Dr Hend Hamdy kids clinic

13/05/2023

كتير من الامهات بتسأل هل اشرب ولادي #عصير ولا ياكلوا #الفاكهه كاملة ؟؟ ايهما أفضل
بما انه درجات الحرارة بدأت ترتفع بالفترة الاخيرة ... اكيد هنحتاج نعوض السوائل الي يفقدها الطفل ..
واحد من اهم الخيارات المتوافرة هو عصير الفواكه و اغلب الاهل يفضلونه لانه سهل التحضير و لذيذ و الاطفال يرغبونه بكثرة 🩸🚫⛔️

التوصيات⚠️
يفضل تناول الفاكهه كاملة عن العصير
⚠️الاطفال اقل من سن ٧ سنوات يفضل عدم تناول اكثر من نصف كوب عصير يوميا
اما فوق ال ٧ سنوات ممكن تناول كوب عصير واحد يوميا

⚠️⚠️⚠️ضروري ننبه على ان العصير لا يحتوي علي الألياف والفيتامينات الموجودة في الفاكهة الكاملة ؛ تقريبا 90% من الألياف تتم ازالتها أثناء تحضير العصائر

و الالياف دي مفيده جدا في تحسين حركة المعدة و الامساك عند الاطفال اللي كتير بيشتكوا منه

ده غير ان الفاكهه بتفقد جزء كبير من الفيتامينات المهمه أثناء تحضير العصير

. بالاضافه الي انها تؤدي إلى زيادة نسبة السكر في الدم بنسبة كبيرة مما لو كنت قد تناولت الفاكهة

كيفية الحد من خسارة المواد الغذائية في العصير⁉️⁉️

◀️من الممكن مزج بعض اللب في العصير لتقليل فقدان الألياف.
◀️ يمكن أيضاً استخدام اللب مع بعض الأطعمة الأخرى، بحيث يُدمج مثلاً مع الكعك أو الفطائر، أو الأرز المطبوخ أو الحساء، وفقاً لأكاديمية التغذية وعلم الغذاء.

◀️هناك خيار آخر أيضاً وهو استخدام الخلاط بدلاً من العصارة لاستخراج العصير من الفاكهة أو الخضار. سيسمح ذلك للب الغني بالألياف بالبقاء في العصير، مما يجعلك تشعر بالشبع لفترة أطول.

29/03/2023

استخدام #المشاية للاطفال 🤔

على عكس ما تظن الأمهات أن المشاية تسرع من عملية المشي لدى الطفل ، أظهرت بعض الدراسات أن المشايات قد تعوق المشي لدى الطفل أو تؤخره، الأمر الذي دفع الأكاديمية الأمريكية لطب الأطفال إلى إصدار تحذيرات لحث الآباء على عدم استخدام مشاية الأطفال، حيث منعت بعض الدول بيعها واستيرادها والإعلان عنها ❗

🚫 استخدام المشايات يسبب متلازمة المشي علي الاصابع لدي الاطفال بدلا من تعويدهم علي الوقوف علي قدمين

🚫 يضعف عضلات اقدام الطفل و يسبب تأخر المشي من شهر الي شهرين علي الاقل

🚫قد تسبب المشاية تشوهًا وتقوسًا في ساقين الطفل وخصوصًا إذا كان وزنه زائدًا‏، لأن عضلاته وعظامه تكون غير مستعدة لتحمل وزنه بعد.

🚫المشاية مرتبطة دائما بحوادث الاطفال كالوقوع اثناء المشي بها و اصابة الرقبة و العمود الفقري .

