لا مني مرتاحة بوقف الرضاعة .. ولا مني عايزة ارضع🥹

————————
فحصت الطفل ( قيمت قوة المص وشفت سقف الحلق واللسان والشفة وكله كان كويس جدا )
ورحت افحصها
وبمجرد ما شفت الث*ي لقيت إن في أجزاء من نسيج الجلد في الح**ة واقعة فعلا
وفي صديد طالع منها
الث*ي محجر وناشف جدا
والأم مش مستحملة اللمسة مني
وواضح علامات الالتهاب العنيف بالث*ي

… في الحالات دي مينفعش نرجع الأم ترضع ابدا قبل ماتوصل للحد الادنى اللي عنده تقدر تستحمل نعلمها الالتقام الصحيح ونصلح المشكلة بالاضافة لاحتياجها لعلاج الالتهاب الموجود بالفعل

كان معاها جوزها اللي جاي متحفز جدا من زعله عليها وعايزها توقف رضاعة وبيطلب مني دعمها في القرار دا وتشجيعها عليه

الحقيقة أنا حاسة بالأم دي اوي
هي لو ارتاحت بوقف الرضاعة مكنتش جاتلي العيادة
ماهي بطلت اللي كان واجعها
هي عايزة ترضع وصادقة
بس الرضاعة بقت وحش مخيف وألم ملوش حدود وعذاب يومي صعب تحمله

طمنتها إنها هترضع ومن غير الم إن شاء الله
وطمنتها لقرارها بوقف الرضاعة المباشرة مؤقتا وإنه من حقها ترتاح
مكنش في مجال اعاتبها على تحملها الالام كل الفترة دي

وقفنا رضاعة كمان اسبوع بس اتفقنا اننا
هنعصر الث*ي كل ٣ ساعات (تعصير مش تشفيط لأني لا أنصح بتشفيط الث*ي المفتوح المتعور كدا … الجرح مش هيقفل كدا
لكن بالتعصير الالتئام بيكون اسرع)

واتفقنا اللبن اللي يطلع البيبي ياخده بالسرنجة وعلمتهالها صح
وبلاش ببرونة علشان نكون في الامان ونتجنب رفض الطفل بعد رجوعنا للارضاع

وطلبت اشوفها بعد اسبوع
و فعلا جاتلي...
وكانت زعلانة برضو
الواد بيعيط ليل نهار محتاج صدرها والسرنجة مش مريحاه
ولا مريحاها

وبدأنا التدريب كان الوضع اخف
اتعلمنا الرضاعة من الاول وكانها لسة والدة ( ازاي نقعد .. وازاي نمسك الطفل .. وازاي نمسك الث*ي صح
بس تدريب الولد مكنش سهل الحقيقة لانه بقاله فترة بيرضع غلط
وفي الحالات دي كل مايكون الطفل اصغر النتايج تكون هايلة
واحتجنا ٣ جلسات تدريب
اخر جلسة منهم كانت النهاردة
مكانتش علشان نتعلم الالتقام
كنت بعلمها ترضع وهي نايمة على جنبها وعلى ضهرها (ودلع الرضاعة كله)

قالتلي انا مش مصدقة اني رجعت ارضع ومفيش الم🥰😍

وهنا جات الفرصة واللي مكانتش متاحة ليا من اول يوم اني اقولها
"متعمليش في نفسك كدا تاني"
ربنا مأمرناش نرضع ولادنا قرب السنتين والرضاعة تكون مؤلمة كدا - لا دا مش ظننا في الله سبحانه وتعالى

الرضاعة مبتوجعش متصدقيش اللي بقولك عكس كدا
صبرتي على نفسك كتير لحد مالوضع بقى لا يحتمل

