https://www.facebook.com/105997645798938/

Pharma Notes, Cairo (2025)

12/10/2025

الفرق بين Downoprazole وFawar Fruit وRani F — وأيهم الأفضل لحالتك في حالة الحموضة
Downoprazole
- هو من مجموعة مثبطات مضخة البروتون (PPI).
- بيشتغل على إيقاف إفراز الحمض من جذوره، عن طريق تثبيط إنزيم H+/K+ ATPase في خلايا المعدة.
- فعاليته قوية ومفعوله ممكن يستمر 24 ساعة أو أكتر.
- بيُعتبر أفضل علاج طويل المدى للحموضة وارتجاع المريء.
كيس واحد من Downoprazole (40mg) في اليوم ممكن يكفي للسيطرة على الأعراض طوال اليوم، وده بيخليه اختيار ممتاز خصوصًا في فترات الأكل الثقيل زي الأعياد.
Fawar Fruit
- ده مجرد مضاد حموضة سريع المفعول.
- مجرد بيعادل الحمض الموجود حاليًا في المعدة.
- مفعوله مؤقت جدًا، فهتحتاج تاخده أكتر من مرة في اليوم.
- كمان الاستخدام المتكرر له ممكن يسبب قلوية الدم (metabolic alkalosis) أو احتباس صوديوم.
مش حل طويل المدى، لكنه مفيد كـ"إسعاف أولي" سريع. Rani F
- بيقلل من إفراز الحمض عن طريق منع تحفيز مستقبلات الهيستامين في المعدة.
- مفعوله بيستمر حوالي 8–12 ساعة.
- أقل شوية في القوة والمدة مقارنة بالـ PPI، لكنه أسرع شوية في بداية المفعول من PPI.
فوار Rani F أقوى من فوار فروت، لكنه مش بنفس قوة واستمرارية Downoprazole.
الخلاصة:-
- Downoprazole (PPI): الأفضل للتحكم طويل المدى
- Rani F (H2 blocker + antacid): ، مناسب للحالات المتوسطة أو استخدام وقتي
- Fawar Fruit (antacid): مفعول سريع لكنه مؤقت جدًا

03/10/2025

🚫❌ خطأ طبي شائع رقم (5)
استخدام Water for Injection في جلسات الاستنشاق (Nebulization).
🔎 الخطأ فين؟
Water for injection = ماء معقم فقط لكنه Hypotonic → بيسبب دخول المياه جوه الخلايا
(cell swelling) → ينتج عنه:
Bronchospasm – Cough & irritation –
إحساس بعدم ارتياح أثناء الجلسة.
✅ الصح:
النيبولايزر يتحضر بـ Normal Saline 0.9% لأنه Isotonic وآمن ومناسب لخلايا الجهاز التنفسي.
📌 التوصية recommendation:
🔴 ممنوع وصف أو تحضير الجلسات بماء الحقن.
🩺 Saline فقط هو الاختيار الصحيح
ℹ️ صفحتنا الغرض منها إيجاد حلول للمشاكل الموجودة في حياتنا الطبية والعملية، وتبصير الزملاء بالممارسات الخاطئة على أساس علمي موثوق.

26/09/2025

🤰🏻لو عندنا امرأة حامل تعاني من نوبة ربو حادة (Acute Asthma Attack) .. فهل الأفضل أن نستخدم لها بخاخ "Salbutamol" أو تبخيرة "Combivent" ؟؟

📚 الجواب:

💠 أولا: لازم نعرف أن إنقاذ الحامل من الربو (على المدى القصير والطويل) هو الأولوية الكبرى ..

لأن الربو خطير على الجنين (قد يعيق نمو الجنين أو يؤدي إلى تشويهه أو وفاته) ..

💠 ثانيا: من حيث الأمان على الجنين يبدو أن البخاخ هو الخيار الأول لسببين:

1️⃣ أن أمان بخاخ Salbutamol على الجنين موثق بشكل أكبر (بحسب التجارب على أجنة البشر) ..

2️⃣ أن كمية الدواء التي تصل إلى الجنين من "البخاخ" أقل من الكمية التي تصل له من "التبخيرة" ... خصوصا إذا تم استخدام "البخاخ" مع spacer ..

🌟🌟 ملاحظة 🌟🌟

إذا كانت الحامل لا تجيد استخدام البخاخ (و هذا أمر شائع جدا) .. أو أن البخاخ لم ينفعها في علاج نوبة الربو الحادة 👈👈👈 فلا شك في أنه يمكننا استعمال التبخيرة المذكورة والتي تتكون من:
Salbutamol & ipratropium.

