Nurture Kids Clinic عيادة د. محمد حسين& د. ايناس مجدي لطب الأطفال و الرضاعة

05/12/2025

دلوقتي تقدروا تشوفوا الحلقة كامله بعد إذاعتها اليوم في قناة CBC و تستفيدوا من عالم البكتيريا النافعة و اللي بتتحكم بشكل كبير من صحتنا و صحة اولادنا و اي استفسار اكتبوه في التعليقات و هرد عليكم بنفسي ان شاء الله ❤️❤️❤️

01/12/2025

٣ حاجات مينفعش الام تعملهم مع الطفل الرضيع نهائيا ❌❌❌
تعالوا نعرف الاجابه مع بعض في الفيديو ده

22/11/2025

سمعتوا عن المتحور الجديد اللي موجود دلوقتي ، يا تري حقيقه ولا الكلام هو اللي متحور 😵🤔

07/09/2025

زي كل سنة بيجيلنا اسئلة كتير جدا عن تطعيم الانفلونزا الموسميه بعد ما الناس بترجع من الساحل و يفتكروا ان فيه مدارس و شتاء 🥹
عشان كده جمعتلكم أهم الاسئلة و اجاباتها و السنi دي كمان في تعديل في التطعيم مهم نقرأ البوست للاخر 🙂
السؤال الاول❓ :
يا تري يا دكتور نبدأ نطعم الاولاد من دلوقتي ولا نستني كده علي اخر 9 او اول 10 مع بداية الدراسة في معظم المدارس❓❓
الحقيقه تطعيم الانفلونزا 💉💉مهم اننا نبدأ فيه من دلوقتي و مع اقرب فرصة نقدر نطعم نفسنا و اولادنا لان التطعيم بياخد فترة عشان يحفز جهاز المناعه💪 و يخليه قادر علي حمايتنا و الفترة دي بتختلف من طفل ل طفل
و كمان الاطفال اللي اول مرة تاخد التطعيم و عمرها اقل من 9 سنين بيحتاجوا جرعتين بينهم شهر فرق 💉💉💉
عشان كده لما نطعمهم من دلوقتي هيبقي عندهم حماية اكبر وقت الدراسة و مع دخول الشتاء💪💪
و طبعا عارفين ان الاطفال كتير اوي بيتعبوا في اول اسابيع من الرجوع للمدارس🥺🥺 بسبب ان جهاز المناعه مش بيكون مستعد للفيروسات التنفسيه اللي اشهرها و اكترها انتشارا الانفلونزا 🤧🤧
السؤال التاني❓❓
طيب هو التطعيم مهم فعلا ؟؟ اصل سمعنا ناس قالوا مش مهم اوي؟؟
تطعيم الانفلونزا مهم لسببين اساسيين 👍👍
👍اولا يحمينا من الانفلونزا الوبائية اللي بتسبب حالات التهابات عنيفة في الجهاز التنفسي في فصل الشتاء ممكن توصل لالتهاب رئوي و حجز بالمستشفي لا قدر الله.
👍ثانيا يخلي جهاز المناعه متماسك قدام باقي الفيروسات🦠🦠 التنفسية زي الفيروس التنفسي المخلوي RSV اللي عمل شبه وباء السنه اللي فاتت و كمان متحورات كوفيد اللي بتطلع لنا كل شويه
السؤال التالت❓❓
ايه هي التطعيمات المتوفرة في مصر السنة دي؟؟