وخدنا وقت على ما صلحنا الغلط

مفيش حاجة النهاردة اسعدتني قد سلامها عليا وهي ماشية وممتنة وبتقولي اجيلك كل قد ايه تطمنيني اني انا والنونو بخير
زازاي الام دي تحولت من ست صبرت على الالم شهور وفاهمة انه عادي لأم قررت تتبع منهج الوقاية خير من العلاج👌🏻

انتو تستاهلوا كل الحب والدعم والتقدير متصبروش عالالم ومتسمعوش كلام حد يحاول باي طريقة يقنعكم ان عذابكم والمكم دا شيء طبيعي وعادي♥️♥️
لا مش عادي😊

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: 5عمارات رابعة الاستثماري – ميدان الساعة – مدينة نصر
للحجز 📞 010 010 12340759

19/05/2026

الطفل الرافض للث*ي

البوست دا هنتكلم فيه عن مجموعة من النصائح للأم اللى بتحاول ترجع ابنها للرضاعة الطبيعية أيا كان سبب بعده عن الرضاعة

بأكد تاني 📢 - وكل مرة 📢📢 - إن الأم فى حاجة دائمة لمراجعة استشاري الرضاعة الطبيعية ومهما بلغت ثقافتها وقراءتها على الانترنت فدور استشاري الرضاعة الطبيعية فى رحلة الرضاعة لاغنى عنه وهو المرشد والموجه خاصة عند حدوث مشكلة

⬅️ لازم نتفق إن التعامل مع الطفل الرافض للرضاعة الطبيعية سواء مؤقتا أو دي تجربة جديدة للرضاعة الطبيعية بالنسباله أو حتى الطفل اللى مامته عايزة تعمل إعادة إرضاع بعد فترة إنقطاع طويلة صعب.. وإن نجاح المحاولة دى ممكن ولكنه عاوز صبر وإرادة وتهيئة نفسية للطفل دا وللام.. فمش منطقي أبدا إننا نستعجل النتايج أو نيأس ونستسلم بسرعة ... الهدف يستحق 💪💪

دى مجموعة من النصايح والإرشادات اللى ممكن تتبعها الأم فى حالة رفض الطفل وثورته على الرضاعة

وأنا سميتهم ( الوصايا العشر)

💟 أولا :ممكن نغير وضع الرضاعة لوضع يناسب الطفل أكتر ويريحه زي وضعية المهد المعكوس أو وضعية الكرة ونخلي بالنا إن الحد الأقصى لمحاولة عرض الرضاعة على البيبى الرافض للث*ي 10 دقايق ولو منجحتش المحاولة دي ودا متوقع يحصل كتير (علشان متقلقيش) فورا نتوقف حتى لا تحدث نتائج عكسية وينفر الطفل من الثدى

ومنقلقش المشكلة لما تتحل هيبدأ الطفل من جديد يثق فى ث*ي مامته والرضاعة منها ويرجع يرضع بشكل طبيعي فنحاول نريح ونهدى الطفل في حالة رفضه وبكاءه ونبقى نحاول كمان شوية

💟 ثانيا: خلى وصول الطفل للث*ي من خلال ملابسك سهل واحساسه بجلدك والتلامس معه متاح وكتير .. خليه نايم جنبك وعلى طول معاكي ومتسمعيش كلام جارتك اللى هتنصحك تسيبيه على الارض عشان الارض هتربيه😡😡 ( الام هي اللي بتربي والامان والحنان أساس السواء النفسي عند الاطفال) .. اعرضى عليه الرضاعة فى الاوقات اللى بيلعب فيها أو وهو هادى مش جعان

💟 ثالثا : منبدأش رضاعة والطفل ثائر وبيعيط من الجوع ونتابع علامات الجوع المبكرة ونرضع الطفل وهو نشيط أو وهو غالبه النوم ونبدأ بالاحتضان والملامسة الجلدية وتقريبه من الث*ي ثم عرض الرضاعه عليه ( كأننا بنحايله أو بنتحايل عليه)