لاتنسونا من خالص دعائكم

16/09/2025

هنتكلم النهارده عن اللحوم المُصنَّعة " Processed Meat" 🍖
وكلمة "لحوم مُصنَّعة" يعني:
تحويل اللحوم الطبيعية إلى منتجات لها فترة صلاحية أطول وطعم مختلف، وذلك عن طريق التصنيع أو المعالجة أو التدخين أو التمليح.

ليه في منتجات بالشكل ده؟ 🤔
هل اللحوم الطبيعية الفريش قصّرت معانا في حاجة؟
الهدف من المنتجات دي هو إطالة فترة صلاحية اللحوم، وده كان معمول بيه من آلاف السنين عن طريق التمليح أو التجفيف.
في الوقت ده، الإنسان البدائي ما كانش لاقي طريقة يحفظ بيها اللحوم اللي بيصطادها أو بيربيها غير الطرق دي، وكانت طرق آمنة وبدون أي مواد حافظة، فقط التجفيف او التمليح.

لكن الإنسان البدائي اللي كان كل همه يلاقي أكلته الحلوة في يومه، اتطور مع الزمن لإنسان رأسمالي ما بيشبعش 💰.

ومع ظهور الشركات الغذائية ودخولها في التصنيع الغذائي، بقت المنتجات دي كتيرة جدًا، واتضاف لها مواد حافظة ومُنكِّهات، وده السبب اللى يخلينا نتكلم عنها النهارده.

في البداية، تعالوا نتعرّف على أنواع اللحوم المُصنَّعة قبل أي كلام …
وهنقسمها حسب طريقة التحضير أو التصنيع:

أولاً: اللحوم المجففة (Dry-Cured Meat) 🥓
- البسطرمة (لحم بقري مجفف ومتبل)
- اللحم المقدد – Beef Jerky (شرائح لحم مجففة ومملحة)

ثانياً: اللانشون والنقانق (Sausages) 🌭
- اللانشون العادي (الغير مدخن): لحم بقري أو فراخ يُخلط مع الصويا وإضافات أخرى، ويُطهى بالبخار أو السلق.
- المرتديلا (نوع من أنواع اللانشون ونفس طريقة التصنيع، لكنها أكبر حجمًا وغالبًا تحتوي على قطع دهن).
- السجق المصنع (أسماء أخرى: سوسيس – هوت دوج – نقانق): نفس طرق تصنيع اللانشون ولكن بأحجام صغيرة.
- السلامي (شبه اللانشون لكن بدهون أعلى، وتصنيع مختلف بيمر بمراحل تخمير + تجفيف + تدخين).
- البيبروني (نوع من السلامي لكنه متبل بالفلفل الأحمر 🌶️).

ثالثاً: اللحوم المدخنة (Smoked Meat) 🔥
- اللانشون المدخن (لانشون عادي لكن مضاف له خطوة التدخين).
- الرومي المدخن (شرائح أو صدور الديك الرومي مطهية جزئيًا ومُدخنة).
- الروست بيف المدخن (شرائح لحم بقري مطهية جزئيًا ومُدخنة).

رابعاً: اللحوم المعلبة أو المجمدة (Canned or Frozen Meat) 🥫
- البرجر المصنع (خليط من اللحم المفروم + صويا + توابل وإضافات).
- الكفتة المصنعة (نفس خليط البرجر ولكن على شكل كفتة).
- اللحوم المعلبة الجاهزة – Corned Beef (المعروف باسم "بلوبويف") (لحم بقري مملح ومحفوظ في علب).

** في هيئة علمية اسمها الوكالة الدولية لبحوث السرطان (International Agency for Research on Cancer – IARC).
الهيئة دي عاملة تصنيف للمواد المُسببة للسرطان على شكل مجموعات.
أول مجموعة اسمها Group 1 Carcinogen، ودي بتضم المواد اللي مؤكد إنها بتسبب السرطان في الإنسان، زي التدخين والتعرض للإشعاع.

