18/09/2024
جلسات العلاج الطبيعي ليس لها أي فائدة!
جلسات علاج طبيعي وعملت.
دوا وأخدت.
بس لسا محستش بتحسن؟ أو محصلش النتيجة اللي كنت متوقعها؟
أوحسيت بتحسن 40 في المية فقط بعد الجلسات والعلاج
- يعني بعد ده كله اتحسن بنسبة 40 في المية بس؟!
قبل ما تعرف ال60 في المية دول يجوا ازاي,
محتاج تعرف أن نتيجة العلاج الطبيعي بتعتمد علي 3 عوامل:
1- الجلسات نفسها.
2- الدواء.
3- التزامك بالتعليمات.
مثال محدد عشان تعرف أكتر:
وليكن انت بتعاني من آلام بالظهر
لو آلام الظهر سببها جلوسك لساعات طويلة للعمل علي المكتب..
- يعني اسيب الشغل يا دكتور؟
أكيد مش هتوقف حياتك, العلاج الطبيعي مش دوره انه يمنعك عن روتينك اليومي او مهام العمل, ولكن بيساعدك ان تقوم بيهم بطريقة صحيحة.
فهل التزمت بتعليمات الدكتور انك تعمل alarm تقوم تتحرك كل نص ساعة ومتنساش نفسك قاعد لفترات طويلة؟
أو لو آلام ضهرك بسبب حملك لحاجات ثقيلة باستمرار وليكن طلبات البيت,
هل حاولت تقسمها وتشيلها على دفعات او تطلب مساعدة أخر؟
وقيس على ذلك في جميع مهام الحياة المختلفة.
بإختصار شديد العلاج الطبيعي مش سحر, ها يعالج أي ألم برغم الاستمرار في القيام بنفس العادات الخاطئة اللي بتأذى عضلات ومفاصل الجسم.
وفعلاً جلسات العلاج الطبيعي ليس لها فائدة
الا في حالة واحدة;
لو قمت بالدور اللي عليك.
لو عايز تعرف تابع صفحتنا.
ولو لسا متفرجتش علي فيديو: ليه ممكن تحس بألم تاني بعد الجلسات؟
دوس هنا:
https://web.facebook.com/share/r/toSE2GVZNEhJkTe1/
دمتم بخير.
