Diet and Nutrition Tips

06/09/2022

انهارده جايالكو بمنتج جديد👏👏📣📣🎉
مفيد و صحي جدا و ينفع بتاخد كوجبه او حتي snacks.. و كمان الاطفال و الكبار هيحبوه و هوzero protein bar 🍫🍫🍫🍫
البروتين بار ده ينفع للناس الي مانعه نشويات لانه في نسبهcarbohydrates قليله جدا و نسبه بروتين عاليه و مفيش اي سكر مضاف ليه...و ينفع لمرضي السكر و الناس الي ماشيه ع دايت عالي البروتين و هو مشبع جدا و ممكن نديه للاطفال في المدارس حتي بديلا للحلويات
الnutrition facts للقطعه الواحده هي:
163 kcal
30 gm protein
4 gm carbohydrate
3 gm fats
0 gm suger

في منها انواع كتير جدا..بالفواكه و الشيكولاته او حتي القهوه و بجد حلوه جدا
جربوها و قولولي رأيكو و لو حد جربها يقولنا عجبه انواع ايه و فادته في الدايت بتاعه ولا لا

05/06/2022

🪀- حقيقة خبز التخسيس🥠:
🔹🔹🔹🔹🔹🔹🔹🔹🔹
🔹- الخبز 🥠 من ثوابت المائدة فى أغلب الوجبات ويعد الإفراط فى تناول الخبز من المسببات الأساسية للسمنة ، لذلك يلجأ الكثير من راغبى خسارة الوزن فى تناول الخبز البنى أو العيش السن ظنآ منهم أنه أقل فى السعرات الحرارية ، ولا يسبب زيادة الوزن بل و قد يفرط البعض فى تناوله.

🔸- والحقيقة عكس ذلك أيا كان نوع الخبز فإن السعرات الحرارية واحدة ، حيث أن الحصة الواحدة هى ٢٥ جرام من أى نوع من الخبز بلدى🥠، فينو🥖، شامى ،توست أبيض🍞، توست بنى ، توست كامل الحبة ، عيش سن 🥠يحتوى على نفس السعرات الحرارية حوالى ٨٠ سعر حرارى.

▪️- والاختلاف بينهم فقط فى الدقيق المستخدم ونسبة الألياف الطبيعية، فإن الخبز البلدى والخبز أو التوست البنى أو كامل الحبة يحتوى على نسبة أقل من الدقيق الأبيض و نسبة أعلى من الألياف لذلك هو صحى أكثر من الأنواع الأخرى التى تحتوى على الدقيق الأبيض فقط مثل الفينو والشامى.

🔺- لذلك ننصح جميع من يرغب في فقدان الوزن الزائد بالتقليل من تناول الخبز أيا كان نوعه فلا يوجد نوع خبز منخفض السعرات.

🏩-عنوان المعهد القومى للتغذية:
- ١٦ شارع القصر العيني - بجوار معهد السكر, القاهرة.

📍google map : https://bit.ly/2svEJWM.

- لمعرفة المزيد عن المعهد القومي للتغذية والخدمات التي يقدمها المعهد ندعوكم لزيارتنا عبر الموقع الرسمي:
http://nni-egypt.org/

08/02/2022

صباح الخير 👏❤😍
انهارده جينالكو بمنتج جديد في ناس تعرفه و ناس مسمعتش عنه🔇
كلنا بنحب الشيكولاته و الnutella طبعا لكن عشان نحافظ ع نظامنا الصحي بنقلل او نمنع معظم انواع الشيكولاته دي.
عندنا بقي بديل انهارده للnutella و هو ال
healthy spread😋
دي شيكولاته شبه النوتيلا لكن مفيهاش سكر..و طعمها حلو جدا لا يختلف ع الشيكولاته العاديه..هي مناسبه جداا لمريض السكر، للاطفال ،للناس الي بتعملdiet و كمان في منها عادي و للvagan..و للرياضين لانه في نوع في بروتين زياده..فيها زنك و vitamin c و omega 3 للمناعه لذالك تنفع للاطفال.

