29/04/2026
خدعة الفينو الأسمر و التوست الاسمر 🥖🔥
نركز بأه مع بعض علشان حنتكلم في موضوع مهم جدا للسباحين 👌🔥🔥
كلنا عارفين أن الخبز الاسمر او الفينو الأسمر أو التوست الاسمر المفروض انه يديلك في التمرين طاقه مستمره صح وثابته لوقت اطول ؟ ⚡🥖
ملاحظتش في تمرينك اوقات كتير ان طاقتك بتخلص بسرعه بردو مع العلم ان الخبز الاسمر المفروض انه يديلك طاقه مستمره واحيانا هبوط؟ 😳⚠️
تفتكر ايه السبب؟؟؟ 🤔❗
ركز معايا في الكلمتين دول جدا 👀🔥
🔴. اختبار "قلب الرغيف" 🔍
لما بتشتري الفينو الأسمر من الأفران الشعبية أو المخابز العادية 🏪
بتلاقي لونه من جوه بني موحد وباهت وفي نفس الوقت ملمسه ناعم جداً مثل القطن 😳
فده مليون في الميه دقيق أبيض مضاف ليه (لون كراميل أو عسل أسود) ⚠️❌
لو هو فعلا من الحبه الكامله 🌾
حتلاحظ وجود حبيبات صغيرة داكنة (الردة) منتشرة داخل العجين، وبيكون ملمسه خشن شويه مش ناعم
🔴 الوزن و الكثافه
دقيق القمح الكامل بيحتوي على جنين القمح والألياف، ودي مواد ثقيلة بتأثر على شكل الرغيف 🥖
لو لقيت الفينو الأسمر منفوخ جداً وخفيف الوزن اعرف علطول انه دقيق أبيض 100% مع صبغة ❌⚠️
لأن الرغيف الأسمر الحقيقي بيكون أثقل وأصغر حجماً مقارنة بالأبيض
🔴 الرائحة والطعم
الفينو المصبوغ بالعسل الأسود 🍯
هتلاقي فيه لسعة حلاوة واضحة، ورائحته أقرب للمخبوزات السكرية
الفينو الأسمر الحقيقي 🌾
له رائحة قمح واضحة وطعم أقوى وبيميل لطعم الخبز البلدي
🔴. القشرة الخارجية
في بعض الأفران بيتم رش ردة أو شوفان على الوجه عشان يدي شكل صحي ❌🌾
بلاش تتخدع بالمظهر الخارجي 👀
ركز على القاع والمنتصف:
لو القاع فاتح وناعم جداً والوجه غامق → علامة استفهام كبيرة ⚠️❗
🔴 اختبار مهم
امسك الأسمر والأبيض من نفس الفرن وقارن بينهم 👇
نفس الوزن تقريباً؟ 😳
نفس النفخه؟
لو كده يبقى فيه حاجة غلط 👀❌
💧 اختبار "المية" (الاختبار المنزلي) ⚠️
لو حد شاكك في ماركة معينة 🥖👀، ممكن يعمل الحركة دي:
💦 حط قطعة من قلب العيش في كوباية مية وسيبها 10 دقايق ⏱️
❌ المغشوش: المية لونها هيتغير (بني أو مصفر) بسبب الصبغة أو العسل 🍯⚠️، والعيش هيدوب ويتحول لعجينة سايلة
✅ الحقيقي: المية هتفضل صافية نسبياً 💧، والعيش هيفضل محتفظ بكيانه وشكله لأن الألياف (الردة) مش بتدوب بسهولة 🌾🥖
🏠 الحل
الأكثر مصداقية هو العيش السن 🥖🔥
أو تعمل العيش في البيت بدقيق مضمون 🌾🏠
أو تعتمد على شركة موثوقة جداً 💯
🏊♂️ اختبار الرياضي جامد
كسباح 👇🔥
جرب مرة تاكل أسمر ومرة أبيض في نفس الظروف وشوف:
الطاقة ⏱️
وقت الهبوط ⚡
الإحساس في التمرين 🏊♂️
لو مفيش فرق → يبقى مفيش فرق حقيقي في المصدر و المكونات دقيق ابيض 👌
لو فيه فرق واضح → يبقى الدنيا كده مظبوطه 👀🔥
🔴 ملحوظه
أنا مش بجبرك تاكل إيه و متاكلش إيه كل ما فيها إني بعرفك إزاي تفرق بين المظبوط و المغشوش 👌
أما الإختيار صح فاكل لحاجه لها وقتها الأسمر له وقته و الأبيض له وقته مع العلم إن الأبيض له بدائل كتير صحيه عنه
Swimmer nutritionist
Gazzar recovery 🐎🏊♂️🍒
