https://www.facebook.com/104180538127861/

Dr.Mohamed Shalaby Clinic, ٤شارع ١٥مايو(الشارع الجديد)أمام مستشفى تبارك للاطفال_كوبرى مسطرد

13/03/2023

إهداء لكل أب بيزعل لما يعرف ان الجنين بنت

02/05/2022

صباحكم عيد و كحك و شاي باللبن

كل سنة و انتم طيبين
د. محمد شلبي

20/04/2022

في أسباب مختلفة ممكن تخلي ألم ومدة الدورة أزيد عن الطبيعي، ولكن اكثرهم انتشارًا بطانة الرحم المهاجرة.. هي كلمة متكررة ممكن نسمعها
هل بطانة الرحم المهاجرة مرض مخيف؟ مين أكثر عرضة لبطانة الرحم المهاجرة؟ هتظهر أعراضه ازاي؟ طب أعمل ايه لو عندي؟
بطانة الرحم المهاجرة من اسمها فهو نسيج مشابه لنسيج الرحم من الداخل ولكن ينمو خارج الرحم على المبيضين أو قنوات فالوب.
بتظهر أعراض بطانة الرحم المهاجرة في 4 صور واضحة:
- ألم الدورة أكتر من الطبيعي، والنزيف غزير
- نزيف خارج موعد الدورة الشهرية
- ألم عند التبول والتبرز خاصة خلال الدورة الشهرية
- ألم خلال العلاقة الزوجية
- آلام مختلفة في المعدة زي الانتفاخ والتقلصات
- تأخر الإنجاب رغم المحاولات
تشخيص بطانة الرحم المهاجرة بيتم من خلال السونار وبعض التحاليل، وعلاجه بيعتمد على الأدوية أو الجراحة حسب الحالة وتطورها.
أغلب طرق العلاج بتعتمد على تسكين الألم وتنظيم الهرمونات عشان تقلل الأعراض المزعجة خلال فترة الدورة الشهرية اللي بيزيد فيها الهرمونات الأنثوية، ولكن ده بيكون في حالة عدم الرغبة في الإنجاب. أما في حالة تأخر الحمل بسبب بطانة الرحم لمجاهرة، فطرق علاجها مختلفة وبتختلف من مريض للتاني. ظهور أي أعراض غريبة عليكي بتحتاج تلجئي لدكتور متخصص عشان صحتك متستناش.

01/04/2022

كل عام وأنتم بخير ❤️
نسأل الله ان تكون ثلاثين ليلة من الجبر والغفران والستر والطمأنينة والسعادة
دكتور محمد شلبى

13/02/2022

صورة تذكارية للتاريخ مع ياسين وأختي العزيزة مدام لبنى اللي ربنا كرمها بالجميل الصغنطط ده بعد تجربة سابقة مؤسفة ويارب تشوفه دكتور كبير قد الدنيا

31/12/2021

"كل عام وأنتم بخير" بمناسبة بداية العام الجديد
جعله الله عاماً مليئاً بالخير والأمان وأدام الصحة والعافية عليكم جميعاً 🙏
ملحوظة...دي الآنسة تلا اجمل بنت اتولدت على ايدي في ٢٠٢١

10/11/2021

رغم استخدام موانع الحمل المختلفة إلا اننا أحيانًا بنسمع عن سيدة حملت رغم مانع الحمل، فاليه منتشر الموضوع ده؟
طرق منع الحمل المختلفة مصممة انها تمنع الحمل بنسب عالية، ولكن على أرض الواقع بتختلف النسب شوية بناءًا على عدة عوامل، فمث لًا :
1. اللولب لمنع الحمل: نسبة منعه للحمل 99 %، من أكتر طرق منع الحمل المجدية، ولكن لازم يتم تغييره كل 5 سنوات.
2. زرعات منع الحمل وحقن منع الحمل: نسبة منعه للحمل من 94 % ل 99 %، بالنسبة للحقن بتتاخد كل 3 شهور، أما الزرعات بتستمر لمدة 3 سنين.
3. حبوب منع الحمل: نسبة منعه للحمل 93 %، وده لمنع الحمل في المدد القصيرة أقل من سنتين.
4. واقي الحمل الذكري: نسبة منعه للحمل 88 .%
5. واقي الحمل النسائي: نسبة منعه للحمل 79.%
6. حبوب منع الحمل للطوارئ: نسبة منعه للحمل 85 %، لازم يستخدم في أول 24 ساعة، وممكن لحد 72 ساعة، بس كل ما الوقت بيعدي بيقلل نسبة منعه للحمل.

طب ايه اللي بيأثر في نسبة نجاح مانع الحمل؟
أكتر حاجة بتأثر على نسبة منع الحمل سواء بتزودها أو تقللها، هي الطريقة الصحيحة للاستخدام، سواء في مواعيد معينة لازم يتجدد فيها زي اللولب أو زرعات منع الحمل، أو ليها مواعيد معينة زي حبوب منع الحمل لازم يكون موعدها ثابت يوميًا ومينفعش تنسيها يوم في النص، أو زي حبوب الطوارئ كل ما تم استخدامه بدري كل ما كانت نتيجته أفضل، وكمان بيتأثر بطريقة الاستخدام المناسبة زي الواقي الذكري والأنثوي.. لما تيجي تختاري الطريقة المناسبة لمنع الحمل ارجعي للطبيب الأول، عشان تعرفي طريقة الاستخدام الصحيحة وشروطها وتزودي نسبة نجاح مانع الحمل.

