Psy Omnia Mahmoud

01/05/2025

من النهاردة مش هنقول:❌❌
"روحي اقعدي على رجل عمو يا حبيبتي"
"ده عمو بيهزر معاك عادي"
"خلي أي حد يدخلك التويلت، دول زي بابا وماما"
"مفيهاش حاجة لما يطبطب عليك، ده راجل كبير"
لأ، كفاية بقى!🤚✅✅
عيالنا أمانة، ولازم نبطل المجاملات والكسوف اللي ممكن يضيعهم مننا.
مفيش حاجة اسمها "عادي"، ومفيش حد يدخل على طفل لوحده، ولا كبير ولا صغير.
محدش يهزر مع ولادنا بإيده، ومفيش طفل يتساب مع حد لوحده.
اسألوا عيالكم عن كل حاجة،
لما يرجعوا من المدرسة، من التمرين، من عند الجيران، من أي مكان!
خلي بينك وبينهم مساحة أمان وثقة، اسمعهم كويس وافهم اللي ما بيتقالش بالكلام.
ربنا يحفظ ولادنا جميعًا، ويحميهم من اللي بنشوفه واللي لسه هيتشاف.
خلي بالك...👦👧

01/05/2025

نفسية طفلك أهم من إرضاء الناس..
وتربية طفلك أهم من تعليمه..
والبوسة والحضن والطبطبة أهم من لبس أشهر الماركات..👧👦

24/03/2025

إزاي أعلم طفلي يفرق بين اللمسة الحلوة واللمسة الوحشة؟

مهم جدًا إننا نعلم ولادنا يحافظوا على جسمهم، ويعرفوا الفرق بين اللمسة اللي تديهم إحساس بالأمان والراحة، واللمسة اللي تخليهم حاسين بالخوف أو الضيق.
1. جسمك ملكك

أول حاجة لازم الطفل يفهمها إن جسمه ملكه، ومحدش ليه الحق يلمسه بطريقة تضايقه. ممكن نقوله:
• “جسمك ليك، وإنت الوحيد اللي تقرر مين يلمسك وإزاي.”
• “في أماكن خاصة في جسمك محدش ينفع يلمسها غير الدكتور في وجود ماما أو بابا.”

2. إيه الفرق بين اللمسة الحلوة واللمسة الوحشة؟

عشان نوضح الفرق، ممكن نستخدم أمثلة قريبة منهم:

✅ اللمسة الحلوة: زي لما ماما تحضنك وانت زعلان، أو لما بابا يمسك إيدك وإنتوا بتعدّوا الشارع، أو لما صاحبك يسلم عليك. دي لمسات بتدي إحساس بالحب والأمان.

❌ اللمسة الوحشة: أي لمسة تخليك حاسس بالخوف أو الضيق، زي حد يلمسك في أماكن خاصة، أو يجبرك على حضن أو بوسة وإنت مش عايز. اللمسات دي مش مقبولة أبدًا.

ممكن نلعب مع الطفل لعبة فيها صور لمواقف مختلفة، ونسأله: “دي لمسة حلوة ولا وحشة؟”، عشان يبدأ يميز الفرق بنفسه.

3. اسمع إحساسك وثق فيه

مهم جدًا إننا نعلم الطفل إنه يسمع إحساسه الداخلي، لإنه هو اللي هيدله إذا كان الموقف مريح ولا لأ. نقوله مثلًا:
• “لو حسيت بعدم ارتياح، قول لا وامشي من المكان.”
• “لو حد لمسك بطريقة تضايقك، لازم تقول لماما أو بابا فورًا، وإحنا هنصدقك ونحميك.”
ونقدر نسأله أسئلة زى:
• “إنت بتحب لما حد يحضنك؟ إمتى بتحس إنك مش مرتاح؟”
• “لو حد لمسك بطريقة مضايقاك، هتعمل إيه؟”

الأسئلة دي بتساعد الطفل يفكر في مشاعره ويفهمها أكتر.
4. إحمي نفسك
لازم الطفل يعرف إنه عنده الحق في حماية جسمه، ودي شوية حاجات نعلمه يعملها:
• يقول “لأ” بصوت واضح لو حد لمسه بطريقة تضايقه.
• يبعد عن الشخص فورًا لو حس بخطر.
• يجي يحكي لماما أو بابا أو أي شخص يثق فيه بدون خوف.
5. ما تجبرهوش على اللمس
ابدا
ساعات بنجبر ولادنا على البوس أو الحضن حتى لو هما مش عايزين، وده بيبعت لهم رسالة إنهم مش من حقهم يرفضوا اللمس. لازم نحترم رغبتهم، ونفهمهم إنهم مش مجبورين يعملوا حاجة مش مرتاحين ليها.
الخلاصه