💟 رابعا: ممكن الأم تساعد طفلها بإنها تعصر ث*يها أو تشفطه لحد مايبتدى يتدفق اللبن قبل ماتعرضه على الطفل ودا ممكن يشجع الطفل على الرضاعة والتقام الث*ي ممكن كمان تضع بعض قطرات اللبن المتعصر سابقا على الح**ة والهالة قبل وضعها فى فم الطفل ترغيبا له فى الرضاعة

💟 خامسا: لو كان الطفل جعان أوي ومعندوش صبر على الرضاعة المباشرة من الث*ي ومش عارفين نحاول معاه ممكن نلجأ إلى اللبن اللي معصراه الأم قبل كدا أو حتى الصناعي ونديه للطفل بوسيلة مناسبة غير البيبرونة تهديه وبعد كدا تحاول الام تاني تحطه على صدرها وهو هادى وعنده استعداد وطاقة للرضاعة

💟 سادسا: في اي وقت يرفض فيه الطفل الرضاعة لازم الأم تشفط ث*يها وتعصره وتفضيه علشان تحافظ على إنتاج اللبن وتحمي نفسها من الاحتقان والتهابات الث*ي أو حدوث خراج وتوفر لبنها لابنها يرضعه ودا لحد ماتروح لاستشاري رضاعة يساعدها فى معرفة سبب رفض الطفل وعلاجه

💟 سابعا: يمكن استعمال الح**ة السليكون في مراحل نقل البيبى من تناول اللبن بالبيبرونة إلى الرضاعة على ث*ي أمه (في حالات إعادة الارضاع) ولكن بعد مراجعة الطبيب لأن الاستخدام الطويل لهذا الح**ة قد يؤدي إلى نقص انتاج اللبن وتستخدم كمرحلة مؤقتة فقط- أكرر لابد من توصفيها من قبل الطبيب 🚫🚫

💟 ثامنا: لازم نأخذ فى الاعتبار إن الطفل دا مش بيتدلع 😞 وإنه عنده مشكلة منعاه من إنه يرضع ممكن يكون عنده مشكلة عضوية و الآم فى جسده زي مغص او التهاب فى أذنه مثلا والأم مش مدركاها فلابد من عرضه على طبيب الاطفال لاستبعاد كونه مريض أو بيعاني من أي آلام

💟 تاسعا: لابد أن نكون اكثر رحمة بالطفل اللى متعود على البيرونة وبنحاول نعمله إعادة ارضاع وناخد بالنا إننا اثناء محاولاتنا منحرموش من الاكل وان لو فشلت محاولات الأم فى اعادته للرضاعة على ث*يها فى اي مرة تديله اللبن اللي محتاجه بأى وسيلة
المهم انه ياكل وميدخلش فى جفاف وتكون صبورة معاه

💟💟عاشرا: ودي كلمة مني لكل أم من كتر حرصها على إنها ترجع ابنها لحضنها وللرضاعة منها بقت عصبية ومتوترة وحزينة لازم تثقي فى نفسك أولاو تعرفي إن رضاعتك لابنك مش غذاء بس الرضاعة عالم تانى كله حنان وأمان وقرب واهتمام...
والطفل اللي مش بيرضع منك مش رافضك ولكن ممكن يكون رافض الطريقة اللي بيتقدمله بيها الاكل غصب عنه لانه متدربش عليها او ممكن يكون مش عارف

فرجاء نكون صبورين مع الاطفال ونستحمل رفضهم ونهديهم .. وتعرض الام ث*ييها على ابنها فى كل الأوقات متزعلش وتقول هو لسة راضع وعايز صدرى أو تقول ماسك صدرى وبيرضع رغم إنه فاضي .. انتى أم محظوظة بحرص طفلك على القرب منك ... افرحي وعززي الشعور دا وخليه دايما فى حضنك ... وهو هيرجع

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: ٥ عمارات رابعة الاستثماري – ميدان الساعة – مدينة نصر
للحجز 📞 010 12340759