VAXIGRIP TETRA 2025/2026💉
INFLUVAC TRI 2025/2026💉
التطعيمات دي هي المعتمدة علي مستوي العالم لموسم الشتاء القادم
•اول نوع رباعي يعني بيحمي من أهم 4 سلالات من فيروس الانفلونزا💉
•النوع التاني ثلاثي يعني بيحمي من 3 سلالات من فيروس الانفلونزا و ده بناء علي توصيات منظمة الصحة العالميه ان في 3 سلالات السنه دي هي الاكثر انتشارا💉
يعني نقدر ناخد اي نوع منهم و احنا مطمنين 😇
السؤال الرابع❓❓
ايه هي الاعمار المناسبة للتطعيم ؟؟
•التطعيم مناسب لجميع الاعمار بداية من عمر 6 شهور و لحد اي سن اكبر من كده👶🧒🧑
•كمان مناسب للاباء و الامهات و الجدود و الجدات 🧓🧑‍🦳.
السؤال الخامس❓❓
التطعيم بيتاخد ازاي و عدد الجرعات بتاعته ايه ؟؟
**التطعيم عباره عن حقنه صغيرة في الكتف 0.5 مل 💉💉
**الاطفال اقل من 3 سنوات بنطعمهم في الفخد الامامي
**التطعيم بيكون جرعه واحده فقط من سن 9 سنين و لاي سن اكبر من 9 سنين💉
بالنسبه للاطفال اقل من 9 سنوات:
•لو دي اول سنه ياخدو مصل الانفلونزا بيحتاجو جرعه تانيه منشطه بعد شهر💉💉
•لو اخدوا التطعيم اي سنه قبل كده بياخدو جرعة واحده بس السنه دي💉
السؤال السادس❓❓
طيب هو لو اخدنا التطعيم ده السنه دي لازم ناخده كل سنه في نفس الوقت ؟🤔🤔
•لأ مش لازم ناخده كل سنة و لكن احنا بننصح انه يتاخد كل سنه عشان هو مهم جدا💉💉
السؤال السابع❓❓
طيب هل محتاج اي فترة زمنيه فاصلة بينه و بين اي تطعيم تاني ؟
لأ
السؤال التامن❓❓
مين اللي مينفعش يتطعم بتطعيم الانفلونزا الموسمية؟
•الاطفال اقل من ٦ شهور👶
• الأشخاص اللي عندهم حساسية مفرطة من اكل البيض🍳
•الاشخاص اللي عندهم حساسية من التطعيم نفسه في اي سنة قبل كده
•أثناء التعب الشديد زي ارتفاع درجة الحرارة أو الكحة المستمرة يتأجل التطعيم لحد ما نتحسن 🤧🤧
السؤال التاسع❓❓
هل التطعيم امان مع الحمل و الرضاعة ؟🤱
ايوة.
السؤال العاشر❓❓
طيب لو عاوزين نسأل عن حاجه تانيه نعمل ايه؟؟😃
تقدروا تسيبوا سؤالكم في التعليقات او علي رسايل الصفحة و هنرد عليكم باذن الله و كمان تقدروا تتواصلوا علي رقم العيادة
01125000405
عيادة د محمد حسين و د ايناس مجدي لطب الأطفال و طب الرضاعه الطبيعية
Nurture Kids Clinic
7 شارع عبد الله أبو السعود من شارع النزهة ، ميدان تريومف.... عمارة سوبر ماركت أولاد المحلاوي.
https://goo.gl/maps/uhUkgTcVUHPnBXWP9

