21/05/2025
هل سمعتم عن #البكتيرياـالنافعة؟ probiotics
مش كل البكتيريا ضارة!
فيه نوع من البكتيريا بنسميه "البكتيريا النافعة" ، وهي موجودة طبيعيًا في الجهاز الهضمي، وبتلعب دور مهم جدًا في صحتنا خاصة فى دعم الهضم والمناعه🤩💪🏻
🛑فوائد البكتيريا النافعة:
1. تحسين الهضم: تساعد في هضم الألياف وتخفيف الغازات والانتفاخ.
2. دعم المناعة: تحفّز إنتاج الأجسام المضادة وتحارب البكتيريا الضارة.
3.تمنع نمو الكائنات الضارة في الأمعاء.
4. الوقاية من الإسهال: خاصة الناتج عن المضادات الحيوية.
5. تخفيف أعراض القولون العصبي.
6. تحسين امتصاص الفيتامينات والمعادن زى b12 و k
7. دعم الصحة النسائية: مثل تقليل التهابات المهبل المتكررة.
---
🛑فين نلاقيها 🤔
📌في الأغذية:
الزبادي الطبيعي
اللبن الرايب.🥛
المخللات الطبيعية (بدون خل).
بعض أنواع الجبن مثل الشيدر 🧀
📌في المكملات الغذائية:
كبسولات أو أكياس تباع في الصيدليات..
🛑إمتى بتتأثر البكتيريا النافعة في جسم
لكن أوقات بتتأثر وبتضعف، وده بيأثر على صحتك كلها.
أسباب اضطراب البكتيريا النافعة:
1. المضادات الحيوية:
بتقتل البكتيريا الضارة والنافعة معًا.
2. الأكل الغلط:
سكريات ودهون كتير، وألياف قليلة = بيئة مثالية للبكتيريا الضارة.
3. التوتر والضغط النفسي🥺
بيخلّي أمعاءك تفقد التوازن.
4. قلة النوم:😴
النوم السيء بيضعف صحة الجهاز الهضمي والميكروبيوم.
5. قلة تناول البريبيوتيك:
وهي الألياف اللي بتغذي البكتيريا النافعة (موجودة في الثوم، البصل، الشوفان، الموز...).
🛑علامات إن البكتيريا النافعة عندك متأثرة:
انتفاخات وغازات.
إمساك أو إسهال.
ضعف مناعة.
تعب بدون سبب.
مشاكل في البشرة.
🛑 #نصيحة
كل زبادي، زود الألياف، قلل التوتر، ونظم نومك... جسمك هيشكرك!
إذا كنتِ تستخدمين مضادًا حيويًا، فمن المفيد أخذ بروبيوتيك بعده بـ 2–3 ساعات لتقليل الأضرار الجانبية على الجهاز الهضمي
_________________________
د.علياء احمد مرعى
اخصائى التغذيه العلاجيه والعلاج الطبيعى
ماجستير العلاج الطبيعى لصحة المراه- جامعة القاهره
د.دكتوراه العلاج الطبيعى لصحة المراه- جامعة القاهره
دبلوم التغذيه العلاجيه - جامعة القاهره
عضو الجمعيه المصريه العربيه للتغذيه الصحيه
