Alaa Ibrahim a special education specialist

05/10/2025

بعلن إعتراضي التام على الجُمل اللي من نوعية:

خليك إنتَ الكبير وإستحمل.
معلش دا أكبر منك.
ما تعملش عقلك بعقله.
معلش كلنا كدا مش انت لوحدك يعنى .
ومن هنا ورايح المُعاملة بالمِثل؛ هتعاملني حلو هعاملك حلو، هتعاملني وحش مش هبقى قليل الأصل وأعاملك وحش لكن مش هيبقى في بيني وبينك أي تعامُل.

المفروض يكون عندى حكمه فى اختيار المعانى والكلمات سواء مع تربيه ابنى ولا مع علاقتى مع الأصدقاء والعائلة
يكون عندى الإنصاف مش عشان ابنى الصغير اللى غلط اقول الكبير معلش انت كبير عشان معاقبش صغير ما عنى لو الحوار اتعكس الكبير كان هيتعاقب

مينفعش يكون صديق بيتجاهلنى اتجاهل انا كمان واسيب الفجوه توسع أعاتب العتاب دليل المحبه مجبش نتيجه ابعد وخلاص

مينفعش حد يكون بيجى يشتكى من حاجه معينه واقوله كلنا كدا كلنا مختوقين اومال هو جايلك ليه هو مش عايز
يسمع الكلمتين دول عايز يسمع كلمتين حلوين يهونوا عليه
اختاروا من الكلمات أحسنها وأفضلها وراعوا شعور غيركم ❤️

19/09/2025

عاوزين نتقبل فكرة أن كون الشخص "معندهوش طاقة" مش معناه أنه اتغير أو إنه سيئ..

لما تلاقي شخص كان لطيف و صبور و متحمل و فجأة اتغير بقي عصبي و خلقه ضيق أو بينسحب بسرعه من النقاشات أو حتي من العلاقة اللي تربطه بيك.. ماتقولهوش أنت اتغيرت..
ماتستفزهوش أكتر لأن هو غالبا مبيوصلش للمرحلة دي إلا بعد مابيكون استنفذ كل طاقتة في المعافرة والمحايلة و الصبر و خلاص تعب..

ببساطة بطاريته فضت من فترة و فضل يعضعض فيها لحد ما خلاص جابت كل طاقتها و ماتت مينفعش تدي له الطاقة اللي يعافر و يتحمل و يرسم علي وشه ابتسامه و يتعامل مع كل الهباب المحيط به بمنتهي السعاده و رحابة الصدر.

قبل ماتقول لشخص "أنت اتغيرت" بص للظروف اللي حواليه..
بص لكام مرة هو كان فيها لطيف و جدع و صبور و مهذب في أسلوبه مع الكل..
بلاش تاخدوا بالكم بس اننا اتغيرنا.. ياريت و انتوا بتشوفوا أننا اتغيرنا تعالوا معلش علي نفسكم و حاولوا تشوفوا بالمرة اتغيرنا ليه.

11/09/2025

08/09/2025

مفيش حاجه اسمها معلش مكنش قصدى كنت متعصب شويه
مفيش حد حاجه كنت متعصب ومخدتش بالى من الكلام
انت تعرف انى وقت العصبيه عقلك بيتلغى وبتبدا تطلع الكلام اللى انت كاتمه جواك سوا ناحيه نفسك أو شخص معين
طب تعرف أنه وقت العصبيه ده هو ده اكتر وقت المفروض نصدق فيه الشخص عشان بتبقى ظاهر على حقيقتك
فمتقولش معلش مكنش قصدى لا انت كان قصدك والكلام ده كان جواك ولما جتلك الفرصه طلعت اللى جواك

28/08/2025

فى شويه مدرسين على التيك توك عشان يجلهم شغل او عشان يلاقوا محتوى يقدموا غير محتوى شغلهم
يفتحوا كراسه اى عيل كان شغال مع مدرس قديم وافتح يا بنى الكاميرا شايفين شايفين شغل المدرسين اللى مش متخصيين شايفين مش عارفه اى
بعيدا عن اى لو كلام حضرتك صح وفعلا فى فئه مدرسين مينفعش نقول عليهم مدرسين
بس اى اللى انتى بتعمليه ده انتى طالعه على منصه تشهرى بمدرسه زيك واللى متقبلوش على نفسك اكيد متقبلوش على غيرك
انتى مش ربنا هتحاسبى الناس محدش بيضرب ولى الأمر أنه يكمل مع مدرس مش مرتاح ليه أو مش شايف نتيجه مع ابنه
لكن اللى انتم بتعملوا ده اسمه قله ادب لانى زاد عن حد
ما شاء الله لا مدرس ولا اتنين بيعمل كدا ده اى حد مسمى نفسه معلمه كذا تطلع تسئ لزميلتها وتعيب فى شغلها
محدش كامل يا عسل منك ليها انتم ذات نفسكم شغلكم مش كامل 100% محدش فى الدنيا دى شغله كامل او نقدر نقول عليه أنه برفيكت
احنا لحد دلوقتى كلما بنتعلم ناخد كورسات ناخد دورات تعليميه ندور على الانترنت نسأل حد اكبر مننا ذو قيمه
لكن ده ميتسماش غير اهانه لزميلتك وانتم عار على انى بتقال ليكم مدرسين
حسبى الله ونعم الوكيل بجد
هتخربوا التعليم اكتر ما هو خربان
واللى مدرسه الحضانه اللى طالعه تصور الطفل وتهينه وتهين أمه وتقول جايب مكرونه كل الكميه دى انت هتاكلها
انتى مالك هو عامل حاجه غلط تليفون للام وقوليلها الحاجات دى بتحالف قواعد الحضانه يمكن عندها ظروف يمكن ده مقدرتها يمكن قصدها ياخد الكميه دى عشان لو فيه طفل غلبان ياكل مع ابنها
بطلوا بقى كل واحد يشوف نفسه صح وأنه عشره على عشره.
عشان انتم صفر على العشره واللى بيحصل ده ملوش غير حاجه واحده
أن احنا بقينا نفوس مريضه اه والله بجد