ممكن في وجبه خفيفه من الساعه ٦ ل ٨ مساءا ناخد منها معلقه واحده و دي تساوي ٦٠ كالوري و معاها موزه او ٤ فراوله😋😋
بس كده ده بوست انهارده و قولولنا تجربتكو مع الشيكولاته دي لو حد جرابها و لو محدش جرابها اكتبولنا تحت اي استفسارات ليكو🌷❤😍😍🤝

10/08/2021

معلومه مهمه لاكيله السوشي sushi😎

خلي بالكو زياده اكل السوشي و خصوصا الساشيمي sashimi بيقلل نسبه vitamin B1 و ده بسبب وجود انزيم thiaminase في السمك الني و الي بيكسر vit B1 لذلك ينصح باخد هذا النوع من الvitamin ك مكمل غذائي لتجنب نقصانه💪

20/07/2021

صباح الخير❤😍
كل عيد و انتم بخير و متابعينا و اسرهم بكل خير..انهارده اول يوم عيد و طبعا مفيش بيت مصري بيخلو من الاكلتين دول..و مفيش مانع الي عامل دايت ياخد انهارده بريك صغير في وجبه الغذا😂❤
دي الnutritional facts للفته و الرقاق ..يعني مثلا كل ١٠٠ جرام رقاق فيه كالوريز اد ايه و هكذا للفته..و الصور هتشرحلوكو اكتر..

هسيبلكو لينك الصفحه لو حابين تشوفو عندها معلومات تانيه عن انواع اللحوم..و ازاي تسوي الفته مثلا بشكل صحي ..الصفه دي لموقع المعهد القومي للتغذيه و معلوماته دايما موثوق بيها❤😍
عيد سعيد عليكو كلكو❤
https://www.facebook.com/584062848414527/posts/2102253143262149/

11/07/2021

ازيكو كلوكو😍❤❤
انهارده البوست بتاعنا بيعرفنا الفرق بين الارز المصري و الارز البسمتي و هل البسمتي فيه سعرات حراريه اقل ولا لا و مين افيد لينا فيهم
كل الاساله دي هنعرفها في البوست ده😊

هل الارز البسمتي اقل في السعرات من المصري؟؟

الاجابه لا الاتنين زي بعض ،طب ليه دايما يتكتب في الدايت..اولا لان الارز البسمتي صحي اكتر و بيخلي الانسان يشبع و ده لانه بيرفع السكر في الدم ببطيء و ده بيخليه خيار كويس جدا لمريض السكر..كمان فيه نسبه الياف عاليه و ده بيخليه يفضل في المعده فتره فيزيد من الشبع و يعالج مشاكل المعده زي الامساك.

افضل طريقه لتسويه الارز البسمتي هو انه يكون مسلوق ده للي عايز يستخدمه في الدايت

هل ممكن استخدم الارز المصري في الدايت؟؟
اه ممكن لكن يفضل البسمتي و ده بسبب قدرتنا اننا نسلوقه فنقلل من نسبه النشا الي فيه.

هنزلكو جدول فيه السعرات الحراريه لكل طرق الارز بسمتي و مصري
شكرا ليكو❤😊😊😍😍

21/05/2021

رجعنا ليكو ب بوست مهم جدا و مش طويل خالص😂❤

في ظروف حياتنا و الضغوط الناس بقت بتشوفها و بتطلب منها التركيز في كل حاجه خلت الناس بقت تلجأ لمشروبات فيها كافيين كتير زي الشاي و القهوه لكن بيشربوها بمعدلات زياده عن اللزوم جداا.
انهارده هنتكلم عن ال
Turkish Coffe and American Coffe☕🥃
الاتنين فيهم نسبه كافيين عالي و زيادتهم مضره لانه بيزود الخطر الاصابه بامراض القلب.. القهوه التركي يسمح بفنجان /يوميا و القهوه الامريكي بسمح ب ٢ فنجان /يوميا

القهوه التركيه دي الي بيكون ليها وش كده و مشكله القهوه دي ان فيها نسبه كبيره من ماده اسمها cafestol و دي بتزود الrisk للزياده الكوليسترول و منها بتزود خطر الاصابه بامراض القلب.

