دكتور محمد أبو فطيرة Dr. Mohamed Abou Fateera, مصر الجديدة-عمارة جاد-الميرغني, Cairo (2026)

16/04/2026

انسداد القنوات المرارية عند الأطفال 👶🏻
كتير مننا بيسمع إن الصفرا عند المواليد 👶🏻 حاجة طبيعية وبتروح لوحدها...

وده صح في أغلب الحالات ✅

لكن في حالات الصفرا بتكون إنذار خطر ⚠️ لمشكلة اسمها انسداد القنوات المرارية

⬅️ يعني إيه الكلام ده؟
ببساطة: القنوات اللي بتنقل العصارة الصفراوية من الكبد للأمعاء بتكون مسدودة أو مش موجودة 😟

➡️ العصارة بتتحبس في الكبد وبتأذيه بالتدريج

➡️ ولو ما اتعالجش بسرعة ممكن يحصل تليّف كامل في الكبد

⁉️ إزاي تعرفي إن فيه مشكلة للصفرا عند طفلك 👶🏻؟
علامات الخطر ⚠️

✅ لو الصفرا استمرت عند طفلك أكتر من أسبوعين ومش بتقل
(الصفرا الطبيعية المفروض تروح خلال 14 يوم)

✅ لون البراز بتاع طفلك فاتح أو أبيض أو رمادي
(ودي أهم علامة!)

✅ لون البول بتاع طفلك بقي غامق زي الشاي 🟤
(المفروض يكون فاتح أو شفاف)

✅ لو بطنك طفلك 👶🏻 منتفخ بشكل غريب أو مش متعودة عليه

🫵🏻 لازم فورا تروحي لدكتور أطفال 👨🏻‍⚕️ ويا ريت يكون متخصص جهاز هضمي

اللي هيطلب منك فحوصات و تحاليل مهمة زي
✔️ صورة دم
✔️ وظائف كبد
✔️ نسبة صفرا
✔️ موجات صوتية علي البطن والحوض

⏰ ليه السرعة مهمة؟
طبعا كل ما العلاج نبتديه بدري تكون النتايج أحسن بكتير ومشاكل أقل بكتييييييير

⏰ الوقت بيفرق... ما تستنيش!

.
.

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

26/03/2026

⛔️ مين فينا كل ما بيحس بشوية ألم ياخد # مسكن_ 💊 ؟

📌تقريبا كلنا بنعمل كده بس يا ترى ده عادي وملوش أضرار 🤔

⬅️ الاجابة لما يكون استخدام 💊 بشكل كبير ومدة طويلة وخاصة بدون اشراف طبيب ‍إضافة إلى نوعيات معينة من #المسكنات

كل ده له أضرار_ على اجهزة وأعضاء الجسم المختلفة خاصة الكلى والمعدة

⁉️ طب ايه هيا أنواع المسكنات؟

1- المسكنات المخدرة:

👈 دي بتوصل للمخ🧠 ومراكز الاحساس بالألم وتمنع الشعور بيه من مصدره كمان بتدي نتيجة إيجابية بتحسين المزاج أو المود وتدي احساس 🕺بالسعادة والانتعاش 💃يغطي عل الاحساس بالألم وتعتبر من المسكنات القوية 💉التى تستخدم فى العمليات، وفي أوقات معينة زي الحوادث والإصابات الخطيرة زي السرطان أو فى الأزمات القلبية🫀.

2- المسكنات غير المخدرة:

ودي المنتشرة وكلنا بنستخدمها كتير في حياتنا لما يجيلنا صداع أو الم في اسناننا أو مغص ودي يتقلل احساس الألم نفسه من المكان اللي فيه الألم

💥 النهاردة هنتكلم عن تأثير المسكنات على الكلى

مش معني ان الكليتين بتستحمل كتير وبتكون صامتة و مبتعبرش عن نفسها زي المعدة مثلا لما المريض يشتكي من وجع من كتر المسكنات

⁉️ امتى نقلق أو نخاف على الكلى؟🤔

⬅️لما الشخص يكون بيستخدم #المسكنات 💊 عمال عل بطال مع شوية صداع أو أي وجع في المفاصل لفترات طويلة وبدون إشراف طبي👨‍🔬