خلينا نتفق قبل ما ندخل في التفاصيل إن جميع اللحوم المُصنَّعة (Processed Meat) مصنَّفة إنها Group 1 Carcinogen، يعني في نفس المجموعة مع التدخين 👀.
دي أعلى مجموعة، يعني مفيش أعلى منها… لكن في مجموعات تانية أقل خطورة.
طيب، هل معنى كده إن أي حد ياكل لحوم مُصنَّعة لازم يجي له سرطان؟! 🤔
الإجابة مش بالسهولة دى:

اولاً: السرطان مرض بنقول عليه Multifactorial (متعدد العوامل والأسباب)، يعني أسبابه كتيرة جدًا: تبدأ بالعوامل الوراثية والجينية، مرورًا بالعوامل البيئية والغذائية، وبالتالي حدوث السرطان بيكون نتيجة تفاعل ومشاركة بين أكتر من عامل.

ثانياً: تأثير اللحوم المُصنَّعة بيختلف حسب الكمية وفترة الاستهلاك.
هل باكلها بكميات كبيرة في وجبتي؟
هل معتمد عليها بشكل يومي ولا مجرد مرة كل أسبوع؟
أكيد الكمية والاعتماد الأساسي بيكونوا عامل قوي في زيادة خطورة ظهور السرطان.

نيجي بقى للسؤال: إيه اللي يخلي اللحوم المُصنَّعة تدخل في قائمة المواد المسرطنة؟! 🤔 ما هي في الأول والآخر لحوم!

أولاً يا عزيزي… فكرة إن اللحوم تفضل محفوظة لفترة طويلة من غير فريزر لازم يكون وراها مواد حافظة قوية.

المواد دي مش عادية، دي مواد لازم تمنع نمو بكتيريا خطيرة جدًا اسمها Clostridium botulinum.
البكتيريا دي مسؤولة عن التسمم الغذائي الخطير "Botulism"،
والسم بتاعها هو نفسه اللي بيتاخد منه مادة البوتوكس (Botox) المستخدمة في الطب والتجميل ولكن بجرعات دقيقة جداً.
وعشان تقدر تتخيل مدي خطورة هذا السم .. واحد جرام فقط من السم دا قادر على قتل مليون واحد من البشر.

وعشان كده، بيستخدموا نوع معين من المواد الحافظة اللى عبارة عن أملاح عندها القدرة إنها تمنع نمو البكتيريا دي، وهي:
Nitrites (املاح النيتريتات)
Nitrates (املاح النترات)

وخلي بالك ان في رقم يسمي E Number
ودا رقم لكل مادة داخل في الصناعة وانا هكتب لك أسماء المواد بالرقم بتاعها لأن غالبًا المصانع بتكتب الرقم فقط على العبوة بدل اسم المادة:
Potassium Nitrite – E249
Sodium Nitrite – E250
Sodium Nitrate – E251
Potassium Nitrate – E252

الأملاح دي قوية جدًا في منع نمو بكتريا الكلوستريديم، لكن مشكلتها إنها جوه الجسم بتتفاعل مع البروتينات في الطعام وتنتج مركبات اسمها النيتروزامين (Nitrosamines)، ودي مصنفة إنها Group 1 Carcinogen (مسرطنة مؤكد). ودا السبب الرئيسي اللي دخل اللحوم المُصنَّعة في المجموعة الأولى.

معلومة مهمة ان التسخين بيزود من فرص تحويل الأملاح دى الى مركبات ال
Nitrosamines يعنى مهم عدم تعريض المنتجات دى للتسخين وكمان معلومة عكسية ان فيتامين C بيقلل من عملية التحول دى، وعشان كدا فى شركات بتضيف على المنتج فيتامين C، معلومة زى دى محدش هيقولهالك 😘

نسأل هنا سؤال: ليه اللانشون لونه وردي؟ وليه طعمه شبه السجق المصنع (السوسيس) وكلهم واخدين نفس اللون والطعم؟ 🥓
الجواب ببساطة: دا نتيجة ملح النيتريت اللي بيدي اللون الوردي المميز والطعم الخاص للحوم المُصنَّعة.

وهنا نقول لست الكل في البيت اللي بتعمل اللانشون المنزلي وتحط عليه بابريكا عشان يطلع نفس اللون…
يا ست الكل لازم تعرفي إن دا لون المواد الحافظة. ومهم جدًا إن اللانشون المنزلي يتحفظ في التلاجة فور تصنيعه، ويتاكل خلال أسبوع فقط.
لانشون المحلات عليه مواد حافظة، لكن اللانشون بتاعك زي الفل 👌 مفيهوش مواد حافظة.
لكن لو اتساب برة التلاجة ممكن يسبب تسمم غذائي لأولادك.
وعشان كده لازم تتعاملي معاه زي أي أكل منزلي، يتحفظ في التلاجة ويتاكل خلال أيام قليلة.

