Dr.Amera Fyssal clinic عيادة د.أميرة فيصل

27/04/2026

بفضل الله محققين أفضل النتائج مع المرضى بالعلم والطب المدعم بالدليل ، فاطمة الجميلة خست وحققت هدفها ووصلت لوزنها الصحي باتباع نمط حياة صحي وبدون أي أدوية بل بالعكس صحتها اتحسنت وبطلت دواء الضغط وأدوية المفاصل ورجعتلها ثقتها بنفسها 🙏براڤو ياجميلة 🙏💚 #تخسيس

24/04/2026

https://youtu.be/vm6nvcj7pYA?si=G4EQrS7e533WRl0a

{تعاشب شاي}(2400) ضياء العوضي: من ملايين المشاهدات إلى الوفاة وحيداً في دبي.

22/04/2026

في البداية الله يرحم الدكتور ضياء العوضي، ولابد أن نتعلم أن للموت حرمة.. ولا شماتة في الموت، ولا يستبعد أن يكون الرجل كان بيعاني من مرض نفسي او ما شابه وهذا من كلام أهل الطب، لما لمسوه من طريقته وسلوكياته وآراءه وتصريحاته. وبالتأكيد ربما يكون دفع ضريبة ايمانه ببرامج غذائية لا تتناسب مع احتياجات جسدة ومع شراهة التدخين، فكانت سبب في وفاته.

وبما ان الموضوع انتقل من مجرد "نظام غذائي" واصبح "قضية رأي عام" والحديث عن "نظرية المؤامرة" وان تم تصفيته لأنه صدع بالحقيقة" فهذا مقام توضيح ومنهجية علمية ومنطق وليس مقام شخصنة وتسوية حسابات.

🔴 هنتكلم عن آراء الطبيب ومنهجه وهنفصله بشكل علمي، بعيد عن شخصه تماما.

الحقيقة المرة ومن متابعتي البسيطة لبعض فيديوهاته، استطيع أن استخلص ان كلام د. ضياء، وكذلك منهج بعض الأطباء اللي بيعتمدوا على مبدأ اسمه 'المغالطات المنطقية' لإقناع الجمهور بوجهة نظرهم، وبدون الحديث عن النظرة العلمية الشاملة للموضوع في ضوء الأبحاث وكذلك الخبرات المتراكمة في السجل الطبي للبشرية.. طيب تعالوا نفهم بهدوء وبدون تشنج، وارجوكم شاركوا المنشور لأنكم قد تساهمون في حفظ نفس بشرية وموت محقق بسبب الآراء التي اثيرت على مدار سنوات من د. ضياء.

1️⃣ اول حاجه نتكلم عن فخ التعميم الكارثي
د. ضياء بنى نظامه (الطيبات) على فكرة إن أطعمة زي الخضروات، البيض، واللبن هي "خبائث" ومسببات للسرطان.

الحقيقة العلمية: في ناس فعلاً عندها حساسية ألبان أو مشاكل مع بعض البقوليات، ودول حالة خاصة. إنك تاخد "عرض مرضي" عند فئة قليلة وتعممه على البشرية كلها وتمنع عنهم الخضروات والبروتين الأساسي (زي البيض اللي وصفه إنه أخطر من ورك الفرخة!)، ده مش طب.. ده "تدمير" للمناعة تحت مسمى العلاج.

2️⃣ في آخر لقاءاته، د. ضياء هاجم العلاج الكيماوي وشبّهه بـ "المبيد الحشري" اللي بيدمر الجسم، وادعى إن السكر مش ضار لأنه "بيصنع في النبات بالتركيب الضوئي"!

الرد العلمي أن الكيماوي رغم قسوته، هو السلاح الوحيد (بجانب الإشعاع والجراحة) المثبت علمياً لقتل الخلايا السرطانية اللي بتنقسم بجنون. وقدر ينقذ ملايين البشر بشهادة كل المنظمات الصحية الدولية. وتسميته "بتجربة دمار شامل" هي دعوة صريحة للمريض إنه ينتحر بالبطيء ويسيب السرطان ينهش في جسمه.

3️⃣ ادّعى أن السكر ليس ضارًا بطبيعته، بل يُصنع في النباتات عبر التركيب الضوئي وكان يُستخدم تاريخيًا كدواء، دي مغالطة كبرى.
الحقيقة: العلم مبيقفش عند "كان بيستخدم زمان إزاي". الأبحاث الحديثة والواقع العملي بيقولوا إن السكر المعالج هو المحرك الأول للالتهابات في الجسم (Inflammation)، والالتهاب هو البيئة الخصبة للسرطان والسكري وأمراض القلب. فكرة إن الشيء "نباتي" يبقى "آمن" هي مغالطة كبرى.. السموم النباتية موجودة في الطبيعة برضه!

