Dr.Andrew Anwer

19/04/2023

كل سنة وانتم طيبين وبخير ❤

👈 الكرش انا مشكلتي الكرش مبوظ شكلي خالص
طيب الكرش الحقيقه مش مشكله واحده بس خلينا نقسمهم
🔵 اولا تراكم الدهون مابين العضلات والجلد
🔵 ثانيا تمدد وضعف عضلات البطن
🔵 تمدد الجلد بصوره اكبر من الطبيعيه نتيجه لوجود الكولاجين
👈الحل هنعالج ال3 مشاكل كل مشكله لوحدها لكن في نفس الوقت علشان توصل لافضل نتيجه
وعموما مفيش حاجه مستحيل اوصل للمستوي ده او جسمي يرجع زي الاول نبدا باول مشكله
*الدهون*
ودي بنحلها عن طريق اكتر من نظام غذائي وبكرر مش دايت ثابت في ورقه بمشي عليه علطول لان لازم جسمي هيتعود عليه في يوم من الايام وهبطل انزل في الوزن دي حاجه مفيش فيها جدال
*العضلات*
نتيجه لتمدد البطن والامعاء العضلات برضو هيحصل فيها تمدد ودي المشكله ان عضلات البطن بتفضل محسساك انك مخستش حتي لو وزنك بينزل
وعلاجها تمارين معينه للتقويه وشدها بطريقه سليمه
*الجلد*
ربنا خالقلنا الجلد بمكوناته انه عنده القدره علي التمدد والانكماش لوجود الكولاجين وغيره في تكوينه واكبر مثال المراه اثناء فتره الحمل 9 شهور بيتمدد الجلد و عضلات البطن بطريقه كبيره جدا وبعد الولاده مع المتابعه علي بعض التمارين الرياضيه كل شيء بيرجع شبيه للحاله الاولي
منشن لصاحبك الي الكرش معقده ومش بيخليه يلبس الي علي مزاجه
اي استفسار بخصوص المتابعة علي الواتساب ورسايل الصفحة

15/03/2023

تحذير
استخدام المنشطات في التنشيف وخسارة الدهون بيتسبب في كوار ث علي المدي البعيد

وحضرتك مش بتنبهر غير بصور قبل وبعد الي المدرب حاطتها وكاتب تحول طبيعي وفي مدة قليلة

ابسط الحاجات الي بتتاخد بدون ذكر اسماء ممكن تتسببلك في امراض مزمنة وانت شاب زي الضغط وكمان في منها علاجات للربو بتستخم علي الحيوانات زي الخيول

التنشيف الطبيعي له حدود وفي مدة زمنية كافية لكل جسم علي حسب نسبة دهونة

متاخدش دوا او عقار او اي مادة تدخلها جسمك من شخص ليس له علاقة بالطب حتي ولو كان عامل دعاية ومنزل ١٠٠٠صورة قبل وبعد مبهرين

لانك تاكد ان مش كلهم تحولات طبيعية نهائي
والمنشطات المستخدمة حقيقي حاجات كفيلة انها تنهي علي الكبد والكلي ومعظم وظائف جسمك وتعيش علي الادوية وانت لسا شاب

25/02/2023

بعد اذنك متشتريش اي مكملات اذا 🙅‍♂️

١-مكنش متبقي معاك فلوس كفاية
٢-اكلك كان كويس وفي تحسن في تمرينك واوزانك
٣-بتاكل خضار وبتاخد احتياجاتك من الفيتامينات
٤-لو في اي مكمل علية عروض والشركة المنتحة مش معروفة

طيب امتي تجيب مكمل ؟

لو عندك الامكانية المادية لان اي نكمل ممكن يتعوض بالتغذية

لو شايف انه مهم للمرحلة الي انت فيها سواء بتنشف او هدفك ضخامة عضلية

من شغللي مع اكتر من ١٢٠٠ عميل احب اطمنك المكملات عمرها ما هتضيفلك اكتر من التغذية والاكل الطبيعي

وخد بالك انت بتدخل جسمك اية وبكمية قد اية
دمتم بخير

11/02/2023

⛔ انت مش محتاج ابدا ابدا ( ٣ جرام ) بروتين لكل كيلو جرام من وزنك
اي كمية بروتين بتدخلها جسمك زيادة عن قدرتة مش هتستفيد بيها
ولو انت بتنشف او بتلعب كارديو كتير الانسب تاخد
١.٧ جرام بروتين لكل كيلو بحد اقصي ٢ جرام
ولو زودت عن كدة بيحصل (proteinuria)
نزول البروتين بكثرة في البول
دة غير انة اجهاد علي الكلي والكبد
الرباضة صحة جسم كلو وليس فقط العضلات💪

02/02/2023

ممكن اسالك سؤال!
طبعا يا دكتور اتفضل انا مذاكر كويس

حضرتك علي اي اساس بتاكل كيلو موز وتفاح وانت المفروض بتنشف وعايز تقلل نسبة الدهون !؟
هو يا دكتور مش المفروض دول الفاكهة الي بتخسس

طب ممكن سؤال تاني
اه طبعا يا دكتور اتفضل

لية الناس الي بتتمرن بياكلو ثمرتين موز قبل التمرين؟!
علشان بتدي طاقة وسعرات حرارية

حيرتني معاك يا دكتور يعني هما ينفعو في الدايت ولا لا

ثمرة الموز الكبيرة فيها ١٢٠ كالوري كانك كلت نص طبق رز او مكرونة 🙄
الخلاصة الفاكهة في الدايت مسموح بيها في بعض الانظمة الغذائية وبكمية محددة لان كل الفاكهة فيها سكر الفركتوز زية زي سكر الي بنحطة في المشروبات سكر الجلوكوز
دمتم بخير