18/05/2026

هذه بعض العوامل التى تتسبب في قلة إنتاج لبن الأم :
👈 1- إعطاء الطفل أي شىء غير لبن الأم سواء لبن صناعي أوعصائر أو مياه أو أي سوائل ( ينسون .. كراوية أو ماشابه)

... لان إنتاج لبن الام يحدده العرض والطلب فكمية لبن الام المنتجة تعبر عن مايحتاجه رضيعها معبرا عن ذلك برضاعته على ث*يها... فكلما رضع الطفل من ث*ي أمه اكثر واعتمد فى غذاءه كليا عليها كلما زاد انتاج اللبن فيه ليكفي احتياجاته
وكل رضعة صناعية او أي شىء غير لبن الام يتناوله الطفل ويقلل من اقبال الطفل على ث*ي أمه يعطي إشارة للمخ بتقليل إنتاج اللبن

👈 2-استخدام البيبرونة او اللهاية (السكاتة – التتينة)

الطفل الرضيع ذكي يفضل الوسيلة الأسهل في تناول طعامه .. والبيبرونة قطعا أسهل وأسرع ويحصل منها الرضيع على الطعام سريعا وبدون بذل مجهود لذلك يفضلها ويعرض عن ث*ي أمه
أيضا البيبرونة أو اللهاية يسببان التباس الح**ة لان طريقة تناول الطفل للطعام من خلال البيبرونة مختلفة عن طريقة مصه على ث*ي أمه مما يجعله يلتقم ث*ي أمه خطأ مسببا لها الام الح**ة المزعجة وعدم افراغ الث*ي بكفاءة وبالتالي قلة انتاج اللبن

👈 3- الح**ة السليكون

كثير من النساء يلجأن لاستخدام الح**ة السليكون عند شعورهن بآلام الح**ة او في حالات الح**ة الغائرة أو السطحية دون استشارة الطبيب وهذا خطأ لان الح**ة السليكون رغم فائدتها في بعض المواقف ولكنها تقلل من استثارة الث*ي أثناء الرضاعة مما يقلل انتاج اللبن فيما بعد لذلك لايجب استعمالها الا بتوصية استشاري الرضاعة الطبيعية

👈 4- تنظيم أوقات الرضاعة وجدولتها

وهذا يتعارض مع القاعدة الهامة لزيادة إنتاج لبن الام وهي إرضاع الطفل حسب طلبه وتعبيره عن احتياجاته الحقيقية والذي يجعل المخ يستقبل إشارات فعلية تعبرعن احتياجه ويحث الث*ي على انتاج اللبن الكافي
لذلك اؤكد أن رضاعة الطفل لابد ان تكون حسب الحاجة والطلب وليس حسب الجدول أبدا للحفاظ على انتاج اللبن في ث*ي الام
وتعبير الطفل الرضيع عن احتياجه للرضاعة له علامات سنفرد له منشورا خاصا إن شاء الله

👈 5- الطفل الكسلان

بعض الاطفال ينامون كثيرا خاصة في الأسابيع الاولى بعد الولادة مما يجعلهم يرضعون مرات اقل خلال اليوم فلا تتركي طفلك بدون رضاعة لاكثر من ساعتين نهارا أو 4 ساعات ليلا وأيقظيه وأرضعيه لتحافظي على انتاج اللبن في ث*ييك

👈 6- الرضعات القصيرة

قطع الرضعة قبل افراغ الطفل للث*ي وانهاءه لرضعته بنفسه يتسبب في قلة انتاج اللبن وزيادة انتاج الدهون في اللبن فيما بعد خلال الرضعة مما يسبب زيادة وزن الطفل وبقاءه فترة طويلة بدون رضاعة ومن ثم قلة انتاج اللبن أكثر وأكثر