تخيل معايا الكلام دا…
لو افترضنا إن المصانع اللي بتعمل اللانشون بتستخدم مكونات معروفة وآمنة، زي اللحوم والصويا وبعض الإضافات والتوابل.
أكيد في مصانع تحت رقابة وبتطبق معايير الجودة بشكل صارم، لكن في نفس الوقت في كتير من "مصانع بير السلم" اللي ممكن يضربوا منتجات مشهورة أو يصنّعوا منتجات خاصة بيهم وسعرها رخيص ولكن انت متعرفش ايه اللى داخل فى التصنيع.

مستحيل تعرف نوع اللحم اللي بيستخدموه إيه ولا صلاحيته قد إيه!
وهل في إضافات بيحطوها لمجرد زيادة الكمية؟!
وفي النهاية التصنيع دا بينتج عجينة صعب جدًا تمييز مكوناتها.

أما عن قصة الفأر وإنه بيدخل في تصنيع اللانشون…
دي إشاعة قديمة جدا من التسعينات انتشرت زمان ولسا موجودة،
بيحكوا ان عمال مصنع شافوا فئران دخلت في ماكينات الفرم بتاعة اللانشون ، واعتقد فى فيديو من الصين للكلام دا ..
لكن عمليًا المصانع الكبيرة الماكينات شغالة 24 ساعة، ولو وقفت بيكون لساعات محدودة جدًا للصيانة أو التنظيف، لان اى مصنع لو وقف يومين هيجمع فيران و و ....

قصة الفئران كنا بنخاف بيها زمان من الأمهات . ولكن الأكيد إن مفيش مصنع هيستخدم فئران بدل اللحم، لأن اللحم المستورد أرخص بكتير جدًا جدًا من إنه يجمع فئران ويفرمها!

بعيد عن موضوع الفئران اللى يخوف هو اصلا الموضوع من غير فئران يخوف لأننا بنتكلم عن واحدة من أخطر المواد الغذائية المنتشرة عالميًا.

وفي النهاية، السؤال: هل ناكل اللانشون ولا لا؟ 🤔

أنا مش هقولك "ماتاكلش"، لكن الحل هو الاعتدال الشديد.
يعني بالكثير أوي مرتين في الأسبوع، ووجبة واحدة في اليوم (إفطار أو عشاء)، كنوع من التنويع لطفلك عشان ما يزهقش من الأكل.
وده مفيش منه أي خوف، بشرط يكون من نوع نظيف وشركة معتمدة.

ربنا يحفظ أولادكم 🙏 وشكرًا لكم 🌹
منقول من صفحه دكتور صيدلي دهشان حسن دهشان
نعم لتوعيه الناس
و دمتم سالمين ❤️

15/09/2025

أدوية خطرة لا تُعطى مباشرة عبر الوريد (IV Push)

⚠️ أهم الأدوية الخطرة التي لا تُعطى مباشرة عبر الوريد (IV Push)

1. كلوريد البوتاسيوم (Potassium Chloride)

الأخطر، قد يسبب توقف القلب والموت الفوري إذا أُعطي مباشرة أو بسرعة.

✅ يجب تخفيفه جيدًا وإعطاؤه بتسريب بطيء.

2. كبريتات المغنيسيوم (Magnesium Sulfate)

قد يسبب بطء أو توقف القلب + هبوط ضغط شديد عند إعطائه سريعًا.

✅ يُعطى ببطء شديد وتحت مراقبة.

3. كلوريد/غلوكونات الكالسيوم (Calcium Chloride / Gluconate)

تسبب اضطراب نظم قلبي خطير إذا أُعطيت بسرعة.

✅ يجب تخفيفها وإعطاؤها ببطء مع مراقبة ECG.

4. فينيتوين (Phenytoin)

قد يسبب اضطراب نظم القلب + “متلازمة القفاز الأرجواني”.

✅ لا يُعطى أسرع من 50 ملغ/دقيقة.

5. فانكومايسين (Vancomycin)

الحقن السريع يسبب “متلازمة الرجل الأحمر” (Red Man Syndrome).

✅ يجب إعطاؤه بتسريب بطيء (≥ 1 ساعة).

6. فوروسيميد (Furosemide)

الحقن السريع قد يسبب هبوط ضغط + فقدان السمع المؤقت.

✅ يُعطى ببطء.

7. أمفوتيريسين ب (Amphotericin B)

شديد التهييج للأوردة + يسبب تفاعلات تحسسية قوية.

