Fatma Shiha - Nutrition Specialist

27/02/2026

الله يرحمك يا حبيبي ❤️
سبحان الله بابا و ماما قبل ما يتوفوا الإتنين قبل الوفاه بكام شهر كان تحمسهم و دعمهم لشغلي غريبيب يمكن أكتر من أي وقت في حياتهم !!!
دلوقتي لم بقيت أهدى بقيت بتفكر ياترى بابا و ماما تحمسهم الزااايد لشغلي دا و خصووصااا قبل وفاتهم كأنهم بيوصوني أكمل في نفس الطريق، هم كانوا شايفين قد إيه بتعب في شغلي و بتقي الله في كل حرف بقوله و بابا حبيبي الله يرحمه عشان هو كان إستشاري أمراض صدرية و باطنية و قلب كنت دايمااااا" باخد رأيه حبيبي في كل حاله و خصوصاااا لما تكون الحاله بتعاني من أمراض مزمنه زي الأمراض المناعية المنتشره للأسف أو فيبروميالجيا أو التصلب المتعدد (MS) أو ...إلخ
ديمااا كنت باخد رأي بابا حبيبي و ديماااا كنت بقرأ معاه التحاليل و ديماااا بابا و ماما ربنا يرحمهم كانت عيونهم بتلمع لما بيشوفوني بذاكر او يسمعوا مكالمة لحاله صعبه بتابع معايا❤️
و الله لحد دلوقتي معنديش أي تفسير واضح لكمية الدعم ده وفي التوقيت ده خصوصا" ؟؟؟ !!!!

23/02/2026

بتشربوا كام فنجان قهوة في اليوم ؟؟؟

23/02/2026

https://youtu.be/OGOhTZhvYnU?si=RJBiCfZbj-ntbJIh
إعلان ذكي جدااااا ❤️❤️

Se alla dina favoriter bland videor och musik, ladda upp originalinnehåll och dela allt med vänner, familj och hela världen på YouTube.

22/02/2026

لو حافظتم على تقسيمة الطبق دي هتخسوا في رمضان أكيييد 🌙❤️
- ربع الطبق بروتين قليل الدسم
- نصف الطبق خضار و سلطه عليهم ملعقه كبيره زيت زيتون و ملعقة خل التفاح العضوي.
- ثلاث لأربع ملاعق أرز بسمتي او مكرونه شوفان.
و بالهنا و الشفا ❤️❤️

20/02/2026

لو سمحتوا بلاش تمارين للأطفال الصايمه قبل الفطار أبداااا
🥰❤️

19/02/2026

_ هتفطروا إيه 👀👀؟؟ ربنا يستر بردو 😅.... انا في أول تعليق😁😋😋

18/02/2026

بتتسحروا إيييه ؟؟!!! 👀👀 ربنا يستر😅

17/02/2026

أيوه هفضل أقول طووول عمري إن السن ده مجرد رقم مالوش أي معنى.
إنما سنك الحقيقي هو أنت عايش إزاي؟؟ و بتأكل إيه ؟؟ و هل بتسعى لراحة باااالك و لا بتدور على المشاكل حواليك؟!!!!
الرياضة سحر و هفضل أقول كده لحد آخر يوم في حياتي.
في أصعب أيام كنت بمر بيها عمري ما تخليت عن الرياضه بالعكس كنت بتمسك بيها أكتر و ده عشان الإحساس الغريب اللي الرياضة بتمنحه لأي شخص بيلتزم بممارستها و نحط مليوووون خط تحت كلمة الإلتزام .
الإلتزام بالرياضه في وقت ماتكون زهقااان او تعبان او معندكش طااااقه لأي حاجه في الدنيا او حزين ......إلخ
الرياضة قادره إنها تحولك من إنسان باااائس إلى إنسان نااااجح لإنها بتزيد من إفراز هرمون السعاده الدوبامين اللي بيخلي نفسيتك أحسن و كمان بتساعد على التخلص من الطاقه السلبيه اللي جوانا و بتزيد من تركيزنا و قدرتنا على إتخاذ القرارات السليمه و بتساعد في صفاء الذهن و ترتيب الأفكار .
دا غير فوائدها العظيييمه في التحسين من جودة النوم و تحسين الدوره الدمويه في الجسم كله و اللي له فوائد عظيمه على الجسم ككل.
دا غير إن الرياضة بتبقى سبب أساسي و رئيسي في الشفاء من الكثير من الأمراض الجسديه و مش بس الجسديه لأ دا النفسيه كمان.
الرياضه قاااادره إنها تحميك من جينات لأمراض أنت تحملها و لكن الرياضه تمنع هذا الجين من إنه يكون في صورته النشطه و اللي بتسبب لك المرض لا قدر الله.
الرياضة قاااادره إنها تصغر في شكلك على الأقل عشر سنوات بشرط الإلتزام بها.
متحرمش نفسك من أعظم نعمه ربنا أنعم علينا بيها و هي نعمة الرياضة الساااحره .