👈 7- الرضاعة من ث*ي واحد

حاولى عرض الث*ي الآخر على الطفل بعدما ينتهي من افراغ الث*ي الاول لتساعدى في انتاج المزيد من اللبن( يمكن الاكتفاء بث*ي واحد في الرضاعة بعدما يستقر انتاج اللبن في الث*ي ليكفي الطفل ووزن الطفل يزداد بمعدل طبيعي ولكن لا ينصح بذلك في أول رحلة الرضاعة والتى يتشكل فيها انتاج اللبن من حيث الكيفية والكمية)

👈 8- مشكلات تخص الطفل الرضيع

مرض الطفل بالصفراء وقلة رضاعته او اللسان المربوط سببان يمنعان الطفل من افراغ ث*ي الام بكفاءة مما يقلل انتاج البن في ث*يها

👈 9- مشكلات تخص الام

الانيميا الشديدة والاضطرابات الهرمونية كنقص هرمونات الغدة الدرقية مثلا وعمليات الث*ي او تكيسات المبايض وبعض الأدوية وموانع الحمل الهرمونية او التدخين ... كلها أسباب تؤدي إلى قلة انتاج لبن الام

البوست القادم هنتكلم فيه إن شاء الله عن كيفية زيادة إنتاج لبن الأم والوسائل المتبعة لتحقيق ذلك

تابعونى ..

☺

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: 5 عمارات رابعة الاستثمارى– ميدان الساعة – مدينة نصر
للحجز 📞 010 12340759

16/05/2026

📣 إعلان هام وعاجل بخصوص مواعيد العيادة قبل العيد📣
أمهاتنا العزيزات،
نظراً للإقبال الشديد وثقتكم الغالية التي نعتز بها دائماً، نود أن نعلن أن جميع المواعيد في العيادة للفترة ما قبل إجازة العيد أصبحت مكتملة العدد تماماً.
نحن نقدر حرصكم على صحة وراحة أطفالكم، ولتلبية احتياجاتكم بأفضل شكل ممكن، قمنا بفتح باب الحجز لمواعيد ما بعد العيد مباشرة.

إذا كنتِ بحاجة لموعد ضروري قبل العيد، إليكِ الطريقة المعتمدة حالياً:
1. قومي بحجز موعدك لما بعد العيد أولاً.
2. سيتم إضافتك تلقائياً على "قائمة الانتظار" (Waiting List).
3. في حال حدوث أي إلغاء أو تغيير في المواعيد الحالية قبل العيد، سنقوم بالتواصل معكِ فوراً لتقديم موعدك.

شكراً لتفهمكم الدائم لسياسة الحجز ولتعاونكم معنا لتنظيم المواعيد بشكل يليق بكم وبأطفالكم الصغار.

وكل عام وأنتم بخير وصحة وسعادة! ✨🌸
للتواصل والحجز:
📞 01012340759

14/05/2026

❓❓هل حجم الث*ي بيفرق فى كمية اللبن اللي بياخدها البيبي من مامته في اليوم ؟
طيب هل الث*ي كبير الحجم ينتج لبن أكتر من الث*ي الأصغر حجما خلال اليوم؟

⬅️الإجابة بشكل عام : لأ

❓❓طيب ليه ؟

⬅️ لأنه رغم أن سعة تخزين اللبن في الث*ي بناء على حجمه بتأثر على كمية اللبن الموجودة فيه في لحظة ما (يعني الث*ي الأكبر شايل لبن أكتر من الث*ي الاصغر حجما دا أكيد). إلا إن سعة التخزين دى واختلافها لا تؤثر بشكل عام فى كمية اللبن التى تنتج يوميا
.... كل الحكاية إن الثدى الأصغر هينتج لبن عدد مرات أكتر (نفس فكرة الكوباية الصغيرة) علشان يوصل لنفس الكمية اللى هياخدها البيبي اللي هيرضع من ث*ي أكبر حجما بس عدد مرات أقل ( ودي نفس فكرة الكوباية الكبيرة )

