Dr. Hanan Hosny د/ حنان حسني

05/01/2022

اي حد بيعمل ليزر لإزالة الشعر
لازم يستشير الدكتور قبل ما ياخد فيتامينات لتساقط الشعر
لأن اغلبها ممكن يطلع شعر في الجسم
#تساقطالشعر #الشعر #فيتامينات #مكملات

04/12/2021

اتكلمنا في بوست فات عن اهمية واقي الشمس🌞🌞هحط اللينك بتاعه في اول comment
طيب اقتنعنا بأهميته بس مش عارفين نختار ازاي نوع كويس 🤷🏻‍♀️🤦🏻‍♀️

تعالوا نقول ايه اهم ٣ حاجات يكونوا موجودين في واقي الشمس sunscreen مكتوبين عليه؟

✅١- يكون بيدي حماية spf ٣٠ عالأقل
يعني لو مرطب وفيه spf اقل من ٣٠ مش كفاية

✅٢- يكون broad spectrum
يعني بيحمي من اشعة الشمس UV A& B
لأن كل نوع اشعة بيعمل ضرر مختلف

✅٣- يكون مناسب لنوع بشرتك
لو دهنية او مختلطة مثلا مكتوب عليه نوع البشرة
او بتلاقي كلمات زي

Dry touch, matte finish, non comedogenic, oil free, ultralight
للدهنية

لو جافة ممكن cream/ lotion

Fluid لو مختلطة ممكن

لو حساسة هنتعب شوية علشان نلاقي نوع نرتاح عليه
الفيزيائي احسن او بتاع الاطفال

✅✅ الاحسن يكون water resistant عشان مايروحش مفعوله مع العرق والميه

لما تلاقوا نوع فيه المواصفات دي وعليه reviews كويسة والدكاترة بيقولوا حلو واهم حاجة مرتاحين عليه، بس !!! اثبتوا ماتغيروش 🤚🏼🤚🏼
لان ممكن يبقى نوع ممتاز لكن بشرتك ماتحبوش 🤷🏻‍♀️

**لو متلخبطين في النوع ومش عارفين كويس ولا لا حطوا الصورة في كومنت وهقولكوا ان شاء الله رأيي والناس اللي جربت حاجة عجبتها تقول رأيها 🤗

وهحطلكوا امثلة لحاجات حلوة في بوستات جاية ان شاء الله

بتستخدموا sunscreen ايه؟ ونوع بشرتكوا ايه؟

#بشرة

02/12/2021

عارفين حكاية الصورة دي؟ 👴🏼
ده راجل اشتغل سنين سواق، وباين ان فيه فرق كبير في التجاعيد بين النص اليمين والشمال

الفرق ده ظهر بعد سنين كتير
طبعا عمره ماكان بيستخدم واقي شمس sunscreen

احفاده دايما كانوا يسألوا هو ليه وشه مختلف في النصين ؟ 🤔🤔
وبدأ يسأل دكاترة واكتشفوا ان النص اللي كان جنب الشباك ومتعرض لأشعة الشمس ظهرت عليه التجاعيد !!

واقي الشمس بيحمى من اشعة الشمس الضارة، اللي بتسبب سرطان الجلد ربنا يحفظنا ويأخر ويقلل التجاعيد والتصبغات جدا جدا

وده اهم حاجة في الروتين بتوصية كل دكاترة الجلدية في العالم كله حتى البلاد الثلج ☃️❄️

مش بنعرف قيمته غير بعد سنين!!
والدنيا دلوقتى مش زي ايام جدودنا، الاشعة الضارة اكتر واحنا بنتعرض للشمس اكتر

انا كان بيحصلي احمرار وحبوب من الشمس مع ان بشرتى مش حساسة لحد مابدأت استخدم واقي الشمس بحماية ٣٠ واعلى
فرق معايا جدا الحمدلله

اهم حاجة نعرف نختار نوع كويس👌🏼👌🏼
وده اللي هنتكلم عليه بوستات جاية ان شاء الله

#بشرة

27/11/2021

تشرفت وسعدت باستضافتي في برنامج الجزيرة هذا الصباح للحديث عن
"سوء استخدام المضادات الحيوية"

ليه المضاد الحيوي مش جايب نتيجة؟
ايه الفرق بين الافراط وسوء استخدام المضاد الحيوي؟
ايه اهم سبب لسوء استخدام المضاد الحيوي؟
كارثة سوء استخدام المضادات

17/11/2021

اتفاجئت ان ناس كتير بتسألني على مستحضرات بشرة كمالية او مش اساسية ومش بيكون عندهم الاساسي!