#صحة #تطعيم #شتاء #معلومة #دكتور #مدارس #انفلونزا
゚viralシfypシ゚viralシalシ

05/06/2025

كل سنه و انتم طيبين و بخير دايما و عيد أضحي مبارك عليكم و علي أولادكم و بناتكم 🎉🎉🐑🐏
♥️♥️♥️♥️♥️
بمناسبة العيد بيجيلنا اسئلة كتيرة بخصوص اكل اللحوم الحمراء للاطفال 🍖🍖 و كمان امتي نقدر نخلي الطفل يشوف ذبح الاضحية بنفسه🐏🐑؟؟؟
الإجابة موجوده في مقالي بجريدة اليوم السابع و اللي ملخصه كالآتي:
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
طبيب يحذر: ممنوع ذبح الأضحية أمام الأطفال أقل من 9 سنوات 🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑

من جانبه أكد الدكتور محمد حسين مدرس واستشارى طب الأطفال بجامعة عين شمس على ضرورة عدم حضور الأطفال الصغار مشهد الذبح قبل سن 9 سنوات، لما له من أثر سلبي علي نفسية الطفل لعدم استيعابه لعملية الذبح مع ضرورة التمهيد له المشهد من قبلها والأفضل البدء من عمر 5 سنوات التوضيح للطفل قصص مصورة عن الحيوانات وفوائدها للإنسان وحتى يصل لسن 9 سنوات و يكون قادر يحضر مشهد الذبح اذا كان مهيأ لذلك.
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
وأوضح مدرس طب الأطفال أنه من الممكن إدخال اللحوم في وجبات الرضيع بداية من عمر 7 شهور
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
١-نقدر ندخل اللحوم في وجبات الرضيع بداية من عمر 7 شهور عادة نبدأ بالدجاج أو الديك الرومى🐔و بعد كده اللحوم الحمراء🍖🍖
٢-مهم اننا ننزع كل الدهون من اللحوم قبل طبخها و لازم تطبخ جيدا 🥣🥣حتي تستوي تماما و يتم هرسها و نبدا في الاول نخلطها مع الخضار المهروس🥕🥒🥦🥔 عشان تبقي سهلة البلع و الامتصاص , نبدا بكميات بسيطة و نزود بالتدريج حسب تقبل الطفل.😋😋
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
وأوضح استشاري طب الأطفال في تصريحات خاصة لـ"اليوم السابع" اللحوم الحمراء لها أهمية كبيرة في تغذية الاطفال لأنها
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
✨مصدر غني بالحديد بصورة يمكن امتصاصها بشكل أفضل من الحديد الموجود في الخضراوات و ده بيساعد على الوقاية من فقر الدم 🩸🩸
✨مصدر غني بالفيتامينات والمعادن من اهمها :
-✨✨فيتامين B6 وB12، وكلاهما يساهم في تكوين الدم🩸، وتحسين الوظائف الإدراكية عند الأطفال🧠💡
-✨✨النياسين أو فيتامين B3، الذي يقلل من فرص إصابة الأطفال بأمراض القلب والأوعية الدموية🫀♥️
✨✨ الزنك : له دور مهم في الحفاظ على مناعة الجسم.🦠🦠

🚦🚦لكن لازم نخلي بالنا من عدم الافراط في كميات اللحوم المقدمة للاطفال و خصوصا لحم الضأن 🐑🐑لانه يحتوي علي نسبة كبيره من الدهون المشبعة، التي يصعب على الأمعاء امتصاصها وهضمها بسهوله.

https://m.youm7.com/story/2021/7/17/%D8%B7%D8%A8%D9%8A%D8%A8-%D9%8A%D8%AD%D8%B0%D8%B1-%D9%85%D9%85%D9%86%D9%88%D8%B9-%D8%B0%D8%A8%D8%AD-%D8%A7%D9%84%D8%A3%D8%B6%D8%AD%D9%8A%D8%A9-%D8%A3%D9%85%D8%A7%D9%85-%D8%A7%D9%84%D8%A3%D8%B7%D9%81%D8%A7%D9%84-%D8%A3%D9%82%D9%84-%D9%85%D9%86-9/5393746
نتمني البوست يعجبكم و تعملوا مشاركة مع اصحابكم و اهلكم و تعيدو عليهم بمعلومات تفيدهم و كل سنه و انتم طيبين

دكتور / محمد حسين متولي
استشاري و مدرس طب الاطفال بكلية الطب جامعة عين شمس
دكتورة / ايناس مجدي
استشاري دولي طب الرضاعه الطبيعيه
استشاري طب الاطفال جامعة عين شمس

Nurture Kids Clinic 🌿
7 شارع عبد الله أبو السعود من شارع النزهة ، ميدان تريومف.... عمارة سوبر ماركت أولاد المحلاوي.
https://goo.gl/maps/uhUkgTcVUHPnBXWP9


