What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Friday 9am - 5pm Saturday 9am - 5pm Sunday 9am - 5pm

https://www.facebook.com/105993285283471/

Dr.Doaa Rabuia, Cairo (2025)

18/11/2023

اوعي تسمح لحد يقلل من ذاتك👌
او يخليك تقلل ثقتك بنفسك😏
او يتنمر عليك بسبب جسمك او شكلك او اي حاجه تانيه😌 خليك دايما واثق في نفسك لان الحاله النفسيه والعامل النفسي هما اول اسباب السمنه وسبب رئيسي للتخلص منها تكون بمزاج كويس😁🤍💜
للوصول للوزن المثالي كلمنا واشترك معانا
وسيب الباقي علينا 🥰
واحنت هنوصلك للجسم المثالي اللي تحلم بيه💙
دمتم بصحه وسعاده❤️

10/10/2023

التغذية عند الأطفال 🥰❤️

👈مفهوم التغذيه الصحيحه عند الأمهات غلط لانهم فاكرين ان التغذيه مرتبطه بكميه الاكل اللي بيأكله الطفل وده مش صح لان الطفل معدته صغيره مش بياكل كميه كبيره وبياكلهم علي ٥ ل ٦ وجبات فاليوم
👈مشاكل التغذيه بتيجي من نوعيه الاكل مش الكميه
مش كل الاطفال وحتي الكبار هيحبوا يأكلوا كل الأصناف ولو رافض نوع اكل معين بنديه أكلات بديله فيها نفس القيمه الغذائية
👈مينفش طفل او حتي كبير ما ياكلش خضروات وفاكهه كل يوم لانها بتحتوي علي الفيتامينات والمعادن اللي محتاجها جسمه
👈مينفعش طفل ما يشربش لبن او ياكل بدائل الكالسيوم كل يوم
👈مينفعش طفل ما ياكلش مصادر صحيه للدهون لانها مهمه لبناءالجسم والمخ
👈مينفعش طفل كل أكله عصير وشيبسي وبسكوت وفي النص وجبه غدا او يمكن مفيش خالص

👈لازم متابعه وزن وطول ابنك كل ٣ شهور علي الأقل عشان لو فيه مشكله تتعالج بدري
👈👈 لان ممكن يكون وزنه مثالي لان أكله معظمه نشويات وهتلاقي عنده انيميا نقص الحديد ونقص فيتامين أ وزنك

👈كل ما تهتمي بتغذيه طفلك تغذيه صحيحه مناعته هتبقي احسن. ❤️

15/09/2023

هنعمل مسابقه واكتر حد هيعمل منشن ل اصدقائه علي البوست وهيعمل شير للصفحه علي 10 جروبات ويعمل دعوة ل 10 أشخاص شهر متابعه مجانيه

15/09/2023

عشان تبدأ مشوارك صح في نزول الدايت لازم تغير من عاداتك الصحيه change lifestyle يعني مش تمشي علي دايت شهر أو اتنين وتوقف او تمشي علي نظام قاسي وتتعب وتدمرصحتك واول ما تقف ترجع تاني العباره هي التغيير والاستمراريه عشان مفيش حد يضحك عليك

14/09/2023

علشان تتخن او تخس لازم نكون بندور على صحه افضل في الحالتين هدفنا نحافظ على صحتك انك تخس او تتخن بنظام صحي متكامل وبدون حرمان 🌸
نمنع او تقلل مخاطر امراض ناتجه عن السمنه زي السكر والقلب وارتفاع الكوليسترول هنعرف مع بعض ازاي ان شاء الله في البوستات الي جايه.
للمتابعه ارسل علي رسائل الصفحه😊🥰😅

01/09/2023

الفترة الأخيرة انتشرت خلطة سحرية من أدوية الصيدلية عند البنات لزيادة الوزن وهي أن أي بنت قربت تتجوز تيجي تقول للصيدلي عاوزة علبة ترايكتين مع علبة ديكسازون وهي في قمة السعادة أنها اخيرًا لقيت الحل اللي هيخليها تزيد وزنها 👸

بس للأسف البنت دي متعرفش طبّيا بيحصلها ايه من أضرار على مستوى الجسم ‼️ وتيجي صاحبتها تقولها وشك بقى مدور زي القمر فهي تبدأ تفرح وتنبسط ومتعرفش انها بداية الكارثة.

