Pediatric clinic

10/09/2022

نحيطكم علما بتواجدنا يومي
الاثنين والأربعاء من كل اسبوع بمستشفي دار الارقم
للحجز والاستعلام
01121742345
01065871337

06/06/2021

نتشرف باستقبالكم يوميا على مدار ٢٤ ساعه كما نعلن عن تواجد الاطباء صباحا ومساء
د هبه الحسيني اخصائي اطفال فترة صباحيه
د دينا ارناؤوط اخصائي اطفال فترة مسائيه
د مها عبدالله اخصائي باطنه وطب اسرة فترة مسائيه
د الاء السويفي اخصائي نسا وولاده فترة مسائيه
د سارة ياسين اخصائي كلي فترة مسائيه
ا تهانى الاتربي اخصائي علاج طبيعي وحجامه فترة صباحيه ومسائيه
بخلاف الطوارئ ٢٤ ساعه والمعمل مفتوح ٢٤ ساعه للحجز برجاء الاتصال علي
+20 103 344 6417

15/05/2021

11/04/2021

تتشرف عيادات المها التخصصيه باستقبالكم يوميا من السبت الي الاربعاء من الساعه ٨ مساء الي الساعه ١١ مساء بعد الفطار برجاء الحجز قبل الحضور .
وكل عام وحضراتكم بالف خير

09/03/2021

مواعيد العمل يوميا من السبت الي الاربعاء من الساعه ٤ عصرا حتى ٩ مساء

04/03/2021

نتشرف باستقبالكم من السبت الي الاربعاء من الساعه ٣ عصرا الي ٩ مساء واهلا وسهلا بكم جميعا 🌷🌷

02/07/2020

معلومه طبيه

سرعة الترسيب
كلنا بنقول عملت تحليل سرعة ترسيب ، او أنا عندي سرعة ترسيب بس محدش عارف هي سرعة ترسيب أي اصلا
سرعة الترسيب هي سرعة ترسيب الدم و اختصاره ESR .. أصل الاختصار ..
Erythrocyte sedimentation rate
الفحص بيكشف عن الالتهابات في الجسم
طب ازاي بيتم ؟
بيتم عن طريق سحب عينة من الدم ثم وضعه في انبوب رفيع وقياس سرعة ترسيب خلايا الدم الحمراء في قاع الانبوب 🧪.
حيث ان خلايا الدم الحمراء تترسب بشكل أسرع لما يكون في نشاط التهابي داخل الجسم .
طب ليه ممكن الدكتور يطلب منك فحص سرعة ترسيب الدم ؟
ببساطة لان الفحص دا بيعطي فكرة عن حاجتين :
👈وجود التهاب او عدوي داخل الجسم .
👈مدي جدوي العلاج و مدي تفاقم المرض .
طب هل في حاجات ممكن تأثر علي نتيجة الفحص ؟
أه .. زي :
🔹الحمل
🔹الدورة الشهرية
🔹الانيميا =
القيم الطبيعية لفحص سرعة ترسيب الدم؟
المعدل الطبيعي لهبوط الكريات الدموية في انبوبة الاختبار خلال ساعة :
◀️ اقل من 15 ملم/ساعة عند الذكور البالغين ( أقل من 50 عام )
◀️ أقل من 20 ملم/ساعة عند الاناث البالغات ( أقل من 50 عام )
◀️ أقل من 30 ملم/ ساعة عند الاناث البالغات ( اكثر من 50 عام )
◀️ 0 الي 2 ملم/ساعة عند الاطفال حديثي الولادة
◀️ 3 الي 13 ملم/ساعة عند الاطفال حتي سن البلوغ
..
⚠️ اسباب ارتفاع سرعة ترسيب :
🔹 حالات العدوي مثل : اصابة العظام و الجلد بالعدوي.
🔹 مرض السُل & الالتهاب الرئوي & التهاب الزائدة الدودية .
🔹 بعض الامراض المناعية مثل : مرض الذئبة الحمراء و الالتهاب المفصلي الروماتويدي .
🔹 الانيميا .
🔹 أمراض الكُلي .
🔹 أمراض الغدة الدرقية .
🔹 السرطانات مثل : سرطان الخلايا الليمفاوية او سرطان الخلايا البلازمية .
🔹 التهاب الاوعية الدموية.
🔹 التقدم في العمر .
🔹 الحمل .