01125000405


#صحة #العيد #عيدالاضحي #عرفة #الحج

30/03/2025

عيد فطر مبارك عليكم وعلي أولادكم و بناتكم و كل سنه و انتم طيبين ❤️❤️ تعالوا نفتكر مع بعض البوست ده من السنه اللي فاتت خصوصا أن اجازه العيد السنه دي طويله و فرصه كويسه تقعدوا مع أولادكم و تستفيدوا من الإجازة 🎊🎊
يا تري نعمل ايه مع أطفالنا في العيد 😇؟
كل عام و انتم طيبين و بخير دايما و يا رب عيد فطر مبارك عليكم و علي أولادكم و بناتكم و كل احبابكم ❤️
تفتكروا العيد زمان ايام ما احنا كنا الاطفال ، يا تري ايه المختلف عن العيد دلوقتي 🤔🤔
تعالوا نعمل مقارنه بسيطة كده
🙂زمان كنا نسهر ليلة العيد بنجهز اللبس الجديد 🎽و بنساعد اهلنا في عمل الكحك و البسكويت و ننام شويه عشان نعرف نصلي العيد
😐دلوقتي الاطفال سهرانة طول الليل علي التليفونات أو الايباد و ال play station و محدش بيكلم حد و الاهل مشغولين يشتروا الكحك اللي أسعاره بقت اسعار مبالغ فيها 🍪🥺
🙂زمان كنا بنطلع من صلاة العيد علي بيت الجدود عشان نقابل العيلة كلها و ناخد العيدية و كل الاطفال لابسين جديد و القعده كلها كلام و حكايات و ضحك وسط لعب اطفال العيله مع بعض 🎉🚴🤸⚽
😐دلوقتي ناس كتير بتسافر ليلة العيد عشان يلحقوا يقضوا الاسبوع علي البحر🏊 و المعايدة بتكون تليفونات او رسائل واتساب 📱أو بالكتير زيارة سريعه للجد و الجدة فقط 🧑‍🦳
🙂زمان كان لازم يوم لعائلة الام و يوم لعائله الأب و يوم للجيران و الاصحاب
😐 دلوقتي العيد بقي رسائل forward to all أو بوست علي فيسبوك و story
طبعا أنا مش بقارن عشان اقول ان زمان احسن من دلوقتي 🥹🥹
لكن يا ريت كلنا نشوف ليه زمان احنا كنا عارفين قيمة العيد و العائله عشان نعلم اطفالنا اللي بيكبروا بسرعه قدام عينينا و بكره هنكون احنا الجد و الجدة 🙂
يا تري هيخلوا أولادهم يعملوا معانا ايه ؟🤔
هيبقي عيد و لمة و لا video calls و mentions علي وسائل التواصل الاجتماعي
مهم جدا أننا نجمع الصفات الحلوة اللي اتربينا عليها و نواكب العصر دلوقتي 🙂🙂
مش هنقولهم مفيش سفر و لكن اول يوم العيد علي الأقل ده يوم العائله ♥️♥️
مش هنقولهم مفيش تليفونات و لا العاب الكترونيه و لكن ده يكون آخر اليوم بعد ما نكون عملنا كل اللي هقولكم عليه في اخر البوست 😮
عادي أننا نشتري كحك و بسكويت بس نعمل حاجه ب أيدينا و نعرفهم ان الحاجه البسيطه اللي احنا عملناها هتكون احلي و أقيم كتير من اللي جبناه مهما كان غالي 👍👍

1- نقضي وقتنا مع أطفالنا في بيت العائله نتكلم معاهم عن رمضان و اتعلمنا ايه من الشهر ده اجمل ايام السنه و نحكي عن كل طفل و نخليه يتكلم و يقول عمل ايه في رمضان و نفسه يعمل ايه في العيد ♥️♥️
2- نشجع مواهبهم اللي بيرسم كويس يرسم لنا رسمة و نعلقها في البيت طول العيد ، اللي حفظ سورة جديدة في القرآن نسمعها منه و نشجعه ، اللي صوته حلو يغني و نسمعه و اكيد اولادنا عندهم مواهب كتير جميله ♥️♥️
3- نعمل فيديوهات جميله مع أطفالنا و مع العائله و نحتفظ بيها لنفسنا عشان تبقي ذكري حلوة ليهم و لينا ♥️♥️
4-نلعب العاب جماعيه ، العاب زمان اللي كانت بتلم العائله كلها و حقيقي لو جربوها هيحبوها و هنخليهم يعبروا عن نفسهم بدل ما يستخبوا ورا جهاز أو شاشة ♥️♥️
5- لو نقدر ناخدهم يوم من ايام العيد نزور مستشفى اطفال او دار ايتام و نوزع علي الاطفال لعب بسيطه 🎁
و طبعا مننساش أننا نشوف ايه اللي ممكن يبسطهم و نعمله مع كل اللي احنا قلناه ، ملاهي ، فسح ، العاب ، هدايا كل اللي نفسهم فيه ♥️♥️
فرصة أننا نستغل العيد عشان يفرحوا و يتعلموا قيمة الوقت و قيمة العائله و العزوة و السند و قيمة كل نعمة ربنا انعم علينا بيها من أكل و لبس و فلوس ، نعرف قيمتها عشان نشكر ربنا عليها و نحافظ عليها
كل عام و حضراتكم بخير و بإذن الله يكون عيد سعيد عليكم و علي اولادنا و بناتنا الحلوين 🎊🎊❤️❤️🎉🎉
Nurture Kids Clinic 🌿
7 شارع عبد الله أبو السعود من شارع النزهة ، ميدان تريومف.... عمارة سوبر ماركت أولاد المحلاوي.
https://goo.gl/maps/uhUkgTcVUHPnBXWP9


01125000405
#عيد #رمضان #رمضانيات #رمضان2025 #فرحة #عيدالفطر #اطفال #رؤية #الهلال

