23/06/2025
أعرف إزاي إني بربي طفلي بحنيه و لا بدلع 🤔🤔
خليني أوضح الفرق بين الحنيه و الدلع
*الحنيه *
دي مشاعر حب و إحتواء و تواصل بينا و بينهم ، و الاطفال بتحس إنها محبوبه و مقبوله مهما عملت [ بيبان في الحضن الدافي ، في الدعم و التعاطف ، في إحترام الكل ، في الرفق عند رفض طلباتهم ،.....
في حدود واضحه جدا ليهم ، و مع الوقت بيفهموا ايه المسموح و الغير مسموح بيه و ايه اللي من حقه و إيه واجب عليه و إيه التعدي علي حدوده و التعدي علي حدود غيره
نتيجته طفل واثق في نفسه ، عنده آمان داخلي ،بيحترم اللي حواليه بيقبل الرفض او قول لأ عل طلباته مش لانه لا يستحق ، لأن طلباته غير مناسبه
*الدلع*
هو رغبه الأهل في تلبيه طلباته حتي لو غير مناسبه
غياب الحدود و قله قول لأ
الخوف من زعله او بكاؤه [ الاحساس الداخلي للاهل بإعتبار اي رفض هو قهر للطفل و مفهوش مراعاه لمشاعره و بناء عليه السماح له بأي تصرف مهما كان حتي لو غير مناسب ، ترك التصرف للطفل و إنه هو اللي يدير المواقف [ نعمل كذا ، نروح كذا ، نشتري كذا ،
نتيجته
طفل أناني بيحس إن العالم كله مفروض يدور حواليه
صعوبه في تحمل الرفض أو الإحباط
حزن ، زعل ، صراخ ، زن ، تخريب لما يتقاله لأ
ضعف في إحترام القواعد و سلطه الأهل
ضغط مستمر علي الاهل بيوصل لانفجار فجأه في وجه الطفل
و ممكن الامور توصل للعكس ( تحفز تجاه تصرفات الطفل ، تحميله مسئوليات اكبر من قدرته في مرحلته العمريه ، التأرجح بين الشد و الدلع حسب موود الأهل
و ربنا يعيننا نربيهم تربيه سليمه حنونه متزنه
