عيادة طب المخ والأعصاب والطب النفسى د/ أسماء العدل

20/11/2025

Not all treatment is medicine
She make my day 🥰

14/11/2025

العياده إجازة اليوم الجمعه

06/11/2025

30/10/2025

البوست ده مش الغاية منه الترند، ولكن الهدف منه توعية كل أم عندها بنت تحديداً.. فيه كوارث بتحصل و ممكن متتلحقش لو منتبهناش.
وعشان تفهموا أكتر من فضلكم اقرأوا نماذج الإستشارات الجاية دي لحالات تمت معايا بالفعل.

س/ في استشارة هاتفية أم بتسأل :
بنتي عمرها ٩ سنين عنيدة جداً جداً و عنيفة و مش بتسمع الكلام.. رافضة تتعلم و رافضة تلتزم بالوجبات عشان صحتها تكون احسن و بقيت رافضة تتواصل معانا مؤخراً لأني بجبرها تروح المدرسة و الدروس و كل المدرسين بيشتكي منها و بيرفضوا تكمل معاهم في الدروس مفيش إلا مدرس بعينه مستحمل من سنتين زنها و قرفها بيقول هتكون كويسة ولكنها مش مستجيبة برضوا..
بالله عليك قولي لي أعمل إيه معاها غلبت من المحاولات ومن نقد اللي حواليا بسببها إني فاشلة و مش عارفة اربي وده خلاني أعنف و أضرب أغلب الوقت وده ترتب عليه أن العلاقة انهارت..
طلبت منها اكلم البنت لو فيه فرصة.. ولكن البنت رفضت..
سألت مين أقرب حد لها ممكن تتكلم معاه؟
قالت كانت بتحب زوجة عمها جداً ولكن حالياً هما نقلوا لمنطقة تانية ولكن هتيجي الأسبوع الجاي عندنا مناسبة.. طلبت منها نتواصل مع زوجة عمها عشان دي اللي ممكن تعرف منها سبب السلوكيات دي إيه لما البنت تفضفض معاها..
و اتكلمنا مع الأم و زوجة العم في سيشن جماعي و اتفقنا تدير الحوار إزاي و تركز على إيه و أهم حاجة إن يكون فيه مساحة يتكلموا فيها بعيد عن الضغط و التطفل و البنت متشعرش إنها بيتم استجوابها.

بعد أسبوع تواصلت معايا الأم منهارة وده عشان اللي عرفته و قالت إن زوجة عمها عاوزة تكلمني..
زوجة العم قالت وهي بتبكي الآتي :
( سما "وده اسم مستعار." طلعت بتدبح و محدش حاسس.. البنت بتبكي عشان دايماً بيتم انتقادها و صدقت انها وحشة عشان علطول بيتقال لها و عنها أنها كئيبة و وحشة و غبية و فاشلة و سودة عشان بشرتها سمرا مش شبه والدتها وده خلاها مش متقبلة الأم لأنها مكانتش مهتمة غير بـ إن الناس تشوفها شاطرة و حلوة و ذكية اجتماعيا بس.
البنت بكت لما جت سيرة الدراسة، ولما اتسألت ليه مش بتروحي المدرسة ولا الدروس الا بالضرب قالت بعد محايلات ياما إن عامل النظافة في المدرسة كان بيتحرش بيها بشكل فج و يجبرها تمارس افعال منافية للحياء و الآداب بالتهديد إنه هيدبحها لو مستجابتش..
(بالمناسبة العامل ده توفي من كام شهر بحادث عليه من الله ما يستحق.)
حتى بعد موته البنت رافضة تروح إلا بالضرب مضطرة لأنها تعرضت للأمر ده لمدة سنة ونص أو سنتين فبالتالي عقلها ربط المدرسة بأنها مصدر إيذاء مش أمان وترتب على ده ان عقلها مشوش ومش بتقدر تحصل دراسيا بشكل جيد بسبب ارتفاع معدل قلقها و شعورها بالخطر طول الوقت.
و الدروس اتضح أن المدرس اللي مستحملها له سنتين كمان بيعتدي عليها ولكن البنت لأنها شعرت إنها مستباحة ومش مطلوب منها غير حاجات معينة بغض الطرف فيها إيه مجاتش لها الجرأة تحكي..
الأتعس في القصة دي كلها.. إن لما البنت قدرت تحكي بعد محايلات متعددة مهربتش للأم من قسوة الدنيا أو تتحامي في الاب من أي خطر بيهددها، بالعكس هربت لطرف تالت خالص ..
وللأسف فيه أطفال مش بيكون عندهم طرف تالت أساساً بتكون سلوكياتهم شاذة ومش مقبولة وإحنا نعنف عمال علي بطال.. وده لأننا مش مستوعبين ان السلوك ده صرخة استغاثة مش تمرد، إنها طلب مساعدة مش سوء ادب..
وده يلفت نظركم انكم قبل ما تعلموا و ترعوا ربوهم.
الأطفال محتاجين إحساس الأمان و القبول و الحب غير المشروط، عشان يهربوا ليكم من قسوة الدنيا ميهربوش للدنيا من قسوتكم.
______________________________________