28/02/2025

كل عام و حضرتك طيب يا دكتور محمد و رمضان كريم 🌙🌙
حضرتك ليك بوست عن صيام الاطفال🤔 ؟ انا ابني سبع سنين هل هو قادر يصوم اليوم كله زينا و هو بيروح المدرسة كمان و لا جسمه يتأثر؟؟🥺
سلام عليكم يا دكتور محمد انا بنتي عندها 8 سنين و من اول رمضان مصممة تصوم زينا اليوم كله و بخاف تتعب من المدرسة و الحر🥺 و في ايام فعلا بتخانق معاها عشان تفطر و هي بترفض اعمل ايه؟؟
دي رسايل مهمة جدا جات لي من قبل رمضان 🌙 و بصراحة لقيت الموضوع ده مهم اننا نتكلم فيه عشان صحة اطفالنا ❤️❤️
اولا موضوع صيام الاطفال في جانبين مهمين : جانب ديني و جانب طبي .
نص فتوي دار الافتاء كالتالي:
ان صيام الطفل في نهار رمضان ليس على وجه التكليف والوجوب، وإنما على وجه التحبيب والترغيب، ويبدأ استحباباً من سن السابعة، كي يتدرب على التزام الشريعة بالتدريج، حتى إذا ما كبر وبلغ وجد في نفسه الطواعية الكاملة للتقرب إلى الله سبحانه، وابتغاء الأجر والمثوبة
يعني مفيش تكليف بالصيام قبل سن البلوغ و انما من الممكن اننا نعودهم تدريجيا من سن 7 سنوات علي صيام فترات قصيره و الصيام ميكونش امتناع عن الاكل و الشرب بس لكن نعلمهم فيه الاخلاق الحسنة🤲 و قراءة القرأن الكريم و كل ضوابط الصوم🕋
ثانيا الجانب الطبي🩺
قرار السماح بصيام الأطفال👶 يعتمد بشكل أساسي على عدة عوامل منها:
1- سن الطفل.
2- حالته الصحية والنفسية.
3- استشارة طبيب الأطفال و اللي يقدر يحدد إمكانية صيام الطفل من عدمه حسب حالته الصحيه 🩺
بالنسبه لسن الطفل : الاطباء مش بتنصح بأي صيام قبل سن 10 سنين🛑
لان ده بيعرض الطفل لمشاكل صحية و صحة الاطفال مش مجال للتجربة و لكن احيانا بنسمح من سن 7 سنين بصيام فترة قصيره جدا لا تتعدي ساعه او 2 فقط عشان الاطفال نفسيا تشعر انها في رمضان زي ما بناخدهم معانا الصلوات و بنخليهم يعرفوا عن الشهر ده و فضله🌙🕋
من سن 10 سنين ممكن نخلي الطفل يصوم فترات اطول يعني لحد الضهر او من العصر للمغرب بس ده بعد اخذ راي طبيب الاطفال المعالج🩺 اللي بيكون ادري بصحة الطفل ده و هل في خطورة عليه ولا لا👍
بالنسبة للحالة الصحية : نخلي بالنا ان في بعض الاطفال و اللي بيعانوا من بعض الامراض المزمنة اللي بيكون الصيام معاها فيه مشقة او ضرر🥺 ممكن دكتور الاطفال يرفض صيام الطفل🛑🛑 غير بعد سن البلوغ و بضوابط محددة و بيعلم الاهل و الطفل البالغ علامات الخطورة اللي يكسر فيها صيامه فورا زي التعب😥
و الاعياء و الدوخة و الصداع 😩
عشان كده بنقول لكل الاباء و الامهات ان صيام الاطفال قبل سن البلوغ هو تدريب و تهيئة للطفل و اعداده اعداد جيد لفهم معني الصيام و الغرض منه و حكمة ربنا من صيامنا و اداب الصيام 🤲🤲مش فقط الامتناع عن الاكل و الشرب و مهم جدا اننا نرسخ فيهم ان احنا ممكن نسيب حاجه بنحبها عشان نرضي ربنا🤲🤲
و نعرف قيمة ان عندنا اكل و مياه و غيرنا معندوش عشان وقت ما ربنا يسمح لنا ناكل و نشرب نبقي فرحانين بنعمته 🙂🙂
و كل سنة و انتم طيبين و بخير دايما و رمضان كريم عليكم🌙🌙

أي اسئله تقدروا تسيبوها في التعليقات و هجاوب عليكم بإذن الله

دكتور / محمد حسين متولي
استشاري و مدرس طب الاطفال جامعة عين شمس
دكتوراة طب الاطفال و حديثي الولادة.

