09/07/2021
الي طلبة الثانوية العامة ..
انت عملت كل الي تقدر عليه وعملت الي كان ف وسعك انك تعمله اجتهدت وسهرت وتعبت واتوترت وحرمت نفسك من كل حاجة بتحبها ايام وليالي كتير ..
والدك ووالدتك اكيد شايفين دا واكيد مقدرين كل التعب الي انت تعبته والي هم تعبوه معاك والي الاكيد انه دا كله مش هيروح هدر لان بكل بساطة "إِنَّا لَا نُضِيعُ أَجْرَ مَنْ أَحْسَنَ عَمَلًا"
مهما كنت حاسس ف الثانية دي انك ناسي كل حاجة ومش مظبط اي حاجة وانك لسه مش مستعد انه الامتحان بكرة تأكد انه دا احساس طبيعي جددداً وكلنا حسينا بيه والحمدلله عدت معانا ع خير وطلعنا فاكرين كل حاجة😂
انا عارفة انه نظامكوا صعب اوي ويمكن ظالم جداً ليكو انا عارفه دا والله لكن ربنا معاكوا وعالم ومطلع على تعبكوا واكيد اكيد هيرضيكوا وهيجبركوا وهتفرحوا 🤩
اهم حاجة النهارده تنام كويس ع الاقل خالص ٤ ساعات وتحاول قد ما تقدر الصبح تاكل حاجة قبل الامتحان وتقرأ سورة يس بنية الجبر والتوفيق ومتنساش دعاء دخول اللجنة 🙏🏻
تذكير اخير الامتحانات دي مش نهاية الدنيا ومش الي هتحدد اذا كنت شخص ناجح ولا لا انت كدا كدا ناجح وكدا كدا اهلك بيحبوك وفخورين بيك اياً كانت النتيجة
اعملوا شير عشان ناس كتير تشوف البوست دا
#طلبةالثانويةالعامة
