https://www.facebook.com/104901197576735/

PhysioFit, Cairo (2025)

15/01/2025

مش عارف تاخد احتياجك من البروتين علي مدار اليوم ……

البروتينات النباتية زي الفاصوليا والحمص والفول بتوفر لك البروتين بشكل طبيعي وصحي! 🌱🥙

الأطعمة دي مش بس غنية بالبروتين، لكن كمان مفيدة لصحة القلب وبتساعد على الهضم بشكل أفضل. جرب تضيفها في وجباتك اليومية عشان تزود كمية البروتين اللي بتحتاجها بدون ما تعتمد على اللحوم فقط! 💪🥗

لو جربت البروتينات النباتية قبل كده؟ شاركنا تجربتك !

12/01/2025

عايز تكسب وزن بطريقة صحية وطبيعية؟
المكسرات هي الحل! غنية بالدهون الصحية والزيوت الطبيعية اللي بتزود وزنك تدريجيًا. كل يوم، ضيف حفنة مكسرات (حوالي 100 جرام) لوجباتك وشوف الفرق!
#دايت

27/12/2024

البوست دا هنشرح ازاي تقدر تكبر حجم العضلة وازاي تزود من قوتها في التمرين
اول حاجة لزمن نعرفها :-
🔹1)one rep max (1RM)
اقصي وزن تقدر تلعب بيه عدة واحدة صحيحة يعني مثلا لو بتلعب بنش عالي بالبار تنزل بالبار لحد صدرك وتطلع تاني للاخر دي كدة عدة شوف اقصي وزن تقدر تعمل بيه عدة واحدة بس هو دا اللي احنا عايزينوا
🔹2)reps (العدات او التكرارات)
🔹3)rest period (الراحة بين المجموعات)
🔹4)sets (المجموعات)
🔹5)intensity (الشدة)

🔹🔹كدة يلا بينا ........طبقا لاخر تقرير نزل سنة 2018 يخص الرياضيين
🔴🔴🔴🔴🔴🔴القوة العضلية🔴🔴🔴🔴🔴🔴
الوزن اللي هتلعب بيه 85-100% من 1RM
ليه ......؟
عشان اهم حاجة في زيادة القوة هو neuromuscular adaptation
اللي هو التواصل العصبي العضلي كل اما تزود من التواصل دا كل ما المخ هيبعت إشارات الانقباض للعضلة اقوي واسرع وبالتالي انقباض اقوي يعني قوة اكبر

العدات :1-5 عدة
هنهتم بحاجة اسمها repetition tempo
او إيقاع العدة
الأساسي هو 1/1/1 يعني هطلع بالوزن لفوق في ثانية واثبت فوق ثانية وانزل بيه في ثانية وهكذا
فيه أنواع تانية وكلهم صح

الراحة بين المجموعات 3-5 دقائق
فترة راحة طويلة عشان يحصل اقصي استشفاء للعضلة يعني تريح فترة طويلة عشان تقدر تشيل الوزن الكبير

المجموعات 4-6 مجموعات

🔴🔴🔴🔴🔴🔴الحجم العضلي 🔴🔴🔴🔴🔴🔴
الوزن اللي هتلعب بيه 75-85% من 1RM
ليه .............؟
عشان الالياف العضلية عشان تكبر محتاجة انها يحصلها تلف وارهاق بكثافة عالية (اوزان عالية ) وفي نفس الوقت مش عالية اوي عشان هكررها كذا مرة

العدات 6-12 عدة كل ما تزود الوزن تقلل العدات والعكس
repetition tempo بتاعنا هيبقي 2/0/2 هطلع في ثانيتين وانزل في ثانيتين
في أنواع تانية بتعتمد علي زيادة الفترة بتاعة eccentric contraction يعني بزود الفترة اللي هنزل فيها بالوزن اللي هي الحركة السلبية ودي بتبقي افضل كمان زي 1/2/4 هطلع في ثانية واثبت فوق ثانيتين وانزل بالراحة في اربع ثواني

الراحة بين المجموعات :فترة راحة معتدلة 60-90 ثانية
فترة راحة متوسطة كافية انو يحصل وصول للدم في العضلة عشان تتغذي وتبدأ تكرر المجموعة تاني

المجموعات 3-5 مجموعات

⬅بنصح بالتمرينات المركبة للاتنين زي
dead lift - bench press - squat - military press...…...
⬅الكلام اللي فوق دا كلوا من غير تغذية مناسبة واهتمام بنسبة البروتين اكثر من 1.6 لكل كيلو في جسمك مش هيبقي ليه لازمة 80% تغذية 10% تمرين 10% نفسية