⚠️ اسباب انخفاض سرعة الترسيب :
🔹 زيادة كريات الدم الحمراء .
🔹 زيادة نسبة السكر في الدم .
🔹 فشل القلب الاحتقاني .
🔹 ارتفاع نسبة كريات الدم البيضاء .
🔹 فقر الدم المنجلي .
🔹 أمراض الكبد .
العلاج :
الطبيب بيشخص الحالة و بيعرف سبب الالتهاب و سرعة الترسيب أي و بيوصف بعض الادوية
👈مضادات الالتهابات غير الاسترويدية .
👈إذا كانت العدوي هي السبب بيوصف بعض المضادات الحيوية لمكافحة العدوي
دُمتم بالف خير🌹

09/06/2020

لمتابعه اى استشارات لحالات الكورونا اون لاين برجاء تحويل 100 جنيه علي فودافون كاش علي الرقم 01007612284 وسيتم التواصل فورا مع الدكتورة وعلي اتم استعداد لخدمه الجميع ربنا يبعد عنكم الأمراض ❤
لمزيد من الاستفسار 01222330109

08/06/2020

خليك فى البيت واكشف بالتليفون
لمزيد من الاستفسار ابعت رساله علي الواتس
01222330109
د دينا ارناؤوط
باطنى - أطفال وحديثي الولادة

02/06/2020

كل عام وانتم جميعا بخير وفى حفظ الرحمن
انا متواجده من الاحد الي الخميس في العياده
من ٢ الي ٦ برجاء الاتصال قبل الحضور

25/05/2020

كل عام وأنتم جميعا بألف خير ربنا يحفظكم جميعا وسنعاود استقبالكم في العياده قريبا ان شاء الله
❤

17/04/2020

💥💥💥💥💥💥💥💥💥
معلومة لازم تعرفها
سيبدأ موسم الحساسية ويصاحبها أنفلونزا موسمية ينتج عنها سخونة، وكحة وأعراض قريبة من أعراض الكورونا .
لذا وجب على الجميع تجنب المشروبات الباردة والمثلجة التي تؤثر على الحلق وتساعد في الإصابة بأمراض الصدر، قد تسبب قلقا وخوفا من أن يكون كورونا وتؤثر نفسيا على المريض ومن حوله .
لذلك وجب التنبيه ما تحطوش المياه ولا العصير فى الثلاجه انسوا الثلاجه الشهر ده ، انسوا المياه الساقعه شويه حتى لو الطقس نار
وكذلك تجنب التكييف البارد وبخاصة في هذه الأيام العصيبة قدر المستطاع
ربنا يبعد عنكم الأمراض جميعا ان شاء الله