= وهي إن جسمها بفعل الكورتيزون الموجود في دواء ديكسازون بيتخن الجسم عن طريق انه بيحبس المية والأملاح جوة الجسم وتحت الجلد ودة بيظهر على الوجه في هيئة moon face ( الوش بيكون مدور ومنفوخ ) ودي ظاهرة معروفة في الطب بإسم Cushing syndrom.

دة غير ان طبعًا الكورتيزون إستخدامه باستمرار على المدى البعيد هيسببلها أضرار كتير زي 👇 :

- ضغطها هيرتفع مع الوقت (Hypertension) ⬆️
- هتبقى عرضة انها يجيلها السكر (Hyperglycemia) ⬆️
- هشاشة ف العظام ( Osteoporosis - Osteonecrosis)
- مشاكل ف العين ( Cataract - Glucoma )
- ضعف في العضلات ( myopathy )
- تثبيط المناعة وزيادة فرصة الإصابة بالأمراض بسهولة

▪︎ والمصيبة الأكبر هي عند وقف استخدام الكورتيزون مرة واحدة بعد الاستخدام الطويل فيما يُعرف ب Acute adrenal insufficiency هتسبب هبوط شديد في الضغط ⬇️ و جفاف واختلال في نسبة أملاح الجسم
____
▪︎ وفكرة استخدام ترايكتين كفاتح للشهية (Off-label use) دة المفروض للناس اللي عندهم الشهية مقفولة لكن فكرة إستخدامه للإنسان السليم أمر ملوش داعي إطلاقًا

خليك صحّي ونظّم أكلك باللي يفيدك بس ✅

16/08/2023

اكتر سؤال شوفته لحد دلوقتي عن الاورلي او الريجيماكس او الكروماكس والناس عايزه تاخدهم علشان يخسوا😳😳😳

Quick slim, orlistat and regimax
ريجيماكس و كويك سليم و اورلي و اورليستات زي بعض فيهم مادة اسمها اورليستات
دي ماده بتقلل امتصاص الدهون😇

اعراضها الجانبيه ايه؟ بتقلل امتصاص الفيتامينات اللي بتدوب في الدهون زي
فيتامين A
فيتامين K
فيتامين E
فيتامين D
بالتالي بنيجي نعاني من نقص فيتامين دال اللي من اعراض نقصه تعب العضلات و التقلبات الموديه و نروح ناخد اقراص من بره و نيجي نقول من ايه النقص ده؟؟😳😳😳

و كمان بيسبب نقص باقي الفيتامينات مهمه للجسم وخصوصا العين زي فيتامين أ

استخدامه الامثل كل فين وفين فقط يعني قرص واحد قبل الوجبه الدسمه بنص ساعه بس كده ومفيش تاني👏🏻

كروماكس فيه كروميوم كويس جدا لزيادة حساسيه الانسولين ( بيقلل مقاومة الانسولين) لكن مينفعش مع الناس دي

١) مرضي قصور الكلي والكبد
٢) المرضعات والحوامل
٣) مرضي قصور الغده الدراقيه

دمتم بصحه
دكتور دعاء ربيع
#دكتورة تغذيه علاجيه
#عضو في الجمعيه الامريكيه للتغذيه

13/06/2023

ده سؤال بيتسال كتير
ودي الاجابه👇🏻
حقن بدون نظام غذائي صارم ملوش لزمه
الحقن بينزل مقاسات ٥ سنتي اقصى حاجه وبيبقى اخر خطوه بعد ما بنخس

يعني مبنفعش حد جسمه كله دهون ويقول احقن ده غلط❌❌

ولو دكتور قالك نبدا حقن من البدايه وانت وزن زايد اعرف ان ده شغل تجاري بحت يعني لو لاقيت نفسك بتخس ف انت بتخس من الدايت مش من الجلسات

بنحقن لما نوصل للوزن اللي عاوزينه وفي مناطق عنيده منزلتش

ولو لخبطنا هنزيد تاني عادي جدااااا
د-دعاء ربيع / تغذيه علاجيه. سمنه ونحافه

13/06/2023

🔸يستعد طلبه الثانويه العامة للامتحانات ....
🔸 و للتغذيه دور كبير في زياده التركيز و الحفاظ علي الذاكرة ....
🔸من الاطعمه الهامه التى تزيد من التركيز : البيض لاحتواءه على مادة الكولين والتربتوفان الهامين لزيادة التركيز وتقليل التوتر النفسي 🌺

