What are the opening hours?

Monday 7pm - 10pm Tuesday 3pm - 6pm Wednesday 7pm - 10pm Thursday 7pm - 10pm Saturday 3pm - 6pm Sunday 7pm - 10pm

https://www.facebook.com/105302364589802/

عياده د.سالي القربي للاطفال وحديثي الولاده Dr.Sally Elkeraby Kids Clinic, Cairo (2026)

26/02/2021

▪️انطلاق حمله تطعيم شلل الاطفال عن طريق الفم من يوم الاحد ٢٨ فبراير حتي يوم الاربعاء ٣ مارس.

🟢التطعيم مهم لكل الاطفال من عمر يوم الي عمر ٥ سنوات لان نادرا ما يصاب الاطفال فوق سن ٥ سنوات .
🟡توقيت الحمله يتزامن مع ظهور عينات بيئيه لفيروس شلل الاطفال .
🔴لا يتعارض التطعيم مع اي من التطعيمات الاخري ولا يفترض الفصل بينهم لمده معينه .
🔵التطعيم نقطتين بالفم ولا يسبب اي اثار جانبيه .
🚫🚫موانع التطعيم 🚫🚫
▪️الارتفاع الشديد في درجه الحراره وسوءالحاله العامه للطفل .
▪️نقص المناعه الاولي والوراثي.
▪️مرضي اللوكيميا والاطفال اللي بيتناولو ادويه مثبطه للمناعه او علاج كيماوي .

لطب الاطفال وحديثي الولاده
١٣ ش محمد_ عوض مكرم عبيد ناصيه مفكو حلوان
📲01066694758
☎️02_23497197
✅01005555802

07/02/2021

؟🤔
اكتر سؤال امهات الاطفال متكرري عدوي اللوز بيسألوه لدكتور الاطفال ❓
الاجابه ✅✅
▪️لو الطفل بيصاب اكتر من ٧ مرات في خلال سنه بعدوي بكتيريه مصاحبها حراره وتضخم غدد ليمفاويه يبقي لازم استئصال .
▪️لو بيتكرر الالتهاب اكتر من ٥ مرات سنويا لمده سنتين متتاليتين يبقي لازم استئصال .
▪️او اكتر من ٣ مرات سنويا لمده ٣ سنوات يبقي لازم استئصال .
▪️لو حجم اللوزتين كبير ومسبب للطفل مشاكل زي متلازمه انقطاع النفس💤 اثناء النوم او صعوبه في الكلام يبقي استئصال .
▪️لو في اختلاف في حجم اللوزتين وشك في احتماليه وجود خلايا غير طبيعيه🚫 يبقي لازم استئصال.
▪️لو حدث واتصاب الطفل بخراج في اللوزتين .
▪️لو اتسبب الالتهاب المتكرر في اعراض حمه روماتيزميه للطفل بعد الفحص الاكلينيكي والمعملي🩸💉 .
▪️او في حاله وجود نزيف باللوزتين يبقي لازم يتم الاستئصال .
▪️احيانا بيكون تضخم اللوز مسبب مشاكل بالاذن👂🏽 ودي كمان من دواعي اسنئصال اللوزتين
✅✅مش بالضروره يتم استئصال اللوز واللحميه في حالات بيتم استئصال اي منهم بس او مع بعض حسب راي طبيب الانف والاذن🧑‍⚕️👨‍⚕️ .
✅✅لابد من كورس مضاد حيوي مناسب قبل وبعد الاستئصال وذلك لتجنب اي مضاعفات .
دمتم بصحه ❤❤
مع تحيات
لطب الاطفال وحديثي الولاده
١٣ ش محمد عوض من مكرم عبيد _ناصيه مفكو حلوان
للحجز والاستعلام
☎️02_23497197
📲01066694758
حجز واتس اب
01005555802 ✅

09/01/2021

🦠
طبعا مع حدوث الموجه التانيه من الفيروس🦠🦠 وانتشارها بشكل اكبر واسرع وطبعا الاطفال 👦👧من الفئات المصابه ايضا علي عكس الموجه الاولي🚫 ولكن لا داعي للقلق لان معظم الاعراض في الاطفال بتكون بسيطه او بسيطه الي متوسطه وبيتم التغلب عليها زي اغلب ادوار الشتاء المعتاده .
✳✴ طيب ايه اشهر اعراض كورونا في الاطفال ⁉️

🔴ارتفاع حراره وصداع وهمدان وقريفه وقله نشاط في الاطفال الرضع .