✅ يُعطى فقط بتسريب بطيء جدًا.

8. أدوية العلاج الكيميائي (Doxorubicin, Cisplatin, Paclitaxel, …)

تسبب تلف الأنسجة والتسمم إذا أُعطيت مباشرة.

✅ تحتاج بروتوكولات خاصة وتسريب بطيء.

---

📌 الخلاصة: أخطر الأدوية على القلب والدورة الدموية هي: البوتاسيوم، المغنيسيوم، الكالسيوم، الفينيتوين.
وأخطرها على الأوعية والتفاعلات: الفانكومايسين، الأمفوتيريسين، أدوية الكيماوي.
👉 كلها يجب أن تُعطى مخففة + ببطء + تحت مراقبة طبية.

07/09/2025

لو اتجرحت بمسمار مصدّي او اي اله حاده او أي حاجة مش نظيفة.. إوعى تستهون!

الميكروب الخطير "كلوستريديوم تيتاني" (Clostridium tetani) ممكن يدخل من الجرح، ويُفرز سم قوي يسبب التيتانوس (الكُزاز).
التيتانوس بيعمل إيه؟
تشنجات عضلية قوية ومؤلمة.
صعوبة في فتح الفم أو البلع (عشان كده بيتسمى أحيانًا lock jaw).
ممكن يوصل لمشاكل في التنفس ويهدد الحياة.
تعمل إيه لو حصل جرح؟
1. اغسل الجرح كويس جدًا بالمية والصابون فورًا.
2. روح فورًا الاستقبال في اقرب مؤسسه صحية علشان تاخد حقنة التيتانوس (تطعيم أو مصل حسب حالتك).
مهم تعرف:
التطعيم ضد التيتانوس مش جرعة واحدة تكفي طول العمر.
فيه جرعات أساسية، ومعاها جرعة تعزيزية كل 10 سنين.
لو فات أكتر من 5 سنين على آخر جرعة وخدت جرح خطير → لازم جرعة تقوية.
ماتستهونش بجرح "بسيط".. ممكن يقلب مشكلة خطيرة.
الوقاية دايمًا أسهل وأأمن من العلاج.

03/09/2025

مش أي حد يقدر يقوم بدور الصيدلي
روشتة وصلت الصيدلية وفيها أخطاء مع حقن الحديد لو هتتعلق بهذا الشكل لأن الجرعات غير مكتوبة:
1️⃣ IV Iron ممنوع يتخلط مع Glucose
➡️ لازم Normal Saline فقط.
يعني المريضة تاخد الجلوكوز منفصل.
2️⃣ التركيز النهائي لا يقل عن 1mg/ml
➡️ الأمبولة = 100ml Saline
➡️ الأمبولتين = 200ml
➡️ 3 أمبولات = 300ml (مش الـ 500ml كاملة).
3️⃣ ممنوع تخلط الحديد مع أي دواء تاني
Dexa أو Danset يقللوا الثبات وممكن يتفاعلوا معاه.
الأخطاء دي ممكن تخلي المريضة ما تستجيبش للعلاج، والـ Hb يفضل منخفض ➡️ خطر على الأم والجنين خصوصًا وقت الولادة.

02/09/2025

🧠 معلومة مهمة عن (Azithromycin):-
- كتير مننا بياخد المضاد الحيوي أزيثرومايسين
(Zithromax – Xithrone – Zithrokan – Zisrocin…)
لكن السؤال الشهير:
❓ "أخده قبل الأكل ولا بعد الأكل؟"
الإجابة مش واحدة لكل الأنواع… الموضوع بيعتمد على الشكل الدوائي.
___
1️⃣. الأقراص (Tablets) & الشراب العادي:

- ينفع يتاخد مع الأكل أو من غير الأكل.
- السبب العلمي: الأقراص والشراب مصممين إن امتصاص المادة الفعالة مايتأثرش بوجود الأكل.
- أمثلة:
Zithromax 500mg tablet
Xithrone tablet
___
2️⃣. الكبسولات (Capsules) & الشراب الممتد المفعول:

- لازم يتاخدوا على معدة فاضية
(قبل الأكل بساعة أو بعده بساعتين).
- السبب العلمي:
الكبسولة لازم تذوب الأول عشان المادة تتحرر. وجود الأكل بيأخر الذوبان وبيقلل الامتصاص → وبالتالي يقل التأثير.
- أمثلة:
Zithromax 250mg capsule
Zithrokan capsule
Zisrocin capsule
___
🧠 الخلاصة ببساطة:

- لو أقراص أو شراب عادي → خدها مع الأكل أو من غير.
- لو كبسولات أو شراب ممتد المفعول → خدها على معدة فاضية عشان الفعالية ماتقلش.