20/05/2023

🍓🍗🍤
✅ :
⬅هو نظام بيعتمد علي الحصول علي الطاقه من الدهون بدل الكارب وتقليل الكارب دا بيخلي الجسم يدخل في حاله اسمها(Ketosis ) لما الجسم بيدخل في الحاله دي بيبتدي يحرق الدهون للحصول علي الطاقه وكمان بيحول الدهون لكيتونات(Ketones) في الكبد الكيتونات دي بتمد الجسم والمخ بالطاقه.
✅ :
1.Standard Ketogenic Diet (SKD):
⬅اكتر نوع منتشر وفيه بيتم تقليل نسبة الكارب بنسبه كبيره جدا تصل ل(5%) والبروتين ل(20%) والدهون ل(75%).
2.Cyclical Ketogenic Diet (CKD):
⬅ودا بيكون فيه فترات عاليه في الكارب وفترات قليله جداً زي 5أيام كيتو بعدهم يومين فيهم كارب بنسبه اعلي.
3.Targeted Ketogenic Diet (TKD):
⬅والنوع دا بيسمح باضافه الكارب في حاله واحده لو بتتمرن💪.
4.High Protin Ketogenic Diet:
⬅ودا شبه النوع الاول لكن نسبة البروتين فيه اعلي بروتين (35%) دهون(60%) كارب(5%).
✅ :
⬅خسارة الوزن بصوره اسرع من انظمة الدايت التانيه.
⬅مفيد لمرضي السكر من النوع التاني لانه بيحسن حساسية الانسولين ونزول الدهون.
⬅مفيد لمرضي القلب لانه بيقلل نسبة الكوليسترول في الدم.
⬅مفيد لمرضي السرطان وثبت فعاليته في تقليل الخلايا السرطانيه والحد من نمو التورم.
⬅مفيد لمرضي الزهايمر لانه بينشط الذاكره.
⬅مفيد لمرضي الصرع.
✅ :
⬅اللحوم:لحوم الحمرا،فراخ،رومي.🍖🍗
⬅الاسماك:اللي فيها نسبة دهون عاليه زي سلمون،تونه،ماكريل.🐟
⬅الزيوت الصحيه:زيت الزيتون،زيت جوز الهند،زيت الافوكادو،زبده.
⬅الخضار قليل الكارب:طماطم،بصل،فلفل،معظم الخضروات الخضرا.
⬅التوابل:ملح،فلفل،معظم الاعشاب الصحيه.
⬅الجبن:شيدر،كريمي،موتزاريلا،جبنة الماعز.
⬅المكسرات:كلها.
✅ #الأكل الممنوع:
⬅الحبوب:رز،قمح والاكل المصنع منهم زي المكرونه.
⬅الفاكهه:كلها ممنوعه ماعدا التوت والفراوله.🍓
⬅السكريات:صودا،عصير،سموزي،ايس كريم.
⬅الدهون غير الصحيه:الزيوت النباتيه،المايونيز.
⬅معظم الصوصات لان فيها سكر ودهون غير صحيه.
⬅بطاطس،بطاطا،جزر،فاصوليا،لوبيا.
✅ :❤
⭐الفطار:
🔹بيض مسلوق+طماطم.
🔹اومليت بالجبنه+طماطم.
🔹اومليت بالجبنه +خضروات.
🔹اومليت بالافوكادو+فلفل اخضر+بصل.
🔹بيض مقلي في زبده+مشروم.
⭐الغدا:
🔹فراخ+قطع جبنه فيتا+سلطه بزيت الزيتون.
🔹جمبري+ افوكادو+سلطه بزيت الزيتون.
🔹لحمه+خضار (يتعملوا بزيت جوز هند او زيت زيتون).
🔹برجر+جبنه.
🔹ستيك+مكسرات(مقدار كف الايد).
⭐العشا:
🔹سلمون(معمول بزبده)+بروكلي.
🔹لحمه+جبنه شيدر+خضار.
🔹فراخ+جبنه كريمي.
🔹بيض مسلوق+جبنه.
🔹بيض+سبانخ.
🔹فراخ+جبنه+سلطة بروكلي.
⭐Snacks:
🔹زيتون+جبنه.
🔹مكسرات(مقدار كف الايد).
🔹دارك شوكلت90%.🍫
🔹فراوله.🍓
🔹بيض مسلوق.
🔹ميلك شيك(لبن لوز+زبدة فول سوداني+ كاكاو).
✴لحد هنا كله تمام نيجي بقي للي يزعل😂😂
✅ :
الاعراض دي بتكون في البدايه وبعد كده بتروح وهي
⬅صداع ودوخه.
⬅اضطرابات في النوم.
⬅الجوع الزياده.
⬅قلة الاداء البدني.
⬅الشد العضلي بسبب قلة المايه والمعادن اللي داخله الجسم.
⬅ريحة نفس وحشه.
⬅اضطرابات في الهضم ممكن يحصل امساك او اسهال.
✅ :
⬅منقطعش الكارب مره واحده نقلل بالتدريج.
⬅شرب كميه كافيه من الميه 2لتر في اليوم.
⬅ندخل كمية ملح مناسبه للأكل حوالي معلقتين صغيرين.
⬅زيادة المعادن الداخله عن طريق الاكل الغني بالماغنيسيوم والبوتاسيوم دا هيقلل الشد العضلي.
⬅نتجنب التمرين اول اسبوعين.
⬅نهتم بأكل الالياف مكسرات،فراوله.
✅ :
⬅نزول الكتله العضليه بسبب عدم تناول كارب وان البروتين لوحده مش كفايه.
⬅مضر للكلي لانه ممكن يسبب حصوات بسبب زيادة اكل البروتين.
⬅الجفاف والجفاف دا بيسبب امساك وصداع وضعف عام.
✅ :
⬅الحوامل والمرضعات.
⬅مرضي السكر من النوع الأول.
⬅المستئصلين المراره.
⬅المصابين باضطرابات الغده الدرقيه.
✴قبل منبدأ في النظام دا نتأكد ان مفيش اي مشاكل صحيه