إننا نعلم الطفل يفرق بين اللمسة الحلوة واللمسة الوحشة ده جزء مهم من حمايته وتقوية ثقته بنفسه. لازم دايمًا نحافظ على الحوار المفتوح معاه، ونطمنه إننا بنصدقه وبنحميه، عشان يقدر يتكلم من غير خوف لو حصله أي حاجة تضايقه
و نوصل له اننا بنحبه فى جميع حالاته و مقدار حبنا له مش حيقل ابداً
#اطفال

17/02/2024

والأسرة الَتِي تتكلم عن الناس بسوء وجيرانها بسوء ؛
أولادها سيستحلون الغيبة....

والأسرة التي تشبع أطفالها لطف وحنان سيكبرون اولادها مستقرين عاطفيا

والأسرة التي تسرق امام اولادها سيكبرون ويستحلون السرقة

والأسرة التي لا يعجبها العجب وتنتقد كل شيء لن يكون ابناءها قنوعين..
والأسرة الَتِي تكذب أمام أبنائها .. سيكبرون يستحلون الكذب ..
والأم التي تتشاجر مع الاب امام ابناءها وعلى الملأ سيكبر ابناءها لايحترمون قيمة الأسرة ..
والأسرة التي تترك ما في يديها كي تصلي؛
أولادها سيعرفون قيمة الصلاة جيدًا....
والأسرة التي لسانها يقطر عسلا سيكبر اولادها ويتحدثوو بلطف مع الآخرين ..
والأسرة التي تراقب الله في كلامها ولا تغتاب ولا تسخر من أحد سيكبر اولادها ويصبحون مثلها
ببساطة شديدة:
تربية الأبناء تحتاج لتربية النفس أولا

17/04/2023

تربية الراجل بتبتدى من وهو طفل، عودوا اولادكم يساعدوا في البيت ويشيلوا المسئولية من بدري وان مفيش حاجة اسمها دة شغل البنت مش الولد، عودوا اولادكم يكونوا سند لأخواتهم، عايزين نربي جيل افضل ونبني علاقات صحية لاولادنا ..

30/07/2022

أنا جاي أقولك النهاردة أن الله سبحانه وتعالى تدبيره عجيب فعلاً
يوديك مكان تتعلم فيه عشان تجهز لمكان غيره
يوديك مكان صدفة من غير تخطيط فتقابل شريك حياتك
يوديك مكان كويس تقابل فيه مدير يعلمك بضمير يجهزك بعد كده إنك تترقى وتكبر
يوديك مكان يعلمك فيه درس يخليك تبقى ناضج أكتر..
مفيش حاجه صدفة .. كله تدابير ربنا خير ليك..
حتى لو مش مبسوط دلوقتي فى مكانك أعرف إنها فترة وأن الله سبحانه وتعالى بعد كده هيراضيك ❤❤

22/07/2022

07/07/2022

05/07/2022

إن علاقتنا مع الناس
تدوم وتستمر بالتغاضي
وتزداد انسجاما بالتراضي
لكنها تمرض بالتدقيق
وتموت وتنتهي بالتحقيق
بالابتسامة نتجاوز الحزن
وبالصبر نتجاوز المصاعب والهموم
وبالصمت نتجاوز الحماقات
وبالكلمة الطيبة نتجاوز الكراهية
تمـيز بما شئـت لكن لا تتكبر أبدًا
اكتب ما شئت لكن لا تستفز أحدًا
انتقد كما شئت لكن لا تطعن أحدًا
عبر عن رأيك بدون أن تجرح المشاعر
كن مهذبا و لا تكن مستفزا في ردك
فنحن لا نغير حتى نتغير
فروعة الإنسان ليست بما يملك ... بل بما يمنح❤❤