26/10/2021

امتى تقلقي من إفرازات المهبل؟
افرازات المهبل من الأمور الطبيعية عند كل السيدات في كل الأعمار، هي اللي بتحافظ على صحة المهبل، ودرجة الحموضة، وبتساعد في العلاقة الزوجية وغيرها من الوظائف المهمة..
بس امتى تخرج عن الحد الطبيعي، وامتى تقلقى من إفرازات المهبل؟
عوامل القلق اللي تحذرك من الافرازات هي وجود "رائحة أو لون أو لزوجة زائدة".. خاصة لو معاها شعور بالحكة أو الحرقة..
الإفرازات اللي لونها شفافة أو أبيض، دي إفرازات طبيعية مهما زاد سمكها أو لزوجتها وبتقل اللزوجة باختلاف أيام الشهر والتبويض، ولكن بتبقى مش طبيعية لو معاها شعور بالحكة أو الألم من أي نوع.
أما لو اللون أصبح أصفر، فدي عدوى بكتيرية بسيطة وبيتم علاجها بسهولة مع الطبيب..
ولكن تغير الألوان لألوان أبعد من كده زي الأخضر أو الوردي أو الرمادي، فدي كلها أعراض اضطرابات ومشكلات مختلفة لازم ترجعي للطبيب في الوقت المناسب حتى بدون وجود أعراض تانية معاها غير تغير لون الإفرازات.
أي أعراض تبدو مختلفة عن طبيعة جسمك لازم تستشيري الطبيب في الوقت المناسب ومتهمليهاش..

01/10/2021

النهاردة ياسين جالي يزورني مع مامته اللي ربنا جعلني سبب انها تعمل ربط لعنق الرحم و تكمل على خير بعد كذا مرة اجهاض مع اكتر من دكتور وطبعا مامته حبت انها تنورنا في العيادة عشان تحكيلي عن تجربة الامومة وقد ايه الحياة مختلفة بعد ياسين بك ما نور دنيتها....

19/09/2021

الحركة في اقرب وقت بعد الولادة القيصرية تقلل من خطر الإصابة بتجلطات الدم، وتسهل حركة الأمعاء .

19/09/2021

من أعراض إلتهابات مجري البول : ألم أثناء التبول ، حرقان ، بول مصحوب بدم ، ألم في الحوض وأسفل البطن .

16/09/2021

أجمل حاجة في الدنيا لما تلاقي مالك القمر دة اللي مولود من كام شهر داخل عليك العيادة مع والدته عشان بس يسلموا عليك .....بتحس ساعتها ان الاثر الطيب للانسان اغلى من مال الدنيا
نورتني يا مالك ويا أم مالك🥰

30/07/2021

من أخطر المضاعفات اللي بيسببها الحر هو الجفاف؛ اللي بيؤدي إلى هبوط ضغط الدم المصحوب بالصداع و الدوخة، بالإضافة إلى التهاب المسالك البولية.
تغلبي علي الحر و الجفاف بشرب كمية من الماء تصل ل 3 لتر يوميًا.

30/07/2021

الزنك من العناصر المهمة في فترة الحمل، و ده لأنه مهم لتكوين جهاز المناعة للجنين
و بيدخل في تكوين الحمض النووي ؛ و كمان بيعتبر الزنك من أهم العناصر لتكوين الأعضاء التناسلية للأجنه الذكور .
اعرفي كل ما يفيد صحة الجنين .

23/07/2021

ندى جمال(ام سليم) ....البوست ده هضطر اني اخصصه للام مش للطفل زي كل مرة لانها مريضة خاصة في كل شيء...
اولا...مدام ندى كانت اول مريضة تشرفني في العيادة الجديدة وهتفضل دايما صاحبة اللقب..الاولي
ثانيا...مدام ندي كانت تعاني من تاخر الحمل وربنا جعلني سبب في حملها بعد ما وثقت فيا لحد ما الحمل حصل بعد كذا شهر وربنا كرمها بسليم بعد عام
ثالثا..مدام ندى وزوجها العزيز تحولوا بقدرة قادر من مجرد زوار للعيادة لاكتر من الاهل والله
رابعا...انا زعلان جدا جدا جدا ان النهاردة كان اخر يوم اشوفكم 😭 ...هتوحشوني والله
https://www.facebook.com/profile.php?id=100039470192174

20/07/2021

كل عام و أنتم بخير ويارب تكون سنه سعيده عليكم وتتحقق كل امانيكم زي ما ربنا حقق امنية والدة الاستاذ عمر اللي منور الصورة ووهبها القمر دة بعد طول انتظار...
ملحوظة...عمر كان بيتمطع عادي مش بيخمس في وشكم ولا حاجة🤣😂

12/07/2021

بتحصل الأنيميا أثناء الحمل، لأن الحمل بيسبب زيادة في كمية الماء في الجسم و الدورة الدموية بنسبة مرة و نص عن الطبيعي، و ده اللي بيخلي مخزون الحديد يقل. و علشان كده بنحرص على أعطاء الأم الحامل لمكملات الحديد.

12/07/2021

نقص فيتامين (د) يؤدي الي زيادة فرص الولادة القيصرية والاصابة بارتفاع الضغط مع الحمل وصغر حجم الجنين والالتهابات الفطرية المهبلية وبالنسبة للجنين تزيد امراض حساسية الصدر .

Dr.Mohamed Shalaby Clinic

13/03/2023

02/05/2022

20/04/2022

01/04/2022

13/02/2022

31/12/2021

10/11/2021

26/10/2021

01/10/2021

19/09/2021

19/09/2021

16/09/2021

30/07/2021

30/07/2021

23/07/2021

20/07/2021

12/07/2021

12/07/2021

Address

Telephone

Website

Alerts

Shortcuts

Share

Category