MediThen

10/10/2025

ممنوع تماماً تفتح الفقاعات لو حصل حرق؟

لما الجلد يتحرق سواء بالمياة الساخنـه او الزيت وغيره، الجسم بيستجيب للحرق من خلال انه يعمل بالونة صغيرة مليانة مياه فممنوع منعا باتا انك تفقع البالونات دية

الفقاعات دية بالذات ربنا عاملها كـدرع واقي لانها بتحمي المنطقة المحروقة من الهواء والجراثيم وكمان المياه اللي موجودة جواها فيها مواد بتساعد الجلد يتجدد بسرعة.

- ممكن تعتبرها اسعافات اولية للجسم بتاعك.

لكن لو إنت فقعت الفقاعات دية!
الجرح هيبقي مكشوف، والميكروبات هتلاقي فرصة تدخل وتعمل التهابات وصديد. الجرح نفسه بيتأخر انه يتجدد او يحصله استشفاء، والأسوأ ممكن يخلي ليك أثر في الجلد.

وبس كدة ❤ احنا MediThen Ai

09/10/2025

تناول السكريات بشكل كبير يزيد من تجاعيد الجلد

لما ناكل سكريات زيادة (حلويات، مشروبات غازية، .. إلخ)، السكر الزائد في الدم يرتبط مع البروتينات الموجودة علي الجلد والمسئولة ان الجلد يكون مشدود وناعم، الإرتباط ده بيخلي البروتينات المسؤولة عن النعومة والشد تتكسر.

ونتيجة لـ دة! الجلد بيتحول لصلب ومش هيبقي مرن والتجاعيد والخطوط بتظهر بدري، البشرة بتفقد نضارتها وكمان الشخص شكله أكبر من عمره الحقيقي.

اجعل عادتك الغذائية متوازنة عشان تحافظ على صحتك.

وبس كدة ❤ احنا MediThen Ai

08/10/2025

الأزمة الحادة Acute Asthma ممكن توقف نفس المريض في لحظات

الأزمة التنفسية (Asthma) من الحالات الطارئة من الممكن تحصل في أي لحظة، والمريض في اللحظة دية بيكون عنه ضيق شديد في النفس، كحة، أزيز في الصدر، وأحياناً خوف وقلق شديد.

- واحدة من أسرع الطرق التي قد تساعد المريض انه يستقر هي النيبولايزر (Nebulizer) وهو جهاز بسيط بيحوّل الدواء السائل (زي الاتروفينت والبالمكورت) لبخار، والمريض بيستنشق الدواء ده بواسطة ماسك فيخش الدواء مباشرة للرئة ويفك التشنج اللي حاصل في الشعب الهوائية.

لكن علشان اتعامل مع مريض الربو او الـ Asthma
1. تطمن المريض عشان القلق ممكن يكون له مضاعفات لكن لما يبدأ يهدأ هيتحسن بسرعة.
2. رفع رأس السرير بدرجة 30-45 درجة
3. تجهز العلاج طبقا لأوامر الطبيب وفي الغالب بيكون جهاز Nebulizer, Mask, Medication، Normal Saline.
4. تطلب من المريض انه يأخد نفس عميق مع الجهاز علشان يستنشق كل العلاج
5. تسمع صدر المريض قبل وبعد الجلسة علشان تشوف وجود تحسن او لا.
6. الجلسة ممكن تتكرر كل 20 دقيقة في أول ساعة حسب استجابة المريض.

بعد ما الحالة تتحسن، تطمّن المريض وتشرح له كيف يتجنب الحاجات اللي بتعمل له الأزمة (زي التدخين، الأتربة، العطور النفاذة، المجهود الشديد...) وتسجل الإجراء كلها في ملف المريض (Documentation).