طب هل القهوه الامريكيه افضل؟؟
الاجابه اه، ع الرغم انها مازالت نوع من انواع القهوه و زيادتها بردو مضره..الا انها نسبه الcafestol فييها قليله جدا عشان بيتم فلتره القهوه من الماده دي لذالك تسمي القهوه الامريكيه بالzero cafestol.

21/05/2021

مساء الخير❤
احنا بنعتذر عن الفتره الي منزلناش فيها بوستات..بس احنا رجعنا تاني و بنوعدكو اننا نكون موجودين عشان نرد ع اي استفسارات ليكو او لو حد عايز يتابع اونلاين مع دكاترتنا .

شكرا جزيلا😍

25/02/2021

انتظرونا قريبا في بوست كامل عن الكيتو دايت بكل تفاصيله و مميزاته و عيوبه😍❤
لو في اي استفسارات او اسئله ليكو ممكن تكتبوها في كومنت و نجاوب عليكو في البوست الي هينزل❤😎

25/01/2021

صباح الخير عليكو😍
انهارده هنتكلم عن اكله صحيه جدا اسمها ((جرانولا-Granula))
الجرانولا من الاكلات الصحيه جدا و الي بتزيد الاحساس بالشبع و تحسن الكوليسترول و السكر في الدم و يمد الجسم بالطاقه و يحسن الهضم والي ممكن تستخدم كوجبه فطار او عشا او وجبات بينيه الي هي الsnacks.

**مكونات الجرانولا:
المكون الرئيسي:
-حبوب شوفان: و دي مفيده جدا لانها تعتبر نشويات صحيه اسمها complex carbohydrate بتدي احساس بالشبع عشان مليانه الياف و بترفع سكر الدم ببطئ و بالتالي يمكن استخدمها لمرضي السكر
-اضافات: مكسرات،فواكه مجففه،قرفه،جوزهند .
-نوع التحليه: سكر ابيض، سكر بني،عسل ابيض.

**انواعها
-ياما نجيب وصفات تحضير ليها و نعملها في البيت و طبعا محدش بقي قادر يعمل حاجه في البيت 😅و لتوفير الوقت ممكن نستخدم الجاهزه و افضل نوع استخدمته فعلا و متحضره ع طول للاكل هو(( جرانولا ابو عوف-Abu Auf)) ..بطرمان ٤٠٠ مجم ب ٦٠ جنيه هحطلكو صورته تحت.
-جرانولا Abu-Auf كويسه للدايت كمان لانه نوع التحليه المستخدم هو العسل الابيض و سكر استيفيا و هو سكر دايتو بالتالي لما تاكلها مش هنضيف سكر تاني.

**ازاي ناكلها في الدايت و غير الدايت:
في الدايت يتم حسابها ضمن الاحتياحات اليوميه من السعرات الحراريه يعني من 60gm to 80gm هيكون كافي انه يستخدم لوجبه الفطار او العشا او الsnacks.
جرانولا ابو عوف ال28gm يساوي 120kcal👍

*طرق الاكل:😋
-من البطرمان ع طول كده و ممكن ناخد شويه في علبه معانا الشغل.
- او مع قطع موز و فراوله ممكن تحط معاهم ٣ معالق كبار جرانولا
-او ٣ معالق مع كوب شاي لوجبه الsnacks.
- او ٣ معالق ع الزبادي الايت او كوب لبن.

البوست مش دعايه..لكنه منتج صحي يستحق التجربه و استفدت بيه شخصيا👍❤
اتمني تكونو استفادتو و الي يعرف انواع تانيه من الجرانولا ياريت يكتبلنا🥣🍯

11/01/2021

صباح الخير عليكوا❤😍
بوست النهارده هنتكلم علي منتج موجود في كل حته اسمه 😋Fitness Toasties

المنتج ده حلو جدا لكل واحد او واحده عايزين يعملو دايت
ينفع يتاخد مكان وجبه الفطار مع كوبايه شاي كده او وجبه الsnacks في الشغل او حتي في العشاء.😋
اولا الكالوريز فيه مناسبه جدا و من اهم مكوناته الشوفان و الي هو مفيد في الدايت و غير الدايت لانه من نوعيه كاربوهيدرات اسمهاcomplex carbohydrate دي بترفع سكر الدم ببطيء و بالتالي بيكون مناسب كوجبه snacks لمريض السكر كمان و كمان بتزيد الاحساس بالشبع.