و لو عايز تحجز معايا متابعة تغذيه رياضيه لمدة ثلاثة أشهر شامله متابعه رياضيه عن أفضل التمارين المناسبه لوزنك و حالتك الصحيه تواصل معنا على رقم الواتساب ( 01116865677 )

14/02/2026

المفروض نأكل كام وجبه في رمضان؟؟
وجبتين ولا ثلاثه و لا كااام
؟؟!!!!

13/02/2026

كلامي موجه للأمهات "المااامييز"
😅
أطفالكم اللي أصغر من عشر سنوات و أكبر من ٧ يصوموا لحد الظهر او العصر بالكتيييير
أووووي.

12/02/2026

الرياضة في رمضان !!!

كتيييير بتجيلي أسئله عن ممارسة الرياضه في رمضان، إيه هو أنسب وقت قبل و لا بعد الفطار؟؟!!!!
الحقيقيه إن وقت الرياضه بعتمد على عوامل كتيير بتختلف من شخص لآخر، زي مثلاااا عمر الشخص و هل هو مبتدء في الرياضه و لا شخص رياضي اصلااا؟؟
و هل هو بيعاني من أمراض مزمنه و لا لأ؟؟ و غيرها أسئله كتيير بتختلف من شخص لآخر.
عشان كده مافيش إجابه مثاليه للسؤال ده، بس ممكن نقول لو أنت شخص رياضي فممارسة الرياضه بالنسبالك هتبقى أفضل قبل الفطار و ده طبعاااا لو انت شخص كبير مش طفل .
أما لو مبتدء فوقت ممارسة الرياضه الأنسب لك هو بعد الفطار بثلاث لأربع ساعات.
اما الأطفال اللي بتصوم فلازم يمارسوا الرياضه بعد الفطار بثلاث ساعات حتى لو كانوا رياضيين اصلااا.
أما الأطفال اللي أقل من عشر سنوات فلا يحبذ لهم الصيام أكتر من الظهر او العصر بالكتييير أوووي بشرط إننا نحرص على شربهم للماء بكميات كاااافيه و كمان نحرص على تناولهم وجبات الإفطار و السحور 🥰🥰

10/02/2026

لو أنت من الأشخاص اللي بتتكسف أو مش بتحب تاخد معاك الشغل الانش بوكس يبقى ده حل مناسب لك جدااا.
في أطباق بلاستك حراري بتدخل الميكرويف عشان تعرف تسخن الأكل في الشغل😊، الأطباق دي بتتباع عادي في السوبرماركت الكبيره و بأسعار معقوله و صحيه كمان ، ممكن تحضر الأكل فيها من بليل و تحفظها في الثلاجه و تاخدها الصبح معاك الشغل.
في الصور أفكار للأكلات كتيييير ممكن نعملها في الشغل أوفر و مغذيه أكتر من الأكل بره👍🏻😊