https://www.facebook.com/104634602429332/

Dr/Remon Esam د/ ريمون عصام, Cairo (2025)

20/08/2023

الطهاره

**افضل وقت لعمل الطهاره للولاد ؟
ممكن تتعمل اي وقت لكن بيكون الوقت الافضل ::
اول يوم........دا لان الطفل بيكون مازال عنده فيتامين ك واخده من مامته وكمان واخد حقنه فيتامين ك
بعد اسبوع.....بتكون عوامل التجلط اللي بيصنعها الكبد بدأت تبقي موجوده

**التحاليل الضروريه قبل الطهاره ؟
ضروري جدا نعمل صوره دم كامله وتحاليل سيوله .دا لتجنب حدوث نزيف مفاجئ اثناء العمليه

**هل ممكن نعمل الطهاره اثناء الصفرا ؟
ممكن نعملها عادي لو مجرد صفرا فيسيولجيه عاديه والدرجه مش عاليه.لكن لو صفرا عاليه ومحتاج حجز في حضانه طبعا لا .

**كم مدة شفاء الطفل بعد الطهاره؟
يستغرق عادة من 7 إلى 10 أيام لحد ما يخف..

د/ريمون عصام
عضو الزماله المصريه لطب الاطفال وحديثي الولاده

08/08/2023

لبن بقري ولا زبادي

***امتي ممكن ندي الاطفال لبن ؟
مش بنسمح باللبن العادي في الاطفال غير بعد سن سنه ..ولو الطفل بيرضع صناعي يفضل انه يكمل علي اللبن الصناعي بمرحله اعلي

** اي اضرار اللبن البقري تحت سن سنه ؟
1/اسهال ومشاكل في الجهاز الهضمي والكلي ::
لان نسبه بروتين اللبن البقري اعلي بكتير من لبن الام او اللبن الصناعي اللي بيكون متعدل عشان يناسب الطفل...
نسبه البروتين العاليه بتعمل ضغط كبير علي الجهاز الهضمي للطفل واللي مش بيكون لسا متهيأ انه يتحمل النسبه دي
2/هشاشه عظام ::
علي عكس المتوقع من الامهات لكن الاعتماد علي اللبن البقري بيسبب هشاشه عظام .دا لان نسبه الفسفور للكالسيوم مش المثاليه للامتصاص زي ماهي موجوده في لبن الام .
3/انميا نقص حديد

** ليه بنستعمل الزبادي واللبن لا ؟
علي الرغم من ان اللبن ممنوع تحت سن سنه ،لكن مسموح باستخدام الزبادي من سن ست شهور ودا لان الخمائر الموجوده في الزبادي بتكسر اغلب البروتين والسكريات الموجوده فيه .فبيكون امن علي الطفل..

للحجز
01203012989
العنوان 19 شارع شعبان احمد عبدالله .ارض الجنينه عزبه النخل .بجوار سنترال ابانوب
يوميا من 7 ل10 مساء

06/08/2023

اضرار بودره التلك في الاطفال

**اي مكوناتها ؟
التلك معدن بيتكون من المغنسيوم والسيليكون والاكسجين .بيتم استخراجه من اماكن وتحويله لبودره هدفها الاساسي انها تحافظ علي جفاف الجلد وتقلل نسبه حدوث الطفح الجلدي ....
لكن في اغلب الاحيان بيكون التلك ملوث بماده اسمها الاسبست بيكون شبه مستحيل فصلها عنه .ودي مش بس ماده مضره جدا لكن كمان تعتبر ماده مسرطنه

**اضرار بودره التلك ؟
1/مشاكل تنفسيه :: مجرد ما الطفل بيمتصها بتعمل جفاف في كل مجري الهوا والاغشيه المخاطيه ودا يعمل اعراض من مجرد كحه ونزلات شعبيه .لحد تليفات في الرئه.
2/سرطانات :: استنشاق الطفل او حتي الام ليها ممكن يؤدي لسرطانات في الرئه والمبايض واماكن تانيه .ودا نتيجه لتلوثها بماده الاسبست

**هل الطفل محتاج اصلا لبودره التلك ؟
الطفل اصلا مش محتاجها .وبنستعمل للحفاظه دهانات اللي بتحتوي علي اكسيد الزنك بتكون ممتازه جدا وبتحميه من اي التهابات.

للحجز
01203012989
العنوان 19 شارع شعبان احمد عبدالله .ارض الجنينه عزبه النخل .بجوار سنترال ابانوب
يوميا من 7 ل10 مساء

03/08/2023

الثقب أمام الأذن في الاطفال

عباره عن فتحه او اكتر بتكون موجوده مابين الوجه وغضروف الاذن.ممكن تكون في ناحيه واحده او الاتنين وغالبا بتكون متصله داخليا بالاذن او الجيوب الانفيه. بنلاحظها في بعض الاطفال اثناء الفحص الروتيني لحديثي الولاده .