30/08/2025

ليه بندي حديثي الولادة حقنة فيتامين K بعد الولادة مباشرة؟
كل الأطفال بيجوا للدنيا وعندهم نقص طبيعي في فيتامين K. النقص ده ممكن يسبب نزيف خطير خلال أول أسابيع من حياتهم — الحالة دي اسمها:
Vitamin K Deficiency Bleeding (VKDB).
ليه الحقنة العضلية (IM) أفضل طريقة للإعطاء؟
• الحقنة بتخلي الفيتامين يتحرر ببطء وبشكل مستمر.
• فيتامين K بيتخزن في العضلة كأنه“مخزن صغير” يدي حماية طويلة.
• الطفل لسة عضلاته صغيرة وما بتتحرك كتير، فبالتالي الفيتامين بيثبت ويتحرر تدريجياً.
• حقنة واحدة كافية تحمي الطفل لمدة شهر كامل من النزيف!
طيب ليه ما نعطيه بالفم كسائل؟
• الإعطاء بالفم بيوصل جرعة واحدة سريعة، وما بيعمل مخزون.
• ما بيدي حماية طويلة، ومحتاج لجرعات متكررة ومتابعة دقيقه
عشان كده الحقنة العضلية بتكون أسهل
ايه نوع الفيتامين والجرعة؟
• النوع: Phytonadione (Vitamin K1).
• الجرعة: 1 mg عضلي (IM) بعد الولادة مباشرة.
• الجرعة دي كافية لغاية ما الطفل يبدأ ياخد كفايته من الحليب أو الفورميولا.
✅ الخلاصة:
حقنة واحدة من فيتامين K1 بعد الولادة بتمنع نزيف ممكن يكون خطير أو قاتل.
طريقة الإعطاء بالعضل بتضمن حماية طويلة للطفل بأمان.
ربنا يحفظ كل أطفالنا بصحة وسلامة
لو شايف المعلومة مفيدة شاركها عشان الفايدة تعم
نعم لتوعيه الناس
و دمتم سالمين ❤️

28/08/2025

معلومة طبيه
عينة الكعب للمواليد ؟؟!!
فيه حاجة مهمة تخص الأمهات الجداد والاهل ..عشان بس لاحظت أن فيه ناس ميعرفوش المعلومة دي
هتكلم عن العينة اللي بتتاخد من كعب القدم في الوحدات الصحية للاطفال حديثي الولادة
امته بناخد العينة؟!
العينة دي بتتاخد في الفترة مابين اليوم التالت لليوم السابع و اغلب الناس عارفة انها عينة لتحليل الغدة الدرقية
مؤخرا العينة دي ( تحديدا من نوفمبر ٢٠١٥ ) بقت كمان تشمل تحليل تاني لتشخيص مرض من أمراض التمثيل الغذائي وهو تحليل نسبة الفينيل الانين في الدم المرض ده احنا بنسميه اختصارا (PKU) لو لم يتم تشخيصه مبكرا بيكبر الطفل و بيبقي متأخر في الفهم و الحركة و الكلام ده غير أعراض تانية زي التشنجات و غيرها.
إيه علاجه؟!
علاجه أن الطفل يمشي علي لبن خاص و يمشي كمان علي حمية قليلة البروتين
هل التشخيص المبكر بيفرق مع الطفل؟!
لإن التشخيص المبكر بيفرق اوي و بيخلي الطفل (مع اتباعه تعليمات العلاج و اللبن و الحمية الخاصة) طبيعي تماما بدون اي اعراض تأخر أو تشنجات أو غيرها، عشان كدة وزارة الصحة ضمت مرض التمثيل الغذائي لبرنامج المسح القومي.
في الوحدة الصحية ،بعد سحب عينة كعب القدم علي ورقة النشاف،بياخدوا رقم الاب أو الأم ،ولو طلع التحليل عالي بيكلموهم مرة تانية لتكرار التحليل و لو طلع عالي للمرة التانية بيسحبوا عينة وريدية تأكيدية ترسل الي المعمل المركزي في القاهرة..لو طلعت إيجابية للمرة التالتة، بيتحول لمركز الارشاد الوراثي كحالة إيجابية تحتاج لصرف اللبن الخاص و متابعة من أطباء المركز للمريض عشان الكمية المطلوبة من اللبن و كمان تحديد الحمية الخاصة....
طيب ليه بكتب البوست ده؟؟ ؟؟
مهمة المعلومة الجاية....
عشان فيه حالات بتطلع إيجابية لمرض التمثيل الغذائي و لما المعمل المشترك يبلغ الوحدة الصحية بذلك و يتم تبليغ أهل الطفل،احيانا الأهل بيفتكروا تحليل الغدة الدرقية هو اللي فيه المشكلة، و هنا بيحصل الخلط!
الأهل بيعيدوا تحليل الغده الدرقيه تاني في معمل برة يطلع سليم..ف ينبسطوا و يقولوا تحاليل الوزارة دي أي كلام و ميسألوش تاني!
دي بتبقي مشكلة كبيرة، عشان الطفل عنده مرض ال PKU لكن الغدة الدرقية سليمة! و أي تأخير في علاج المرض ده بيأثر علي نمو الطفل و درجة ذكائه و بيسبب علي المدي الطويل التخلف العقلي
حدث بالفعل.... كنت بكشف علي طفل في العياده وشكيت في الطفل... وبالصدفه بسأل الاب عن عينة الكعب.... قالي انه عمل العينة 3 مرات و الصحه كلمته مرتين عشان يروح ضرورى لان الطفل عنده مشكله وراثيه... والباشا بيقولي نسيييييييت يا دكتور
طبعا المضاعفات اللي هتحصل للطفل هو المسؤول عنها
الخلاصة :
التزم بتعليمات ومواعيد الوحده الصحيه أو مكتب
الصحه اللي طفلك ليها
سواء كان تطعيم او تحليل او حملة تطعيم... إسال
واهتم
لما الوحده او الصحه تكلمك عشان تعيد العينة... اكيد
الناس مش بتهزر ولا فاضيين يعني... فأرجوك اهتم
اللهم احفظ اولادنا جميعا
نعم لتوعيه الناس
و دمتم سالمين ❤️

