03/12/2025
الست اللي فضلت شجاعة… لحد ما اتكسرت
بقلم د. مهاب عبدالباقي - استشاري الطب النفسي
"جتلي في منتصف الأربعينات، وكانت قوية بشكل يخليك تعتقد إنها جبل.
مسؤولة عن البيت، وعن أمها المريضة، وعن بنتها، وعن شغلها…
وكل ما حد يقولها:
"انتي كويسة؟"
تضحك وترد:
"أنا قوية… مقدرش أقع."
وللأسف… القوة المفرطة أحيانًا نوع من الهروب.
في جلسة معينة، وهي بتحكيلي عن حمل السنوات…
قالت جملة خرجت منها غصب عنها:
أنا مش عايزة أكون قوية تاني… أنا عايزة حد يقويني.
دي مش مجرد جملة…
ده اعتراف لروحها إنها مش سوبرمان…
وإن في جزء منها كان محتاج حد يحتضنه بدل ما يعتمد على نفسه طول الوقت.
في النهاية… أدركت إنها سمحت للكل إنهم يسندوا عليها… ونسيت هي تسند على مين.
القوة مش دايمًا دليل الشجاعة…
أحيانًا الاستسلام المؤقت، والبكاء، والاعتراف بالضعف…
هو أعلى درجات القوة النفسية."