⬅️لما المسكنات دي تاخدها بجرعات كبيرة وكذا نوع وفي أي وقت😩

⬅️ لو عندك كمان # سكر ولا ضغط😳 أو مشاكل في الكلي زي صديد وحصوات علي الكلي

⁉️ امتى نعرف انا الكليتين اتأثروا؟

📌للأسف مش ببنعرف ولا بناخد بالنا 😲ان حصل حاجة في الكلي
أو انها اتضررت بالمسكنات الا غالبا صدفة لما الدكتور 👨‍🔬يطلب وظائف كلي وتطلع عالية ☹️🥴

👌أهم وأخطر حاجة بتحصل انه _نتيجة_المسكنات_ ..

👌المسكنات بتعمل تآكل وتليف_د في الأنسجة

👌وكمان بتقلل الدموية اللي واصلة ليها🩸
🤷‍♂️ وتكون النتيجة 🥵

🤦‍♂️ياااه
المسكنات تعمل كل دا

أيوا المسكنات عمال علي بطال تعمل كدا ..فعلا فشل كلوي

🤷‍♂️ طب نعمل إيه 🤔

✅ بلاش ناخد المسكنات 💊بكميات كبيرة أو فترات طويلة وبدون إشراف طبي👨‍🔬

✅ نقلل جرعات المسكنات علي قد ما نقدر ☺️

✅ لو مضطرين ناخد المسكنات بصفة مستمرة عشان وجع في المفاصل🦵 .. لازم نتابع علي طول

✅ نستخدم البدايل 🤕علي قد ما نقدر زي مثلا المسكنات الكريمات الموضعية والكمادات الموضعية سواء سخنة أو بارد

✅ لو في ألم في المفاصل 💪🦵 او العضلات يفضل استخدام الجل الموضعية حتى يتم استشارة الطبيب المختص 👨‍🔬

✅ حافظ علي كليتك
👌اشرب مايةكتير 🚰علي الأقل من 3 – 4 لتر يوميا

👌قلل #الملح🧂 والمواد الحافظة في أكلك

👌راقب ضغطك وسكرك بانتظام 🩸

🤷‍♂️ وطبعا أهم نصيحة التوقف عن #التدخين🚬، وممارسة التمارين الرياضية🏃‍♂️، وتناول الغذاء الصحي

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

24/03/2026

ورجعنالكم تاني بعد شهر رمضان الكريم وبعد عيد الفطر المبارك 🫶🏻

ونرحب بتواجدكم في عياداتنا 😍
واستفساراتكم علي أرقام تليفوناتنا 🤍
وبنتمني دايما نكون عند حسن ظنكم 🙏🏻

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

20/03/2026

الأعياد مناسبات جميلة للفرح والسرور 🎉🎊🪄 وتفريج شحنات من الطاقة السلبية 😭والتوتر 🥺 طول السنة في شغل أو دراسة أو الحياة الصعبة

🫵🏻 فعلا هيا كدا بس هيا اكتر حاجة بتفكرك وبتفكرنا اننا لسه موجودين 😍 واننا متكاتفين 🤝 واننا سند بعض وفي ضهر اخواتنا 🫶🏻

شوف أخوك اللي انت مزعله 🫣 .. صاحبك اللي انت مضايقه 🤛🏻
رفيقك سواء زوج أو زوجة انت جيت عليه 😡

انتهزها فرصة وصالح كل اللي مضايق منك أو انت مزعله 🙏🏻

ابتدي انت الأول حتي لو كان هوا اللي جيه عليك وضايقك

الحياة بسيطة وسريعة واللي عدا من العمر كتير والباقي هوا القليل ✊🏻

تحياتي 🙏🏻لكل الناس الجميلة اللي وقفت معايا والناس اللي مكانش عندها فرصة تقف ليا

بتمني ليكم كلكم عيد سعيد كله بهجة وسعادة وصحة وعافية ❤️

♥️
♥️

19/03/2026

🌙✨ عيدكم مبارك ✨🌙

مع نسمات العيد وفرحته،
نهنئكم بحلول عيد الفطر المبارك،
سائلين الله أن يتقبل منكم الطاعات،
وأن يرزقكم السعادة ودوام الصحة والعافية.