🔵قله المجهود وكثره النوم والام بالعضلات .

🔴الكحه او السعال الجاف الاشبه بالشرقه واحيانا مصحوب ببلغم خاصه في حاله وجود عدوي بكتيريه مصاحبه .

🔵اسهال وقيئ والم في البطن وده من اشهر الاعراض في الاطفال بالاخص اقل من ٥ سنوات وجفاف في الرضع بالاخص .

🔴رشح بسيط واحتقان في الانف واحيانا فقد حاسه الشم والتذوق .

✳✴اعراض اقل شيوعا ونسبتها قليله .

▪️طفح جلدي في الجسم او الاطراف🦶💪 .
▪️تغير في لون الاصابع وخاصا القدم .
▪️صعوبه في النفس ونهجان والام في الصدر .
▪️التهاب رئوي حاد🫁 بدون مقدمات .
▪️عدم تركيز او تشنجات🧠 .

⁉️طيب ازاي نفرق اذا كان الدور ده كرونا او فيرس تاني ⁉️⁉️⁉️
✅✅اكلينيكيا قد يكون التفريق والتأكيد بنسبه ١٠٠% صعب الا حد ما بدون عمل مسحه وpcrللتاكيد حتي في حاله عمل التحاليل المعمليه زي صوره الدم ومعدل الميكروب وغيره .

✅✅ فطبعا بيكون الاهم هو علاج الاعراض ولا داعي لتكلفه الاهل لعمل مسحه وتحاليل واشعات مقطعيه الا عند الضروره وحسب راي الطبيب المعالج لان علي الاغلب بيكون العلاج للاعراض ورفع كفاءه مناعه الطفل ..وبعض المضادات الحيويه في حاله وجود التهاب رئوي او اشتباه في التهاب شعبي .

✅✅هنقول تاني مفيش داعي للقلق او الهلع الاهم هو تجنب المضاعفات والاهتمام بعلاج اعراض الطفل ومتابعته اول باول .
▪️في حالات الاسهال والنزلات المعويه اهم خطوات العلاج هو محلول الجفاف وتعويض الطفل بالسوايل والكربوهيدرات اابسيطه وتجنب حدوث جفاف للطفل والاسهال غالبا بيخف من ٥ الي ٧ ايام .
▪️تغذيه الطفل مهمه اوي خصوصا البروتينات والسوايل الدافيه ومصدر كربوهيدرات بسيط ولكن بدون ضغط لان غالبا شهيه الطفل للاكل بتكون ضعيفه .
دمتم بصحه ❤
مع تحيات
لطب الاطفال وحديثي الولاده
١٣ ش محمد عوض مكرم عبيد .ناصيه مفكو حلوان
☎️: 02_23497197
📲: 01066694758/ 01005555802

22/12/2020

..البوست ده هيكون فيه شويه نصايح صحيه✅ للفتره الحاليه عشان نقدر نعدي منها باولادنا بخير وصحه خصوصا مع انتشار وزياده اعداد المصابين .

