أنّونة ANUNA

أنّونة ANUNA ✨ "Anuna… مساحة للتوسع والتحول
هنا هتلاقي رحلة متكاملة للجسد والمشاعر والروح… علشان تعيشي بخفة، جمال، وحرية داخلية"

30/12/2025

🎥البطلة بتطلب من البطل
إنهم يتصوروا سوا.
مش صورة وخلاص،
لكن ذكرى حقيقية
يرجعوا لها
لو اللخبطة أو النسيان حصل.

💡الوعي بيخلّينا نتمسّك باللحظة
مش خوفًا من فقدانها،
لكن احترامًا لقيمتها.
الذكريات مش علشان نعيش فيها،
لكن علشان نفتكر
إحنا كنا مين… ومع مين.

📣 إيه ذكرى حرصتي تخلّديها
علشان ما تضيعش؟ 👇

28/12/2025

🎬 البطل عايز يكتشف
إزاي اتجوزها…
مع إنه قِرَى الحلقة
اللي اتعرّفوا فيها،
واتجوزها بعدها،
واختار بإيده ينساها.
النسيان كان قرار متطرف،
والرجوع بقى ضرورة.

💡 التطرف في أي فعل
بيخلق عكسه علشان التوازن.
نسيان قوي
يسحبه حنين أقوى،
وهروب كامل
يرجّعنا مواجهة أوضح.
التوازن دايمًا بيطلب حقه.

📣 فين حسيتي إنك لما زوّدتي قوي
اضطريتي ترجعي في الاتجاه العكسي؟ 👇

22/12/2025

🎬 هو رجع يمشي نفس الطريق تقريبًا،
يتعرّف تاني على منشأ الرسوم المتحركة،
ويكتشف الأحداث بنفسه.
الفرق؟
إنه المرة دي واعي،
وبيفهم ليه كان متأثر بيها،
وليه القصة دي بالذات لمساه.
💡 مش دايمًا الإعادة معناها فشل.
أحيانًا
نرجع لنفس النقطة
علشان نفهمها صح.
الطريق ممكن يكون هو هو،
بس الشخص اللي ماشيه
اتغيّر.
📣 حسيتي قبل كده إنك رجعتي لنفس تجربة
بس بفهم مختلف؟
اكتبيلي 👇

20/12/2025

الفيديو بيحكي عن إيه؟
في المرة الأولى
الغضب خلاه يختار غلط.
في المرة التانية
الوعي خلاه يوقف قبل ما يكرر نفس الخطأ.
هو مش بيهرب،
ولا بيتراجع خوفًا…
هو ببساطة قرر
إن الغلط ما يتعادش.

💡 مش كل رجوع هو ضعف،
وفي أوقات
أقوى قرار إنك ما تعملش
نفس الحاجة تاني.
الوعي
مش إنك ما تغلطش،
لكن إنك ما تكررش الغلطة
وأنت فاهم.

😅إيه غلطة قررتي إنك ما تعمليهاش تاني حتى لو الظروف شبه زمان؟

19/12/2025

🎬بعد ما نفّذت اللي كانت عاوزاه،
وخَلّت معرفته بيها مجرد حُلم،
وحصل من غير قصد إنها نسيت الحلقة اللي عرفها فيها في عالم الويب تون.

هي سلّمت قراره،
وقبلت إنها ما تبقاش جزء من اختياره في المرحلة دي.

لكن المرة دي كان في فرق مهم:
هو نفسه كان بيدوّر عليها… ومستنيها.
رجوعها ما بقاش محاولة منها،
ولا كان عنده اختيار إنه يرجع ينساها.

الوعي سبق…
والقصة وصلت لنقطة
ما ينفعش فيها الرجوع لورا.

💡 أوقات بنسيب الحاجة بصدق…
مش علشان تمشي،
لكن علشان تاخد شكلها الحقيقي.

القبول بيخلّصك من التعلّق،
والتسليم بيخلّي اللي ليكي يرجع في وقته.

وفي مرحلة معيّنة من الوعي…
النسيان ما يبقاش خيار،
لأن الحقيقة خلاص اتشافِت.

اللي يتشاف بوعي،
ما بيتلغيش…
بس بيتعاش.

📣اكتبي في الكومنت:
“إيه حاجة سلّمتيها بصدق… ورجعتلك لما بطّلتِ تمسكي فيها؟”

19/12/2025

🎬 المرة دي البطل هو اللي استنى…
وهو اللي اختار بإرادته عكس اختياره الأول.

لما عرف الحقيقة،
ودوّر وراها بنفسه،
عالم الويب تون وقف…
وفتحت نافذة بين العالمين،
قدر من خلالها يدخل العالم الحقيقي.

مش هروب،
ولا اندفاع…
ده اختيار واعي.

💡اختياراتك بتيجي في وقتها.
يمكن تختاري حاجة وتندمي عليها.
ويمكن بعدها بوقت…
ترجعي تختاري نفس الحاجة،
بس وإنتي أوعى، أهدى، وأقوى.

الفرق مش في الاختيار…
الفرق في وعي اللحظة اللي بتختاري فيها.

وحتى لو حاولتي تهربي،
اللي ليكي…
هيحصل بإرادتك،
وهتختاريه لما تكوني جاهزة.

