30/07/2021
وتر أكيلس واللاعب صالح جمعة🧐
✍️✍️
عندنا عضلة محترمة اسمها السمانة العضلة دي بتتكون من ثلال عضلات وهما
gastrocnemius_ soleus_ plantaris
نهاية العضلة دي في وتر محترم وهو أقوي وتر في جسم الإنسان إسمه tendon achilles
وتر أكيلس او العرقوب وماسك في نهاية كعب القدم من تحت
الوتر ده مش بيتأثر بسهولة علشان يحصل ليه مشكلة
إيه أسباب تأثر الوتر ده
في شكوي من لاعب بعد مجهود يقول أنا حاسس بحرقان في الوتر ده او الم وأي حد يقوله أعمل ثلج وأنزل او خد مسكن واللعب دي بداية المشكلة لأن الوتر ده لازم ياخد فترة علاج كافية لأن الدورة الدموية إللي واصله ليه مش كبيرة فبياخد فترة في العلاج فلو فضل يتحمل عليه مع وجود التهابات يتقطع لان الالتهابات دي بتحصل نتيجة تمزقات بسيطة في الوتر أهملت واتحملت عليها التمزقات دي تزيد وتعمل قطع جزئي او كلي 🧐
في أسباب ثانية تعمل بردو مشكلة في الوتر
1- قصر السمانه يعني مافيش مرونة في عضلة السمانة تأثر علي الوتر وتخليه عرضه لإصابة
2- ضعف عضلة السمانة مع الوزن الزائد مع التحرك المفاجئ بوزن الجسم مع حمل مستمر ممكن يسبب مشكلة في الوتر
3- الفلات فوت علشان زاوية القدم بتبقي متغيرة نتيجة الفلات فوت بياثر علي الوتر
4- الحمل العالي والجزمة الضيقة من الأسباب المهمه لحدوث مشكلة في وتر أكيلس
5- قلة الاستشفاء للرياضيين بعد الحمل العالي او بعد الحمل عموماً ياثر بردو علي وتر أكيلس
6- زيادة الأملاح في الدم إللي بيتكون من خلاله بروز عظمي ممكن يكون في الكعب أو خلف الكعب بجزء بسيط وبيكون بيحتك بالوتر بردو يسبب الالتهابات ومشكلة
7- الالتواء في الكاحل قديم واهمل علاجه او متعلجش بصورة سليمة بياثر بردو علي الوتر
8- التدخل المباشر العنيف في المكان ده بسبب بردو قطع بس ده نادر الحدوث في الرياضة خاصتا كرة القدم
9- وجود تاكل وخشونة في مفصل الكاحل بردو يسبب ألم في وتر أكيلس
10- الكعب العالي لسيدات من ضمن المشاكل الكثير إللي بيعملها بردو الالتهابات في وتر أكيلس
وأسباب ثانية بردو ليها علاقة بصورة غير مباشرة بحدوث مشكلة في الوتر
نصيحتي لأي لاعب حصل ليه وجع في الوتر ده خاصتا بعد اي تمرين ميهملش ويلعب ثاني وهو في لسه ألم لان ده ممكن يسبب قطع في وتر أكيلس خد فترة علاج كافية
القطع لو جزئي هيغيب من شهرين ل 3 شهور ولازم تدخل جراحي لو التمزق زاد عن 50% ولو القطع كلي من 6 ل9 شهور بعد التدخل الجراحي
بس دلوقتي في أساليب جديدة في علاج وتر أكيلس بيخلي المصاب يرجع بعد وقت اقل علي حسب التمزق إللي موجود اتمني الشفاء للاعب صالح جمعة لاعب نادي سيراميكا كليوباترا ولجميع اللاعبين إللي عندهم الإصابة دي
D/Haron kamel
اخصائي إصابات الملاعب والتاهيل(بنادي طلائع الجيش )