🔺️التغذيه الجيده الفتره دي مهمه اوي للطفل وبالاخص الاهتمام بالبروتين والخضروات والفاكهه .
🔻ساعات النوم للطفل متقلش عن ٨ ساعات لان ده بيفرق جدا في مناعتهم .
🔺️الفيتامينات والمكملات الغذائيه زي فيتامين د و الحديد وفيتامين سي والزنك مهمين لكفاءه جهاز المناعه ومعاهم كمان lactoferrin .
🔻طلبه المدارس لازم يلتزمو بارتداء الكمامه والفيس شيلد واستخدام المطهرات والكحول اثناء الوجود في المدرسه ولو اي طفل ظهر عليه اعراض مرضيه كحه حراره اسهال رشح يبقي يمنع من المدرسه فورا . وطبعا لو في بديل اليكتروني يكون ده الافضل والاسلم في جميع الاحوال .
🔺️شرب الميه مهم اوي خصوصا اننا في الشتاء والاطفال بتنسي الميه .
🔻التهويه الجيده في البيت او المدرسه ووجود مصدر هوا متجدد ده اهم شيئ لمنع انتشار العدوي مفيش داعي للكتمه والتدفئه الزياده لانها بتساعد علي انتشار العدوي .
🔺️اتجنبي تيارات الهوا خصوصا في وقت نزول المدارس ويفضل خروج الطفل بالكمامه من باب البيت .
🔻اللبس لازم يكون مناسب للجو يعني لو يوم حر او دافي وشمس نخفف اللبس مش اللبس التقيل اللي بيحمي بالعكس قد يكون سبب في مشكله .
🔺️الاطفال مرضي الحساسيه وبالاخص الصدر والانف يستخدمو البخاخات العلاجيه باستمرار مع الادويه الاخري للسيطره علي عدد مرات الاصابه بالنوبات والازمات .
🔻لو حد مصاب في البيت لازم يتم عزل الاطفال تماما بعيد عنهم وعدم السماح لهم بمخالطتهم اطلاقا .
🔺️المشروبات الدافيه بشكل عام مفيده جدا الفتره دي وعسل النحل للتحليه بعد سن السنه هتفرق جدا في ادوار الكحه والتهاب الحلق.
🔻الحركه والرياضه في مكان مفتوح بعيد عن اي اختلاط مهم جدا لصحه الجهاز التنفسي والمناعي .
🔺️امنعو التدخين جمب الاطفال تماما.
🔻نضافه الانف والتسليك المستمر بيحمي من ادوار كحه كتير ونزلات شعبيه لاقدر الله .
🔺️حالات الاسهال منتشره الايام دي سواء لوحدها او مع ادوار الرشح والحراره والكحه لازم نعالج بمحلول الجفاف من الاول لتجنب الجفاف وغالبا الاسهال بيتوقف في خلال ٣ الي ٥ ايام .
دمتم بصحه 💜
مع تحيات
للاطفال وحديثي الولاده

15/12/2020

🤧😷..الايام دي تقريبا الشكوي الاكتر تكرارا وتكاد تكون الوحيده في العياده هي الرشح عند الاطفال لمده يومين او تلاته وبعدها كحه شديده🗣 لمده من اسبوع لاسبوعين وقد تصاحبها حراره بسيطه 🤒او بدون حراره اساسا .
▪️ده سببه غالبا عدوي فيروسيه موسميه زي الانفلونزا وال rhino او غيرها من الفيروسات المنتشره حاليا .

▪️غالبا الادوار دي بتتحسن بدون الحاجه لاستخدام مضادات حيويه الا اذا حدث مضاعفات لا قدر الله .

▪️اهم خطوه في العلاج هي تنضيف الانف👃 جيدا عده مرات يوميا باستخدام المحلول الملحي والبخاخات زي physiomere او unimere او otrivinمع تشفيط الانف للاطفال باستمرار واستخدام مضاد حساسيه لتقليل الرشح لمده ٣ ايام لتجنب تراكم الافرازات في القصبه الهوائيه وبالتالي وجود كحه عنيفه 🗣.

▪️استخدام جهاز البخارnebulizer بمحلول ملحي ليه مفعول سحر في ذوبان البلغم وتحسين حاله الجهاز التنفسي العلوي .

▪️تناول كميه من السوايل الدافيه ☕والراحه في البيت مع التغذيه الجيده مهم جدا للطفل.

▪️ادويه الكحه وخصوصا الطارده للبلغم وليست المذيبه مع ادويه اساسها اعشاب بيحسن الكحه بشكل كبير .

▪️احيانا قد نحتاج اضافه مضادات حيويه حسب الحاله او في حاله وجود عدوي بكتيريه مصاحبه او حدوث نزله شعبيه .

