Dr/Ahmed Fawzy دار العلاج النفسى

Dr/Ahmed Fawzy دار العلاج النفسى لا نملك إلا أن نهون على بعضنا الطريق ..

الضغط النفسي المستمر ,, و الحزن طويل الأمد ,, و عدم القدرة على التكيف مع مجريات أمور الحياة ..كلها من علامات بداية إصابة...
24/01/2023

الضغط النفسي المستمر ,, و الحزن طويل الأمد ,, و عدم القدرة على التكيف مع مجريات أمور الحياة ..
كلها من علامات بداية إصابة الشخص بالآكتئاب أو بكثير من المشكلات النفسية الأخرى !!
إذا كنت تشعر بأى من هذه الأعراض , راسلنا على " دار العلاج النفسي " تجد من يساعدك على تجاوز كل هذا ..

07/01/2023

من أكبر الأزمات اللى بيمر بيها مجتمعنا الفترة دى ، أننا بقينا بنشخص السلوكيات البشرية تشخيص يشبه فكرة( تيك اواى ) ..
تلاقى الواحد لما يضايق من تصرف أخوه أو صاحبه ، بسرعة تلاقيه يخرج الطبيب النفسي اللى جواه ، و يبدأ يصنف الناس .. ده نرجسى ، و ده سيكوباتى ، و ده كذا و ده كذا ..
كلام خاطئ كتييير ، كفيل انه يبوظ علاقات و يضيع حقوق ،، و اللى أخطر من كده أن الكلام ده بيخلينا مش قادرين نعرف المرضى الحقيقيين عشان نحاول نعالجهم ..
سيبك من تشخيص سلوكيات الناس ،، و سيب التشخيص لأهله ، عشان نستريح كلنا 🤍

06/01/2023

تعرف أن مش بس الطوب هو اللى بيعور .. بجد !!
أحياناً اللسان كمان بيعور !!
أصل العبرة مش أنك تشوف شكل الخبطة و أثر الجرح فى اللى قدامك .. لأن الخبطة ممكن تكون من جوا ، و الجرح يكون فى القلب عشان كده مش بيكون ظاهر !!
اللسان يقدر يعمل كده و أكتر ، عشان كده ربنا قالنا " و قولوا للناس حسناً " ، و عشان كده احنا مطالبين إننا نجرب أثر الكلام على قلوبنا قبل ما نسمعه للناس ..
خلى بالك من قلبك و قلب اللى بتحبهم 🤍

01/01/2023

ايه الحاجات اللى تعملها علشان صحتك النفسيه تكون كويسه !!
_ إبعد عن العلاقات السامه او المؤذيه .
_ اتعلم تقول لا وإعرف إن كلمه (لأ) مش أنانيه .
_ قارن نفسك بنفسك مش بالناس(كنت ايه و وصلت ل ايه) .
_ إهتم بجسمك من خلال ممارسه الرياضه والأكل الصحى والنوم الكافى .
_ خصص وقت لنفسك فى اليوم تعمل حاجه بتحبها أو ترتاح فى الوقت ده .
_ اقضى وقت مع الناس اللى بتحبها وحاول تتكلم معاهم فى الحاجات اللى شاغله بالك وبتفكر فيها .

= حاسس إنك مش قادر تعمل كده ! لسه مضغوط وتعبان وقلقان ! مستنى إيه ؟!
* إسأل حد متخصص 🍂 إحنا أقرب حد ليك 🤍

31/12/2022

امتى نحس اننا بنأذى نفسنا ؟!
لما بنخاف نقول ( لأ ) للحاجات اللى مش مناسبه لينا .
لما بنسمح للناس تتخطى حدودها معانا بدون اى رد فعل .
لما نقعد نلوم ونجلد نفسنا على اى غلطه .
لما نشوف نفسنا فاهمين كل حاجه ونبطل نتعلم .
لما بنشوف عيوبنا واخطائنا بس .. ومنشوفش اى نجاح أو اى حاجه ايجابيه بنعملها .
= اوعى تأذى نفسك وإسأل حد متخصص 🍂 إحنا أقرب حد ليك 🤍