س/ في استشارة هاتفية بنت بتقول :
عندي ٢٩ سنة متزوجة و بروح لأهلي زيارات كل شهرين تلاتة و عندي اخواتي أصغر مني ٤ اصغرهم بنت في ٢ إعدادي، ماشاء الله اللي يشوفها يتخيل إنها في ثانوي لأنها أكبر من عمرها و حلوة.. كنت عندهم من اسبوع بأولادي ابني بيلعب في شنطتها خرج ورق كتير بيرميه فقومت ألمه قبل ما تخرج من الحمام عشان متضايقش لقيت ورقة مطبقة و متشالة في حاجة شفافة و مكتوب عليها من برا عمري ابتدا من هنا!
تخيلت إنه جواب من زميلها ولا حاجة طلعت الكارثة أكبر.. طلع عقد جواز عرفي مكتوب بخط الايد ماضيه عليه هي و واحد تاني!!
كنت هتجنن خبيت الورقة و استنيتها تخرج و استأذنتها اكلم زوجي من عندها عشان معنديش رصيد معترضتش لأن طبع بيتنا محدش بيفتش في حاجة حد فـ فيه مساحة أمان بيننا.. فتحت الواتس لقيت شات متثبت فيه حاجات مرعبة و صور كتير بينهم منه و منها و كلام صعب ابا.حي صريح اتاريه الشاب اللي بيظبط المواعيد في السنتر اللي بتاخد فيه درس عمره ٢٢ سنة..
الموضوع وصل لحاجات بعيدة جدا جدا جدا أنا كتير لقيته بيقول لها هروح بدري تعالي، متمشيش علطول هستناكي.. أحيانا تزوغ من المدرسة و يطلعوا سوا
أنا مش عارفة فيه إيه ولا ده سببه إيه واجهتها الأول بكت وقالت إنه مستني ادخل ثانوي ونتخطب و نتزوج بعد الثانوي..
لما واجهتها بالورقة و وبختها قاوحت وقالت زوجي بيحبني و ملكيش دعوة.. وطلع الولد بني بيها و أفقدها عذريتها..
سمع اخويا الخناق عرف انه بس بينها وبين الشاب ده علاقة حب راح بهدله و ضربه لدرجة دخل المستشفى لما هي عرفت رمت نفسها من بلكونة بيتنا من الدور الثاني وحاليا هي في المستشفى.. انا قولت لأهلي وقتها عاب الحقيقة كاملة و طلبنا طبيبة نسا تكشف عليها و اتضح انها مش بنت و ان الامر متكرر...
مش عارفين نعمل إيه والله و هنموت من القهر..
سألتها عن طبيعة البيئة.. قالت عادي بيت عادي بالعكس واخدين حريتنا و كل طلباتنا مجابة وهي عشان الصغيرة فدلوعة البيت.. كله مصدوم أخويا حالف يموتها عمره ٢٦ سنة ومتزوج وبابا جاله جلطة و ماما فقدت النطق و مش عارفين نتصرف إزاي..

الدلع الزيادة زيه زي الحرص المبالغ فيه، نتايجه كارثية، البنات محتاجة تشعر بالاستقرار ولكن بنوهبهم ده لما ندربهم على تحمل المسؤولية و نكون واضعين حدود و تربيتنا فيها حزم ممزوجة بحنيه.. مينفعش نحب بدون حدود ولا نشد بدون عقل، الحنية و الحب المفرط بيخلقوا شخص متمرد، و أول ما بيشم نفسه بيعارض أهله اللي كانوا سبب الحياة بعد فضل الله وقدره.
_____________________________________

س/ في استشارة هاتفية بنت بتقول :
الأصل كانت الاستشارة بخصوص اختها كتمهيد قبل ما تتواصل هي معايا.. سالتها عن بيئة التنشئة عشان افهم اكتر فحكت ليا عن نفسها..
عمرها ٢٤ سنة و متزوجة، لما كانت طفلة كانت ساكنة هي و أخواتها و والدتها مع جدها و جدتها لوالدها لأن الأب مغترب، الجد كان هو اللي بيحفظهم القرآن (ظاهرياً) ولكن الحقيقي إنه كان بيتحرش بيهم جسديا و بيمارس معاهم أعمال جنـ ـسية قذرة و و بيهددهم لو حد عرف هيدبحوهم..
البنت مكانتش تملك شجاعة إنها تحكي إلا لما تفاجأت ان اختها الأصغر بتذكر الأسماء الصريحة للأعضاء التناسلية.. ولما اختها الأكبر انصدمت و سألتها عرفتي ده منين قالت لها جدو قال لي و عمل كذا و كذا و وقتها الأخت حكت عشان تنقذ اختها منه..
المشكلة انها كانت بترفض تنزل تحفظ قرآن عنده ولكن كان بيتم اجبارها لأنها في نظرهم بتتكاسل عن الحفظ و القرآن مش فاهمين انها بتهرب من مصيبة.