**اي المضاعفات ؟
المضاعفات اللي ممكن تحصل هي ان يحصل عدوي بالثقب ، ودا ممكن يعمل خراج .وبتظهر علي شكل افرازات صفراء بتطلع منها .

**اي الخطر الناتج منها ؟
في بعض الحالات النادره جدا بتكون الثقوب معاها متلازمات وراثيه ودي بتكون معاها مشاكل في الاذن والكلي .عشان كدا ممكن نعمل بعض الفحوصات بس لاستبعاد وجود المتلازمات دي

**هل محتاج جراحه ؟
في اغلب الاحيان مش بتحتاج .بس لو في عدوي متكرره وافرازات شبه دايمه بفضل ازالتها جراحيا

د/ريمون عصام
عضو الزماله المصريه لطب الاطفال وحديثي الولاده

01/08/2023

الهربس الفموي في الاطفال

يعتبر الهربس من اكتر الفيروسات انتشارا في الاطفال بدايه من سن سنه وممكن يجي في اي عمر .

اي سبب الهربس ؟
*"هو فيرس اسمه herpes simplex (HSV) وفي منه نوعين ::
النوع الاول هو المنتشر في الاطفال وهو المسؤل عن الهربس الفموي المؤلم جدا
النوع الثاني بيكون في البالغين وبيسبب اعراض تانيه مختلفه

**ازاي بتحصل الاصابه واي الاعراض ؟
الفيرس بيتنقل عن طريق الاغشيه المخاطيه والجلد ( الفم والانف ) وهو معدي جدا
بعد العدوي تبدأ فتره حضانه من 2 ل10 ايام بعدها تبدأ الاعراض تظهر واللي بتكون في صوره
-ارتفاع شديد في درجه الحراره
-قرح مؤلمه تبدأ علي الشفايف واللسان وتنتشر للفم من الداخل وخصوصا علي لسان المزمار
-سيلان اللعاب و قله او انعدام الاكل (بسبب الوجع الشديد)
-همدان شديد بالجسم

**مده فتره الاصابه ؟
الاعراض بتستمر من اسبوع لعشر ايام وفي بعض الحالات ممكن تمتد لاكثر .

**هل بيتكرر الهيربس الفموي ؟
الفيرس بيفضل خامل في الجسم ينشط مرة أخرى ويسبب تقرحات البرد، ودا لما بيكون الجهاز المناعي تحت ضغط مثل
- فترة الإصابة بمرض شديد
- التغيرات الهرمونية
- حروق الشمس

**هل هو معدي ؟
معدي جدا من خلال ملامسه الاغشيه المخاطيه مثل التقبيل الاطفال

**اي خطوره الهربس ؟
اكتر خطر ممكن يسببه هو الجفاف الشديد من قله الاكل او الشرب نتيجه لصعوبه البلع في الحالات الشديده
والحالات دي ممكن تحتاج لحجز في المستشفي

**اي العلاج ؟
المحافظه علي حاله الجسم وتجنب الجفاف من خلال استمرار شرب السوائل.
علاج الاعراض واستخدام مضادات الفيروسات في بعض الحالات..
استخدام العلاج بدري بيحسن جدا من الحاله وبيخلينا نتجنب خطر الجفاف من صعوبه البلع .

**طرق الوقايه منه ؟
استخدام الطفل لأدواته الشخصية النظيفة
غسل اليدين جيدا وعدم ملامسة المناطق التي بها القرح
تجنب تقبيل الاطفال

د/ريمون عصام
عضو الزماله المصريه لطب الاطفال وحديثي الولاده

26/07/2023

النوم في الاطفال

أمهات كتير بتشتكي من ان اطفالها مبيناموش خالص أو علي النقيض ناس بتشتكي أن اطفالهم بيناموا كتير

***اي عدد ساعات النوم الطبيعيه؟
في الحقيقه مفيش رقم ثابت لكن هو رينج وبيختلف من سن للتاني....
**الشهر الاول ::
الطفل بينام فيه كتير من 18:16 ساعه ولكن علي فترات قصيره بتكون من ساعتين الي تلت ساعات ويصحي ...ودا اللي بيخلي بعض الامهات تفتكر ان الطفل بينام كتير او مبينامش خالص

**من4:1 شهور ::
بيبدأ النوم يستقر .وبيكون عدد الساعات من 14 ل16 ساعه .وعلي فترات متصله من 4 ل6 ساعات

**من 12:4 شهور ::
النوم بيبدأ ينتظم اكتر بليل .وبتكون عدد الساعات من 12 ل15 ساعه

**من 3:1 سنوات::
بيكون اغلب النوم في الليل بس ويبدأ يصحي بدري ،ممكن ياخد غفوه واحده في النهار .عدد الساعات النوم بتكون من 12 ل14 ساعه