🔴 أخطر منطقة: وقف الأدوية
أكبر "ذنب" ممكن يتحمله طبيب هو إقناع مريض سكر بوقف الأنسولين، أو مريض زراعة أعضاء بوقف مثبطات المناعة. وقف الأدوية دي بناءً على "نظام غذائي" غير معتمد دولياً هو "حكم إعدام" بدم بارد.

الناس اللي بتقول إنه مات عشان "كشف المستور".. الحقيقة إن الطب ملوش كبير غير "الدليل العلمي" (Evidence-based medicine). لما الدكتور يقول "لو حد أثبت إني غلط هبطل الشغلانة"، هو هنا بيخاطب العواطف مش العقل. العلم لا يُقاس بالقسم بالله، بل بالنتائج السريرية والدراسات الموثقة.

📌 نصيحة أخيرة لو عايز تتأكد من أي معلومة طبية بتسمعها، بلاش "التريند". ادخل على أدوات بحث ذكية زي Perplexity اللي بتجيب لك مصادر علمية موثقة، أو اقرأ تقارير Mayo Clinic ومنظمة الصحة العالمية.

أما لو حضرتك من هواة نظرية 'المؤامرة الكونية' وإن شركات الأدوية وملايين العلماء والباحثين في كل كوكب الأرض كلهم متفقين عليك عشان يبيعوا لك "انسولين"..

فحضرتك محتاج "معالج نفسي" يساعدك تفكك عقدة الاضطهاد والمؤامرة الكونية، ومش محتاج تقرأ بوستات عن التغذية!

الله يرحمه ويغفر له، هو الآن في دار الحق، لكن كلامه لسه موجود وممكن يضر ناس تانية... ادعوا ان ربنا يرحم ضياء ويرحمنا من كل شخص مثل ضياء.

بحبكم ❤️

20/04/2026

تداول نشطاء مواقع التواصل الاجتماعي خلال الساعات الماضية نظام الطيبات للدكتور ضياء العوضي بشكل واسع خلال الساعات الماضية

05/12/2025

متلازمة الإعياء المزمن😰كلنا في الوقت الحالي بقينا عايشين في قلق وتوتر مزمن مما قد يؤدي للإجهاد الكظري والإجهاد والتعب المستمر وبتلف كتييير عند الدكاترة وبلا حل ، نحاول نقنن التوتر قدر الإمكان ونغير نمط حياتنا ونحافظ على الأكل الصحي ونتحرك بشكل كافي يعني نمارس رياضة بانتظام هنتحسن بشكل كبير ان شاء الله 🙏 #اجهاد

28/11/2025

جوع آخر الليل 😰وإيه علاجة🤔لازم نلجأ للمشروبات اللي بترفع حرارة الجسم الداخلية ويكون نظامنا الغذائي غني بالبروتين والألياف ومننساش نشرب مايه لإن المايه أهم مدر بول وللأسف لما بننسى نشرب مايه جسمنا بيخزن مايه وبنزيد على الميزان وبيكون عبارة عن مايه مختزنة مش أكتر🙏 #تخسيس

26/11/2025

بطوطة الجميلة، فخورة بيكي طول الوقت🙏 #تخسيس #سمنة

24/11/2025

تثبيت الوزن👌🏻وهل فعلاً في حاجة إسمها حقن التثبيت🤔الضمانة الوحيدة للحفاظ على الوزن أو تثبيت الوزن بعد محاولات تنزيل الوزن العديدة هو اتباع نمط حياة صحي والمواظبة على الرياضة بشكل يومياً ليصبح نمطنا اليومي👌🏻 #تخسيس #سمنة

23/11/2025

الميزان والا الفستان🤔الميزان خادع ، اعتمد على مقاساتك وليس الميزان ومفيش حاجة اسمها الوزن المثالي في حاجة اسمها الوزن الصحي وده الميزان اللي بكون فيه بصحة جيدة وبعيد عن الأمراض المزمنة، عيش نمط حياة صحي والخسسان هييجي كده كده كنتيجة لنمط الحياة الصحي👌🏻 #تخسيس #سمنة

22/11/2025

متلازمة النفق الرسغي 😰Carpal tunnel syndrome CTS