23/12/2024

❄️ ليه مشاكل العظم بتزيد في الشتاء؟ ❄️

لما الشتاء يجي والجو يبقى برد، بنلاحظ إن آلام العظم بتزيد. 🤔 ليه ده بيحصل؟ الأسباب كتيرة وبتشمل:

1. البرودة 🥶: درجة الحرارة المنخفضة بتأثر على العضلات والأوتار، فبتخلي الحركة أصعب والألم يزيد.
2. الرطوبة 🌧️: الرطوبة العالية ممكن تزود التيبس وتفاقم الآلام.
3. قلة الحركة 🛋️: البقاء في البيت بسبب البرد بيقلل النشاط البدني، وده بيأثر سلبًا على صحة العظام.

دفي جسمك ودايمًا اتحرك عشان تتجنب المشاكل دي! 🏋️‍♀️🚶‍♂️

20/12/2024

🚀 نتيجة مذهلة بعد 3 شهور! 🚀

من 25% دهون لـ 14% دهون! 💥

من خلال دايت مناسب وتمارين مخصصة ليه ولتاريخه الرياضي والإصابات اللي عنده قدر يحقق الهدف في 3 شهور فقط! 🏋️‍♂️🔥

لو أنت كمان عايز تشوف نفس النتيجة وتغير جسمك للأحسن، ده وقتك تبدأ! 💪

إزاي؟
✅ دايت مرن هيساعدك توصل لأفضل نتائج سواء كنت عايز تخس أو تزيد عضلات.
✅ نظام تدريبي مناسب وتمارين مُصممة عشان تناسب حالتك ومستوى لياقتك، سواء كنت مبتدئ أو عندك خبرة.
✅ نظام لإعادة التأهيل في حالة الإصابات: لو عندك مشاكل زي آلام الظهر أو المفاصل، عندنا تمارين وحلول هتساعدك ترجع لحركتك الطبيعية بأمان.

إنت كمان تقدر توصل للنتيجة دي مع المتابعة والدعم الصح! 💯

📩 للحجز والاستفسار، ابعتلي رسالة دلوقتي!

13/12/2024

سرعة محمد صلاح مش صدفة، دي نتيجة شغل ووراءها حاجات طبية مهمة! ⚡🏃‍♂️

1.التكوين العضلي والعضلات السريعة 💪
ال (Fast-Twitch Muscle Fibers) هي الألياف العضلية المسؤولة عن القدرة على الجري بسرعة عالية. محمد صلاح عنده تركيبة عضلية متطورة، ودي بتخليه قادر على تسريع الحركة من الثبات بسرعة كبيرة.

2.التمارين والتحمل البدني 💥
التدريب المستمر بيطور القدرة على زيادة السرعة من خلال تحسين كفاءة الجهاز العصبي والعضلات. التمارين دي بتساعد على تحسين قدرة الجسم على التسارع بسرعة من نقطة البداية.

3.المرونة والتوازن 🔄
لما يكون في تنسيق عالي بين الجهاز العصبي العضلي، بيقدر اللاعب يتحكم في حركاته بسرعة ودقة، ويغير اتجاهاته بشكل مفاجئ بدون فقدان السرعة.

4.القدرة على التحمل 🏃‍♂️🔥
محمد صلاح بيتمرن على قدرة عضلاته إنها تفضل شغالة بكفاءة عالية لفترات طويلة من غير تعب سريع. ده بيساعده على الجري لمسافات طويلة بنفس الكفاءة.

5.التغذية والصحة العامة 🥗🍎
التغذية السليمة بتساعد على تحسين مستوى الطاقة والقدرة على التعافي بعد التمرينات، وده بيخليه يقدر يحافظ على سرعته ونشاطه لأطول فترة ممكنة.

باختصار، سرعة صلاح نتيجة تعب، تدريب، تغذية، وموهبة طبيعية! 🔥🏅
#سرعة #رياضة

09/12/2024

إمتى تستخدم الماية السخنة وإمتى تستخدم الماية الساقعة؟

الماية السخنة:
1. بعد التمارين الرياضية: لو حاسس بتعب في العضلات بعد التمرين، الماية السخنة بتساعد على تخفيف الألم وتريح العضلات 🏋️‍♂️💪.
2. لتهدئة الأعصاب: لو حاسس بتوتر أو قلق، شرب الماية السخنة أو الاستحمام بيها بيساعد على الاسترخاء 🛀😌.
3. لتحسين الهضم: لو عندك مشاكل في الهضم، شرب الماية السخنة بيساعد على تنشيط الجهاز الهضمي 🍵🍽️.
4. لتخفيف آلام المفاصل: لو عندك التهاب في المفاصل، الماية السخنة بتخفف الألم وبتساعد على الحركة 🚶‍♂️🦵.