**من 5:3سنوات:: بتكونمن من 9ل11 ساعه يوميا

**من 12:6 سنه :: بتكون من 7 ل9 ساعات يوميا

***امتي يكون معدل النوم غير مقبول ؟
لو كان عدد ساعات النوم اكتر او اقل من المعدل الطبيعي بمعدل ساعتين او اكثر .

*** اي اسباب قله النوم. أبرز الأسباب التي تجعل الرضيع أو الطفل غير قادر على النوم ::
-شعور الرضيع بالجوع
-المغص عن الرضع
-اي الم عند الرضيع ومن اشهرها الام اللثه في فتره التسنين ،الام الاذن ، التهابات الحفاظه وعدم تغيرها
-درحات الحر الشديده سواء برد او حر
-مشاكل نفسيه عند الاطفال الاكبر سنا

/ريمون عصام
عضو الزماله المصريه لطب الاطفال وحديثي الولاده

16/07/2023

الرياله عند الاطفال

**أي الاسباب؟
الرياله من اكتر الحاجات المنتشره وليها اسباب كتير منها طبيعي او مرضي باختلاف السن
1/التسنين
في اول سنتين من عمر الطفل يعتبر طبيعي جدا الرياله .دا طبعا بيرجع لالم اللثه الموجود في الفتره دي بسبب التسنين.
2/دخول الاكل للطفل
في الفتره من 4 ل6 شهور بنلاحظ زياده الرياله ودا من زياده إفراز اللعاب .رد فعل طبيعي.
3/التهابات الفم
الالتهابات في اللوز او الحلق سواء بكتيريه ، فيروسيه او فطريات.
4/الارتجاع
مع زياده احماض المعده والارتجاع .بيزبد افراز الغدد اللعابيه جدا .بتحاول انها تهدي من شده افرازات الجهاز الهضمي عشان تخفف الاعراض علي الطفل.
5/حساسيه الانف
مع حساسيه الانف بيكون في انسداد، بنلاقي الطفل كتير يتنفس من الفم ودا بيزود افراز اللعاب.
6/الديدان
بتسبب سيلان متكرر في اللعاب وبيكون الطفل بيعيط ومعاه مغص شديد في المعده.
7/قله وعي الطفل
في اطفال كتير عندها قله وعي وبتنسي حتي انها تبلع ربقها سواء دا مرتبط بارتفاع او انخفاض معدل الذكاء
8/وضع اشياء في الفم
في اطفال كتير عندها عادات سيئه ذي انها ت*ص صوابعها او ايديها ،او تمضغ لبان وتفضل سايباه في بقهم لفتره طويله
كل دا بيزود جدا من افراز الغدد العابيه
9/ضعف كفاءة عملية البلع عند الطفل
في اسباب كتير ممكن تعمل مشكله مزمنه في البلع وتؤدي لتراكم وسيلان اللعاب::
... بروز أحد الفكين عن محور الالتقاء الطبيعي
... ضخامة حجم اللسان
...ضعف القدرة على التحكم في استقامة الرأس والرقبة.
...مشاكل واصابات في الجهاز العصبي

**طب اي الحل ؟

الاول لازم نحدد السبب ونعالجه حسب كل سن
لكن لازم ناخد بالنا من شويه حاجات ::
...بلاش نستخدم السكاته لأنها بتزود من الرياله
...نحاول دايما ننظفيف اللثه بشكل مستمر بقطعه قماش منعا لتراكم البكتريا والجراثيم
... نمنع الطفل من سلوكيات الفم السيئه ذي مص الايدين او الاصابع .
...نشجع الطفل لو مش بياخد باله انه دايما يبلع ريقه.

د/ريمون عصام
عضو الزماله المصريه لطب الاطفال وحديثي الولاده

15/07/2023

الخنفره

انسداد الانف بالافرازات المخاطيه الكثيفه
**الاسباب ؟.في حديثي الولاده تتراكم الافرازات الناتجه من الولاده(السائل الامينوسي) في انف الرضيع واللي بتكون اصلا مجراها ضيق .الارتجاع المتكرر واللي بيسبب شرقه وكحه مستمره .احتقان الانف في ادوار البرد والانلفونزا

**امته ممكن نقلق من الخنفره؟
حديثي الولاده كلهم بيكون عندهم تقرييا خنفره ودا بيرجع لضيق تجويف الانف
لكن نقلق لو كان في ::.صعوبة في الرضاعة. صعوبة في التنفس او معدل التنفس سريع.ظهور كحه شديده.زياده شديده جدا في الافرازات وسيبان مستمر

** اي العلاج؟.في الحالات البسيطه ممكن نستخدم نقط اوترفين او لايس .لو الافازات كثيفه بنستخدم غسيل انف بمحاول ملح او بخاخ ماء بحر

د/ريمون عصام
عضو الزماله المصريه لطب الاطفال وحديثي الولاده

12/07/2023

اللسان الجغرافي عند الاطفال

هو التهاب في الطبقه السطحيه التي تغطي اللسان ويبدأ يحصل فيها تشوهات وفقدان لجزء منها فيكون شكلها بالظبط عامل زي خريطه علي صفحه بيضا ،وعشان كدا بيتسمي اللسان الجغرافي . ممكن تستمر من اسبوع الي شهور .