عيد سعيد عليكم وعلى كل من تحبون 🤍

24/02/2026

كل سنة وانتوا طيبين 🤍🤍

✊🏻 رمضان دايما بيجي بكل الخير والبهجة والسعادة
🫵🏻 شهر مبارك بنقوم فيه بمجهود كبير من العبادات .. الصيام والصلاة وصلة الأرحام

🤕 لكن دايما بتواجهنا فيه مشكلة كبيرة ودا بيحصل مع كل الفئات العمرية
☝🏻 ممكن المشكلة دي مكانتش ظاهرة زمان لان فعلا الأكل كان صحي وحياتنا أبسط وخالية من جو التوتر والقلق 🤗

لكن بقيت المشكلة دي أكبر وأعمق وبتواجه كتير مننا 😭

وهي

🩺 بقي كتير مننا بيشتكي من ألم جامد في فم المعدة وحرقان شديد يطلع علي صدره وممكن يكون معاه شوية ارتجاع وصعوبة في البلع وانتفاخ شديد في البطن

طبعا مش الصيام هوا السبب 🫣
انما عاداتنا الخاطئة مع الصيام والافطار في رمضان هيا السبب 🫵🏻

🫣 كتير مننا بيفطر علي مشروبات تكون مسكرة وساقعة جامد ويشربها بكميات كبيرة وبسرعة

🫣 برده كتير مننا بيلاقيها فرصة ياكل كل أنواع الأكل وبكميات كبيرة ولا كأنه أكلها ولا شافها قبل رمضان

🫣 ويا سلام بقي لازم تكون طربيزة الفطار مليانة بكل أنواع الفراخ واللحوم والمسبكات ولازم طبقين تلاتة مخللات يكونوا موجودين

🫣 اه ما تنساش الحلويات والكنافة والقطايف واللازي منه بالسمن البلدي لازم بعد الفطار علي طول عشان مفيش وقت قبل صلاة التراويح

🫣 ولازم نشد أو حتي نحبس ب لترين بيبسي عشان نلحق نهضم قبل السحور

🫣 والجماعة المدخنين عاوز يلحق يعدل دماغه قبل ما يدخل علي الفطار الجامد
فيبتدي فطاره بسيجارتين 🚬 عشان يعوض حرمانه طول اليوم من التدخين

🫣 ولازم ولابد نضرب لينا نصاية نوم قبل صلاة التراويح أو حتي بعدها مش اشكال عشان نلحق نستعد للسحور

🫣 وكوباية الزبادي المتينة في السحور عشان تحميك من الحموضة اللي هتجيلك تاني يوم وانت صايم

🩺 طب نعمل ايه عشان نحمي نفسنا من الحموضة دي في رمضان

الموضوع بسييييييط والحل أبسط 😁
انك ما تعملش كل الحاجات الغلط اللي قولناها فوق

❌ يعني بلاش تبتدي فطارك بمشروب ساقع وكله سكريات زي السوبيا والتمر الهندي

ولكن اتبع سنة الرسول عليه أفضل الصلاة والسلام
تمر ولبن أو ماية
ودا علميا ثبت انه أصح فطار عشان انت بتجهز معدتك علي الهادي بعد صيام اليوم الطويل دا
وبعد كدا كل واشرب اللي انت عايزه

❌ بلاش تملا معدتك بكل أصناف الأكل .. الأكل مش هيطير لا في نفس اليوم ولا الأيام اللي بعد كدا
قسم أكلك ونظمه

❌ بلاش التسارع في الاكل والشرب .. كل وامضغ بهدوء وادي نفسك فرصة عشان هضمك يكون سليم

❌ مش لازم تكون كل الأصناف مقليات ومسبكات ولحوم وبط ومحاشي .. ادي فرصة للفسلاطة والخضروات والفاكهة 🥙

❌ بلاش شرب الماية الكتير والمشروبات الغازية مع الاكل أو بعد الأكل مباشرة ولو كان ولا بد ممكن شوية علي قد ما تعرف تبلع
وكباية الشاية بالنعناع حلوة تريح بطنك ☕

❌ بلاش النوم بعد الفطار او السحور .. انزل اتمشي 🚶🏻‍♂️ شوية وصلي التراويح او الفجر هتعرف تنام مستريح بدون حموضة ولا تخمة