و بنفكركم ان احنا معاكم ان شاء الله في رمضان زي كل سنه قبل الفطار و بعد الفطار
و يتم الحجز عن طريق التليفون أو الواتساب علي الرقم التالي
01125000405
Nurture Kids Clinic
7 شارع عبد الله أبو السعود من شارع النزهة ، ميدان تريومف عمارة سوبر ماركت أولاد المحلاوي
https://goo.gl/maps/uhUkgTcVUHPnBXWP9

#رمضان #رمضان٢٠٢٥ #الصيام

15/01/2025

دور البرد اللي ماشي و المضادات الحيويه
خلي بالك 🚫❌❌

Check out Dr Mohamed Hussein Metwally’s video.

10/01/2025

فيروس HMPV 2025
فيروس جديد ؟؟ كورونا جديده ؟
تعالوا نعرف الحكايه علي السبورة الطبية
مع د. محمد حسين متولي
استشاري طب الأطفال و حديثي الولاده جامعة عين شمس

01125000405
تابعونا علي TikTok

https://www.tiktok.com/?_t=ZS-8swrncOm1vr&_r=1

Check out Dr Mohamed Hussein Metwally’s video.

15/08/2024

خلصت الأولمبياد و طبعا كنا نتمني نتائج أفضل 😔😔
مهم جدا أننا نكمل رياضه مع اولادنا و اللي بيتابع بطولات افريقيا هيلاقي ولادنا مسيطرين علي معظم الميداليات داخل القارة ✌️
طيب ليه علي المستوي العالمي الموضوع مختلف 😔
لان لازم يتوفر عاملين مهمين جدا جدا للمنافسه العالميه 🤔
اولا العامل النفسي :😐
لازم نعلم ولادنا التوازن النفسي و القدرة علي التعامل مع الضغوط
لان الرياضات التنافسية فيها ضغط عصبي كبير جدا 😓
و اللي شارك في بطولات هيعرف ان احيانا بيحصل إجهاد عضلي شديد للاعبين في النهائيات بسبب التوتر 🥵🥵
لازم نعلمهم Stress management
لازم نعلمهم طرق التركيز علي الهدف ✌️✌️
و هتلاقي المحترفين فاصلين تماما عن كل حاجه حواليهم
لا تليفزيون و لا موبايل و لا سوشيال ميديا و لا صور و لا قصص لحد ما يخلصوا مشاركتهم و يحققوا الميدالية 🏆🏆
و للاسف مش كل لاعب معاه طبيب نفسي متخصص عشان كده لازم اللي عنده بطل في البيت يتابع مع حد متخصص في تعديل السلوك و يعرف ايه هي الطرق العلميه اللي بتحول التوتر لطاقة نجاح و بيحول الخوف من المواجهة ل متعة و حتي في الهزيمه ازاي يقدر يتخطي الحزن بسرعه 🙂🙂
ثانيا النظام الغذائي 🍐🍌🌽🥕🍅
يا تري هل في نظام تغذية مخصوص لاطفالنا الرياضيين ؟؟🤔
طيب نوع الرياضة بيفرق في طبيعة اكلهم🏀⚽️🎾🏓 ؟ و لو هم محترفين يعني بيدخلوا بطولات و بيمثلوا انديتهم و بلدهم في بطولات نأكلهم ايه🍎🥦🥕🌽🫑؟؟
طبعا طبعا طبعا طبعا😮
البطل الرياضي مش بياكل زينا اي حاجه في اي وقت🤨🥇🥇
و كل رياضه محتاجه عدد سعرات حراريه محسوبه يوميا خصوصا الرياضه اللي بننافس فيها بناء علي وزن اللاعب 😔
و نوع الاكل بيفرق لان كل رياضه محتاجه تكوين عضلي معين
يعني اللي بيلعب اسكواش 🎾 أو تنس محتاج تقويه عضلات و اعصاب الأطراف يعني بروتين و فيتامين ب بكل أنواعه
محتاج سعرات حراريه معتدله علي مدار العام و سعرات زياده قبل المنافسات لانه بيحرق في المباراة الواحده رقم ضخم 😮😮
و قيس علي ده كل الرياضات التانيه ، سباحه رمايه جري كرة قدم '.............🥎⚾⚽🏀🏑
لازم يكون معانا اخصائي تغذيه ياخد وزن و طول اللاعب و كتله الجسم و يحسب له السعرات الحراريه و نوع الاكل اللي نكتر منه و الاكل اللي منقربش منه 🛑🛑🛑
طيب لو انا ابني أو بنتي بيمارسوا رياضه في الصيف بس و مش بيدخلوا بطولات و مش هقدر اتابع مع استشاري نفسي او تغذيه اعمل ايه؟؟؟🤔🤔
حضرتك ارجع لطبيب الاطفال المعالج و هو يقدر يساعدكم في التأهيل النفسي و الغذائي عن طريق نصائح بسيطه تقدر تساعد الطفل أنه يحب الرياضه و يتميز فيها بإذن الله 🥇🥇🥇
و انا شخصيا بحب الأطفال الرياضيين و دائما في العياده بقولهم يا ابطال و بسأل عن نتائجهم و بحاول اشجعهم و احفزهم أنهم يكملوا رياضه عشان يفضلوا اصحاء نفسيا و جسديا بإذن الله ♥️ ♥️ ♥️ ✌️✌️
دكتور / محمد حسين متولي
استشاري و مدرس طب الاطفال بكلية الطب جامعة عين شمس
دكتوراة طب الاطفال جامعة عين شمس