29/03/2020

علشان تصاب بالفيروس لازم يدخل من ال3 منافذ دول، غير كده مش هيدخل.
يعني إيه؟
يعني الفيروس مبيتنقلش من الجو، مبيتشمش، مفيش كائن هلامي في الهوا هنشمه ويموتنا، دي شائعات، الفيروس كمان مبيخترقش الجلد..
يعني من الآخر، علشان تصاب بالفيروس، لازم تكون لمست/قبلت/ عانقت شخص (أو جسم صلب) عليه الفيروس، وبعدها رفعت إيدك لأنفك أو فمك أو عينيك، وبعدها الفيروس بيبدأ يخش لجهازك التنفسي علشان يهاجم جسمك.. من هنا فكل الكلام اللي جاي ده لو التزمت بيه بنسبة كبيرة فأنت هتحفظ نفسك من الإصابة بالفيروس بنسبة كبيرة ومش بس بتحفظ نفسك وإنما بتحقظ آلاف وربما ملايين البشر:
1- متحطش إيدك خالص على بوقك أو مناخيرك أو عينيك، ولو مبتقدرش تتحكم في ده انتقل لرقم 2 .
2- اغسل إيدك بالماية والصابون لمدة 20 ثانية، حك إيديك الاتنين جامد بحيث تزيل أي جراثيم عليهم، دول متوفرين عند أي حد، مش لازم ديتول، مش لازم كحول، (لو وُجد فأهلا وسهلا) لكن الماء والصابون كافيين جدا. أول كومنت هتلاقي فيه أفضل طريقة للغسيل.
3- بلاش سلام ولا تقبيل، طاب لو سلمت أو قبلت؟ متحطش بعدها إيدك على عينيك أو بوقك أو أنفك، اغسلها 20 ثانية الأول.
4- بلاش خروج من البيت، ولو خرجت بلاش تلمس أجسام غريبة، حافة كرسي المترو، ماكينة التذاكر، متسندش إيدك على السلم الكهربا، متحطش إيدك على السنّادات اللي فوق، بص، من الآخر، أول ما تخرج من بيتك حط إيدك في جيبك ومتخرجهاش إلا للضرورة القصوى، أظن بسيطة دي
5- متعطسش غير في منديل وبعدين ارميه علطول، معاكش منديل، يبقى امسح في كمك، آه متتكسفش، حط وشك في كوعك على الهدوم واعطس فيه، بس اوعى تعطس أو تكح في إيدك. دي أسرع وأخطر وسيلة لنقل الفيروس.
6- الكمامات ملهاش لازمة لو أنت مش عامل في المجال الطبي، المناديل ومطهر كحول (60% أو أكثر) هتكون أفيد، متشجعش جشع تجار الأزمات وتشتري كمامات بأضعاف تمنها الأصلي.
7- لو حسيت بأعراض الفيروس، واللي هيا ارتفاع درجة الحرارة (فوق 37.3)، السعال (الكحة الناشفة المستمرة)، الرشح، وأعراض الإنفلونزا التانية، بالترتيب كده، يبقى انزل على أقرب مستشفى، ولو مش متوفر، يبقى اعزل نفسك، وبلاش سلام ولا خروج من البيت خالص.
8- لو عملت كل اللي فات ده الفيروس مش هيهزمك بإذن الله، ولو حصل وأصبت بالفيروس فالإحصاءات لحد دلوقتي بتقول إن نسبة الشفاء منه عالية،
9- ابني أو بنتي صغيرين أعملهم ايه ؟
بعد قرار وقف الدراسة وقفوا الدروس كلها والسناتر والتجمعات والخروجات، وخليني هنا أطمنك علشان متقلقش، لحد دلوقتي نسبة الوفيات من سن سنة ل 9 سنين 0%، ومن سن 10 لحد 40 سنة النسبة 0.2%، وبعدين بتزيد في المرضى مسبقًا بأمراض مزمنة زي الضغط والسكر والتدخين
لو فتحت السوشيال ميديا هتحس إن العالم نهايته قربت، وهتلاقي أجواء من الرعب والخوف ودول ضررهم أكبر بكتير من الفيروس نفسه، الناس في أمريكا وأوروبا نزلوا يخلصوا على كل المنتجات في السوبر ماركت بسبب سيطرة الذعر عليهم، ده مش صحيح، إحنا في معركة مع الوقت، بنحاول نكسب وقت لصالح البشرية، هنلاقي علاج أو لقاح بإذن الله، لكن لحد ما ده يحصل فدورنا هو تقليل عدد الإصابات لأدنى حد ممكن من خلال اتباع الإجراءات اللي فاتت دي.
الله المستعان