☝🏻احنا بننصحك ونوجهك عشان ما توصلش لمرحلة اللف علي الدكاترة 👨🏻‍⚕️

خد الموضوع 🤗 ببساطة مش عشان خاطر رمضان انما عشان صحة جهازك الهضمي

انت اللي في الاول وفي الآخر المتضرر 🤕

( )

تتمني لكم صوماً مقبولاً وإفطاراً شهيا

♥️
♥️

19/02/2026

رمضان شهر الرحمة والمغفرة🥰🥰
بعودة الأيام الجميلة اللي كلهاخير وبركة 😍😍😍
بتمني ليكم الخير والسعادة

16/02/2026

🛑أخطر وقت في رمضان مش وأنت صايم…
أخطر وقت هو أول 5 دقايق قبل الفطار.

⚠️ الـ 300 ثانية دول ممكن يكونوا الفرق بين إنك تفطر وسط عيلتك، أو تقضي العيد في المستشفى.
جسمك في رمضان بيتكلم..
لو مفهمتش لغته،
الصيام يفقد توازنه بسبب تصرفات غلط.

⛔️ 10 أخطاء بتحصل قبل الفطار كل يوم…
وأغلب الناس مش واخدة بالها إنها خطيرة.

1️⃣ فخ "أول سيجارة" (صدمة الشرايين) 🚬
• الحكاية: الآذان أذن، وأول حاجة لمست ريقك هي السيجارة وفنجان القهوة.
• اللي بيحصل: النيكوتين بيعمل (Vasoconstriction) يعني بيخنق الشرايين فجأة والدم لزوجته عالية. لو في جلطة مستخبية، ممكن يزود خطر انسداد الشريان خاصة لو عندك ضيق سابق، وده ممكن يسبب ذبحة صدرية.
• الحل: ممنوع نكسر الصيام بنكوتين. ابدأ بـ 3 تمرات ومية، واستنى 10 دقائق وبعدين السيجارة تكون بعد وجبة كاملة.

2️⃣ غيبوبة "البسبوسة" (المخ بيفصل شحن) 🍰
• الحكاية: مريض سكر فطر "ودبّها" وحلّى بسبوسة، وفجأة بدأ "يخرف" وكلامه يتقل.
• اللي بيحصل: لما السكر يعلى جدًا مع جفاف شديد ، الدم بيبقى تقيل (Hyperosmolar State). الدم ده بيسحب المية من جوه خلايا مخك لبره، فالمخ "ينكمش" والمريض يتوه.
• الحل: اشرب مية كتير جداً وقيس السكر فوراً، ولو في غياب عن الوعي لازم مستشفى حالاً.

3️⃣ "غمامة العين" (انفجار الضغط) 👁️
• الحكاية: مريض ضغط فطر على حوادق ومخللات، وبعد ساعة شاف "غمامة سودا" قدام عينه.
• اللي بيحصل: الأملاح سحبت مية كتير للعروق فجأة، ارتفاع مفاجئ في الضغط ممكن يؤثر على شرايين الشبكية ويسبب تشوش مفاجئ في الرؤية، وأحيانًا نزيف.
• الحل: وقف أكل، قيس ضغطك وخد علاجك. لو الرؤية فضلت مشوشة لازم دكتور رمد.

4️⃣ "وقعة الحمام" (جلطة الفجر) 🚿
• الحكاية: الوالد قام يتوضأ للسحور وفجأة وقع في الأرض ووجهه اتغير.
• اللي بيحصل: دي (Early Morning Stroke). لزوجة الدم في قمة نشاطها وقت الفجر بسبب قلة المية طول الليل. الجلطات أكثر حدوثًا في الساعات الأولى من الصبح، خصوصًا مع الجفاف وقلة السوائل.
• الحل: نيمه على جنبه واطلب الإسعاف فوراً. الثواني بتفرق في نجاة خلايا المخ.

5️⃣ "نهجان الأم" (الذبحة الصامتة) 👩‍🍳
• الحكاية: الأم بتهلك نفسها في المطبخ قبل المغرب، وفجأة تنهج وتقول "نفسي مقطوع يا ولاد".
• اللي بيحصل: عند الستات، القلب لما "بيتعب" مبيوجعش الإيد، بيعمل "نهجان مفاجئ" لأن القلب مش قادر يضخ دم كفاية مع المجهود والحر.
• الحل: تخرج من المطبخ فوراً لمكان هاوي وترتاح. لو النهجان استمر لازم رسم قلب.