يلا مستنيين تعليقاتكم و اسئلتكم في التعليقات و رسائل الصفحة و لو استفدتم من البوست يا ريت نعمل share عشان البوست يوصل لكل اصحابنا و اهلنا
Nurture Kids Clinic 🌿
7 شارع عبد الله أبو السعود من شارع النزهة ، ميدان تريومف.... عمارة سوبر ماركت أولاد المحلاوي.
https://goo.gl/maps/uhUkgTcVUHPnBXWP9

01125000405

#المدارس
#صحة #التغذية #باريس #بطولات
#المناعة #المدارس #الدراسة #الرياضة #مصر

13/06/2024

كل سنه و انتم طيبين و بخير دايما و عيد أضحي مبارك عليكم و علي أولادكم و بناتكم 🎉🎉🐑🐏
بنفكركم بالبوست اللي انتشر بشكل كبير السنه اللي فاتت بمناسبة عيد الاضحي و بنفكركم أن السنه دي درجات الحراره خلال اسبوع العيد هتكون مرتفعه 🥵🥵🥵
يا ريت نبعد عن الشمس العموديه اوقات الظهيرة 🌞🌞🌞🌞
و نستغل الفتره دي في الزيارات العائليه و صلة الرحم و نستمتع بباقي اليوم مع اولادنا و بناتنا في الاماكن المفتوحه 🎉🎉🎉 ♥️♥️♥️♥️♥️
بمناسبة العيد بيجيلنا اسئلة كتيرة بخصوص اكل اللحوم الحمراء للاطفال 🍖🍖 و كمان امتي نقدر نخلي الطفل يشوف ذبح الاضحية بنفسه🐏🐑؟؟؟
الإجابة موجوده في مقالي بجريدة اليوم السابع و اللي ملخصه كالآتي:
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
طبيب يحذر: ممنوع ذبح الأضحية أمام الأطفال أقل من 9 سنوات 🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑

من جانبه أكد الدكتور محمد حسين مدرس واستشارى طب الأطفال بجامعة عين شمس على ضرورة عدم حضور الأطفال الصغار مشهد الذبح قبل سن 9 سنوات، لما له من أثر سلبي علي نفسية الطفل لعدم استيعابه لعملية الذبح مع ضرورة التمهيد له المشهد من قبلها والأفضل البدء من عمر 5 سنوات التوضيح للطفل قصص مصورة عن الحيوانات وفوائدها للإنسان وحتى يصل لسن 9 سنوات و يكون قادر يحضر مشهد الذبح اذا كان مهيأ لذلك.
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
وأوضح مدرس طب الأطفال أنه من الممكن إدخال اللحوم في وجبات الرضيع بداية من عمر 7 شهور
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
١-نقدر ندخل اللحوم في وجبات الرضيع بداية من عمر 7 شهور عادة نبدأ بالدجاج أو الديك الرومى🐔و بعد كده اللحوم الحمراء🍖🍖
٢-مهم اننا ننزع كل الدهون من اللحوم قبل طبخها و لازم تطبخ جيدا 🥣🥣حتي تستوي تماما و يتم هرسها و نبدا في الاول نخلطها مع الخضار المهروس🥕🥒🥦🥔 عشان تبقي سهلة البلع و الامتصاص , نبدا بكميات بسيطة و نزود بالتدريج حسب تقبل الطفل.😋😋
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
وأوضح استشاري طب الأطفال في تصريحات خاصة لـ"اليوم السابع" اللحوم الحمراء لها أهمية كبيرة في تغذية الاطفال لأنها
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
✨مصدر غني بالحديد بصورة يمكن امتصاصها بشكل أفضل من الحديد الموجود في الخضراوات و ده بيساعد على الوقاية من فقر الدم 🩸🩸
✨مصدر غني بالفيتامينات والمعادن من اهمها :
-✨✨فيتامين B6 وB12، وكلاهما يساهم في تكوين الدم🩸، وتحسين الوظائف الإدراكية عند الأطفال🧠💡
-✨✨النياسين أو فيتامين B3، الذي يقلل من فرص إصابة الأطفال بأمراض القلب والأوعية الدموية🫀♥️
✨✨ الزنك : له دور مهم في الحفاظ على مناعة الجسم.🦠🦠