**اي السن اللي بتيجي فيه ؟
ممكن تصيب في اي سن

**ايه سبب الحاله دي ؟
لا يعتبر إن في سبب رئيسي معروف للسان الجغرافي ولكن ممكن يكون السبب مرتبط::.التاريخ المرضي للعائله (بيكون منتشر في بعض العائلات).عدوي فطريه في اللسان .بفتره التسنين عند الاطفال ودا عشان زياده اللعاب جدا في الفتره دي من الالم .عدوي فيروسيه مثل الهربس .حساسيه اللسان ناحيه التوابل

**هل الحاله خطيره ؟
الحاله بسيطه ولا تسبب اي عدوي او سرطان .

**اي المضاعفات ؟
الحاله بسيطه مش بتعمل مضاعفات . المسكله الوحيده في بعض الاحيان من شكل اللسان بيكون مقلق
والوجع اللي بيعاني منه الاطفال.

امته تزور الدكتور ؟.الم شديد غير معتاد .ارتفاع درجه الحراره بشكل مفاجئ.ظهور تورمات حوالين الرقبه ( دي بتبقي غالبا عقد ليمفاويه )

**اي العلاج ؟
في الغالب الحاله لا تحتاج علاج لكن ممكن نستعمل::.مسكنات للالم .مضادات فطريات .غسول ومضادات هستامين

د/ريمون عصام
عضو الزماله المصريه لطب الاطفال وحديثي الولاده

09/07/2023

لين العظام عند الاطفال Rickets

الكساح هو ليونة العظام وضعفها في الأطفال، بيحصل عادةً بسبب النقص الشديد في فيتامين د. وبالتالي نقص في عنصر الكالسيوم اللي بيتم امتصاصه بمساعده فيتامين د .

اي مصادر فيتامين د الطبيعيه؟ .يتكون فيتامين د في الجلد بسقوط اشعه الشمس عليها .يود فيتامين د بتركيز اعلي في وجبات مثل صفاره البيض .الكبده .الاسماك الدهنيه

**اي السن اللي بيجي فيه لين عظام ؟
ممكن يجي في اي سن ولكن في الاطفال غالبا بيكون في سن من 6 شهور لحد سنتين .
لكن لو ظهرت الاعراض في سن اقل او اكتر من كدا بيكون غالبا في اسباب تانيه غير نقص فيتامين د منها اسباب وراثيه او امراض مزمنه تؤثر علي ترسيب الكالسيوم والفسفور في العضم .

**مين اكتر عرضه للين العظام ؟
-الاطفال اصحاب البشرة الداكنة::
دا لان البشره الداكنه فيها تركيز اعلي من صبغه الميلانين ودا بيقلل قدره الجلد علي استقبال أشعه الشمس .وبالتالي بيقل نسبه فيتاميين د اللي بيتم انتاجه في الجسم.
-الاطفال في الاماكن الشماليه والمتجمده::
لان نسبه تعرضهم لاشعه الشمس بتكون قليله جدا

-الاطفال اللي بيتولدوا بدري عن ميعادهم ::
بيكون عندهم مخزون اقل من فيتامين د . لان مكانش عندهم فرصه لاستقباله من رحم امهاتهم.

-استعمال الام لبعض الادويه ::
بعض الادويه المستخدمه لعلاج التشنجات والصرع تقلل من استفاده الجسم بفيتامين د

-الاطفال االلي بيرضعوا طبيعي فقط بدون مكمل فيتامين د. او عند ادخال الاكل بعد ٦ شهور يكون لايحتوي علي الاطعمه الغنيه بفيتامين د.

**ازاي بيتم تشخيصه ؟
تاخر الطفل في التطور الحركي زي انه يتاخر في الجلوس او المشي او الزحف
تاخر الطفل في التسنين
تكرار نزلات شعبيه او اسهال متكرر
وبيتم طلب تحاليل واشعه علي الاطراف لتاكيد التشخيص

** اي المضاعفات ؟
تكرار نزلات شعبيه او معويه وتكون حاده
تشوهات في الهيكل العظمي مثل:
السيقان المقوسة
ازدياد سُمك الرسغ والكاحل
بروز عظام الصدر

** اي هو العلاج ؟
استخدام فيتامين د فقط. بجرعات معينه ،وفي منه نوعين النوع العادي والنوع النشط .
و في بعض الحالات يتم اضافه الفوسفور او الكالسيوم.