29/12/2022

أغلبنا بيعتقد أنه أول ما هيتكلم مع الدكتور النفسى المفروض أنه يخف من اول ٥ دقايق فى الجلسه !!
اكيد دى معلومه مش صح .. العلاج النفسى بيقوم على مبدأ المشاركه والتعاون المتبادل بين المُعالج والمُتعالج للوصول للأهداف العلاجيه وللتخفيف من حده الأعراض التى يُعانيها المُتعالج ..
وبيعتمد العلاج النفسى على الخبره التراكميه والى زياده وعى المُتعالج بحالته وأفكاره ومُعتقداته ونقاط القوه والضعف لديه
و اكيد بيحتاج إلى وقت حسب الطريقه العلاجيه المتبعه وحسب طبيعه المشكله 🫂
متسيبش نفسك تعبان وقت طويل .. إسأل حد متخصص🍂 .. إحنا أقرب حد ليك 🤍

29/12/2022

الصوره التي كونها عقلك عن غيرك ليست صحيحه دائما ..
فلا تُعامِلُه علي خيال رسمه عقلك .. دون واقع 🍂

27/12/2022

_تفتكروا المقارنات بتسـرق الفرحه !!
= اه بتسـرق الفرحه فعلا 🙂
* مهما نجحت وحققت حاجات مش هتعرف تتبسط أو تفرح طول ما انت حابس نفسك فى سجن المقارنات 😟
ليه تقارن نفسك بغيرك .. خليك انت .. كُن نفسك 🍂
= متحطش نفسك فى سجن المقارنات .. كلمنا وإحنا نساعدك 🍂 إحنا أقرب حد ليك 🤍

26/12/2022

تفتكروا ليه مش بنعرف نوصل لأهدافنا🤔

_ يمكن بنختار أهداف مش بتاعتنا زى (أهداف أهلى أو أهداف أصحابى) !
_ يمكن بنستعجل النتيجه وبننسى أن النتيجه بتيجى مع الاستمرارية !
_ يمكن بنفضل قاعدين فى مرحله التخطيط ومش بنبدأ !
_ يمكن بنحط أهداف واسعه وغير محدده زى ( عايز أكون ناجح أو عايز أكون احسن ) !
_ يمكن بنخاف أو بنتكسف نطلب مساعده .. (السؤال مش عيب أو ضعف) .
_ يمكن بنحط أهداف كتيره اوى أو خطوات كبيره اوى و بننسى اننا محدودين احنا مش ( سوبر هيرو ) .
_ يمكن بنخاف نفشل ف بنفضل نأجل .. خليك عارف ان مفيش حد بينجح من اول مره .
= لو مش عارف تخطط لحياتك ومش عارف توصل لأهدافك كلمنا وإحنا نساعدك 🍂 إحنا أقرب حد ليك 🤍

25/12/2022

ليه خايف تاخد خطوه جديده فى حياتك !!
طب انت عارف ايه الحاجات اللى منعاك تاخد خطوه جديده فى حياتك ؟!
_ خايف من رأى الناس وأحكامهم !
_ مستنى الوقت والظروف المناسبه !
_ خايف من ارتكاب الأخطاء والفشل !
_ شايف أن معندكش هدف محدد أو عندك اهداف غير واقعيه!
_ خايف متعرفش تحقق اللى انت عايزه علشان دايما بتسعى للمثاليه !
= متوقفش حياتك ومستقبلك اكتر من كده وإسأل حد متخصص 🍂 .. إحنا أقرب حد ليك 🤍

24/12/2022

قلقك بيظهر فى أنهى صوره !!
_ ضربات قلب سريعه و صعوبه في التنفس !
_ شد عضلى طول الوقت أو جز على الاسنان !
_ طول الوقت بتجرى ومش بتحس بالراحه ابداً !
_ العصبيه الزايده مع صعوبه فى السيطره على الانفعالات !
_ بتواجه صعوبات في النوم علشان دماغك مش بتبطل تفكير !
_ بتقضى وقت كبير اوى بتفكر وتخطط ومش بتنجز اى حاجه !
= لو مش قادر تسيطر على قلقك كلمنا وإحنا نساعدك 🍂 إحنا أقرب حد ليك 🤍

Address

Ezbet Fahmy , Maadi
Cairo
.

Website

Alerts

Be the first to know and let us send you an email when Dr/Ahmed Fawzy دار العلاج النفسى posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category