01/02/2026
🚨 مرضى السكر… مين ما ينفعش يصوم في رمضان؟
قبل ما تزعل أو تحكم… اقرا للآخر 👇
مش كل مريض سكر ينفع يصوم
ومش كل اللي بيصوم بيبقى آمن
في حالات الصيام فيها ممكن يضر أكتر ما يفيد ⚠️
ليه؟
عشان الصيام ممكن يسبب 4 مشاكل خطيرة👇
🔻 هبوط حاد في السكر (ممكن يوصل لغيبوبة)
💧 جفاف شديد ومشاكل كلى
🔥 زيادة الأحماض الكيتونية خصوصا في النوع الأول
📈 ارتفاع عالي قوي في السكر بعد الفطار
❌ دول
ممنوعين من الصيام تماما
لو حضرتك واحد من دول… الصيام خطر عليك:
🚫 حصل لك هبوط شديد في السكر قريب
🚫 السكر بيهبط منك كتير أو مش بتحس بأعراض الهبوط
🚫 حصل لك حموضة كيتونية أو ارتفاع شديد قوي في السكر قبل كده
🚫 سكر نوع أول ومش منتظم
🚫 سكر وحمل + أنسولين أو أدوية بتعمل هبوط
🚫 فشل كلوي متقدم أو غسيل كلى
🚫 أمراض قلب أو جلطات
🚫 كبار سن وحالتهم الصحية ضعيفة
⛔ هنا الصيام مش عبادة… هنا خطر
⚠️ دول برضه
يفضل ما يصوموش
حتى لو حاسس إنك كويس:
⚠️ سكر نوع تاني بس مش منتظم
⚠️ نوع أول حتى لو منتظم
⚠️ أنسولين أكتر من حقنة في اليوم
⚠️ سكر حمل حتى لو على دايت
⚠️ كلى مرحلة تالتة
⚠️ ضغط + سكر
⚠️ شغل أو مجهود بدني تقيل
📌 الفئة دي لازم تسمع كلام الطبيب وما تجربش على صحتها
✅ دول ممكن يصوموا…
بس بشروط
بعد مراجعة الطبيب مش من دماغنا 👇
✔️ سكر نوع تاني منتظم
✔️ السكر التراكمي أقل من 7٪
✔️ علاج دايت أو حبوب معينة
✔️ أنسولين طويل المفعول فقط
🟢 ومع متابعة السكر
🟢 وأي تعب = الفطار فورًا
📢 مهم قوي
مفيش دايت واحد
ولا قرار صيام واحد
ينفع لكل مرضى السكر
كل حالة غير التانية 👌
💬 قولولي تحبوا نكلم المرة الجاية عن إيه؟
⬅️ مريض الضغط في رمضان؟
⬅️ ولا الغدة الدرقية والصيام؟
اكتبوا في الكومنت 👇💙
#رمضان #الصيام
#السكر #السكري