23/03/2020

لمده اسبوع كامل من النهارده اي طفل تعبان اهله مايخرجوش بيه من بيته ويبعتلي ع الواتس اب على الرقم ده
01222330109
الحاله والاسم والعمر والاعراض وان شاء الله هبعتله العلاج عشان نقلل عدد الناس اللي هتخرج
شير وعرف الناس كلها
التواصل فقط ع الواتس اب واتس اب واتس اب فقط اثابكمالله.
خليك في بيتك
ربنا يحفظنا جميعا
ملاحظه الفكره ده اقتداء ب زملائي الاطباء بارك الله فيهم جميعا

مع تحياتي دكتوره دينا ارناؤوط
أخصائي طب الأطفال

18/03/2020

بناءا على التطورات الاخيرة في موضوع فيروس كورونا ومحاولة متواضعة منى لكي يكون التعامل في العيادة آمنا بقدر المستطاع فسيكون هناك بعض التغيرات في سير العمل بالعيادة في الفترة القادمة وذلك لمصلحة الجميع - وارجو من مرتادي العيادة التعاون لمساعدتنا على تقديم الخدمة الطبية بأمان وأرجو ان تكون العيادا مثالا يحتذى به في باقى عيادات الزملاء ليكون الجميع قدر المسؤولية وإن كنت اعتقد أن كثيرا منهم قد سبقنى فى هذه الاجراءات - ومستعد لتقبل الأراء والاقتراحات بصدر رحب من الجميع لمن يرى ما يمكن اضافته للبنود التالية
- مع ان فيروس كورونا الى الان لم يمثل خطرا على الاطفال ولكن لكى يكون التعامل بالعيادة على اعلى قدر من الامان للجميع فقد تقرر الاتى :-
- استعمال المطهرات بمعدل اعلى مما قد يسبب بطئا احيانا في سير العمل
- سيكون تواجدى فى العيادة لفترات اطول قدر المستطاع لعدم الازدحام
- تم فتح الحجز بالتليفون واعطاء ميعاد لكل طفل حتى نقلل الازدحام بالاستقبال
- في حالة عدم القدرة على الالتزام بالموعد يرجى الاتصال بالعيادة لتغييره
- برجاء عدم اصطحاب اطفالا آخرين غير الطفل الذي تم الحجز بإسمه ولن يسمح بدخول اطفال لغرفة الكشف غير من تم الحجز بإسمه
- يكفى شخص واحد فقط لمرافقة الطفل بالعيادة
- برجاء استعمال ماسك للفم والانف على الاقل لمن يظهر عليه اعراض تنفسية
- الشكر مقدما لتعاونكم.
للتذكير تليفونات العيادة للحجز
01222330109--- 01555694335
برجاء عمل مشاركة (share) ليصل للجميع .

د. دينا عبد الحميد أرناؤوط
في 18/3/2020

08/03/2020

هل تمنع أدوية الكورتيزون الطفل من الحصول على تطعيم الحصبة؟
سؤال يتبادر علي ذهن كثير من الأمهات هذه الاونه بمناسبه إطلاق وزارة الصحه الحملة القومية للتطعيم ضد مرض الحصبة والحصبة الألمانية بالمجان للأطفال هناك عده شروط يجب علي الأم معرفتها جيدا قبل حصول الطفل على التطعيم يجب التعرف عليها واخذها في الاعتبار قبل حقن الطفل بالتطعيم وهي كالاتي:-
* الفاصل الزمنى بين الجرعه التنشيطية وبين أي تطعيم اخر حصل عليه الطفل خاصة الحصبة مدة لا تقل عن 4 أسابيع "28 يوم".
* الطفل من عمر 9 أشهر يمكنه الحصول على التطعيم بأمان.
* في حالة حصول الطفل على التطعيم الاجبارى المخصص لعمر السنة والسنة ونصف لابد الانتظار للحصول على الجرعه التنشيطية للحصبة مدة 28 يوم .
* في حالة حصول الطفل على الجرعه التنشيطية للحصبة والحصبة الألمانية وجاء ذلك متزامنا مع موعد حصوله على تطعيم السنه والسنه ونصف يتم تأجيل التطعيمات الاساسيه ٢٨ يوم.
* في حالة ان الطفل مريض ويتناول ادوية تحتوى على الكورتيزون يجب الانتظار لمدة 10 أيام بعد التوقف عن تناول دواء الكورتيزون للحصول على الجرعه التنشيطية للحصبة.
* اذا كان الطفل يعانى من أمراض نقص المناعة يجب عدم حصوله على الجرعة التنشيطية للحصبة والحصبة الألمانية.
ربنا يحفظ اولادنا جميعا ❤❤