** اي هي طرق الوقايه؟
استخدام فيتامين د من عمر يوم حتي عمر عام
تعريض الطفل للشمس في الفترات من 8 حتي 11 صباحا لمده من 10 ل15 دقيقه
استخدام انواع طعام غنيه بفيتامين د مثل الكبده، الاسماك الدهنيه ،صفار البيض

د/ريمون عصام
عضو الزماله المصريه لطب الاطفال وحديثي الولاده

08/07/2023

الحمي القرمزيه Scarlet Fever

هي عدوي بكتيريه في الجلد ناتجه من الاصابه ببكتريا Group A B streptococi .في الغالب بتيجي بعد التهاب شديد في الحلق او حتي عدوي مباشره في الجلد.

**اي اكتر سن بتيجي فيه ؟
منتشره جدا في سن من 5 ال15 سنه.

**اي الاعراض ؟
الاعراض ممكن تكون مسبوقه بالتهاب حلق او لا ..تبدأ بارتفاع في درجه الحراره بيستمر في الغالب لمده يوم او يومين وبعدها يبدأ الطفح الجلدي.
بيبدا من الوش والرقبه..... ..بيكون في الوش غالبا في صوره احمرار ودا بيكون كانك ضارب الطفل بالقلم علي وشه ( دا ممكن يكون مشابه لاعراض مرض تاني اسمه erythema infectiousm) كمان ظهور حلقة شاحبة حول الفم.
و اللسان بيكون شبه الفراوله ..أحمر ومليان نتوءات، وغالبا بتغطيه طبقة بيضاء في بداية الإصابة بالمرض.

بعدها الطفح بينتشر للجسم والزراعين والرجلين .وبيكون لونه احمر جدا مشابه لحرق الشمس وملمسه خشن وبارز عن الجسم .(هنا لازم نفرقه عن مرض مشابه ليه واللي بيكون عباره عن نزيف تحت الجلد )
بيستمر لمده اسبوع وبعدها بيبتدي يتقشر وينتهي.
**هل المرض معدي ؟
اه و بتتنقل العدوى من شخص إلى آخر من خلال الفم (العطس مثلا ..)، وتتراوح فترة الحضانة(دي الفترة ما بين التعرض للبكتيريا وظهور المرض) بين يومين و 4 أيام.

**ايه المضاعفات ؟
الموضوع مؤخرا علاجه بسيط ولكن لو متعالجتش البكتريا ممكن توصل الي ::
الدم،الأذن الوسطى،الجيوب الأنفية،الرئتان،القلب،الكليتان،المفاصل ،العضلات ...ويعمل مضاعفات خطيره

**هل تسبب الحمي القرمزيه حدوث حمي روماتزميه ؟
نادرًا جدا

**اي العلاج ؟
عباره عن مضادات حيويه بجرعات معينه

**هل في لقاح ضد الحمر القرمزيه؟
لا

د/ريمون عصام
عضو الزماله المصريه لطب الاطفال وحديثي الولاده

06/07/2023

الحمي الورديه Roseola infantum

واحد من اشهر الامراض المعديه الذي يصيب الاطفال من سن ست شهور لحد سنتين دا اكتر سن منتشر فيه. وبتزيد انتشارها في فصول الخريف والربيع.

**اي هي الاعراض ؟
الطفل بيسخن فجأه بدون سابق انذار وبتكون حرارته عاليه ممكن توصل ل40 درجه. مش بيكون ليها اي سبب واضح الحراره بتنزل بالخوافض والكمادات وترجع تعلي تاني وتفضل مستمره في الارتفاع لمده من تلت الي خمس ايام .وبعدها تنزل مره واحده. في نفس اليوم اللي بيظهر طفح جلدي في الجسم وينتشر للايدين والرجلين ويفضل مستمر لمده من يومين لتلت ايام .

**اي السبب فيها ؟
فيرس هيربس رقم 6 و7 وبتتنقل عن طريق الفم او العطس

**هل هي معديه ؟
الحمي الورديه معديه قبل ظهور الاعراض علي الطفل ،.
انتقال العدوي للكبار بتكون نادره جدا دا لان اغلب الناس اخدوا مناعه ضدها من اصابتهم بيها في سن صغير.