مفيش داعي للقلق والرعب واهم شيئ مراقبه تحسن الطفل والنفس وفي حاله التدهور او عدم التحسن لابد من استشاره الطبيب او التوجه لاقرب مستشفي .
دمتم بصحه💜
مع تحيات
لطب الاطفال وحديثي الولاده
١٣ ش محمد عوض_ مكرم عبيد_ مدينه نصر

للحجز :
☎️:02 _23497197
📲01066694758

29/11/2020

نصائح للوقاية من أثناء تغذية الأطفال بالمدرسة👇

29/11/2020

👂🏽شكوي مشهوره ومتكرره في الاطفال في جميع المراحل العمريه👼🧍‍♀️🧍‍♂️ من عمر شهور الي سن ١٠ سنوات او اكتر .
ايه هي اسباب الم الاذن عند الاطفال ⁉️
🟣من اشهر الاسباب...
▪️التهابات الاذن الوسطي او الخارجيه وده بيكون ليه اسباب كتيره حسب سن الطفل مثلا التهاب الاذن في الرضع اقل من سنتين غالبا سببه هو طرق الرضاعه الغير صحيحه او استخدام الببرونه🍼 بواسطه الطفل وبالاخص وقت النوم مما يسبب التهابات متكرره في الاذن الوسطي .

▪️في المراحل السنيه الاكبر بيكون الاسباب غالبا مصاحبه لادوار فيروسيه او بكتيريه او فطريه او التهاب واحتقان في البلعوم والاذن .
▪️او نتيجه عدوي بسبب استخدام السماعات 🎧او نزول حمامات السباحه او استخدام سدادات الاذن بشكل كبير وده غالبا بيصيب ايضا الاذن الخارجيه وبيسبب الم شديد وبيصاحبه احيانا فطريات .

▪️مش معني ان الطفل بيمسك ودنه انها تكون ملتهبه او فيها ميكروب لازم دكتور يفحص الطفل ويقرر .

⁉️هل كل التهاب للاذن يستدعي استخدام مضادات حيويه ؟ الاجابه لا .......
🔴🟠الاكاديميه الامريكيه لطب الاطفال نصحت باستخدام خوافض الحراره 💊والمسكنات ومضادات الالتهاب وتقييم الحاله طبيا بشكل جيد باستخدام منظار الاذن واعاده تقيمها في خلال ٤٨ الي ٧٢ ساعه وعلي اساسه تحديد حاجه المريض للمضادات الحيويه .
▪️ارتفاع الحراره اكتر من🤒👂🏽 ٣٩ ووجود التهاب واضح بالكشف يستدعي استخدام المضادات الحيويه فورا .

الم الاذن من الشكوي الهامه جدا اللي لازم نتعامل معها باهتمام لان ممكن ببساطه تأثر علي سمع الطفل🦻 او تسبب مضاعفات لا قدر الله .
✅اهم النصائح لتجنب مشاكل والتهابات الاذن .
🟢ممنوع ارضاع الطفل وهو نايم او اعطاؤه الببرونه بنفسه .
🟢ممنوع وضع اي جسم غريب داخل اذن الطفل سواء قطن او سداده او سماعات .
🟢علاج الاطفال اللي بيعانو من جيوب انفيه او احتقان مستمر في الجهاز التنفسي العلوي بالادويه المناسبه لان ده بيأثر علي الاذن ايضا .
🟢نقط الاذن لازم توصف تحت اشراف طبي بعد فحص طبله الاذن .
🟢يفضل اعطاء جميع الاطفال تطعيم المكورات والانفلونزا لتقليل نسب الاصابه بالعدوي سواء بكتيريه او فيروسيه ومضاعفتها .

مع تحيات لطب الاطفال وحديثي الولاده
١٣ ش محمد عوض من مكرم عبيد مدينه نصر
للحجز والاستعلام ...
☎️02_23497197
📲01066694758

19/11/2020

.. 👶 لازم كل ام تتابع تطور طفلها بس نكون عارفين ان مفيش طفل زي التاني كل طفل ليه طبيعه ولكن بيكون في علامات تطور ومحطات هامه كل الاطفال لازم تحققها في نفس السن🧑👧 هنوضحها في البوست ده .

🟢الشهر الاول ..الطفل بينام عدد ساعات كبير 🕑⏰من ١٤ الي ١٨ ساعه وبيكون نومه ملخبط ممكن ينام طول النهار ويصحي طول الليل .كفوف ايده بتكون مقبوضه باستمرار✊ . بيسمع جيدا . البكاء بالنسبه ليه الوسيله الوحيده للتعبير عن كل احتياجاته ..جعان بردان عايز يغير ده طبيعي .
🟣الشهر التاني ..بيقدر الطفل يجيب ايده ناحيه وشه✋ ويقدر نوعا ما يحركه راسه في الجهتين لما يكون نايم علي بطنه بس ميعرفش اوي يرفع راسه👼👼 .بيبدا يركز بعينه علي الاشياء من مسافه ٨ الي ١٢ بوصه اعتبارا من شهر ونص .