🚫 عدم تناسق المشي مع الابصار
تمنع المشاية الطفل من النظر إلى قدميه في أثناء المشي، وبالتالي يفقد عملية التصحيح البصري المهمة لتعلم التحكم بالقدمين

❇️ الصورة اللي على اليمين دا شكل مشاية الاطفال الصحية للبيبي ✅️

❇️انما الصورة اللي على اليسار ده المثال اللي لا يستحب استخدامه حاليا⛔️✖️

اللي على اليمين بيكون هو برة المشاية خالص وهو بيسند عليها للوقوف و بيمشي معاها وهو واقف علي قدميه الاتنين

دي بتمثل ايد الام اللي بتسنده وهو بيحاول يمشي عشان ميقعش لإنها ب ٤ عجلات

07/03/2023

الشيكولاته 🍫سهلت علينا معاناة طعم الحديد ورفضه من الأطفال🥰

الشركات ما شاء الله نوعت

لكن ناخد بالنا جداا ⛔️⛔️⛔️
تسمم الحديد خطر للغاية وممكن يتسبب في مضاعفات خطيرة ☠️
عشان كده لو عندك منتج منهم لازم ناخد بالنا من وصول الطفل ليه❌
ولو حصل لا قدر الله والطفل أخد جرعة سمية
لازم ساعتها نتوجه للمستشفى في أسرع وقت لعمل غسيل معدة وأخذ العلاج المناسب

07/03/2023

كتير بيجي يسأل ابني رائحة الفم مش حلوه
🤐 ⁉️

الأسباب اللي ممكن تعمل الرائحة الكريهة لفم طفلك:
⚠️تراكم بقايا الأكل بين الأسنان وعدم غسل الأسنان
بالفرشاة والمعجون جيدا 🦷
⚠️فطريات الفم في الرضع
⚠️التهابات اللسان والقرح وجفاف الفم
⚠️التهاب اللوزتين
⚠️انسداد الانف والحساسية المزمنة
⚠️وجود جسم غريب في الفم او الانف
⚠️الإصابة ببعض الطفيليات والديدان🦠 في الجهاز
الهضمي ممكن تسبب رائحة كريهة جدا للفم

يبقي هنعمل ايه 🤔
⛔️أولا : هندور علي السبب مع الطبيب و نعالجه
⛔️ثانيا : نهتم بنظافة الاسنان وغسلها بالفرشاة والمعجون يوميا

17/02/2023

عند الاطفال
⚠️70% من الاطفال بيتولدوا عندهم تقوس فى الارجل ودا بيسبب قلق وخوف عند الأمهات
ما تقلقيش فى خلال سنة شكل الارجل بيرجع طبيعى وبتنتهى المشكله🤓

⛔️طيب امتى اقلق؟ بعد سنتين من عمر الطفل لو استمر الوضع انتى كدا محتاجة طبيب اطفال يشوف ايه سبب التقوس وطريقة علاجه ان كان جراحي او غيره.

🚫⛔️⚠️ هنعرفك شوية حاجات تقدرى من خلالها تحمى ابنك من تقوس الارجل فى اكتر من مرحلة من عمره

-⚠️طفلك لازم يتعرض لأشعة الشمس عشان بتكون مصدر قوى لفيتامين د ودا ضرورى جدا لنموه.

-⚠️شرب السوائل واكل الأطعمة الغنية بالكالسيوم وفيتامين C بعد بلوغه 6 اشهر.

⚠️ منسبش الطفل على المشاية اللى بتساعده على المشي لفترة طويلة مدام بيلعب وساكت دا بيأثر على رجليه.

-⚠️زيادة الوزن ممكن تكون سبب فى التقوس فالافضل نظام غذائي صحى من وهو صغير عشان جسمه يكون صحى ويحميه كمان من امراض كتيرة.

⚠️ فى حالة لعب الاطفال لكرة القدم فى سن مبكر عن اللازم ممكن يحصل تقوس للأرجل خليكى حريصة على الوقت المناسب لطفلك.

-⚠️ممكن يحصل كمان تقوس فى حالة علاج كسر الارجل بطريقة غير سليمة .