**هل محتاج اي كريمات للطفح الجلدي؟
مش بنحتاج نحط اي حاجه ليه ،هو مش بيسبب هرش وبيقعد من يومين لتلاته وبيختفي.

**اي المضاعفات ؟
اسوء مشكله بتكون في الحراره المرتفعه اللي ممكن تؤدي لتشنجات حراريه.

د/ريمون عصام
عضو الزماله المصريه لطب الاطفال وحديثي الولاده

05/07/2023

اللسان المربوط

**ما هو اللسان المربوط ؟
هو نسيج قصير ومشدود ،يربط أسفل طرف اللسان بقاع الفم.وهو مشكله شائعه جداا
**طب اي هو سبب اللسان المربوط ؟
السبب الاساسي غير معروف .لكن في الغالب بتكون اسباب وراثيه وبتاثر علي الاخوات

**-اي المشاكل اللي ممكن يعملها اللسان المربوط ؟
1//مشكله في الرضاعة الطبيعية::
الرضاعة الطبيعية تحتاج من الطفل يحافظ على لسانه على اللثة السفلية أثناء الرضاعة. ولو معرفش يحرك لسانه كويس ممكن يمضغ الحلمه بدل من انه ياخدها ويمتصها ودا بيعمل الم شديد للام وجروح في الحلمه وكمان الرضاعه بتكون مش ناجحه وتؤدي لفشل النمو.
2//صعوبات في الكلام::
يمكن أن يتداخل ربط اللسان مع القدرة على عمل أصوات معينه او خروج صحيح لمخارج الحروف.
3//سوء نظافة الفم::
مجرد ما نبدأ ندي الطفل اكل هيبقي من الصعب إزالة بقايا الاكل من الأسنان لصعوبه حركه اللسان . و دا هيعمل التهابات متكرره في الفم واللثه .

اي العلاج ؟
الدكتور بيفحص الحاله و بيحدد لان في ...
حالات مش بيشكل اللسان المربوط مشكله كبيره وبيكون من النوع الخفيف واحتمال يفك لوحده فمش بنحتاج تدخل جراحي.
وفي حالات كتير بتحتاج تدخل جراحي بسيط بتحرير اللسان من خلال قطع النسيج دا .

د/ريمون عصام
عضو الزماله المصريه لطب الاطفال وحديثي الولاده

30/06/2023

التبول اللا إرادي عند الاطفال

ما هو التبول اللا إرادي ؟
هو عدم تحكم الطفل في التبول ليلا او نهارا بعد سن خمس سنوات وهو السن الذي يكتمل فيه الجهاز العصبي البولي .بطبيعه الامر هناك بعض الاطفال تستطيع التحكم في سن اصغر من ذلك ولكن يتم تشخيص الحاله إذا تكرر الامر مرتين اسبوعيا ولمده تلت شهور وهناك نوعين ::

- التبول اللاإرادي الأولي:
يرجع عادة إلى تأخير في نضوج الجزء من الجهاز العصبي الذي يتحكم في وظيفة المثانة. او نقص في الهرمون المضاد لإدرار البول ADH بما يمنع التحكم في المثانة أثناء النوم، علاوة على أن الأطفال الصغار لا يملكون آلية الإشارات الكافية بين المثانة والدماغ

- التبول اللاإرادي الثانوي:
الاكثر شيوعا وفي الغالب له اسباب كثيره جدا منها
1/ نفسيه ::
**الخوف والترهيب من الاهل والمعامله بعنف

**محاوله جذب الانتباه في حاله ميلاد طفل جديد للعائله

**بعض حالات التوحد وانخفاض معدل الذكاء

**شعور الطفل بالاهمال من اسرته

2/ عضويه ::
**التهابات مجري البول

**مرض السكري النوع الاول

** الامساك المزمن ...الكفل غير قادر عن التعبير عن ذلك ..لذلك يجب ملاحظه اي تغيرات في عادات الطفل

**صغر حجم المثانه في بعض الاطفال

3/ وراثيه :
**في اغلبيه الاحوال ان كان الاهل سواء الاب او الام ظل لفتره متاخره من حياته يعاني من التبول الاإرادي .يعاني اولاده من نفس المشكله .وذلك يرجع لمشاكل وراثيه متكرره في العائله .

متى يجب زياره الطبيب ؟
**لو تجاوز الطفل سن الخمس سنوات

**ظهور علامات التهاب مجري البول ::
ألم وحرقان عند التبول. او الم اسفل الظهر او البطن
تغيير في لون البول معكر أو دموي.
ارتفاع درجة الحرارة.
احساس بالحاجة الشديدة للتبول لكن الطفل بيمرر كمية صغيرة من البول.