15/02/2022

حياتك هتبقى أحسن لما تتعود " ما تشغلش بالك "
ما تشغلش بالك مين مشي ، ومين متغير معاك ، ما تشغلش بالك إيه اتقال من وراك ، ولا بأراء الناس فيك ، وخليك عارف إن حياتك بيهم أو من غيرهم هتمشي ، فلما تفارق حد مش هتموت ، ولما يخذلك حد برضو مش هتموت ، الحياة كدا والذكي اللي يفهم إن الحياة مطبات ومش الشاطر اللي بيتفادى المطب لا دا الشاطر هو اللي يقع في المطب بس يعرف يتفادى المطب اللي بعده ..
إجمد كدا وما تخليش الحزن يسرق عمرك ..
هتبقى أحسن لما تتعود تخليك ف حالك
ومتشغلش بالك غير بنفسك
وتحاول تعيش في سلام نفسي وتصالح مع نفسك👌🏻

12/02/2022

القلق فهو عبارة عن شعورٍ بالخوف الزائد من المستقبل وحول أمور ٍ عاديةٍ في الحياة، بحيث يكون هذا القلق زائداً لدرجة أنه يعيق مسير الحياة الطبيعية، ويسبب الكثير من التوتر للشخص، ويمكن أن تظهر على الشخص بعض الأعراض مثل الرعب الشديد، وكثرة الأفكار الوسواسية، وخفقان في القلب، وشعور بضيق في التنفس، وكتمة في الصدر، وصداع، وتعرّق اليدين، والارتباك، وصعوبة التركيز، وعدم القدرة على النوم. شعور زيه زي الفرح او الحزن والقلق شعور بترقب والاحساس بالخطر والقلق بيخليك مش مطمن ومش قادرتتعامل مع أبسط المشكلات قد تصل الي حد الإحباط أتخلص منه ازاى تعالي وانا أقولك 🤔
👇👇👇👇👇👇👇👇
👈لو حسيت بقلق اشغل نفسك بأي نشاط سواء شغل او خروجه مع أصحابك
👈حضر ورقه وقلم واكتب فيها الحاجات الي قلقاك ستلاحظ ان القلق بدأ يقل
👈كمان لازم تواظب علي الصلاه والتقرب من الله
👈ممكن تسمع موسيقي هاديه لو قلقان او تمارس الرياضه مشاهده أفلام كوميدية تقلل من القلق
👈التفاؤل قدر الإمكان وعدم توقع الاحتمالات السيئة
👈تناول الأطعمه والمشروبات تقلل التوتر زي الشيكولاته او الينسون او عصير الليمون بيساعد علي الهدوءوالاسترخاء
👈العمل على مواجهة المشاكل بالتفكير الموضوعي، ومحاولة إيجاد حلول مناسبة ومنطقية لها، والاستعانة بمشورة الأشخاص عن ثقه ، وطلب العون منهم، وطلب خبراتهم في حل المشاكل.

04/02/2022

ابنك🧑🏻 أوبنتك👧🏻 بيتخانقوا مع بعض كتير ومابنبقاش عارفين نعمل إيه فتضطر تضربهم وده مش صح فالطفل احيانا لايسمح بأن يأخذ طفل اخر منه لعب أو كتاب أوغيره فيتشاجر معه أو بيغير من اخوه لأي سبب او ممكن بيقلد تصرفات الاب والام في العنف فالطفل عندما يشعر انه اصغر من اخيه يبدأ بالشجار مع أخيه حتى يثبت ذاته .
نعمل إيه في المواقف الي زي دي ؟🤔
👇👇👇👇👇👇👇👇
👨‍👩‍👧‍👦ماينفعش تفرق بين الاخوات في التعامل علشان مايحسش بالغيره الي بتخليه يتشاجر مع اخوانه يعني اديله الحب والثقه
👨‍👩‍👧‍👦على الآباء إصلاح أنفسهم أولاً ، فكثير من حالات التشاجر عند الأطفال مرجعها الآباء أنفسهم يعني الخناق او التشاجر بين الزوجين أمام الأبناء هذا غير صحيح .
👨‍👩‍👧‍👦استخدام القصص ومقاطع الفيديو مفيده تحفز علي التعاون بين الاخوات في التعامل
👨‍👩‍👧‍👦عدم تدخل الوالدين في الشجار بين الابناء إلا في الحالات التي يكون فيها ضرر على إحدهما والتدخل يكون بالتوجيه والاصلاح دون التحيز لطفل دون الآخر .