فى الأخر علاج التقوس متوفر لو لاحظناه فى سن اصغر كل ما الموضوع بقا اسهل عليكى وعلى طفلك🙏

31/01/2023

ايه هو أو 👅
هي حالة مرضية يلتصق فيها طرف اللسان بأرضية الفم مما يعيق حركة اللسان .
🔆وتختلف درجة اللسان المربوط من الدرجة الخفيفة إلى
اللسان ملتصقاً بالكامل مع أسفل الفم .

⚠️ طيب ايه هي اعراض ومشاكل اللسان المربوط
🔆 صعوبة في الرضاعة . 🍼
🔆 صعوبة في البلع .
🔆 صعوبة في حركة اللسان .
🔆 صعوبة في النطق
🔆 تسوس الأسنان والتهاب اللثة ، بسبب عدم قدرة اللسان على تنظيف بقايا الطعام عند حركته.
🔆 لا يستطيع الطفل إبراز لسانه

⛔️ طيب ايه هو بقي علاج اللسان المربوط .
👈 الجراحة هي العلاج الوحيد للحالات التي تؤثر على الرضاعة أو النطق عن طريق تحرير اللسان المربوط

29/01/2023

عايزه أوضح حاجة مهمة⚠️⚠️
#الكحه
لما ام تتصل بالطبيب او تبعت رسالة ان ابنها بيكح و لو سمحت اوصفلي حاجة للكحة ⛔️🚫..ده غلط طبعا و ممكن حالة الطفل تسوء
الطبيب لازم يسمع الطفل بالسماعة و يشوف حالة الشعب الهوائية علشان يوصل لتشخيص سواء التهاب شعبي او التهاب رئوي او حساسية صدر و كل تشخيص ليه علاج مختلف حسب الحالة و الفحص

كل حاجه من دول لها علاج وله مدة معينة وجرعة معينة علي حسب وزن طفلك⚠️⚠️

⛔️و مش كل الكحة سببها مشكلة في الصدر اه
فيه كحة الخناق او الالتهاب الحنجري
وفيه كحة سببها الرئيسي حساسية الأنف
وفيه كحة بسبب مشاكل في القلب

🔴كل ده لايمكن يتعرف الا لو الطبيب شاف الطفل وفحصه كويس🚫🚫

29/01/2023

28/01/2023

حقن منتشره جدا ⚠️⚠️
الناس بتروح تاخدها لوحدها في الصيدليات 🤦🏻‍♀️🤦🏻‍♀️
وبيسموها حقنه المشي 🚫🚫
⛔️⛔️⛔️الحقنه دي لو أخدناها من نفسنا بدون مايكون فيه نقص فيتامين د أو مكناش عاملين تحليل كالسيوم فى الدم ممكن تسبب نقص كالسيوم حاد في الدم واللى بيسبب تشنجات و يحتاج يطلع علي الطوارئ في الحال


✅️ خلينا في فيتامين د النقط (الفيدروب) مع التعرض للشمس
✅️ الحقن دي بتتاخد في حالات معينه و بجرعات معينه تحت اشراف الطبيب
-✅️فيتامين د الجرعه الوقائيه بناخد 4نقط فى السنة الأولى و 6نقط بعد اتمام السنة

أما لو ظهر تأخر على الطفل أو أعراض لنقص فيتامين د فالجرعة بتزيد حسب نتيجة فحصه وتحاليله

كمان مننساش المصادر الطبيعية لفيتامين د زى التعرض للشمس واكلات طبيعية زى البيض والسمك 👏

28/01/2023

هل تعلم….
تعتقد بعض الأمهات أن استحمام الأطفال في فصل الشتاء قد يصيبهم بالأمراض!!!! لدرجة ان بعض الامهات يمتنعن عن استحمام الطفل لاوقات طويلة كاسبوع او اثنين😳😳

وأظهرت الدراسات الحديثة إلى ان الاستحمام في فصل الشتاء يساعد على تقوية مناعة الأطفال، وذلك بحسب مواقع كثيرة كهيلث لاين الطبي.
فوائد الاستحمام علي الاقل 3 مرات اسبوعيا:
1.قدرة بخار الماء المتصاعد من الماء الساخن على فتح ممرات الأنف، مما يمنع تكوين المخاط الذي قد يؤذي الجهاز التنفسي.