**لو كان الطفل يعاني من مشاكل ظاهريه اخري من نشاط زأئد او علامات انخفاض الذكاء

ماهو العلاج ؟
بعد عمل الفحوصات والتحاليل يتم تقسيم العلاج لنوعين
1//علاج غير دوائي::
**تشجيع الطفل للذهاب إلى الحمام بصورة متكررة .اثناء اليوم مع تمارين تدريب المثانه وكذلك أعمل جدول لدخول طفلك الحمام كل ساعتين أو ثلاثة طول اليوم.
**دخول الحمام قبل النوم مباشرة ، وايقاظ الطفل مرة واحدة اثناء النوم.
**تقليل السوائل قبل النوم والمنتجات المهيجه للمثانه زي الكافين والمشروبات الغازيه والشوكلاته والسكريات
**الإمتناع عن الضرب او اللوم والتأنيب.
**عمل برنامج مكافأات للطفل .وتحفيزه بالهدايا.

2//علاج دوائي::
لايتم استخدام العلاج الدوائي الا بعد سن الخمس سنوات .وبعد فشل العلاج الغير دوائي

د/ريمون عصام
عضو الزماله المصريه لطب الاطفال وحديثي الولاده
متابعه حالات التبول الاإرادي

29/06/2023

مرض السمنه للأطفال

السمنه من امراض العصر المنتشره بشده في جميع الاعمار
الامر يبدأ في اغلب الاحيان في السن الصغير ويشترك فيه الكثير من العوامل التي قد تؤدي الي ذلك
منها:
العوامل السلوكية: على سبيل المثال تناول الطعام بكميات كبيرة، وتناول الأطعمة المليئة بالسعرات الحرارية، وقضاء كثير من الوقت أمام الأجهزة الإلكترونية، وقلة ممارسة الأنشطة البدنية.
العوامل البيئية: سهولة الوصول إلى الوجبات السريعة، وقلة فرص ممارسة النشاط البدني، ونقص الحدائق والملاعب في بعض المجتمعات.
العوامل الوراثية: حيث يكون الطفل معرَّضًا لخطر السمنة عندما يكون أحد الوالدين على الأقل يعاني من السمنة، ومع ذلك فإن الجينات لا تعني بالضرورة أن الطفل سوف يعاني من زيادة الوزن
الأدوية: المنشطات وبعض مضادات الاكتئاب وغيرها.
الحالات الطبية: الحالات الهرمونية (مثل: قصور الغدة الدرقية، ونقص هرمون النمو)، ومتلازمة تيرنر، ومتلازمة داون.

خطوره السمنه تتمثل في المضاعفات التي تحدث فيما بعد من ::
امراض نفسيه :: اكتئاب والبعد عن الناس
امراض عضويه :: مقاومه الانسولين وهو ما يؤدي في النهايه لمرض السكر. وغيرها من الامراض
الالام مستمره في عظام الجسم صعوبه في الحركه وغيرها

ما هو العلاج ؟
يجب بشكل مبدأي تحديد السبب من خلال التاريخ المرضي والفحوصات
اتباع سلوكيات غذائيه جديده
المحافظه علي النشاط البدني
التشجيع بشكل مستمر وعدم استعمال الكلمات السلبيه
في بعض الحالات المرضيه يتم اعطاء ادويه لعلاج السبب .
متابعه الوزن والنمو بشكل دوري من خلال كيرفات النمو الخاصه بالطفل

د/ريمون عصام
عضو الزماله المصريه لطب الاطفال وحديثي الولاده
متابعات حالات السمنه وسوء التغذيه

30/04/2023

For online consultation and follow up
Scan QR code

03/03/2023

G6PDD-- أنيميا الفول

تعريفه

مرض وراثي ينتقل عن طريق كرومسوم اكس
بسبب نقص انزيم G6PD
الذي يحمي كرات الدم ويساعد في تحويل النشويات الي طاقه
--------------------------------------------------------------------------------------------------------------
الوراثه
XLR
تصيب الذكور اكثر من الاناث

---------------------------------------------------------------------------------------------------------------
الاعراض

عند التعرض للبقوليات وبعض الادويه والطعام يحدث تكسير في كرات الدم الحمراء نتيجه لغياب انزيم G6PD فتنتج عنها ماده البيلروبين الصفراء

ذلك يسمي ACUTE HEMOLYTIC ANEMIA

فيحدث
الارتفاع المفاجئ لدرجه حراره الجسم
تغير لون الوجه والاغشيه المخاطيه للاصفر
سرعه التنفس والنبض والام بالصدر
تغير لون البول للون الغامق او لون الشاي

تجمع هذه الماده خطر جدا علي الاطفال قد يؤدي الي فقدان السمع او اعاقه ذهنيه او تشنج حتي الموت
-----------------------------------------------------------------------------------------------------------------

الفرق بين أنيميا وحساسيه الفول
انميا الفول هو مرضيتم وراثته علي عكس حساسيه الفول والتي لاتختلف عن حساسيه اي طعام اخر والتي تتمثل اعراضها بظايه من طفح جلدي الي اعراض اشد من ذلك
--------------------------------------------------------------------------------------------------------------
العلاج