_______________________________________
س/ في استشارة هاتفية أم بتبكي بحرقة من اول السلام عليكم.. بعد محاولات لتهدئتها بدأت تحكي..

بنتي عمرها ٢٤ سنة كانت علاقتها بعمها اللي هو اخو أبوها متينة جداً و كلها دلع و حب كنا بنقول زي اخوها الكبير و يوعيها ما الدار امان!
فرق السن بينهم ١٠ سنين وهو مش متزوج كان بياخدها يخرجها و يروحوا مشاوير الكسوة للاعياد و المناسبات وكانوا يتغدوا سوا وكلنا كنا بنقول اب بعد اب و فرحانين إن فيه حد يشيل معانا المسؤلية خصوصاً ان ربنا رزقني بـ ٨ أطفال دي التانيه و الكبيرة عنده ٢٦ سنة وخاطب هيتجوز..
من شهرين اتقدم عريس وكنا بنضغط علينا توافق لأننا ارياف و سنها كبر و خلصت التعليم وهي رافضة قولنا لعمها يكلمها قال تستاهل الأحسن محدش يجبرها على حاجة..
زوجي و اخوه اتخانقوا لأنه شاف عمها بيقويها و يعصيها عليه و هو أبوها و اتفق أنها هتتجوزه مع ابو العريس لان العريس فعلا ميتعايبش وحددوا الشبكة بعد اسبوعين..
نمنا و صحينا ملقينهاش ولا هي ولا هدومها
وكذلك عمها
قلبنا الدنيا كلها يوم واتنين و التلفون مقفول
اليوم بقي اسبوع و الأسبوع بقي شهر و الأهل يقولوا مع عمها هيهديها وترجع متقلقوش..
في الآخر فتحت التليفون و بعتت لنا قسيمة جواز عرفي إنها متجوزة عمها من سنتين وعايشين حياة الأزواج وأنها مش هترجع تاني لا هي ولا عمها وبتقول بطلوا تدوروا علينا لأننا بعيد اوي وانا كبيرة و وصية على نفسي مش قاصر والعم قال نفس الكلام..
الأب جاله شلل و فقد النطق.. والبيت اتخرب و أنا مش عارفة قصرنا في إيه عشان يكون ده جزاتنا..

حسن النية المبالغ فيه نتيجته كارثية.
لا الخال والد ولا العم زي أبوها و الأصل إننا في فترة تشوه و انتكاس فطرة و مستنقع عفن من الشذوذ و الأفكار الغير سوية يبقى نضع حدود.
مينفعش نهائي نترك أولادنا غيرنا يربيهم لنا، ولا نثق في حد ثقة عمياء حتى لو كان أب أو اخ أو عم أو خال تو جد أو أي حد لأن الاباحيات جننت الناس إلا من رحم ربي.

أنا عاوزة اقول إيه؟
عيالكم حبوهم و أفهموهم قبل ما:
تربرهم
تعلموهم
تكبروهم
تأكلوهم
تشربوهم
تلبسوهم
الخ
ليه؟
عشان لما بنهمل الأساسيات ونركز على الفروع بيكون البناء هش و ضعيف ومع اول خبطة مهما كانت بيقع كل اللي تعبنا نعمله على دماغنا قبل دماغهم.

كمان عاوزة أضيف حاجة مهمة، حاولوا تحبوا عيالكم كأنهم أمانة عندكم لوقت معين و هتتقيموا بناءا على اللي عملتوه معاهم لما يتاخدوا تاني..
حبوهم ولكن بعقل
ربوهم بس بلين
حددوا قواعد بس برحمة
و اعرفوا إنكم لو مشربتوش لهم الحب بالمعلقة، بكرا هيلحسوه من على السكاكين.
الله يكفينا شر فواجع الأقدار، و يربي لنا عيالنا و يكفيهم شر نفسهم وشرور الإنس والجن يارب..
منقول للإفاده

02/10/2025

😅😅

18/09/2025

#ليله الجمعه
اللهم صلى على حبيبنا وشفيعنا محمد وعلى اله وصحبه اجمعين ❤️💝❤️

12/09/2025

شكرا يا بيشنت
انت طيب وجميل
مش هغيب تانى خالص😀
اهتمام من نوع اخر