27/08/2025

متحاولش تبقى حد تانى عشان ترضى غيرك أو عشان تتحب
فيه حد يتمنى أنه يقابل حد بنفس شكلك. وطريقتك وأسلوبك مش دايما اختيارتنا بتكون صح
خليك انت خليك دايما بالصوره بتاعك من غير شويه رسومات بهته أو شويه حاجات فيك بتحاول تزرعها جوا نفسك

24/08/2025

مش اى طفل شقى اقول ده عنده فرط حركه
مش اى طفل مش بينفذ الأوامر ومش بيستجيب للتعليمات اقول ده مهيبر ولا عنده فرط حركه
فيه فروق فرديه بين الأطفال ولكن التصرفات المبالغ فيها دى اللى اقدر احكم عليها واقول ده شقى ولا فرط حركه ❤️

24/08/2025

اقولك حاجه ومتعيطش؟
انت مش هتتخطى الأذى، ولا الأشخاص اللي أذوك، ولا احساسك وقت مااتأذيت، ولا هتتخطى فقدان اقرب حد لقلبك، ولا هتتخطى المره اللي بذلت فيها أقصى جهدك وموصلتش، ولا هتتخطى الرفض، ولا هتتخطى الموضوع اللي عملت انه مش فارقلك، ولا هتتخطى صاحبك اللي باعك، انت هتُجبر على التعود والتناسي وليس النسيان، لكن التخطي! مااوعدكش

06/08/2025

اعتزل ما يؤذيك ، متستنزفش طاقتك مع أشخاص متستاهلش ، خليك دايما سند لنفسك متستناش كلمه شكر ولا كلمه حلوه من حد عشان البشر بقيت فى الزمن ده مؤذيه الا من رحم ربى

22/07/2025

بمناسبه نتيجه الثانويه العامه هكتب بوست كل سنه
- الثانويه العامه مش نهايه الثانويه عمرها ما كانت بدايه حلم اصلا ه مرحله تعليميه زى اى مرحله
- وكلامى دلوقتى ده على الناس اللى تعبت فعلا وذكرت وطلع عينها
-مجبتش المجموع اللى بتحلم بيه واى يعنى انت تعرف الخير فين ذاكرت اه تعبت اه طلع عينك اه بس انت عالم الغيب لا عارف لو دخلت طب مثلا او هندسه هبقى احسن دكتور ولا احسن. مهندس ما يمكن تفشل
مع تقدم التكنولوجيا المفروض عقلنا يكبر كل الكليات واحده فيه اللى يسعى ويطلع بتقدير ويكمل فى مجاله وينجح وفيه اللى هيقعد 20 سنه فى الكليه بيسقط أو آخره ينجح بمقبول
- افرح لنجاحك استنى التنسيق بتاعك حب الكليه اللى هتجيلك ودور ازاى تنجح وتبنى مستقبلك
- نيجى بقى الأهل بلاش بالله عليكم تحطموا عيالكم
مش لازم عشان ابن عمه ولا ابن خالته دكتور اطلع دكتور زيه ده شغل ايام جدى وجدك
-انت تعبت وصرفت على ابنك وبنتك اه وليكى الشكر وربنا يكرمك فيهم مجبش المجموع اللى انت عايزاه ما عادى فيها اى ربنا مش كاتبله الخير فى ده بس تقعد تقول صرفت وعملت وانت كذا وكذا لا هو تعب وذاكر واجتهد ومش مكتوبه ليه يبقى كدا يبقى خلاص
-شجع ابنك سفره قوله افرح بنجاحك شغلوا اغانى فى بيتكم ودخلوا الفرحه عليكم وربنا هو كاتبله مستقبله وكاتبله كليته ووقت ما يحط رجله قدام باب الجامعه كدا يعتبر الحلم بيبدا
ومبروك لكل الطلاب الثانويه العامه اللى تعبوا بجد تستاهلوا كل خير وتأكد انى ربنا شايل ليك حاجه كبيره جدا وهيعوضك🤍🤍

20/07/2025

صدق صوت قلبك ❤️