6️⃣ "خدعة إبريق المية" (سراب العطش) 💧
• الحكاية: تشرب كمية مية ضخمة قبل الفجر بدقيقة "عشان تخزن".
• اللي بيحصل: الكلى بتعتبر المية الكتير دي حمل زايد (Diuresis) وبتطردها كلها في أول ساعتين صيام، وتاخد معاها أملاح مهمة، وهتكمل يومك عطشان أكتر.
• الحل: كوباية مية كل ساعة من الفطار للسحور. والسحور لازم فيه بوتاسيوم (موز/زبادي) عشان يحافظ على السوائل.

7️⃣ "دواء الغدة" (كأنك مأخدتوش) 💊
• الحكاية: واحدة بتاخد دواء الغدة مع آذان المغرب وسط الأكل.
• اللي بيحصل: دواء الغدة حساس جداً، الأكل والدهون بيمنعوا امتصاصه تماماً. هتخلصي رمضان بجسم منفوخ وخمول لأن الغدة "واقعة".
• الحل: الحباية يا قبل السحور بساعة (على معدة فاضية)، يا قبل الفجر مباشرة.

8️⃣ "انتحار السيولة" 🩸
• الحكاية: مريض قلب بيوقف دواء السيولة (بلافيكس) عشان "بيتعب معدته" في الصيام.
• اللي بيحصل: الصيام بيزود تجلط الدم طبيعي، وتوقيف الدواء بيخلي الدم "يجبّن" في العروق و"يرفع خطر حدوث جلطة بشكل كبير."
• الحل: خد الدواء في نص الأكل، واطلب من دكتورك دواء لحماية المعدة.

9️⃣ "مسكنات السحور" (خرم المعدة) 💊
• الحكاية: ياخد مسكن قوي على السحور عشان ما يصدعش الصبح.
• اللي بيحصل: المسكنات بتهري جدار المعدة، ومع معدة فاضية طول النهار، حمض المعدة بياكل في الجدار ويعمل قرحة نازفة.
• الحل: استبدله بـ "باراسيتامول"، واشرب مية كتير طول الليل.

🔟 "توهان السواقة" (الإنذار الأخير) 🚗
• الحكاية: وأنت سايق قبل المغرب، حسيت إنك مش عارف أنت فين، وعرق بارد نزل عليك.
• اللي بيحصل: سكرك وصل لمرحلة حرجة (Critical Level). مخك بدأ يفصل شحن وأي قرار غلط ممكن ينهي حياتك.
• الحل: اركن فورًا وافطر…
أي تأخير في الحالة دي ممكن يعرّضك ويعرّض غيرك لخطر.

"قولولي في التعليقات…
مين فيكم بيعمل حركة السيجارة أو يشرب إبريق مية قبل السحور وهو فاكر إنها آمنة؟"

💡 آخر 5 دقايق قبل الفطار…
يا إما تعدّي عادي،
يا إما تفتح باب طوارئ.
لو شايف إن المعلومة مهمة، خلّيها توصل لغيرك.
للفائدة

08/02/2026

ايه هي دوالي الساقين‼️

دوالي الساقين (Varicose Veins) دي عبارة عن أوردة تمددت أكبر من حجمها الطبيعي وبتكون عادة موجودة علي الساقين وتظهر بألوان زرقاء أو بنفسجية

🩺 وهي بتحصل نتيجة ضعف أو تلف الصمامات الموجودة بصورة طبيعية في الأوردة خاصة أوردة الساقين واللي بتمنع الدم من الرجوع إلى الخلف أو أسفل ودا بيسبب تراكم الدم 🩸 داخل الأوردة

✊🏻 طب ايه الأسباب ورا حدوث دوالي الساقين

1️⃣ ضعف جدران الأوردة أو الصمامات الوريدية ودا غالبا نتيجة عوامل وراثية وهنلاقي تاريخ عائلي بالدوالي

2️⃣ السمنة المفرطة وزيادة الوزن بتعمل ضغف في الأوردة وفي الأنسجة الداعمة ليها

3️⃣ الوقوف أو الجلوس لفترات طويلة بدون أي فواصل

4️⃣ الحمل 🤰🏻 ودا نتيجة زيادة ضغط الرحم على أوردة الحوض ونتيجة التغيرات الهرمونية في جسم السيدة الحامل 🤰🏻