18/02/2020

السعال او الكحة عند الأطفال مشكلة شائعة، وتكون مؤلمة ومرهقة للأطفال الصغار، وهناك العديد من أسباب السعال لدى الأطفال، ويختلف علاجه وفقاً لمسبباته.
تعرفي علي الأسباب المختلفة لسعال الأطفال و كيف يمكن علاجه.
١- العدوى يمكن أن تؤدي نزلات البرد، والانفلونزا إلى سعال، فنزلات البرد تتسبب في سعال بسيط إلى معتدل، والانفلونزا تسبب سعال شديد وحاد، ولا تتم معالجة هذه الالتهابات الفيروسية بالمضادات الحيوية ، ولكن يمكن علاجها باستخدام أدوية أخرى لتهدئة الأعراض.
٢- ارتجاع المرئ تشمل أعراض ارتجاع المرئ عند الأطفال السعال، والتقيؤ المتكرر، والبصق، مع وجود طعم سيئ في الفم، وحرقة في المعدة، ويعتمد علاج ارتجاع المرئ على عمر الطفل وصحته وعوامل أخرى، ويجب مراجعة الطبيب بشأن علاج ارتجاع المرئ و علاج السعال عند الاطفال.
٣-الحساسية والجيوب الأنفية يمكن أن تسبب الحساسية أو الجيوب الأنفية لدى الأطفال سعالًا طويلًا، بالإضافة إلى حكة في الحلق، وسيلان الأنف، والتهاب في الحلق أو طفح جلدي، ويجب اللجوء إلى الطبيب حول إجراء اختبارات الحساسية للطفل لمعرفة مسببات الحساسية المسببة للمشكلة، وكيفية تجنبها وعلاجها.
توجهي لأقرب طبيب لتجنب السعال وإيجاد الطريقه المثلي للعلاج ❣

05/01/2020

كثير من الأطفال يعانون من إلتهاب اللوزتين، وعند ظهور الأعراض ربما تظن الأم أن طفلها يعاني من إلتهاب في الحلق أو نزلة برد وتتجاهل الذهاب للطبيب، الأمر الذي يجعل الطفل أكثر عُرضة لمضاعفات كثيرة.

لماذا تلتهب اللوزتان؟
إن التهاب اللوزتين يرجع إلى إصابة الطفل بعدوى بكتيرية موجودة في الجو، وفي بعض الأحيان تنتقل عن طريق الرذاذ من طفل مصاب لأخر غير مصاب و أعراضه تتمثل في: صعوبة وألم شديد في البلع، إرتفاع في درجة الحرارة لتصل إلى 39 أو 40 درجة، ورائحة كريهة للفم خاصة فترة الالتهاب، وآلام في البطن والمعدة بسبب بلع الصديد الناتج عن الالتهاب، فضلًا عن أنه يؤثر بالسلب على الصحة العامة للطفل فيؤدي إلى آلام في المفاصل، وفقدان الشهية، والخمول وقد توجد أعراض اخري مصلحه مثل الصداع، وتضخم الغدد الليمفاوية في الرقبة وأسفل الفك في بعض الأحيان.
لذا أنصح جميع الأمهات بالتوجه الي الطبيب فور ظهور هذه الأعراض لتجنب إعطاء الطفل مسكنات وعلاج خاطىء لا يفي بالغرض مما يتسبب في ظهور مضاعفات قد تمثل خطرا علي صحه طفلك.