الماية الساقعة:
1. بعد الإصابة مباشرة: لو اتعرضت لإصابة أو كدمة، استخدم الماية الساقعة لتخفيف التورم وتقليل الألم 🧊🤕.
2. للتخفيف من الحمى: لو عندك حمى، الاستحمام بالماية الساقعة بيساعد على خفض درجة حرارة الجسم 🌡️❄️.
3. لتنشيط الجسم: لو حاسس بالخمول أو التعب، شرب الماية الساقعة بيساعد على تنشيط الجسم وزيادة التركيز 🥤💡.
4. بعد التمارين الشديدة: لو عملت تمرين شديد، الاستحمام بالماية الساقعة بيساعد على تقليل التورم والالتهابات في العضلات 🏃‍♂️🧊.

🔰متنساش تعمل لايك للصفحة👍 وتعمل شير للبوست لو عجبك🔁 ولو عندك سؤال سيبه في الكومنتات 👇
#تغذية

21/11/2024

📢 يا شباب وبنات! 🌟

ليه لازم تتابع مع دكتور مختص وقت الإصابة؟ 🤔

✅ المتابعة مع دكتور مختص في التغذية والتدريب الأونلاين مش رفاهية، دي ضرورة! لما تتصاب، جسمك محتاج تغذية صح عشان يلتئم بسرعة، وتمرينات صح عشان ترجع للياقتك بسرعة وأمان.

💡 فايدة المتابعة الأونلاين:
1. تغذية مخصصة ليك: الدكتور هيوجهك لنظام غذائي مناسب يحافظ على صحتك ويساعدك تتعافى أسرع.
2. تمرينات مناسبة لحالتك: هيحددلك برنامج تدريبي يتماشى مع حالتك الصحية ويبعدك عن أي تمرينات ممكن تضر بيك.
3. متابعة دورية: هتكون على اتصال دائم بالدكتور عشان يجاوب على أسئلتك ويعدل البرنامج حسب احتياجاتك.

👨‍⚕️ ماتتعرضش للمخاطر! تابع مع دكتور مختص واحصل على الدعم اللي تستحقه. صحتك تستاهل كل الاهتمام! 🙌

📲ابعتلنا مسج اسأل علي تفاصيل المتابعة الاونلاين واستفيد بخصم ٥٠٪ بمناسبة Black Friday! #متابعة #تدريب #تغذية #تأهيل

18/11/2024

💪🏽🌱 عايز تبدأ تغير حياتك؟! 🌟

لو عندك مشاكل في العضلات، مش قادر تلتزم بأكل صحي، أو عندك إصابات بتمنعك من التمرين، أحنا هنا عشان نساعدك! 🚀
دلوقتي تقدر تبدأ متابعة أونلاين مع تيم كامل بيشمل دكاترة تغذية ودكاترة علاج طبيعي هيساعدوك بخطة بتناسب أهدافك وأسلوب حياتك! 👇
✅ خطة تغذية مرنة: نصائح غذائية هتساعدك توصل لأفضل نتائج سواء كنت عايز تخس أو تزيد عضلات.
✅ تدريب مخصص ليك: تمارين مُصممة عشان تناسب حالتك ومستوى لياقتك، سواء كنت مبتدئ أو عندك خبرة.
✅ إعادة تأهيل وإصابات: لو عندك مشاكل زي آلام الظهر أو المفاصل، عندنا تمارين وحلول هتساعدك ترجع لحركتك الطبيعية بأمان.

💥 لو جاهز تبدأ، ماتضيعش الوقت! 💥
هتقدر تبدأ رحلتك الصحية النهاردة وتحقق أهدافك بكل سهولة، كل اللي عليك تبعت لي رسالة عشان تبدأ !

📩 أبعت رسالة دلوقتي واسأل علي تفاصيل المتابعة الأونلاين!

#لياقة

14/11/2024

✅ لعبت قد إيه كارديو النهاردة يا وحش؟
-- لا يا دكتور، مش بلعب كارديو عشان أنا في مرحلة bulking وبحاول أحافظ على عضلاتي.
بس هل الكارديو فعلاً هيحرق عضلاتك؟ 🤔

💪 Cardiovascular Training 💪
للأسف، الكثير من الناس في الجيم بيهملوا تمارين الكارديو اعتقادًا إنهم مش هيناسبوا مرحلة الbulk. لكن الكارديو مهم جداً!

🔸 يعني إيه تمارين كارديو؟
هي تمارين لها هدفين رئيسيين:
✅ تحسين كفاءة القلب والرئتين.
✅ حرق الدهون وتقوية العضلات.