5️⃣ تقدم السن لان الأوردة بتفقد ساعتها مرونتها

6️⃣ نقص الحركة أو عدم ممارسة الرياضة بانتظام وخاصة المشي

🫵🏻 طب ممكن تشتكي من ايه لو عندك دوالي

✅ أول حاجة هتلاقي أوردة بارزة ومتمددة خصوصًا خلف الركبة أو في الساق .. في الاول بتكون شعيرات صغيرة زي ارجل العنكبوت كدرجة اولي وممكن تزيد مع الوقت لغاية ما تلاقي كتل من العروق ظاهرة بشكل منفر

✅ ثقل أو ألم في الساقين خاصة في نهاية اليوم

✅ تورم القدم أو الكاحل مع انك مش بتشتكي من أي مشاكل صحية نهائي

✅ تشنجات عضلية او cramps ..شد عضلي بصورة متكررة

🩺 أول وأهم حاجة هتنطلب منك انك تعملها هي

دوبلر بالموجات فوق الصوتية أو دوبلكس (Doppler Ultrasound) لتقييم تدفق الدم في الأوردة ومرونة الصمامات وتحديد درجة الدوالي

🫵🏻 لو مش عايز تجيلك الدوالي خللي بالك معايا مع اللي هاقوله هنا
❌ بلاش تلبس الملابس الضيقة خاصة في منطقة الخصر أو الساقين

❌ حاول تتفادي الوقوف لفترات طويلة وبرده القعدة لفترات طويلة

✔️ حافظ علي ممارسة الرياضة 🏃🏻‍♀️ بانتظام وخاصة المشي 🚶🏻‍♂️أو الجري 🏃🏻‍♀️ لان دا هيقوي عضلات الفخذ والساقين ويزيد من قوة الأنسجة الداعمة لأوردة الساقين

✔️ لو انت مضطر تقف أو تقعد لفترات طويلة بننصحك وبشدة بارتداء شراب الدوالي ودا شراب طبي بيحافظ علي اوردة الساقين وبيحمي من جلطات الساقين اللي ممكن تحصل كمضاعفات للدوالي 🫣

✔️ طبعا لازم تحافظ على وزن صحي ومثالي ودا مش عشان تحمي نفسك من دوالي الساقين انما دا في العموم هيحميك من أمراض كتيرة بتيجي مع السمنة

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

06/02/2026

✊🏻 كيف تدمر كبدك في ٣ خطوات ‼️

1️⃣ تناول زيوت مهدرجة ( الاكل الجاهز والسمن الصناعي والجبن النباتيه )

2️⃣ تناول سكريات كتير خصوصا سكر الفراكتوز (اي حلويات او مشروبات من خارج المنزل )

3️⃣ التدخين 🚬 والكحوليات 🥂

⭕️ كبدك هو جيشك ضد اي سموم تدخل جسمك فلا تحارب جيشك 🙏🏻

🫵🏻 كيف تحافظ على كبدك من التلف ‼️

1️⃣ الاكثار من تناول الخضروات الطبيعية خاصة البصل والثوم
لإن دي مضادات أكسدة طبيعية تحمي كبدك

2️⃣ استخدام زيت الزيتون كمصدر الدهون الاساسي في الطهي بدلا من الزيوت الصناعية

3️⃣ شرب الشاي الاخضر كمشروب اساسي يوميا

4️⃣ الاكثار من تناول المكسرات الصحيه ( لوز و جوز )

5️⃣ تقسيم الوجبات الي ٣ اجزاء متساويه ( بروتين حيواني او نباتي - نشويات معقده - خضروات )

6️⃣ الابتعاد عن مدمرات الكبد ( الزيوت المهدرجه - السكريات البسيطه - التدخين 🚬 - الأدوية الكتير وخاصة المسكنات 💊 )

🫷🏻من اكبر نعم ربنا على الانسان ان خلايا الكبد التالفة بتتجدد ذاتي وتقدر ترجع لنشاطها وتأدي دورها علي اكمل وجه