لذلك أثبتت الدراسات أن الأم بأي حجم ٍكان للث*ي تستطيع أن تنتج كمية كافية من اللبن يوميا لتلبي احتياجات طفلها مادامت تفرغ ث*ييها بشكل كافي لاستثارة المزيد من إنتاج اللبن

راجعوا الجدول دا

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الاطفال و حديثي الولادة
استشاري دولي الرضاعة الطبيعية
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: 5 عمارات رابعة الاستثماري – ميدان الساعة – مدينة نصر
للحجز والاستفسار : 📞 010 12340759

14/05/2026

نعتز بثقتكم ♥️♥️♥️

14/05/2026

الوقاية خير من العلاج . ومفيش أحسن من إنك تبدأي رحلة الأمومة وإنتي مطمنة ومستعدة من قبلها! 🌸

النهاردة حابة أشارك معاكم ريفيو أسعدني جداً من دكتورة جميلة نورتنا امبارح في جلسة الحوامل للاستعداد للرضاعة الطبيعية نفسياً وبدنيا

زي ما قرأتوا في كلامها، الجلسة مش مجرد معلومات، دي "راحة نفسية" وترتيب للأفكار بيشيل من عليكي أي قلق أو تشتت.

❓إيه هي جلسة الاستعداد للرضاعة وليه هي مهمة جداً؟ 🤔
دي جلسة بنقدمها لكل أم حامل (ابتداءً من الشهر السابع)، سواء دي أول مرة ليكي أو مريتي بتجارب رضاعة سابقة صعبة. هي بتتعمل مرة واحدة بس في العمر ولمدة ساعة تقريباً، بس بتوفر عليكي تعب ومشاكل كتير ممكن نتفاداها بسهولة لو بدأنا صح.

❓في الجلسة دي بنعمل إيه؟
✅ بنرتب كل المعلومات المتلخبطة في دماغك وبنجاوب على كل أسئلتك قبل ما تسأليها.
✅ بنتعلم عملياً وضعيات الرضاعة، الالتقام السليم، وعلامات شبع البيبي.
✅ بنحط خطة لكل السيناريوهات اللي ممكن تحصّل يوم الولادة وفي الساعات الأولى تحديداً عشان نبدأ بداية صحيحة وآمنة.
✅ والأهم: دور المرافق! (سواء الزوج أو الوالدة).. بيحضر معاكي الجلسة عشان يعرف إزاي يكون سند حقيقي ليكي ويخفف عنك الضغط من أول لحظة.

الاستعداد الصح بيفرق جداً في نجاح رحلة الرضاعة الطبيعية وبيخليها رحلة مليانة سكينة بدون ألم أو توتر.

اقرأوا كلام الدكتورة في الصورة وشوفوا إزاي الجلسة فرقت معاها.. ومتتردديش إنك تاخدي الخطوة دي عشانك وعشان طفلك.

📞 للحجز ولمعرفة تفاصيل أكتر عن الجلسة، تواصلي معانا على:
01012340759

13/05/2026

🔵 انضمي لجروب أمهات صفحتنا واسألي براحتك

https://www.facebook.com/groups/313608727386682

🔵 اشتركي في قناتنا على تليجرام

https://t.me/joinchat/7cjld2ZKwyFiYzg0

🔵 تابعي صفحتنا على انستجرام

https://instagram.com/drwalaaibclc/

د. ولاء عبد الكريم السيد

أخصائي طب الاطفال و حديثي الولادة

استشاري دولي الرضاعة الطبيعية

عضو الجمعية الدولية لاستشاريي الرضاعة الطبيعية ILCA

عضو الأكاديمية الدولية لطب الرضاعة الطبيعية ABM

العيادة: 5 عمارات رابعة الاستثماري – ميدان الساعة – مدينة نصر

للحجز 📞 ⁨010 010 12340759

11/05/2026

❓❓❓هل تسنين الطفل يعني إننا خلاص هنفطمه ونوقف رضاعة 😔؟
⬅ لا طبعا .. التسنين لا يتعارض مع الرضاعة الطبيعية والطفل اللي بيسنن أو حتى طلع أسنانه كلها يقدر يرضع بطريقة سليمة بدون ما تشعر الأم بأي آلام مع الرضاعة ولا توقفها