🔴الشهر التالت.. في الشهر ده الطفل بيبدا يتحكم في راسه بشكل افضل وبيصلب راسه بثبات ودي مهمه جدا لان لو طفل كمل ٣ شهور ولسه راسه بترجع لورا ومش عارف يتحكم فيها يبقي لازم استشاره الطبيب👩‍⚕️👨‍⚕️ .كمان بيقدر يتابع بعينه الاشياء👀 ويصدر اصوات مناغاه ويرتبط باللعب اكتر . ويجيب ايده ناحيه فمه👄👶 . بيبدا الطفل يبقي اجتماعي ويبتسم لو حد لعب معاه .

🟡الشهر الرابع والخامس ..بيزيد ادراك الطفل واستيعابه ويظهر علامات الفرح اثناء لعبه ويبدا في الضحك بصوت مرتفع ..يتحسن ادائه العضلي ويتحكم في رقبته والضهر بشكل افضل .في الشهر الخامس الطفل بيعرف امه بالشكل والهيئه (هو طبعا بيعرفها من صوتها وريحتها من اول الولاده ).ويروح عليها لو وسط الناس🧕🤱 .كمان الطفل بيعرف اسمه في السن ده ويستجيب ويلتفت لو ندهتي عليه. وطبعا وزنه لازم يكون اتضاعف عن وزن الولاده . يعني تقريبا ٦ الي ٧ كيلو.

🟠الشهر السادس والسابع ..بيبدأ الطفل يقعد لوحده في البدايه ممكن يحتاج يتسند وبمرور الشهر السادس بيتحكم في عضلاته بشكل افضل وبيقدر يقعد كويس جدا بحلول الشهر التامن لازم يكون الطفل بيقعد قعده كويسه جدا 🧘لو حصل غير كده لازم الام تستشير الطبيب . بيبدأ كمان ينقل الحاجات من ايده لايده التانيه في عمر من ٦ الي ٧ شهور
بيتحسن ادراكه🧠 بشكل كبير وبيعرف الاب والام بشكل واضح وممكن يعيط لو اتعامل مع اشخاص غريبه عنه .

🟣الشهر التامن والتاسع ... بيبتدي الطفل يصدر اصوات تشبه شكل مقاطع زي da da_da _ ba_ ba وبيقدر يشاور او يعمل باي باي 🖐🖐وبيبتدي الطفل يفهم بعض المفاهيم ويكررها زي لا او no .. بيقدر كمان ياكل نفسه بسكوته🧇 وينقلها كويس من ايد لايد . بعض الاطفال بتحبي او تسحف في السن ده وممكن يسند ويشد علي الاثاث ويحاول انه يقف ساند .

🔴الشهر العاشر او الحادي عشر .. الطفل بيتحسن جدا في وقفته وبيقدر يوصل لاهدافه البعيده 🪅🎲🧩🧸وبيحب جدا الاكتشاف بيقدر يتسند ويقف وممكن يقدر يدور ويلف حوالين الترابيزات او ياخد خطوه او اتنين .. ويقدر يسقف ويعمل باي وكمان يقول كلمه من مقطعين زي baba ويقدر يمسك حاجات بواسطه السبابه والابهام 🤏وممكن يشرب لوحده من كوب الاطفال الخاص🥤 .

⚪الشهر الثاني عشر او السنه .