ملحوظه:البوست ده مش دعايه للمنتج لانه اصلا معروف..انا بس حبيت انقلكوا وجه نظري كNutriontist❤

14/09/2020

انهارده هنتكلم معاكو عن الصياام المتقطع و ال٦ طرق بتوعه و ازاي ننفذه💪💪❤
يالا بينا..
-1st method ➡️(16/8):
معناها اني اصوم ١٦ ساعه في اليوم و من ضمنهم ساعات نومي كمان و مسموح مياه و شاي و لما ببدأ في ال٨ سلعات اكل اكيد لازم اكل اكل صحي مروحش اكل كنتاكي مثلا😂😂
-2nd method➡️(eat stop eat):
هنا هنصوم ٢٤ ساعه كامله مسموح ميه و شاي فقط و دي بنعملها مره او مرتين في الاسبوع
باقي الاسبوع بناكل عادي بس بردو نخلي بالنا من الاكل الغير صحي ..ناكل منه قليل و الافضل نستبدل يالاكل الصحي.🍊🍉🍇
لو حسيتو ان ٢٤ ساعه دول صعبين ممكن نبتدي ب16-20 و نزود بعد كده ٢٤.
-3rd method➡️(the 5:2 diet):
هنا ناكل ٥ ايام عادي خالص و لمده ٢ يومين ناكل في معدل كالوريز يتراوح ما بين 500 ل 600kcal و ندور ع الاكل الي فيه كالوريز قليله عشان منوصلش ال٦٠٠ كالوري بسرعه زي الشوربه و السلطات و الفواكه
مش لازم يكون ال٥ ايام اكل و بعديهم ٢ صيام لا ممكن نبدل يوم و يوم براحتنا❤💪

-4th method➡️(the warrior diet):
ده نصوم ٢٠ ساعه في اليوم و مسموح خلالهم شاي ميه و فواكه و خضروات قليله و بعدين بليل ناكل وجبه واحده كبيره بس.
الوجبه بتاعت بليل بناكلها بترتيب معين و هي خضروات-بروتين-دهون-كاربوهيدرات.
-5th method➡️(leangains):
ده زي اول طريقه 16/8
الرجاله ١٦ ساعه صيام و البنات ١٤ ساعه و النظام ده للناس الي بتتمرن و تروح الجيم لانه عدد ساعات الي بياكلو فيها بيحددوها حسب جدول التمارين بتاعهم
و بنهتم بالhealthy carbs , fat and protien
-6th method➡️(fat loss forever):
ده بقي هنبوز يوم كامل عادي😂😋🌮🍕🥪🌭🍔🍟🍕 و بعده ع طول ٣٦ ساعه صيام.
و باقي الايام بتاعت الاسبوع هنكمل اي نظام من الي فوق.

⬅️⬅️بس كده نكون خلصنا ال٦ طرق بس اهم حاجه نعيد عليها هي انه في فتره الصيام دايما مسموح لبان بدون سكر ،ميه،شاي و في طرق تسمح بفواكه و خضراوات قليله.

⬅️⬅️ ايام او الساعاات المسموح فيها الاكل ياريت نلتزم بالكل الصحي بردو و منزودش في الحجات الغير صحيه عشان نجيب نتيجه افضل و اسرع❤❤

27/08/2020

08/06/2020

انهارده عايزين نتكلم عن معظم انواع الدايت الي ممكن تكونو سمعتو عنها او حتي مسمعتوش😂🤭
هنشرح اسماء فقط و بعد كده في البوستات الجايه ان شاء الله هنبين كل نوع بالتفصيل🍎🍎🍏🍏✔
انظمه الدايت نوعين:
اولا: "Nutritionally Balanced Diet" او "النظام المتوازن" او زي ما بحب اسميه"life style diet"✔✔
انواع الدايت ده:
1-DASH DIET
2-MEDITERRANEAN DIET

