17/04/2025
فاقد الشئ لا يعطيه، لان في ناس ما بتعرفش تدي حاجه اتحرمت منها، لإنها ببساطة ما تعرفش عنها حاجه..
وأحيانا تانيه فاقد الشئ بيقدر يعطيه مليون مره كتعويض للحاجه اللي افتقدها واتحرم منها للي حواليه بمنتهى القوة،
عشان الانسان منقدرش نتوقع ردود أفعاله بالورقة والقلم 📝
البعيد عن العين بعيد القلب،
ومع ناس تانية البعيد عن العين بيبفضل قاعد مهما بعد ومهما إختفى جوه العين وجوه القلب وجوه الروح ما بيتنسيش، ودي حاجه ليها علاقه بأسباب كتير اوي زي نمط تعلق الشخص نفسه، مستوى الحميمية والقرب الحقيقي والأمان اللي خدناهم من علاقتنا بالشخص ده، وقد ايه الشخص ده ممكن بموقف واحد بس أثر فينا أثر إيجابي جميل من غير ما يلوثه الخزلان..
ففي ناس بتبعد وبتختفي فبتتنسي، وفي ناس مهما بعدت بتفضل عايشة جوانا❤️