📣 اكتبي في الكومنت:
“إيه اختيار رجعتي له تاني… بس المرة دي بإرادتك الكاملة؟”

13/12/2025

🎬 البطل بعد ما نسي كل حاجة…
الأحداث أخدته لمجلة الويب تون، الحلقة اللي قابل فيها البطلة.
قال لها: “عايز كل ده يكون حلم.”
بدأ يشوف حياته من منظور جديد…
يسأل نفسه: هل ده حقيقي ولا مجرد خيال؟
وفي النهاية… اكتشف الحقيقة بنفسه.

أحيانًا الحل مش في البحث المستمر…
لكن في الاستقبال والتسليم للطريق اللي ماشي فيه.

💡 لما تركزي على الحصول على الحل بأي طريقة…
ممكن تفقدي الشغف، والتوازن، وحتى القدرة على الاستمتاع بالرحلة.

أحيانًا الحل يظهر لما تتوقفي عن الضغط على نفسك…
وتستقبلي اللي جاي، وتمشي مع اللحظة، وتخلي الحياة تكشفلك الطريق خطوة بخطوة.

📣 اكتبي في الكومنت:
“إيه حاجة حاولتي تحليها كتير… ولما سبتها جاتلك بسهولة؟”

12/12/2025

🎬 البطل بعد ما وعى…
بعد ما عرف إنه جوه قصة،
وإنه البطل الأساسي،
وإنه يقدر يغيّر الأحداث،
وإنه مش مجرد شخصية مرسومة…

اختار بإرادته إنه ينسى كل ده.
ينسى إن عنده قوة،
ينسى إنه محور القصة،
ينسى إنه عنده القدرة يغيّر مصيره…

كأنه بيرجع نفسه لنقطة “ما قبل الوعي”،
وكأن الحقيقة اللي عرفها… مكانتش.

💡احنا كمان ساعات بنعمل كده…
نعرف الحقيقة… ونختار ننساها.
نختار نرجع للراحة،
للمعروف،
للمألوف…

لكن الحقيقة؟
النسيان مش فقد… النسيان قرار.
ومهما نحاول نهرب،
الوعي دايمًا يسيب علامة.
ويسيب سؤال جواك:
“ليه بتهربي من الحقيقة اللي عرفتيها؟”

📣اكتبي في تعليق:
“إيه حقيقة عرفتيها… وحاولتي تنكريها فترة؟”

10/12/2025

🎬 البطل بياخد قرار صعب…
بيرجع قبل كل حاجة:
قبل ما يقابل البطلة،
قبل ما يعرف إن في عالمين (الويب تون والواقع)،
قبل ما يكتشف إنه يقدر يتحكم في قصته.

بيرجع لورا علشان ما يضرّش اللي حواليه.
بس هنا السؤال…
هو فعلاً يقدر يرجع زي الأول؟

💡الوعي شبه الباب…
أول ما يتفتح، صعب جدًا ترجعي تقفليه.

ممكن تمثّلي إنك ناسية…
ممكن تتجاهلي…
لكن جواكي الحقيقة موجودة..

📣 اكتبيلي تحت:
“إيه حقيقة عرفتيها… ومهما حصل مش هتقدري تنسيها؟”

08/12/2025

“لما تقبلي قصتك… تقدري تغيّري نهايتها.”

🎬البطل كان رافض إن القاتل مالوش هوية، وحاسس إن حياته كلها رايحة هدر.
لكن لما فهم إن القصة مش مبنية عليه بس… وإن رفضه مش بيغيّرها،
بدأ يستوعب إن رؤية الصورة كاملة أهم من الاعتراض عليها.
وساعتها قدر يغيّر النهاية بدل ما يفضل محبوس فيها.

💡الرفض بيعطّل…
لكن القبول بيفتح باب الفهم،
وبيخليكي تقدري تغيّري اللي جاي بدل ما تتعلّقي باللي كان.

📣اكتبي في الكومنت:
“إيه فصل في حياتك محتاج قبول علشان تقدري تعدّيه؟”


06/12/2025

🎬 في المسلسل…
كانت في بطلة رئيسية، وجودها ثابت وقوي.
لكن لما ظهرت بطلة جديدة وبقت هي المحرك الأساسي للأحداث…
القديمة بدأ وجودها يهتز، دورها يقل، وظهورها يتلاشى.
مش لأنها أقل…
لكن لأن دورها في القصة ما بقاش فعال زي الأول.

💡في حياتنا نفس الفكرة:
وجودك في حياة حد…
مش بيتقاس بالمدة، ولا بعدد المرات اللي بتظهري فيها…
وجودك بيتقاس بـ الدور اللي بتلعبيه.
لما تبقي إضافة، نور، تأثير، دعم، قيمة…
وجودك يثبت ويتأكد ويتعمّق.
لكن لما دورك ينتهي؟
الوجود بشكل طبيعي بيقل…
مش لأنك وحشة، بل لأن القصة نفسها تغيّرت.
وده ينطبق عليك وعلى الآخرين في حياتك…
مين دوره لسه مستمر؟
ومين دوره خلاص خلص؟

📣 اكتبيلي في الكومنت:
“إيه دورك الحالي في حياة اللي حواليك… وإيه دور انتهى وأدركتي إنه خلاص مش مكانك؟”

Address

Cairo

Opening Hours

Saturday 12pm - 3:15pm
Sunday 9am - 3:15pm

Website

Alerts

Be the first to know and let us send you an email when أنّونة ANUNA posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to أنّونة ANUNA:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category