ثانيا:FAD Diet او المعروف بالtrendy diet و انا بحب اسميهshort term diet لاني مقدرش امشي عليه طول عمري لانه استمرارنا فيه ممكن يجي بتأثير سلبي ع صحتنا
انواع الدايت ده هم:
1-Keto Diet
2-Atkin Diet
3-Paleo Diet
4-Intermediate fasting
5- vegan diet
6-vegetarian diet
7- weight watcher
8-cabbage soup diet
9-western diet"BAD DIET"

انواع الدايت كتيره اوي و كل يوم بيطلعو بي انواع اجدد..اهم حاجه يكون عندنا اراده اننا نخس..بس نخس و نحافظ ع جسمنا و صحتنا في نفس الوقت...الfad diet صحيح بتنزل الوزن بسرعه بس بردو بتتعب الجسم ع المدي الطويل و ده غلط ..اما الbalanced اه بيخسس ببطء بس انا بكسب معاه جسم صحي و نظام حياه اقدر امشي عليه العمر كله✔✔
البوستات الجايه هنتكلم عن كل نوع و هنعرف العيوب و المميزات ان شاء الله🍊🍋🍌🍍🥭🍎🍏🍐🍉🍈🍇🍓🍒

02/06/2020

هنتكلم انهارده عن نوع من انواع الدايت الخاص بمرضي الضغط و هو الDASH DIET.
مريض الضغط لو اهتم باكله و اتبع نظام غذائي من السهل جداا ان يقلل ضغطه من 8 ل 14 درجه من systolic pressure و بالتالي بدل ما كان مثلا بيستخدم ٣ ادويه للضغط يقلو ل ٢ دوا..والي بيستخدم ٢ دوا يقل ل دواء واحد او يقلل الجرعات و ده طبعا بالرجوع الي الطبيب..لكن النظام الغذائى الصحي من اهم الوسائل لتقليل ضغط الدم.
DASH DIET= dietary approaches to stop hypertesion.
الدايت ده يعتمد ع الفواكه و الخضروات و استخدام عناصر غذائيه غنيه بالبوتاسيوم و نستخدم البان و نقلل طبعا الصوديوم و الملح و اللحوم الحمراء🥩🧂
بصو بقي..الدايت ده لا يزيد عن2000kcal/ Day.
-الخضراوات لازم في ال ٣ وجبات و تكون 1/3 الطبق.
-الفواكه من ٣ الي ٤ ثمرات متوسطه الحجم .
- اللحوم مره واحده اسبوعيا/ ٣ مرات سمك اسبوعيا/٣ مرات فراخ اسبوعيا.
-السكرياات نقللها جدا و الصوديوم لا يزيد عن2300mg/day
-النشويات من 7-8 وحدات في اليوم .
هنحط صور للاكل الي غني بالبوتاسيوم عشان نحرص علي انه يكون في اكلنا . و هنحط خطوات ازاي نقلل الملح في الاكل و هنجمع ليكو الDash diet❤😍

ااااهم نقطه👌📢📢📢📢📢📢📢
هو انا لازم اكون مريض ضغط عشان امشي علي الدايت ده؟؟!
الاجبابه =لا..عادي ممكن اكون شخص طبيعي و امشي عليه و بالعكس ده مفيد جدا جدا لاي حد بسبب احتوائه ع الخضروات و الفواكه الكتير🤩