❓❓❓ امتى بيحصل التسنين وإيه علاماته ؟
التسنين بيبدأ على عمر 6 شهور وممكن يتأخر عن كدا في الإطار الطبيعي .. وبيصاحبه بعض التغيرات السلوكية والأعراض واللي بتختلف من طفل لآخر زي مثلا زيادة عصبيه الطفل وعدم صبره على الرضاعة أو العكس .. ممكن ارتفاع طفيف في درجة الحرارة .. حكة وتورم في اللثة ... اسهال أو امساك ... زيادة افراز اللعاب ونزوله من الفم ... بكاء وآلام ... استيقاظ متكرر أثناء الليل

❓❓❓طيب إيه اللي بيطرأ على الرضاعة تزامنا مع مرحلة التسنين ؟
⬅ بعض الاطفال بتعرض عن الرضاعة وتتعصب على الث*ي وقت الرضاعة وعلى العكس في أطفال بتقبل على الرضاعة أكثر لأنها بتحسسها بالراحة وتخفف حكة اللثة اللي بتشعر بيها

وبعض الاطفال ... بتعض 😡

❓❓❓هل عض الطفل تزامنا مع التسنين طبيعي ؟
الاجابة إنه طبيعي جدا وتجربة تقريبا بتمر بيها كل أم 😲 .. ودا يخلينا نتعامل مع موضوع العض دا بشىء من الحكمة بدلا من التفكير في الفطام علشان منفقدش الرضاعة الطبيعية في وقت مبكر زي عمر ال6 شهور ونحرم الطفل من فوايدها

❓❓❓طيب نعمل ايه مع الطفل اللي بيعض ث*ي الأم مع الرضاعة ويؤلمها ؟

اولا ⬅ لازم الام تدرك إن الطفل اقترب او بيمر فعلا بمرحلة التسنين علشان تبقى مؤهلة نفسيا لاستقبال الفترة دي وترجع لطبيب الاطفال المعالج او استشاري الرضاعة الطبيعية علشان تعرف إيه الأعراض الطبيعية اللي بتحصل في الوقت دا وازاي تتعامل معها .. هل في أدوية معينة ممكن تخفف الألم ويسمح باستخدامها .. هل في نصايح هتساعد الطفل والأم يتجاوزوا المرحلة الصعبة دي بسلام!

ثانيا ⬅ لو كان العض بيحدث غالبا في بداية الرضعة فأنصح الام وقت ماتحب ترضع الطفل انها الأول تحط صباعها في فمه لو مصه عادي إذن هو محتاج يرضع وترضعه بسلام 🙂ولو تعامل معه في الاول بالعض فالافضل تديله لعبة يعضعض فيها مخصصة للاطفال وقت التسنين او حاجة ساقعة تقلل حكة اللثة وتهديه قبل ما يرضع وبعدين تعرض عليه الرضاعة

❓❓❓طيب لو الطفل متعود يعض قرب نهاية الرضعة ؟؟

⬅ الطفل دا محتاج تركيز من الأم أثناء الرضاعة ومتكونش مشغولة بالتليفزيون ولا الموبايل علشان تاخد بالها و أول لما تلاقيه بدأ يمل ويلعب ويبطل مص يعني قرب يشبع تخرج الث*ي من فمه وتوقف الرضاعة 🚫وبعد شوية تبقى تجرب تعرض عليه تاني
لانه لو كان شبع فوارد جدا انه هيعض أو غالبا هيعض😄

