Dr christina rafat د كرستينا رافت

17/09/2023

02/03/2023

- أنا اتعلمت بعد الخلفة حاجات كتشييير اوي .. 😇
- اتعلمت إزاي أصوت زي جارتنا المجنونة .. 😱
- اتعلمت أبرق .. 😳
- اتعلمت أزعق فى أى مكان ولا بيفرق معايا برستيچ ولا نيله 😎
- اتعلمت صوتي يجيب آخر الشارع وأنا بقول ارحمى أمي بقي م الزن .. 🤬

- ومش خايفه تتحولي من البنت الكيوت للنوعية دي من الأمهات؟!

- ههههههههه ماتيجي أحدفك بحاجة فى وشك 😂

25/02/2023

للأسف دي خلطة الفراخ المُصنعة اللي العيال اتعودوا عليها ومبيحبوش غيرها.. سـ ـواء البانيـه أو الناجتـ ـس الجاهز للتصنيع....

المكونات😔👇:
جلد فراخ مفروم.. ومطبوخ الصويا.. ونسبة بسيطة من الفراخ.. ومادة MX غير معلومة مكوناتها.. ومادة RTX غير معلومة مكوناتها.. ونشا ومرتجعات الأسواق ومرتجعات ما بعد التصنيع وماية وتوابل..
ناهيك بقي عن ان مفيش فيه أى تغذية وتضيع فلوس لأنها مش رخيصة لأ كمان تسبب امراض وسرطانات😭
للأسف مفيش رقابة خالص
ارجوكم اتقو ربنا في الأكل اللي بتدوه لعيالكم😓

23/09/2021

وفقا لما صدر الينا اليوم من تعليمات من وزارة الصحة:
متوفر لدى الوحده ابتداء من اليوم مصل الاسترازينكا
فاى حد هييجى ياخد اللقاح هيكون استرازينكا إن كان سليما معافا ،،،
موانع تلقي لقاح الاسترازينكا حسب تعليمات الوزارة مايلى
١/الامراض المناعية ونقص المناعه
٢/مرضي السرطانات بكل انواعها
٣/المرضي الذين يتلقون علاج كيماوي
٤/المرضي الذين يتعاطون كورتيزون لفترات طويله
٥/المرضي الذين قامو بزراعه كبد اوكلى
فرضا واحد جالى وعنده اى مانع من الموانع دى.
هياخد لقاح سينوفاك بشرط أن لا يكون لديه اى مانع من موانع تلقي لقاح سينوفاك

موانع تلقي لقاح سينوفاك ذكرناها سابقا ونكرر أيضا وهى ما يلى:
١/الحوامل
٢/المرضعات
٣/ المراه المقبله على الحمل
٤/الشخص الذى يعانى من اى عرض من أعراض البرد العادى،،،كحه ،،حمى ، رشح زكام إلى آخره
طيب اعراض الاسترا ايه
سخونية تكسير في الجسم وهمدان الم مكان الحقن ورعشة
طيب الأدوية
دوليبران ٣مرات او بنادول كل ست ساعات
أدوية السيولة بتتاخد للناس العرضه للجلطات أو d dimer عالي اكتر من 0.5 زي ريفاروسبير أو اندوريفابان أو اكسارونت (لو البنت او الست عندها period بيزود blood)

20/08/2021

قبل ما تبدا دايت لانقاص الوزن و تفشل خد بالك
الاهمال في علاج الغدة الدرقية شي صعب
لو عندك الاعراض دي توجة لاقرب معمل
التحليل المطلوبة هي tsh
Free t3
Free t4

30/07/2021

المرة الوحيدة اللي كنت هاخد أهل المريض بالحضن لما سألتهم هو بياخد علاج ايه .. فكانت المفاجأة السعيدة دي :D

27/06/2021

مش عشان ابنك بيرضع حليب بقرى او جاموسي من قبل السنه ومحصلش حاجه يبقى انتي صح
مش عشان ابنك بيشرب عصاير كتير ومحصلش حاجه يبقى انتي صح
مش عشان بتضيفي ملح وسكر لأكل طفلك قبل السنه ومحصلش حاجه يبقى انتي صح
مش عشان ابنك بتاكليه بسكويت وشاي من بدري يبقى انتي صح

أولا ده فضل من ربك ... ثانيا انتظري التوابع بعدين مش لازم في وقتها

لو انتي مش مقتنعه بالكلام ومصممه انك صح... انتي حرة .. بس متحاوليش تنشري تجربتك انها الصح وان العلم هو اللي غلط

18/06/2021

نخللي بالنا 🧏‍♂️
تناول كميات كبيرة من الحليب يوميًا🥛
يسبب فقدان الشهيه للأطفال
# نحو غذاء متوازن

11/04/2021

‏بمناسبة موضوع الطفلة اللي كانت بتتخنق والدكتور انقذها النهاردة و لأن الموضوع ده من أخطر المواقف اللي ممكن حد يواجهها عايزة اشرح ازاي لو حد اتعرض لموقف زي ده وملحقش يروح مستشفى يقدر ينقذ الطفل وهحاول أوضح الخطوات بقدر الإمكان ..