الطفل بيقدر يقف او ياخد خطوات🦶🦶 سواء بمفرده او بمساعده حد... ويقدر يشد في حاجه ويقوم يقف بثبات .. وملحوظه مهمه.🚫. مشي الطفل لوحده خالص ممكن من سن سنه الي سنه ونص والبنات بتتاخر عن الاولاد. .بيعرف الاهل وبيقول كلمه او كلمتين 🗣.بيقدر يلعب ويدور علي الالعاب لو خبتيها . ويعرف استخدامات الاشياء اليوميه زي كوبايته ومعلقته🍽🥃🥄 ويستجيب لاوامر بسيطه زي اقعد او اعمل باي ..
✅الطفل بيكون علي الاقل طلع سنه او سنتين في عمر السنه ويكون وزنه تلاته اضعاف وزن الولاده في حدود ٩ الي ١١ كيلو .
🟥🟥دي اهم نقط التطور للطفل ولازم كل ام تتابع طفلها بدقه ولو حسيت باي تأخر لازم تستشير طبيب لتقييم الحاله ومعرفه السبب وسرعه علاجه
مع تحيات لطب الاطفال وحديثي الولاده
١٣ ش محمد عوض _مكرم عبيد _مدينه نصر

للحجز والاستعلام :
☎️:02 _23497197
📲: 01066694758

16/11/2020

تعلن العياده عن توافر تطعيم الانفلونزا للاطفال vaxigripمن سن ٦ شهور الي ٣ سنوات . التطعيم باسبقيه الحجز .

للحجز والاستفسار ؛
☎️02 _23497197
📲01066694758

13/11/2020

5 معلومات يجب أن تعرفها عن الالتهاب الرئوي 👇

13/11/2020

شجع طفلك على غسل الخضروات والفواكه بالمياه الجارية النقية قبل تناولها، لكي يحمي نفسه من الإصابة بالديدان المعوية...
الحملة القومية للقضاء على الديدان المعوية للأطفال في المرحلة الابتدائية ورياض الأطفال مستمرة حتى ١٩ نوفمبر..

12/11/2020

....الايام دي منتشره جدا ادوار الاسهال🤑🤑🤢 والترجيع بين الاطفال في مختلف الاعمار .

🟣اغلب هذه الادوار بيكون بسبب عدوي فيروسيه من انواع مختلفه من الفيروسات بيزداد نشاطها في الخريف❄⛈ .

🟡بتصحبها حراره في بعض الحالات واحيانا بدون حراره .
الترجيع والاسهال هم ابرز الاعراض .

🟠اهم حاجه ان الام👩‍🍼 تحاول تحافظ علي طفلها من انه يصاب بالجفاف لان دي اشهر مضاعفات النزلات المعويه .

🟢محلول الجفاف اساسي في العلاج لتعويض السوايل🥛🍼🥤 المفقوده ولازم تبتديه بدري قدر الامكان ... بالاضافه لبعض الادويه او المضادات البكتيريه والطفيليه حسب تشخيص الطبيب .
🔵لازم الطفل يعرض علي طبيبه لمعرفه السبب ووصف العلاج المناسب واجراء التحاليل اللازمه وتقييم درجه الجفاف خصوصا في السن الصغير لسهوله حدوث المضاعفات .

🔴احيانا الادوار بتكون عده ايام وتنتهي خصوصا لو سببها فيروسي ولكن يبقي اهم شيى هو تجنب اي مضاعفات .

⚪غالبا الاطفال بيفضلو فتره الدور وما بعدها عندها فقدان شهيه عشان كده بننصح الامهات باكلات خفيفه زي شوربه🍲🍗 الخضار واللحوم البيضاء لحد ما امعاء الطفل تتعافي ويستعيد شهيته وطبعا الرضاعه الطبيعيه تستمر طول الوقت بشكل طبيعي .
مع تحيات
لطب الاطفال وحديثي الولاده
١٣ ش محمد عوض من مكرم عبيد ناصيه مفكو حلوان _مدينه نصر
للحجز والاستعلام :
☎️:02_23497197
📲:01066694758

عياده د.سالي القربي للاطفال وحديثي الولاده Dr.Sally Elkeraby Kids Clinic

26/02/2021

07/02/2021

09/01/2021

22/12/2020

15/12/2020

29/11/2020

29/11/2020

19/11/2020

16/11/2020

13/11/2020

13/11/2020

12/11/2020

Address

Opening Hours

Telephone

Website

Alerts

Contact The Practice

Shortcuts

Share

Category

Monday	7pm - 10pm
Tuesday	3pm - 6pm
Wednesday	7pm - 10pm
Thursday	7pm - 10pm
Saturday	3pm - 6pm
Sunday	7pm - 10pm