❓❓❓طيب في حالة ان الطفل عض الأم خلاص واللي حصل حصل تتصرف ازاي ؟
⬅ أنا عارفة طبعا انه شعور مؤلم وانها غصب عنها هتصرخ من الالم 😭ولكن لا انصح بالصراخ لان الصراخ هيؤدى الي حاجة من حاجتين
1🔴- الطفل ممكن يتخض ويعرض عن الرضاعة ويحصله انفعال نفسي مضاد تجاه الرضاعة خوفا من صراخ الأم
أو 🔴هيعجبه الموضوع وهيكرر العض علشان يشوف نفس رد الفعل دا تاني ودي قصة قصيرة حزينة اوعي تبقي بطلتها 😭

❓❓❓طيب اعمل ايه ساعتها ؟
⬅ بهدوء قدر امكانك تحملي الالم وعبرى عنه بتعبير هادي انك موجوعة ووقفي الرضاعة فورا واتكلمي مع الطفل وقوليله ان الرضاعة والعض مينفعوش مع بعض وانك مينفعش تعض ماما علشان يرتبط عنده ان العض هيوقف الرضاعة ... بس خلي بالك متجذبيش الح**ة من الفم علشان متتعوريش ولكن افتحي فم الطفل عن طريق وضع صباعك بين فكيه وسحب الث*ي أو قربي راسه من الث*ي فهو هيقوم بفتح فمه واخراج الث*ي منه ليتمكن من التنفس

🎯🎯 شوية ملحوظات خلي بالك منهم وابنك بيسنن

أولا : تجنبي استخدام الدهانات المخدرة للثة لأن ذلك يؤدى الي تخدير اللثة واللسان عند الطفل كما يخدر الهالة والح**ة في ث*يك وهو بيرضع منك ودا يعيق العملية الطبيعية للرضاعة والالتقام السليم

ثانيا :استشيري طبيب الأطفال في توصيف بعض الادوية المسكنة لمساعدة الطفل على تجاوز تلك الالام

ثالثا: مرحلة التسنين مرحلة طبيعية جدا بتمر بها كل ام ومع قليل من الصبر والتعامل بحكمة تتجاوزها بسلام دون تأثير على الرضاعة الطبيعية

وأخيرا : مبروك ابنك كبر و بدأ يسنن والاهم من دا إنك لسة رغم انه عدى ال 6 شهور بترضعيه ... مبروك عليكي فوايد الرضاعة الطبيعية ليكي وليه .. استمرى وكملى ومتخليش حاجة توقفك

شعارنا : الرضاعة الطبيعية رحلة أمان وليست رحلة آلام 💗

🔵 انضمي لجروب أمهات صفحتنا واسألي براحتك
https://www.facebook.com/groups/313608727386682

🔵 اشتركي في قناتنا على تليجرام
https://t.me/joinchat/7cjld2ZKwyFiYzg0

🔵 تابعي صفحتنا على انستجرام
https://www.instagram.com/drwalaaibclc/

د. ولاء عبد الكريم السيد
أخصائي طب الأطفال وحديثي الولادة
واستشاري دولي الرضاعة الطبيعية IBCLC
عضو الجمعية الدولية لاستشاريي الرضاعة الطبيعية ILCA
عضو الأكاديمية الدولية لطب الرضاعة الطبيعية ABM

العيادة: 5 عمارات رابعة الاستثماري – ميدان الساعة – مدينة نصر

للحجز 📞 010 12340759

د. ولاء عبد الكريم السيد - استشاري دولي الرضاعة الطبيعية ibclc

21/05/2026

20/05/2026

20/05/2026

19/05/2026

18/05/2026

16/05/2026

14/05/2026

14/05/2026

14/05/2026

13/05/2026

11/05/2026

Address

Telephone

Website

Alerts

Contact The Practice

Shortcuts

Share

Category