🫷🏻 حافظ علي كبدك تحافظ علي حياتك

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

05/02/2026

أسئلة كتير أكيد بتدور في ذهنك لما تعرف ان فيه لا قدر الله عندك أو عند حد عزيز عليك

🤔 ليه وامتي بنشيل #المرارة ؟

🫵🏻 أكيد أخدت بالك إن #المرارة لما بيتكون فيها حصوات أصبحت مؤذية 😫 ومش تنفع نستني عليها

✅ #المرارة بتتشال عشان بقي يجي فيها التهابات فممكن تلاقي ألم شديد في بطنك وبيتكرر ويزيد مع الوقت ومش بقي يستجيب للعلاج

✅ وكمان بتتشال عشان هيا ممكن تعملك مضاعفات خطيرة زي لما حصوة تنط في القناة المرارية أو خوف من المرارة يحصل فيها التهابات شديدة وحادة تعملك صديد عليها

✊🏻 طب امتي أشيل #المرارة ؟؟
✅ لو المرارة فيها حصوة كبيرة .. امممم
لو بتشتكي منها تتشال طبعا
ولو مش بتشتكي منها واكتشفتها بالصدفة زي مثلا وانت بتعمل سونار متابعة علي البطن والحوض .. ساعتها لو مستعد نفسيا وحابب تشيلها .. توكل عل الله .

✅ لو #المرارة فيها حصوات كتيرة وصغيرة دي تتشال علي طول سواء انت اشتكيت منها ولا لأ لانك كدا كدا هتشيلها
دلوقتي أو بعدين بس ليه تتسني لغاية ما تتزنق ويكون فيها صديد ومشاكل كتيرة

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

29/01/2026

✍️ لما تبتدي تشتكي من ألم جامد في فم المعدة أو الجنب اليمين👨🏻‍⚕️👌 من بطنك وخاصة لو معاه ترجيع🤮 ساعتها لازم تحط في بالك انه ممكن يكون عندك التهاب أو حصوات في #المرارة

https://behealthyclinics.com

✍️يا ريت تروح لطبيب متخصص مش أي دكتور في عيادة ولا صيدلية تاخد منه المسكنات والسلام😎👌

الدكتور المتخصص👨🏻‍⚕️✍️ هيطلب منك مبدئيا أشعة 🩻سونار علي بطنك عشان يقدر يشخصك مظبوط 👌👨🏻‍⚕️

✍️ولو طلع في الأشعة ان #المرارة ملتهبة أو فيها حصوات .. يبقي مرارتك للأسف عايزه تتشال 🫤

✍️حبيبي تعالنا بقي يا حلو..فينك من بدري

عشان الألم اللي موجود عندك دا نتيجة التهابات شديدة في مرارتك 🧐

✍️الالتهاب اللي عندك دلوقتي لو مش اتصرف المرارة هتتحول لكيس صديد وتقلب التهاب بريتوني 👨🏻‍⚕️👌

👈حصوة تنزلك في القناة المرارية بتاعة كبدك وتعملك انسداد صفراوي وقصصصة طويلة بقي من المعاناة
😥😥😥😥😥

✍️عشان كل دا ممكن مش نعرف أصلا نشيلهالك بالمنظار وهنضطر نعملها جر*احي .. ياالا الهول

👈كل اللي فات دا مش بنقوله كج*راحين عشان نخوفك وتعمل عملية #المرارة

👈دا فعلا حقيقي وأقل بكتييييير جدا من اللي بيحصل في الواقع لو ما شيلتش المرارة 😞

👈نشيل المرارة بالمنظار ولا فتح ج*راحي

✍️هل فيه ضرر من شيل المرارة ؟

عشان تعرف الاجابة علي كل الأسئلة دي تابعونا

ة

بتمني ليكم كل الخير والسعادة♥️

للتواصل
01033400687
01063690956
01022551357

♥️
♥️

دكتور محمد أبو فطيرة Dr. Mohamed Abou Fateera

16/04/2026

26/03/2026

24/03/2026

20/03/2026

19/03/2026

24/02/2026

19/02/2026

16/02/2026

08/02/2026

06/02/2026

05/02/2026

29/01/2026

Address

Telephone

Website

Alerts

Contact The Practice

Shortcuts

Share

Category

عيادات بي هيلثي كلينيك المتخصصة