22/08/2025

معلومتنا الصيدلانيه النهارده هااامه جداااا.
أنواع المحاليل الوريدية ودواعي استعمالها
Types of I.V solutions

اولا Normal saline (N/S
• يتكون من كلوريد الصوديوم + ماء نقي . %0.9
الاستعمال : هبوط الضغط ولارتفاع السكر مع الانسولين وحالات الحوادث او النزف والتقيء الشديد والاسهال لمنع الجفاف.
ايضا محلول ملح 3 % و 5 % يستخدم في الطوارء في حالات Hyponatremia and hypochloremia التي قد تحدث في حالات القيء والجفاف الشديد والعمليات الجراحيه وحالات التسمم .
************************
#ثانيا:-( Glucose water (G/W
يتكون من dextrose + ماء نقي. %5 ، %10، 25%
يعطى في حالة :-
مابعد العملية او الاسهال او حالات الاغماء مثل هبوط مستوى السكر hypoglycemia مع امبولة هايبر تونك HT.
****************
#ثالثا:-(Glucose saline (G/S
يتكون من Nacl+ dextrose + ماء نقي %0،4.5/2.5
يعطى في حالة:-
هبوط السكر والضغط وسوء التغذيه .
***************
#رابعا :- رينجر و Ringer's lactate
رينجر يحتوي علي Nacl+Kcl+Cacl
رينجر لاكتات يحتوي علي Nacl+Kcl+Cacl + Na lactate
يعطى في حالة :-
الاسهال الشديد والتقيء الشديد والجفاف وفي حالات النزف والحوادث ( يزيد حجم الدم ).
الجرعات الكبيره قد تؤدي إلي ارتفاع حاد في ضغط الدم ونزيف.
تفاعل دوائي هام... تتفاعل املاح الكالسيوم المتواجدة مع الرنجر مع املاح الكالسيوم المتواجدة بالسفترياكزون وتكون راسب غير قابل للذوبان اشبه بالحصى بالكلى والمرارة لذا يجب غسل الوريد ب10 سي سي على الاقل قبل اعطاء فيال ceftriaxone لتجنب تكون راسب.
******************
#خامسا :- mannitol 20%
هو يعتبر diuretic او osmotic diuretic
يعطى عن طريق الI.V infusion او شرب orally.
نأتي نوضحة كالتالي :-
1- يعطى على الوزن في حالة I.V infusion او mannitol vial ويوجد فيه حجمان %10 ، 20%
ويعطى في حالة:-
Icp (intracranial pressure) ,
لان يعمل على تقليل الضغط الدماغي
او في حالة CVA ويعطى لتحسين عمل الكلى وطرح urine والمواد السمية والحفاظ على تدفق البول لدى مرضى الفشل الكلوي.
2- يعطى orally لمنع الامساك لانه يعتبر ملين ويزيد نسبة السوائل لطرح الفضلات لنفس نوع mannitol يعني يعطى عن طريق الوريد والفم.
************************
#سادسا :-
Dextrolyte (ors)
يتكون من dextrose +Nacl+Na lactate+kcl+Cacl+sorbital هو عبارة عن اكياس بوردر يعطى للاطفال او الرضع اللي يعانون من الجفاف نتيجة الاسهال والتقيء
اضغط متابعه ليصلك مزيد من المعلومات الطبيه

