Aya Khaled Clinical Psychologist

06/05/2024

15/01/2024

"الاكتئاب "
هنتكلم انهاردة عن الاكتئاب
يعني اي اكتئاب!؟
اي هي اعراض الاكتئاب!؟
اي هي اسباب الاكتئاب!؟
اي هو انواع الاكتئاب!؟
اي هو الفرق ما بين الاكتئاب والحزن!؟
اي هو الفرق ما بين نوبه الاكتئاب والاكتئاب كا اضطراب!؟
اي هو علاج الاكتئاب!؟.................................................
_اولاً اي هو الاكتئاب
بيقولك اي بقا الاكتئاب دا حاله من إنخفاض فى المزاج، مزاجي علي طول تحت ، مش فى المود دائما ،واي تاني بقا فقدان الاهتمامات يعني احمد زي الحاج احمد كله محصل بعضه معنديش رغبه فى اي حاجه ، مش عايز حاجه من الدنيا ، كمان ضعف فى تقدير الذات يعني شايف نفسه يستحق كل حاجه وحشه فى الدنيا ويستاهل اللي هو فيه ومعندوش ثقه فى نفسه ابدا يعني دول الوقت لو حد بيمدحه شايفه أن لا مستحقش كمان هتلاقي الشخص اللي عنده اكتئاب مش عايز يشارك فى اي حاجه مش قادر طول الوقت، عايز ينام أو مبينمش ،بياكل كتير أو مبيكلش اصلا ،فاقد الاحساس بالحياة حاسس طول الوقت بذنب مش قادر يركز فى حاجه مش قادر يتنفس كويس صدره طابق عليه مش عايز يشوف حد ومش عايز يتعامل مع حد طول الوقت بيعيط طول الوقت مخنوق بيقوم من النوم مش عايز يصحي بينام مش عايز يقوم شايف أن ملوش لازمه انه يعيش اصلا

_طيب اي هي اعراض الاكتئاب

يااااه عندي اعراض كتير الاكتئاب ومنها اعراض
__اعراض نفسية... زي اي ضعف ثقه فى النفس حزن مستمر شعور بالدونية شعور باليأس والإحساس بالذنب شعور بالقلق والتوتر صعوبه فى التركيز واتخاذ القرارات التفكير فى الموت والانتحار
__اعراض جسدية زي اي !
زي صعوبه فى النوم بليل والصحيان بدري ، او نوم كتير
شعور بالخمول والكسل
اضطرابات فى الشهية باكل كتير أو مبيكلش خالص ونفسي مسدوده
وزني بزيد او بيقل بخس او بتخن
عندي امساك او مغص
معنديش رغبه جنسيه
فى تغيرات فى الدورة الشهرية بنسبة للبنات
__اعراض اجتماعية....زي اي !
_الرغبه فى الانعزال ومش عايز اشوف حد
_مش عايز اروح الشغل ولو رحت مش عايز اشتغل ومش اقادر اشتغل وهكذا مع المدرسه او الدراسه مش عايز اذاكر ومش قادر
_ببعد عن اهلي عن صحابي ومش عايز اقعد معاهم وبتجنب اني نتقابل أو نتكلم
_باخد مهدئات أو منومات او بشرب كلحوليات

__ اي هي بقا اسباب الاكتئاب

_قد يكون فى حد فى عيلتي من قرايبي عنده اكتئاب فا بيجلي بالوراثة
_نمط ونوع الشخصية فا قد يكون شخصتي بتحس دائما بالقلق وانا شخص بقلق بطبعي فا أنا معرض الاكتئاب
او أنا شخص بلوم نفسي دائما وبحس بالذنب فا هبقا معرض اني يجيلي اكتئاب
_قد يكون أن اصيبت باي مرض خطير فا دا سببلي اكتئاب
_قد يكون أنا شخص بيعاطي اي نوع من أنواع المخدرات أو الكحوليات فا لو انقطعت عنها أو منعتها أو اتعود علي جرعه معينه قد يجيلي اكتئاب
_طبعا صعوبة الحياه والضغوط فى الدارسه والشغل و الاحداث المفاجئة الصعبه زي الموت والفراق قد تجبلي اكتئاب
_كمان الخلافات الأسرية عدم الاستقرار قد يجيلي اكتئاب