02/04/2023

نصائح لإفطار رمضاني صحي

• اكسر صيامك وقت الأذان على ٣ تمرات مع كوباية ميه أو لبن قليل الدسم
• صلّي المغرب الأول وبعدين ابدأ فطارك عشان تمهّد جسمك للأكل
• قسّم طبقك لنصين؛ نص فيه سلطة وخضار، والنص التاني حصتك من البروتين والنشويات
• اختار بروتين صحي قليل الدسم وخفف الملح على قد ما تقدر عشان ما يزودش إحساسك بالعطش
• ابدأ بالشوربة مع السلطة أو الخضار وكمل بالبروتين و خلي النشويات آخر حاجة عشان ماتكتّرش منها
• ركز فًي الأكل و امضغه كويس وماتستعجلش، محدش بيجري وراك
•أول ما تحس بالشبع وقّف أكل، قوم خفيف، وما تزودش كتير على بطنك عشان مايحصلكش تُخمة وهبوط وماتقدرش تقوم للعشاء والتراويح وكل سنة وانتم طيبين 🌷

10/03/2023

*فوائد شرب القرفة و إستخدامها في الطعام

1️⃣ من أحد فوائد القرفة هو الوقاية من مرض السرطان، فهي تحد من خطر انتشار الخلايا السرطانية، وكذلك تحد من انتشار الأورام اللمفاويّة وأيضاً من سرطان الدّم وسرطان القولون ويساعد في ذلك احتوائها على مواد مضادة للأكسدة.

2️⃣ يساعد شرب القرفة مرضى السكريّ وخاصة ممن يعانون من النوع الثاني من مرض السكريّ حيث إنّها تعمل على تنظيم معدل السكر في الدّم وذلك لما تحتويه من كميّات من بعض مركبات البولي فينول.

3️⃣ القرفة مهمة جداً لدّم ولدّورة الدّمويّة فهي تزود الجسم بكميّات جيدة من الحديد وبالتالي يصنح من يعاني من مشاكل فقر الدّم ونقص الحديد فيه بشريه.

4️⃣ أمّا بالنسبة لدّورة الدّمويّة فتساعد القرفة على تنشيط الدَورة الدّمويّة وزيادة تدفق الدّم في الأوعيّة الدّمويّة وتقلل من تجلط الدّم. وهي بذلك تساعد الأشخاص الذين يعانون من مشكلة ضعف الدّورة الدّمويّة إلى الأطراف أي إلى اليدين والقدمين، ومفيدة لمن يعاني من مشكلة تثليج الأصابع في فصل الشتاء.

5️⃣ وكما أنّها تساعد على إدرار الطمث وبالتالي تقلل من الآلام المصاحبة لها.
دمتم بصحه🥰😍

Dr.Doaa Rabuia

18/11/2023

10/10/2023

15/09/2023

15/09/2023

14/09/2023

01/09/2023

16/08/2023

13/06/2023

13/06/2023

20/05/2023

02/04/2023

10/03/2023

Address

Opening Hours

Website

Alerts

Shortcuts

Share

Category

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Friday	9am - 5pm
Saturday	9am - 5pm
Sunday	9am - 5pm