نقل الدم في الحالات الحرجه
تجنب بعض الاكلات والادويه

**زوات الفلقتين
مثل الفول والعدس البازلاء الفاصوليا )
*-مشتقات الفول الصويا
( مثل اللانشون والبرجر والسوس)
**المكسرات
(مثل اللب والسوداني والكاجووالفستق )
**المضادات الحيويه
المسموح فقط البنسلين والكيفالوسبورين
**المسكنات
المسموح فقط الباراسيتامول

**مضادات التقيؤ
المسموح به البرونكوفين

**فيتامين K والجرعات العاليه من غيتامين C

**الادويه المضاده للملاريا والدرن

**اغلب مضادات الحساسيه

**مضادات الطفيليات

**روائح النفثالين والمبيدات الحشريه

د/ريمون عصام
عضو الزماله المصريه لطب الاطفال وحديثي الولاده

05/12/2022

عياط الرضع

مين فينا معندوش طفل رضيع بيشتكي من عياط مستمر بلاسبب
العياط دا ليه اسباب كتيره ...

**اللبس بتاع الطفل .....
لو لبس الطفل تقيل اوي او الملابس مش قطن فتحرره جدا .. او لبسه خفيف فيكون بردان جدا ....او الحفاظه مبتتغيرش بشكل مستمر دا هيخليه يعيط بشكل هستيري

** الاكل....
لو الام بترضع الطفل كتير او قليل اقل من اللي محتاجه
طب ازاي نعرف اصلا كميه الرضاعه المناسبه للطفل علي حسب ....
لو طبيعي المفروض يرضع من كل ناحيه متوسط ربع ساعه او تلت ساعه ويشبع ويهدي وينام .وفي الغالب يحتاج في اول شهور متوسط من ٧ ل٩ رضعات .وكمان بنتابع الوزن بتاعه ودا الاهم يكون بيزيد بالمعدل الطبيعي لسنه .ودا المؤشر الاهم .
ولو صناعي بيبقي للطفل كميه معينه للبن وعدد رضعات حسبب عمره واللي بتزيد كل اسبوع في البدايه وبعدها كل شهر .
وطبعا من اهم الاسباب اللي ليها علاقه بالاكل الام لو بتاكل توابل كتير او شطه دا بيعمل مغص وحزق للطفل .

** الامساك
لو الطفل مبيعملش حمام كويس اكيد هيجيله مغص
طبعا ايه تحنا الطبيعي ايه ... الطبيعي بيتحدد حسب كل طفل
في طفل بيعمل مره كل كلام يوم .وطفل بيعمل مرتين تلاته في اليوم .تغير الوضع الطبيعي للطفل دا نقول عليه امساك
نستخدم بعض الادويه اغلبها نقط.. لحد اللبوس حسب درجه كل حاله .مع بعض التمارين

** مغص الرضع
دا مغص ملوش تفسير اوي لكنه بيكون شديد جدا بيبدا يزيد من سن اسبوعين الطفل يعيط لحد ساعتين في اليوم
ويوصل لاعلي درجات العياط التي قد تصل الي اربع ساعات في الاسبوع السادس ثم يبدا يقل تدريحيا ويختفي عند سن من تلت لاربع شهور
ممنوع طبعا ندي اي اعشاب مغليه
اللي بنستعمله بس بعض ادويه المغص وادويه المقلله للغازات
وتمارين للطفل منها تمرين العجله والساعه وغيرها
ونكرع الطفل وننيمه فتره علي بطنه
مع ادويه طبعا لعلاج الامساك

** فطريات الفم
من اكتر اسباب العياط ووجع البق ورفض الرضاعه
والطفل بيكون عنده طبقه من البياض علي لسانه وكل اركان الفم
بنستخدم بعض الكريمات للعلاج للطفل والام

** العدوي
من الاسباب اللي بتتنسي كتير. ومن اخطرهم
الطفل يكون بيعيط جامد اوي .وحرارته سخنه او نشاطه مش اوي .مع ضعف قدرته علي الرضاعه كقوه شفط.
لذلك يجب عمل تحليل لاستبعاد وجود عدوي واللي قد تحتاج لحجز الطفل في حضانه .

د/ريمون عصام
عضو الزماله المصريه لطب الاطفال وحديثي الولاده
متابعات حديثي الولاده نمو وصفراء

Dr/Remon Esam د/ ريمون عصام

20/08/2023

08/08/2023

06/08/2023

03/08/2023

01/08/2023

26/07/2023

16/07/2023

15/07/2023

12/07/2023

09/07/2023

08/07/2023

06/07/2023

05/07/2023

30/06/2023

29/06/2023

30/04/2023

03/03/2023

05/12/2022

Address

Telephone

Website

Alerts

Contact The Practice

Shortcuts

Share

Category