__ اي هو انواع الاكتئاب!؟

فى عندي الاكتئاب الجزئي أو الاكتئاب الخفيف
ودا بيبقي عندي اعراض الاكتئاب لكن بشكل بسيط او بشكل مش موقف حياتي اها بعاني لكن حياتي مش واقفه ومستمر
عندي الاكتئاب الموسمي
ودا لما بيبقي داخل عليا فصل الشتاء بحس أن عندي اعراض اكتئابية ودا بسبب غياب الشمس ودا بنام فيه كتير وبحس برغبه فى العزله وزني فيه بيزيد (معرفه طبعا الشتا بيجوع )وبينتهي لما فصل الربيع بيجي
الاكتئاب الذهاني
ودا بيبقي عندي أعراض اكتئاب شديد جدا مع أعراض ذهانية زي الهلاوس والاوهام
__فى اكتئاب ما بعد الولاده ودا بيجي للست بعد الخلقه علي طول وغالبا بتاعني من أعراض اكتئابية شديد فى فترة الحمل وبتكمل معاها لبعد الولاد وبتبقي فى حاله حزن شديد جدا و قلق واجهاد شديد جدا لدرجه ان بيوقف حياتها ومتبقاش قادر تراعي نفسها ولا حتي البيبي
_اكتئاب ثنائي القطب
ودا اضطراب لوحده ولكن بيحصل فيه نوبات اكتئاب مع نوبات هوس ، اكتئاب وبعده نوبه هوس أو العكس

__الفرق مابين الاكتئاب والحزن

الحزن رد فعل طبيعي لاي موقف صعب ومبيستمرش كتير والحياه متقفش بتزعل وتحزن وتقوم تكمل حياتك وانت محتفط بثقتك فى نفسك
الاكتئاب دا بيبقي مرض ومستمر لفترة طويلة وحياتك بتبقي واقفه ومش قادر تكمل وفاقد ثقتك بنفسك

__اي الفرق ما بين نوبات الاكتئاب والاكتئاب كا اضطراب

النوبه بتبدا من اسبوعين لحد 6 شهور بتبقي عندك الأعراض الاكتئابية مستمر وهنا بقول أنا عندي نوبه اكتئاب
إنما الإضطراب بتستمر الأعراض معاك من 6 شهور وانت طالع وهنا أقول اني عندي اضطراب اكتئاب
الفرق ما بينهم هي المده

_طب اي هو علاج الاكتئاب

الاكتئاب ممكن يتعالج بالعلاج النفسي الكلامي زي المعرفي السلوكي وممكن يتعالج بالأدوية مع العلاج النفسي الكلامي وممكن يتعالج بالارشاد وكل دا بيختلف حسب نوع الاكتئاب وشدته

15/01/2024

15/01/2024

"في اللَحظة التي تَتقبل بِها كُل شيء حَتى الآلام ...سيُفتح لك البَاب "

جَلال الدّين الروُمي

13/01/2024

العقل بيقول ان كل حاجة بتحصل ليها سبب.
والإيمان بيقول إن كل حاجة بتحصل ليها سبب مش مهم تعرفه.

12/01/2024

من أفضل أنواع الشخصيات ممكن ترتبط بيه سواء جواز - شغل - صداقة ... هو quality people ( الناس أصحاب القيمة )
الناس اللي بتقدم قيمة و بتعمل اضافة في حياتك .. من أهم أهداف أي علاقة هو النمو ....
إحنا أصدقاء عشان ننمو سوا...

الأغلبية في الارتباط بيعرفوا يقدموا حب لكن قليل أوي اللي بيعرفوا يقدموا نمو ..... فرق شاسع بين اني احبك بس ... و بين اني احبك و اكون سبب يساعدك تغير حياتك للاحسن .

العلاقات مش بس حب .. النمو من أهم و أرقى أهداف العلاقات ❤️.

03/01/2024

لو لسه متجوزتش استمتع بالفضا واللامسؤولية، ولو اتجوزت استمتع بالونس والمشاركة..

لو لسه مخلفتش استمتع بالحرية والخفّه، ولو خلفت استمتع بذرية منك تملى حياتك زينة وسعادة..

لو لسه بتدرس استمتع بلمة صحابك، ولو اتخرجت وبتشتغل استمتع باعتمادك على نفسك واستثمار دراستك ومرتبك..

دايما اي وضع في الدنيا ليه وجهين، اللي هيركز ع الضلمه هيفضل طول عمره قانط وحزين، واللي هيركز مع نعمة ربنا في كل وضع قلبه هيتملي رضا وسعادة وراحة بال..

"إنما هي أيام قلائل والموعد الجنة".

- د. أحمد خالد توفيق

25/11/2022

إن أعظم اكتشاف لجيلي، هو أن الإنسان يمكن أن يغير حياته، إذا ما استطاع أن يغير اتجاهاته العقلية

~ وليام جيمس