2- بخار الماء يساعد في تهدأة السعال.

3- الاستحمام قبل الخلود للنوم يساعد على الشعور بالراحة والاسترخاء، والقضاء على الأرق.

4- الماء والصابون يقضي على نسبة كبيرة من البكتيريا التي قد تجد من الرطوبة بيئة خصبة للتنامي والانشار، مما يتسبب في الإصابة بالأمراض.

5- فتح مسام الجلد، مما يساعد على تجديده، ويساهم في الحفاظ على البشرة خاصة للاطفال التي تعاني م اكزيما الشتاء.

هل يؤدي الاستحمام فعلا الي نزلات البرد….!!
سبب إصابة الأطفال بنزلات البرد هو التعرض لتيار الهواء البارد وهو في الاصل التهاب فيروسي ، أو حساسية الأنف والصدر، بينما الإنفلونزا تكون نتيجة الإصابة بعدوى فيروسية.

21/01/2023

#حجم #معدة

#الترجيع في

شكاوى كتير من الأمهات أن أطفالهم عندهم ترجيع وان الترجيع بيبقى بعد كل رضعة

⚠️ اهم حاجة لازم نعرفها أن معدة البيبي صغيرة 😊وممكن ما تقدرش تستوعب الرضعة كاملة مرة واحدة فبيضطر أنه يستخدم جزء و يرجع الزيادة عن حاجته في صورة ترجيع

طبعا لازم زيارة الطبيب علشان نستبعد الاسباب المرضية

اهم حاجه نتابع الوزن 🚫⛔️

⚠️ امتى أطمن ؟
✅ لازم يكون فيه زيادة في الوزن مقبولة حسب متابعة الطبيب

⛔️امتي اقلق ؟ رفض للرضاعة أو امساك مزمن أو انتفاخ بشكل كبير لو الترجيع لونه بني أو أحمر أو أخضر لو في نقصان أو ثبات في الوزن لو الترجيع جديد على الطفل بمعنى انه كان كويس و بعدين بدأ يرجع مرة واحدة لو مصاحب له اسهال عادي او به مخاط
⁦⁩⁦

✅ مفيش مانع من إضافة بعض الأدوية اللي بتحسن حركة الأمعاء
✅تنظيم مواعيد الرضعات و مراعاة كمية الرضاعة المناسبة حسب عمر الطفل

21/01/2023

#حجم #معدة

#الترجيع في

شكاوى كتير من الأمهات أن أطفالهم عندهم ترجيع وان الترجيع بيبقى بعد كل رضعة

⚠️ اهم حاجة لازم نعرفها أن معدة البيبي صغيرة 😊وممكن ما تقدرش تستوعب الرضعة كاملة مرة واحدة فبيضطر أنه يستخدم جزء و يرجع الزيادة عن حاجته في صورة ترجيع

طبعا لازم زيارة الطبيب علشان نستبعد الاسباب المرضية

اهم حاجه نتابع الوزن 🚫⛔️

⚠️ امتى أطمن ؟
✅ لازم يكون فيه زيادة في الوزن مقبولة حسب متابعة الطبيب

⛔️امتي اقلق ؟ رفض للرضاعة أو امساك مزمن أو انتفاخ بشكل كبير لو الترجيع لونه بني أو أحمر أو أخضر لو في نقصان أو ثبات في الوزن لو الترجيع جديد على الطفل بمعنى انه كان كويس و بعدين بدأ يرجع مرة واحدة لو مصاحب له اسهال عادي او به مخاط
⁦⁩⁦

✅ مفيش مانع من إضافة بعض الأدوية اللي بتحسن حركة الأمعاء
✅تنظيم مواعيد الرضعات و مراعاة كمية الرضاعة المناسبة حسب عمر الطفل