مهم نستخدم ال٣ اساسيات اللي في البوست بس نختار انواع مناسبة لبشرة وجهنا (جافة-مختلطة-دهنية-حساسة-عادية)

قبل مانفكر في حاجة اضافية لروتين البشرة، ال٣ حاجات دول مهمين جدا جدا، ليه؟
-لحماية البشرة من اشعة الشمس والتلوث وتغيير الجو والعوامل المختلفة اللي بتأثر على بشرتنا خاصة عالمدى البعيد
-تأخير التجاعيد والخطوط -الحفاظ على حاجز البشرة اللي بيحمي بشرتنا
-نقلل ظهور حب شباب والرؤوس السوداء والبقع
-نحافظ على مرونة البشرة والرطوبة فيها #مرطب #غسول

08/11/2021

تاريخ صلاحية قطرة العين بعد فتحها من شهر ل٣ شهور حسب القطرة
لكن وهي لسة مقفولة بيكون التاريخ اللي عالعلبة

30/10/2021

05/10/2021

بتلاحظوا اوقات نزول دم لما بتغسلوا اسنانكوا؟

🌸ده مش العادي 🤷🏻‍♀️
دي غالبا علامة على التهاب اللثة او قلة التنظيف او استخدام الفرشاة او الخيط غلط

طيب نعمل ايه؟

🌸مهم اوي نزور دكتور الاسنان كل ٦ شهور عشان يعمل تنظيف اسنان خاصة اذا كان بيحصلنا التهاب لثة كتير

🌸لو تجاهلنا مشكلة التهاب اللثة بتزيد وتعمل مشاكل اكبر بكتير في الاسنان نفسها وجذورها والعلاج بيكون اصعب بكتير

🌸دكتور الاسنان كمان بيقولنا اذا كان فيه مشكلة مزودة الالتهاب والنزيف زي نقص فيتامين سي او ب او اذا كان ده اثر جانبي لدواء زي الأدوية اللي بتعمل جفاف للفم فبتزود فرصة نمو بكتريا او الادوية اللي بتقلل المناعة او ادوية وحالات بتعمل سيولة في الدم فيحصل النزيف او اذا كان فيه مشكلة تانية محتاجة علاج الاول

🌸فيه علامات تانية لالتهاب اللثة زي احمرارها، رائحة فم ونفس كريهة، اختلاف في تطابق الاسنان على بعضها، حساسية الاسنان

🌸بارادونتاكس عن تجربة حسّن معايا التهاب اللثة والنزيف في اقل من شهر لأن فيه ستانوس فلورايد وبيكربونات اللي بيشيلوا طبقة البلاك والبكتريا اللي بتعمل التهاب اللثة
انا بستخدمه مرة واحدة والمرة التانية بستخدم معجون اسنان عادي، واوقات بستخدمه كل كام يوم وقت التهاب اللثة

ده مش اعلان لكن تجربة ونصيحة من دكتورة اسنان
استشير دكتور الاسنان لان ممكن تختلف من حالة للتانية

23/08/2021

تطعيم فايزر اول تطعيم ياخد موافقة كاملة من ادارة الغذاء والدواء

#كوفيد #لقاح #تطعيم #كورونا

18/08/2021

👉If you are suffering from short term insomnia (sleep disturbance, difficulty falling asleep) as in work stress or work shifts change or jet lag, melatonin supplements is a safe and good choice.😴

💊It should be taken only for short term not more than 3 months (can be taken for shorter periods) so that it does not affect natural melatonin secretion from your body.

💊It is better to start with low dose as 3 mg two or three times in a week, and should be taken 1-2 hrs before sleep

📱Notice that screens and light decrease melatonin secretion from the body so avoid them before sleep.

❗️If you have hypertension, seizures or suffer from any condition or take other medications you have to consult the doctor before taking any supplement.

This is just an example, but there are different other brands.

لو بتعاني من ارق (صعوبة في 👈🏼
الدخول في النوم او نوم متقطع) مثل في حالات : ضغط الشغل او تغيير في مواعيد العمل او السفر
مكمل الميلاتونين حلو وامن بس اهم حاجة يتاخد لفترة قصيرة مش اكثر من ٣ شهور وممكن اقل، علشان مايأثرش عالافراز الطبيعي لهرمون الميلاتونين من الجسم.

الاحسن نجرب جرعة قليلة ٣ مج، مرتين او ٣ في الاسبوع ويتاخد قبل النوم بساعة او ٢

الشاشات والضوء بيقللوا افراز هرمون الميلاتونين من الجسم، فنحاول نتجنبهم قبل النوم

اذا كنت تعاني من ارتفاع ضغط الدم او نوبات صرع او اي امراض اخرى او تاخد ادوية يجب استشارة الطبيب قبل اخذ اي مكمل

ده مثال لكن في انواع تانية لشركات مختلفة


#مكمل #طبيعي #نوم #ارق #علاج #ميلاتونين

08/08/2021

من اهم اسباب قلة حليب الام اللي لازم يتعالج
#رضاعة #أم #طفل #حليب