Dr. Mahmoud _Elshabaci-GI clinic

01/11/2025

01/11/2025

الموضوع بيبدء بسيط ومع عدم التشخيص الدقيق

والمتابعه بيروح العيان ف حته تانيه ومرحله متأخره من

المرض ..

لو اتشخصنا بدري العلاج هايبقي افيد وانفع للعيان...

دمتم بصحه 🤝

20/08/2024

I gained 4,235 followers, created 7 posts and received 15 reactions in the past 90 days! Thank you all for your continued support. I could not have done it without you. 🙏🤗🎉

18/08/2024

--دايما حجم الحصوات المراريه بيتناسب عكسي مع خطورتها

ومضاعفات ممكن تحصل للعيان

--يعني كل ما تكون الحصوه اكبر كل ما قلت خطورتها انها تسد

القنوات المراريه

--تشخيصها بسونار ع البطن

--واعراضها الم ف الجانب الايمن العلوي اسفل القفص الصدري

--ف موضوع كامل عن الحصوات المراريه هانتكلم فيه

وهانعمل فيديو توضيحي بالموضوع ده ان شاء الله

14/08/2024

- صوره ل شكل جرثومة المعده تحت الميكروسكوب او ما
يسمي ب الميكروب الحلزوني ..

- تتجاوز نسبة العدوي ف مصر ٨٥ ٪؜ من الاصابه ب جرثومة المعده

- هانتكلم باستفاضه عن طرق العدوي ومضاعفاتها وطرق العلاج المختلفه

08/08/2024

اثناء فعاليات مؤتمر الجهاز الهضمي في اسبانيا
2022

07/08/2024

مواعيد العمل بالعياده ..
عيادة مدينة نصر ٢٨ ب انور المفتي من عباس العقاد
ايام السبت والاتنين والتلات
من ٧ ل ١٠ مساءا .

عيادة التجمع : عيادة 109 الدور الأول ميديكال بارك إيليت داخل The yard mall بجوار بوابة 5 - الرحاب.

ايام الاحد من ٤ ل ٦ مساءا
الاربع من ٥ ل ٧ مساءا

د محمود الشباسي : استشاري امراض الباطنه العامه والجهاز الهضمي جامعة عين شمس .

للحجز والاستعلام : 01020056317
اتصال فون او خلال الواتس اب

دمتم بصحه وخير 🙏

31/07/2024

التهاب المعده .

تورم او تهيج بالغشاء المخاطي المبطن للمعده والغشاء ده هو اللي بينتج المخاط اللي بيحمي المعده من حمض المعده .
وع حسب درجة الالتهاب ومدته وزمنه بيتم تصنيف الالتهاب الي ::

التهاب معده حاد :: وده بيكون مدته ايام وبيحتاج كورس علاج بسيط او ممكن ينتهي الالتهاب بدون اي علاجات في الحالات البسيطه منه.

التهاب المعده المزمن :: بيستمر لفترات طويله
وده بيحتاج كورس علاج اطول بيحدد مدته ع حسب درجة الالتهاب وممكن ياخد اشكال وتطورات تانيه اذ لم يتم اكتشافه مبكرا وعلاجه بالطريقه الصحيحه .

الأعراض اللي ممكن تكون موجوده مع مريض
المعده الملتهبه ؟؟

---الم شديد وحاد ف الجزء العلوي من البطن مع مشاكل بالهضم
---غثيان وقئ واحيانا التجشؤ بيكون موجود
---حموضه او حرقة المعده مع عدم ارتياح في الجزء العلوي من البطن
---فقدان شهيه وعدم القدره ع اكتساب الوزن
---قيئ دموي او ظهور دم ف البراز وده اذا استمر الالتهاب لفتره طويله وكده يبقي المريض داخل ع قرحه او بقي عنده قرحة معده

اسباب التهاب المعده ؟ كتيره منها :

تناول المسكنات ومضادات الالتهابات الاستيرويديه كا لبروفين والفولتارلين والاسبرين ....
تناول الكحولايات
تناول المواد الحاره والزيوت والأكل الدهني لفترات طويله
انخفاض تدفق الدم للمعده واحتقان الوريد البابي ( congestive gastropathy )
الإصابة بجرثومة المعده ( H. Pylori)
التوتر الشديد لفترات زمنيه طويله ( prolonged stress )

انواع التهاب المعده ::

التهاب المعده التآكلي : Erosive gastritis
الالتهاب بيبدء ياكل في بطانة المعده وده لما بيزيد بيبقي ف منتهي الخطوره لانه بيسبب تقرحات المعده النازفه والغير نازفه وممكن ينتهي الأمر بحدوث سرطان المعده اذ لم يتم اكتشافه مبكرا وعلاجه بالطرق الصحيحه

التهاب المعده الغير تآكلي : Non Erosive gastritis وده اقل انتشارا من النوع الاول وده بيكون مع الوقت في ضمور في بطانة المعده او الاغشيه المخاطيه وده بيحول نسيج المعده الي شكل اخر وده برده ممكن ينتهي بيه الأمر لحدوث سرطان المعده ...

مضاعفات التهاب المعده ؟

قد يتطور الأمر الي حدوث تقرحات نازفه او غير نازفه في المعده
او حدوث نزيف معوي حاد
سرطان المعده .

تابع المنشورات وهانتكلم ع مواضيع تانيه كتير ف المعده وغيرها #

شخص حالتك وعالج معدتك بدري #

متعكم الله بالصحه والعافيه 🙏🙏