اي استفسار ممكن في الكومنتات تحت و هنجاوب عليكو🤭❤

30/05/2020

موضوعنا انهارده ان التفاح بيخسس🍏🍎😱
تعالو نعرف ازاي؟🤭
اول حاجه التفاح ده من افضل الفواكه في الدايت او حتي للناس الي مش عامله دايت. ليه فوايد كتير جداا تعالو نعرفها.
١-اول حاجه التفاح بيشبع جدا و يقلل الشهور بالجوع بالتالي استهلاكنا للاكل هيقل و ده لانه فيه ماده (pectin) الي هي نوع من انواع الالياف اول ما نسمع الالياف يجي بالنا انه علاج كوييس للاسهال و الامساك لانه بيظبط الهضم ..كمان الالياف الي فيه مفيده لمريض السكر و بيعزز افراز الانسولين من البنكرياس و بالتالي بيظبط السكر في الدم.
٢- كمان التفاح بيقلل امتصاص الدهون من الاكل بسبب ماده pectin الي فيه
٣-بيحرق الدهون كمااان و بشكل سريع لانه بيزود معدل الحرق بتاع الجسم و بالتالي يحرق السعرات الزايده.
كدا عرفنا ازاي التفاح بيخسس🤭🤭
بس طبعا مينفعش ناكل كتير منه لان كل حاجه تزيد عن حاجتنا هتتقلب ضدنا🤦‍♀️😂
كفايه نحافظ دايما انه ناكل تفاحه واحده/يوميا .🍎

29/05/2020

انهارده هنتكلم عن حاجه مضره جدا جدا
و للاسف هتلاقي معظمنا كبار و صغيرين بيستهلكها بشكل كبير و هي ((شراب الفركتوز))🍯
طيب ليه؟؟
اول حاجه نعرف هو ده عباره عن ايه..ده ماده مسكره كده بيستخدموها في المصانع و المنتجات عشان رخيصه جداا .. تستخدم في كتير من الحلويات الشرقيه و الغربيه و التورت و المشروبات الغازيه كلها و البسكوتات و كيك الهوهوز و الشيكولاتات...عارفين لما تجيبو تورته فواكه و تلاقو عليها طبقه شفافه كده هي دي شراب الفركتوز.

طيب ماله يعني شراب الفركتوز ده 🤔🤔؟
١-اول حاجه ده بيرفع الدهون الضاره في الدم زي LDLو TG و بيعلي الكوليسترول و بالتالي بيعمل دهون ع الكبد fatty liver و كمان كتر استخدامه يدخل في التهاب البنكرياس الحاد و هوacute pancreatitis.
٢- بيعلي السكر في الدم جدا جدا و بالتالي نخاف ع مرض السكر منه.
٣- بيزود الوزن بشكل كبير و اسرع من السكر العادي الي هو كارثه كمان😅.
٤- بيزود احتماليه الاصابه بالسرطان..لان الخلايا السرطانيه بتاخده و تتكاثر بشكل سريع و ممكن يعمل سرطان البنكرياس.

ناقص نعرف اسماءه بالعربي و الانجليزي😎
شراب الفراكتوز-شراب الذره-شراب الجلوكوز
Fructose syrup-glucose syrup-corn syrup-HFCS

29/05/2020

عايزين نتكلم انهارده عن مبدأ مهم جداا
هو احد مبادئ الجوده الشامله..لكن هو من السهل استخدامه في كتير من مجالات الحياه خصوصا التغذيه العلاجيه و النظام الغذائي. و هو قانون العالم PARETO

ده عالم حط قانون بيقول بطريقه مبسطه انه اذا استطعنا تحسين 20% من العوامل المسببه لأي مشكله هنقدر نوصل ل80% من الهدف الي عايزين نوصله.😱

طيب ده هيفيدنا بايه في علم التغذيه العلاجيه و الدايت🤔

ببساطه مثلا لو عرفنا نحسن نظام اكلنا بس و ناكل خضار كتير و الياف كتير هيفيد جدا في تحسين مشكله كبيره زي مرض السكر💪
او لو قررنا كل يوم نمشي نص ساعه و مع تقليل نسبه الملح في الاكل و المخللات و الجبن الصفرا هنساعد جدااا في تقليل ضغط الدم💪💪
و حجات غير كده كتير...غير انه احساسنا في السيطره ع 20% من الاسباب و ناخد نتيجه كبيره ب 80% ده بيدينا طاقه ايجابيه و حافز كمان اننا نوصل لتحقيق الهدف بنسبه100%
ده قانون كنا حابين نعرفه لحضراتكو و بعد كده ان شاء الله هنبتدي في Our Nutrition and Diet Tips