أمثلة على تمارين الكارديو:
مشي، جري، عجلة، نط الحبل وغيرهم.

🔸 ليه الكارديو مهم؟
1️⃣ بيزود كفاءة القلب وبيحسن ضخ الدم للعضلات.
2️⃣ بيزود كمية الأكسجين اللي جسمك بيستهلكها.
3️⃣ بيزود عدد خلايا الميتوكوندريا المسؤولة عن إنتاج الطاقة.
4️⃣ بيقلل فرص الإصابة بأمراض زي سرطان القولون وهشاشة العظام.
5️⃣ بيحسن قدرة الجسم على الحفاظ على درجة حرارته.
6️⃣ بيحسن نشاط الجهاز التنفسي والدوري.
7️⃣ بيحرق سعرات حرارية عالية وبالتالي تخلص الدهون أسرع.

🔸 عبالك كارديو لمدة قد إيه؟
من 15 لـ 45 دقيقة بناءً على نوع الكارديو وهدفك:

مثال لمرحلة bulking: كارديو 3 مرات في الأسبوع لمدة 15 دقيقة.
مثال لمرحلة cutting: كارديو 5 مرات في الأسبوع لمدة 30 دقيقة.
🔸 نوع الكارديو:

كارديو منخفض الشدة (LISS):
مناسب للمبتدئين ومرضى الخشونة. مثال: مشي لمدة 40 دقيقة.
مميزات: سهل وسريع استشفاء، مناسب للجميع، حرق دهون آمن.
عيوب: ممكن تمل بسرعة، معدل الحرق بيرجع للطبيعي بعد التمرين، مش مفيد في اكتساب العضلات.

كارديو عالي الشدة (HIIT):
فترات متبادلة بين تمارين شديدة وراحة. مثال: جري 15 ثانية ثم راحة 30 ثانية.
مميزات: توفير الوقت (15-20 دقيقة)، زيادة معدل الحرق بعد التمرين، حرق دهون أسرع.
عيوب: مدة استشفاء أكبر، غير مناسب للمبتدئين، ممكن يزيد الضغط على المفاصل

🔰متنساش تعمل لايك للصفحة👍 وتعمل شير للبوست لو عجبك🔁 ولو عندك سؤال سيبه في الكومنتات 👇
#تغذية

07/11/2024

هل عمرك حسيت إنك جعان على طول ومش قادر تفهم ليه؟ 🤔

✅ لما بناكل، جسمنا يهضم الأكل ويحوّله لسكريات أحادية اسمها جلوكوز. بعد كده، البنكرياس بيشوف إن الجلوكوز زاد في الجسم ويبدأ يفرز الإنسولين اللي هو البطل اللي هيدخل الجلوكوز للخلايا عشان يديها طاقة. ⚡

لكن في حالة مقاومة الإنسولين، فيه مشكلة بتحصل! الإنسولين مش قادر يوصل الجلوكوز للخلايا، والنتيجة؟ خلايا جعانة وجلوكوز كتير عاوز يدخل! 😟

🌟 والسؤال: جسمنا هيسكت؟ 👇
طبعًا لأ! هيدأ يبعت إشارات للبنكرياس عشان يفرز إنسولين تاني. لكن مع الوقت، هيتزايد مستوى سكر الدم (Hyperglycemia) وكمان الإنسولين (Hyperinsulinemia) بدون ما الخلايا تشبع.

🔁 وهنا تبدأ الدائرة المغلقة:
جعان ➡️ تأكل كتير ➡️ جلوكوز كتير ➡️ سكر دم عالي ➡️ البنكرياس يفرز إنسولين كتير ➡️ الإنسولين مش قادر يعمل شغله ➡️ مقاومة إنسولين أكتر ➡️ جعان أكتر...

والموضوع يفضل شغال لحد ما توصل لمرحلة مزمنة من مقاومة الإنسولين! 😱

وبما إن البنكرياس مش مكنة، العبء هيكبر، ومع الوقت ممكن يحصل تلف في وظايفه (Pancreatic Failure) ويؤدي لدخولك في مرض السكر من النوع التاني. السكر العالي كمان ممكن يعمل مشاكل في القلب والكبد والأعصاب. 😢

🧐 هنتكلم في البوستات الجاية عن الأعراض، التشخيص، وطرق التعامل مع مقاومة الإنسولين! تابعونا!

PhysioFit

15/01/2025

12/01/2025

27/12/2024

23/12/2024

20/12/2024

13/12/2024

09/12/2024

21/11/2024

18/11/2024

14/11/2024

07/11/2024

Address

Telephone

Website

Alerts

Contact The Practice

Shortcuts

Share

Category