‏أول و أهم حاجة لو لقيت الطفل بيكح وقادر يتنفس خلال الكحة، سيبه يكح عشان لو في حاجة قافلة زوره الكحة تخرجها، لكن لو لقيته مش قادر يتنفس/لونه بدأ يزرق/غير قادر على إصدار أي صوت هتعمل حاجتين في منتهى الأهية :

١. تتصل بالإسعاف
٢. تبدأ خطوات الإنقاذ لحد ما الإسعاف يوصل

‏خطوات إنقاذ الطفل بالتفصيل:
(لازم تبص على الصور وانا بشرح الخطوات عشان تفهم بشكل أوضح)

١- هتقعد على كرسي بحيث يكون ضهرك مستقيم و رجليك لامسة الأرض (كرسي في البيت لو مستني الإسعاف او كنبة العربية لو انت رايح بيه المستشفى) ، هتمسك الطفل بحيث يكون اتجاه وشه و بطنه ناحية دراعك.. ‏خلي مستوى راس الطفل أوطى من مستوى صدره و ضهره

٢- لازم وش الطفل يكون مسنود على كف إيدك، وفي نفس الوقت لازم إيدك تكون مدعومة و مسنودة كويس على فخدك ، لازم تتأكد ان فم الطفل مش متغطي او مقفول بأي شيء، ولازم تخلي رقبته ثابتة ماتتحركش او تلف يمين او شمال

‏٣- عند المنطقة اللي بين كتفين الطفل في ضهره هتجيب بطن إيدك وتخبط بيها ٥ خبطات قوية سريعة متتالية زي ما موجود في الصورة ١

٤- لو الطفل لسه مرجعش يتنفس ولسه باين عليه علامات الاختناق هتعدل وشه وبطنه ناحيتك وتخلي ضهره هو اللي مسنود على دراعك زي صورة ٢ ‏و برضو يكون مستوى راسه اوطى من مستوى صدره

٥- باستعمال ٢ او ٣ من صوابع إيدك هتضغط ٥ ضغطات قوية سريعة متتالية على عضمة الصدر (في منتصف الخط الممتد بين ال ni***es)

‏٦- لو لسه حالة الاختناق مستمرة هتكرر كل اللي فات بنفس التتابع، تقلبه على وشه و ٥ خبطات على الضهر، وبعدين تعدله وتعمل ٥ ضغطات على الصدر وهتفضل تعمل ده لحد ما التنفس يرجع/ يبدأ يصدر أصوات تاني/ لونه يبدأ يرجع طبيعي/ الشيء اللي سادد زوره يخرج

‏٧- لو في وسط الخطوات دي الطفل اغمى عليه هتوقف كل حاجة وتعمل الآتي:

- هتحط الطفل على سرير او على الأرض لو انت مستني الإسعاف، او على كنبة العربية لو انت في طريقك للمستشفى،
هتشبك إيديك الاتنين مع بعض وتبدأ تضغط على الصدر ضغطات متتالية عشان تساعد ان عملية التنفس تفضل شغالة، ‏خلال ده تأكد أن الفم مفتوح و بص جوه بوق الطفل لو لقيت حاجة قافلة زوره شيلها، لو مشوفتش حاجة اوعى تدخل إيدك وكمل ضغط على الصدر عشان تتأكد ان التنفس شغال

كمل في ده بدون توقف لحد ما الإسعاف توصل/ انت توصل بالطفل للمستشفى

ده فيديو مفيد جداً بيوضح الخطوات اللي فاتت
https://youtu.be/ePodw7L_mFM

‏اتمنى اكون قدرت أوضح الخطوات بأبسط طريقة و ربنا يحفظ الجميع يارب ❤.

شير خليك فاعل خير
شير واحد ممكن ينقذ خياة طفل

06/04/2021

من يومين جاتلي بنت عندها 27 سنة وحست بـ كلكوعة في الثدي .. وأنا بفحصها مكنتش مبسوطة ، كانت الكلكيعة مُقلقة شوية ومتشعبة ، طبعا كان في نسبة شك عالية انها تكون بؤرة سرطانية ، المهم وهي قاعدة في العيادة قالتلي ان معدتها تعباها عشان بتاخد مسكنات كتير ، سألتها بتاخدي ليه مسكنات كتير ؟؟

قالتلي عشان ضهري بيوجعني جدا بقاله شهر طبعا انا شكيت أكتر ، بعتها تعمل الفحوصات اللازمة طلع عندها ورم سرطاني بالثدي من المرحلة الرابعة ومنتشر في الجسم كله بما فيه الفقرات بتاعت الظهر اللي هي مسببالها وجع الضهر ، طبعا مأساة لان نسب الشفاء بالنسبة لها منعدمة تقريبا ، واللي يزعلك أكتر انها زوجة حديثة وعندها طفلين زي الورد ، طبعا هي محدش قالها قبل كدة انها لازم تفحص نفسها شهريا ، وانها لازم تحسس منطقة الثدي كل شهر ابتداء من سن البلوغ ، طبعا لو كانت عملت كدة كان ممكن نكتشف الورم ده من سنة وكان زمانها عملت عملية صغيرة خالص شيلنا الورم وكمان حافظنا على الثدي بالكامل ، طبعا التوعية والثقافة ديه مهمة جدا ، أنا وجدت انه من واجبي اعمل التوعية ديه في حدود امكانياتي ، يمكن أقدر أنقذ روح انسان ، لازم اي ست او بنت يشوفوا البوست ده ، امك واختك ومراتك يمكن فعلا تشارك في انقاذ روح

اعملي مشاركة يمكن تشاركي في إنقاذ روح
منقول