د. هبه على محمد

11/10/2025

متخليش الخوف يمنعك إنك تعيش حياتك.....
الإنسان بيندم على إنه معملش ....مش على إنه عمل 🤍

29/09/2025

الراحه مش انك تتكلم مع حد ويسمعك......
الراحه انك تتكلم مع حد ويفهمك 👌

22/09/2025

لين القلب نعمة كبيرة .... فسلامًا على كل هين ....لين ... يرتاح لصحبته الناس ♥️

17/09/2025

مفيش حاجة بتوجع قد الخذلان… بس مفيش حاجة بتقوي قد التجاوز.......
اتعلم تمشي لوحدك لو لزم الأمر… بس عمرك ما توقف عشان حد خذلك...... اعتبرها البداية لخطوة أحسن 👌

11/09/2025

لا تُبرر لأحد....
أترك سيء الظن يأكل نفسه !

11/09/2025

يظل أبناء الأفاعي أفاعي .....
و إن تربوا بين أحضان الورد..!

09/09/2025

اوعى تثبت لحد ظلمك إنك صح...

اللي ظلمك؟ مش ناقص دليل.. هو عارف هو عمل إيه، وعارف كويس إنك ماكنتش تستاهل، بس بيكابر، وبيكمل في ظلمه كأن ماحصلش حاجة.

فـ متحرقش أعصابك، ولا تستهلك روحك علشان تشرح، وتفهم، وتبرر.. لإن ببساطة؟
اللي ناوي يظلمك مش بيدوَّر على الحق، ده بيدوَّر على مخرج.

وحتى لو رُحت بكل أدب وهدوء، وقلت له: "أنا اتظلمت".. مش هيشوف غيرك غلطان، مش علشان عندك مشكلة، لكن علشان هو مش عايز يعترف بخطئه، وده أسوأ أنواع الظُلم... الظالم اللي لابس قناع الضحية.

أوعى تفكر إنك لازم تشرح لمين ما فهمكش، أو تثبت لمين ما شافكش.. اللي قلبه مش شايل ليك خير، مش هيسمعك أصلاً، واللي شايفك غلطان وهو عارف إنك صح؟ ده مش ناقص توضيح، ده ناقص ضمير.

فـ احمي نفسك... اسكت، وامشي، وسِيب الحياة تقول الحقيقة بطريقتها.
السكوت أوقات بيكون أقوى من ألف كلمة،
لأن اللي بيشوفك بعينه مش هيحتاج تسمّعه بصوتك.

وإنت كده كده مش محتاج تثبت إنك كويس... خُلقك، رد فعلك، وصبرك كفاية جدًا

08/09/2025

🔴 أنتى حاسة بإكتئاب .....❗ عارفة لية .....
تعالى أفهمك

مبتاخديش حقك فى اى حاجه بتعمليها ..... ولا كفايتك....
فطاقتك خلصت خلاص ....
أوقات كتير بتحسي انك كنتى بترضى كل الناس على حساب نفسك ....لغاية ما نفسك قالت استوب مبقتش قادرة !
وفعلا مبقتش قادرة ❗
كنتى بتيجى على نفسك كتير..... عشان الدنيا تمشي.......

مبتاخديش حقك فى المرض .....عشان مينفعش تمرضي...ومين اللى هيعمل حاجات الأولاد......

مبتاخديش كفايتك من النوم .......عشان تاخدى بالك من أولادك....
مبتاخديش كفايتك من الزعل........عشان الدنيا تمشي.....

مبتاخديش كفايتك من الحزن....... مهما كنتى موجوعة عشان
متكونيش الست نكدية .......

مبتاخديش كفايتك من الضعف ........عشان تكون قوية قدام أولادك ....

أبسط حقوقك ...... بقت رفاهيات وليست أساسيات
عشان احنا اللى بنعمل فى نفسنا كده .....
ازعلى وقت الزعل .....احزنى وقت الحزن.....افرحى وقت الفرح.....
لما تتعبي نامى ...أولادك مش دخلين كليات القمة الصبح ....
كتير من الستات بتسأل هو أنا لية حالى اكتئاب ....
عشان بتتنازلى عن أبسط حقوقك .....
دورى على راحتك النفسية ....عشان مهمة ليكى ولأولادك .

03/09/2025

المريض من ڪتر الوجع اللى جواه سكت.... متكلمش 😔

02/09/2025

بأذن الله جروب ثيربي يوم الجمعه القادمة من ٦ الى ٨ مساءا بمركز nassib clinic

لاحظت إن في ناس كتير منكم بتواجه صعوبة في تنظيم مشاعرها والتحكم فيها......
والتقلبات المزاجية بتأثر عليكم طول اليوم… وده مسبب ضيق وخنقة وتوتر ليكم بشكل كبير 😔

🔔 عشان كده هنعمل جلسة جماعية بعنوان:

"تنظيم المشاعر… مفتاح أساسي في رحلة علاج البوردرلاين"

💡 في الجلسة دي هنتعلم:

🔴 إزاي تتحكموا في شدة مشاعركم وتتعاملوا معاها بهدوء.

🔴 إزاي توقفوا قبل الاندفاع أو اتخاذ قرارات ممكن تندموا عليها.

🔴 ازاى هنتقبل مشاعرنا ... ونتعلم الفعل المعاكس أو الفعل البديل الصحى هنكون أكثر توازن من ذى قبل....

🔴 هنتعلم نطبطب على نفسنا بدل من جلد أنفسنا ....

🔴 لما تعرفى إزاي تتحكمى في شدة مشاعرك وتتعاملى معاها إزاى بهدوء.... هتقدرى توقفى قبل ما تندفعى أو تعملى أى حاجة تندمى عليها.....

التنظيم مش معناه تكبتى أو تمنعى مشاعرك..... لكن معناه تفهميها وتتقبليها بدون الحكم عليها
وتختارى تتصرفى إزاي من غير ما المشاعر دى تسيطر عليكى.....
و ده هيساعدك تحافظى على علاقاتك..... ويخلي حياتك أكثر استقرار وراحة 💕

‏للحجز :
‏‪01011118037‬‏

nassib Clinic مركز

٦ أكتوبر محور الكفراوى الحى الثالث بجوار البنك الأهلى
لوكيشن
https://maps.app.goo.gl/jjrQZ3E4hFJ6kD96A

ويمكنك الحجز على تطبيق Vezeeta او اكشف

02/09/2025

28/08/2025

كلما منحت نفسك راحة من التفكير......
منحت قلبك فرصة أن يلتقط أنفاسه.....