19/01/2023

الكلام دة موجة لاي شخص مقدرتة المادية لا تسمح انة يتابع مع طبيب

مش كل الي عملو تحول في جسمهم كانو بيتابعو مع متخصص

الطبيب بيرشد يعني بيختصر عليك وقت في انة بيعملك نظام تمرين و نظام تغذية وبتابعك لكن الدور الاساسي علي حضرتك والتزامك

مش غلط انك تجرب وتحاول مع نفسك افضل كتير من الاستسلام

خليك فاكر ان اي مجهود بتعملة في فترة شبابك قبل سن ال ٤٠ سواء في رياضة او دايت او جيم او كورة هيعود عليك اضعاف بعد كدة

ودة مش كلام دكاترة دة واقع عايشينة

ابدا بالامكانيات الي عندك وهتوصل واقل النفع انك هتكتسب معلومات ووعيك يزيد مع الوقت

زي ما في دكتور شاطر في حالة مذاكرة وعندها وعي طبي و رياضي
بتمنالكو التوفيق

05/01/2023

مهم جدا جدا تواجدة وصورة يومية للرد علي الاسالة
مش يوم في الاسبوع زي ما الاغلب للاسف بيريح دماغة

⛔️هام جدا قبل ما تدفع فلوس لطبيب او حتي مدرب
⭕️لازم ترتاحلة نفسيا علشان تعرف تمشي علي ارشاداتة طول فترة المتابعة
⭕️لازم يغيرلك النظام مش طبيعي انك تفضل 3 شهور علي نفس الروتين في التمرين والاكل
⭕️لازم تتاكد من المادة العلمية الي عندة والي علي اساسها بيرشدك ويوجهك للانسب
⭕️لازم يكون متاح مش تكلمة يرد بعد اسبوع
⭕️لازم تمشي علي ارشاداتة لانك في الاول والاخر انت المسؤل عن النتيجة باجتهادك
كون واثق من انك تقدر يبقي ليك تحول اما من سيء لاحسن او من حسن للاحسن

22/12/2022

عايز تسالني عن اية اكتر حاجة تخليك تبقي محبط ومش عايز تكمل مشوارك الي بداتة؟

اقولك انك متلاقيش نفش النتيجة كل اسبوع مع انك تبقي ماشي علي كل حاجة مظبوط

سواء كان هدفك انك تنزل نسة الدهون في جسمك الي هي بالمناسبة جشمك بيتعامل معاها علي انها مخزون للطاقة لوقت الطوارئ يعني مش بيتعامل معاها علي انها خاجة سيئة

ولو كمان هدفك تذود الكتلة العضلية فكذلك دة تغير بيحصل بالتدريج مش من يوم وليلة

ومفيش شخص واحد جسمة بيتغير بمعدل ثابت
لازم يبقي في فترات ثبات وفترات معدلك بيقل نسبيا
ويرجع يعلي تاني

ودوري هنا اني اساعدك تتخطي المرحلة دي بسرعة او مندخلش فيها من الاساس

بتمنالك التوفيق يا بطل

16/12/2022

سمعت عن ال TUT قبل كدة 🤔
ووظفتة لبناء عضلاتك بشكل احسن !؟💪
TIME UNDER TENTION
او باختصار الوقت الي حضرتك بتحط فية العضلة تحت ضغط
شايفك يالي بتقول في سرك انك بتقعد في الجيم فوق الساعتين يوميا 🙄
بس هل بقي انت الساعتين دول بتستفيد بيهم ولا زي ما طلعت زي ما دخلت 🙂
هو ازاي ممكن مستفيدش بوقت الجيم هقولك انا
اولا : لو بتاخد المجموعات بتاعتك بسرعة ومش بتهتم بالحركة السلبية وبتاخد وقت راحة كبير بين المجموعات
يا دكتور يعني اية الحركة السلبية 🥺
اي تمرين فية حركتين ايجابية وسلبية يعني وانت بتلعب بنش بالبار وانت بترفع البار من علي صدرك دي حركة ايجاية وبتبذل فيها مجهود اما وانت منزل البار لمستوي صدرك دي نص الحركة السلبية
مثال تاني وانت بتلعب سكوات وانت بتقف وبترفع البار
دي نص الحركة الايجابية وانت بتنزل بالبار دي نص الحركة السلبية
طب فهمت يا دكتور اية بقي موضوع ال TUT دة
باختصار انك تقضي وقت الجيم وانت حاطط العضلة تحت ضغط كبير يعني بتعمل مجموعاتك وتكراراتك ببطئ بتلعب بوزن مناسب مش خفيف عليك
وكمان وقت الراحة مناسب ميكونش طويل يفصلك وانت بتتمرن
فهمت انا كدة يعني ممكن واحد يخلص تمرينتة في ٥٠ دقيقة بس تكون تمرينة شاقة وتعود علية بنفع احسن من الي بيقعد شاعتين يتمرن
بالظبط كدة دة الي عايز اوصلهولك
يومك جميل 🤍

27/10/2022

يا دكتور انا مقلل اكلي. تقريبا مبقيتش اكل ووزني مش بينزل اعمل اية؟

يا دكتور مش عارف انشف نسبة الدهون لسا فوق ال ١٥% وعضلات بطني مش ظاهرة ؟

كونك مقلل اكلك وكل اعتمادك انك تقلل نسبة السعرات الي داخلة جسمك دة شيئ كويس بس مش علي المدي البعيد

الكارديو مهم جدا انك تخلي جسمك يحرق سعرات وقت التمرين فبالتالي احتياجة يذيد

تقليل الاكل وعدد الوجبات لوحدة هيدخلك في ثبات وزن بسرعة حتي لو في نتيجة في الاول

للاستفسار عن المتابعة والحجز علي واتساب او رسايل الصفحة