20/08/2025

حقنة ديفارول .. هل تتاخد عضل ولا تتشرب؟ "إن وجدت"

🔹️طبيب دخل سألني قال ... د.مروان بما أنك ما شاء الله بارع ف الادوية واستخداماتها ... في سؤال حابب اعرف اجابته تفصيلا ... امبول ديفارول لو اتشرب هيدي نفس ال effect فعلا زي لو اتاخد عضل عادي؟
ولو كده ليه الشركة معملتش لاين منه شراب وريحت نفسها بل بالعكس كانت هتكسب اكتر بكتير
🔸️السؤال ده هيرجعنا خطوتين ونشرح ايه الفروقات في ال route of administration
↩️هل الدوا ده هيمتص منين؟ من عضلة ولا من بطانة الامعاء؟ ... فيتامين د عارفين انه lipid soluble ف بطبيعة الحال امتصاصه من ال muscle او من ال lumen هيكون كويس جدا
↩️طب كده يبقى اي دوا lipophilic يتاخد عضل او يتشرب عادي؟ لا طبعا احنا في حاجات كتير بتحكمنا
🔹️الديفارول لما بتتاخد عضل بتعمل depot in muscle بتتخزن ف العضلة نفسها وبتطلع بكميات محسوبة وبشكل تدريجي في خلال اسابيع لشهور ف مش هيعمل unpredictable increase in Vit.D levels
او زيادة غير محسوبة ف مستوى فيتامين د
↩️لكن لو اتاخد ك شراب ف هنا اه هو هيمتص من جدار الامعاء بس هيعمل sudden او ع الاقل unpredictable increase لان مفيش مكان هيتخزن فيه "ابتداءا"
🔸️طيب يبقى كده انه يتاخد كشراب غلط؟
↩️اه ولا .... اه لو في مشاكل ف الامعاء زي مثلا Malabsorption syndrome او اي حاجة بتقلل من امتصاص الادوية ال lipophilic عموما
↩️لكن في حالة الشخص ال healthy ف ال net result واحدة سواء اتاخد عضل او اتشرب وال final effect on the Vit.D level is the same مفيش اي اختلاف
بس الفرق ان لو عضل IM هيكون gradual و predictable و maintain longer
↩️لكن لو اتشرب Oral
لازم يتاخد مع وجبة دهنية "مش مع مياه" علشان يمتص بشكل كامل
لازم ميكنش في مشاكل ف الامتصاص عند المريض
والزيادة هتكون سريعة ومش متوقعة ومش هيكون في مخزون ف الارتفاع مش هيدوم لفترة طويلة
✨️الخلاصة:
سواء اتاخدت عضل او اتشربت ف الشخص الطبيعي هتكون المحصلة واحدة في النهاية ومفيش فرق
مع اخذ الاعتبارات هل عاوزين الزيادة تكون سريعة ولا بطيئة مع مرور الوقت
🔹️طب ليه الشركة معملتش لاين من الديفارول يكون شراب؟
↩️لان ف الاساس الابحاث معمولة ع مصدر لفيتامين د يكون مستودع او مخزون او depot جرعة عالية بس بيخرج للدم ف جرعات صغيرة بصورة مستمرة يقعد اسابيع ... لكن في شركات كتير عاملاه ف صورة شراب بجرعات مناسبة للشراب

Pharma Notes

12/10/2025

03/10/2025

26/09/2025

16/09/2025

15/09/2025

07/09/2025

03/09/2025

02/09/2025

30/08/2025

28/08/2025

22/08/2025

20/08/2025

Address

Website

Alerts

Shortcuts

Share

Category