🚦🚦لكن لازم نخلي بالنا من عدم الافراط في كميات اللحوم المقدمة للاطفال و خصوصا لحم الضأن 🐑🐑لانه يحتوي علي نسبة كبيره من الدهون المشبعة، التي يصعب على الأمعاء امتصاصها وهضمها بسهوله.

https://m.youm7.com/story/2021/7/17/%D8%B7%D8%A8%D9%8A%D8%A8-%D9%8A%D8%AD%D8%B0%D8%B1-%D9%85%D9%85%D9%86%D9%88%D8%B9-%D8%B0%D8%A8%D8%AD-%D8%A7%D9%84%D8%A3%D8%B6%D8%AD%D9%8A%D8%A9-%D8%A3%D9%85%D8%A7%D9%85-%D8%A7%D9%84%D8%A3%D8%B7%D9%81%D8%A7%D9%84-%D8%A3%D9%82%D9%84-%D9%85%D9%86-9/5393746
نتمني البوست يعجبكم و تعملوا مشاركة مع اصحابكم و اهلكم و تعيدو عليهم بمعلومات تفيدهم و كل سنه و انتم طيبين

دكتور / محمد حسين متولي
استشاري و مدرس طب الاطفال بكلية الطب جامعة عين شمس
دكتورة / ايناس مجدي
استشاري دولي طب الرضاعه الطبيعيه
استشاري طب الاطفال جامعة عين شمس

Nurture Kids Clinic 🌿
7 شارع عبد الله أبو السعود من شارع النزهة ، ميدان تريومف.... عمارة سوبر ماركت أولاد المحلاوي.
https://goo.gl/maps/uhUkgTcVUHPnBXWP9


01125000405


#صحة #العيد #عيدالاضحي #عرفة #الحج

19/04/2024

يا تري هل في نظام تغذية مخصوص لاطفالنا الرياضيين ؟؟🤔🤔
طيب نوع الرياضة بيفرق في طبيعة اكلهم🏀⚽️🎾🏓 ؟ و لو هم محترفين يعني بيدخلوا بطولات و بيمثلوا انديتهم و بلدهم في بطولات نأكلهم ايه🍎🥦🥕🌽🫑؟؟
رجعنا من الاجازة 🤨و ده معناه مذاكرة و مدرسة و تمارين و مذاكرة و امتحانات و تمارين و بطولات و مدرسة و تمارين😯😯
بس ازاي نغير نظام اكل اولادنا من رمضان و اكله و العيد و كحكه و بعد العيد و مذاكرته و تمارينه 🙂
ده اللي هنعرفه في الفيديو ده مع دكتور / محمد حسين متولي
استشاري و مدرس طب الاطفال بكلية الطب جامعة عين شمس
دكتوراة طب الاطفال جامعة عين شمس

يلا مستنيين تعليقاتكم و اسئلتكم في التعليقات و رسائل الصفحة و لو استفدتم من الفيديو يا ريت نعمل share عشان البوست يوصل لكل اصحابنا و اهلنا
Nurture Kids Clinic 🌿
7 شارع عبد الله أبو السعود من شارع النزهة ، ميدان تريومف.... عمارة سوبر ماركت أولاد المحلاوي.
https://goo.gl/maps/uhUkgTcVUHPnBXWP9

01125000405

#المدارس
#صحة #التغذية
#المناعة #المدارس #الدراسة #الرياضة #مصر