وبس كدة ❤ احنا MediThen Ai

07/10/2025

الـ Beta Blockers ممنوع أعطائها لمريض فشل القلب الحاد Acute Decompensated Heart Failure

لأن فـ ADHF المريض عنده اخراج القلب من الدم Cardiac Output قليل في الاساس

✔ ولأن مثلا Beta 1 بتشتغل علي القلب فبتالي هتعمل تضييق في الأوعية الدموية وCardiac Output هيبقا قليل وهتزيد الضغط علي القلب
✔ ولأن مثلا Beta 2 هتشتغل علي العضلات الملساء فالرئة هتعمل bronchoconstriction وهيقلل معدل التنفس ونسبته وهو اصلا عنده نقص في التنفس

وبس كدة ❤ احنا MediThen Ai

07/10/2025

أخصائين التمريض مُشرفين وكوادر ادارية ❤️
لكن اللي فعلا هيكون تحدي هو ان القرار يتم تنفيذه
شاركنا برأيك في القرار؟

نائب رئيس الوزراء وزير الصحة يوافق على شغل أعضاء هيئة التمريض العالي المؤهلين تخصصيًا لوظائف إشرافية

وافق الدكتور خالد عبدالغفار، نائب رئيس مجلس الوزراء ووزير الصحة والسكان، رسميًا على شغل أعضاء هيئة التمريض العالي –الذين يحملون تأهيلًا متخصصًا علميًا وعمليًا– لوظائف إشرافية داخل الفرق الصحية، وذلك في إطار التزام الدولة المصرية بالاستفادة المثلى من الكوادر التمريضية، وتعزيز كفاءة المنظومة الصحية بشكل عام.

وأكد الدكتور حسام عبدالغفار المتحدث الرسمي لوزارة الصحة والسكان، أن الهدف من القرار هو تعزيز مبدأ العدالة في توزيع المهام داخل الفريق الطبي، من خلال تمكين الكوادر التمريضية العالية المتميزة -بشرط حصولها على التأهيل المتخصص– من تولي مناصب قيادية وإشرافية بناءً على معايير الكفاءة والخبرة العملية، بما يسهم في تحسين جودة الخدمات الصحية المقدمة للمواطنين، وتعزيز التعاون الجماعي داخل المنظومة الصحية.

وأوضح «عبدالغفار» أن وظائف أعضاء المهن الطبية تنقسم إلى ثلاث فئات رئيسية:
* الوظائف التخصصية التي تركز على المهارات الطبية المتقدمة
* الوظائف الفنية التي تشمل المهام التشغيلية اليومية
* الوظائف الإشرافية التي تتعلق بالإشراف، والمراجعة، وتقديم الخبرة في المجالات الطبية والفنية

ولفت إلى أن اللائحة التنفيذية تحدد درجات ومستويات هذه الوظائف، بالإضافة إلى شروط شغلها، ويصدر قرار تحديد الوظائف الإشرافية من قبل وزير الصحة، بناءً على اقتراحات الإدارات المعنية في ديوان عام الوزارة، ووفقًا لموافقة الوزير، فإن الوظائف الإشرافية لأعضاء هيئة التمريض العالي المؤهلين تخصصيًا داخل المؤسسات الصحية، هي:
* رئيس فرق مكافحة العدوى
* رئيس فرق الجودة
* رئيس فريق التدريب
* رئيس السلامة والصحة المهنية

أكد المتحدث الرسمي أن التمريض يُعد العمود الفقري للرعاية الصحية، حيث يشكل نحو 59% من القوى العاملة الصحية عالميًا، وفقًا لتقرير منظمة الصحة العالمية (WHO) لعام 2020. ويأتي هذا القرار لتعزيز دور التمريض العالي المؤهل تخصصيًا في تحقيق أهداف التنمية الصحية المستدامة.

06/10/2025

لو عندك عيان درجة حراراته عالية وهنعمل كمادات بالمياة الباردة عشان ننزل السخونة فمن ضمن المناطق اللى بنعمل فيها كمادات هي منطقة تحت الإبط

لكن لازم تاخد بالك انت بتعمل كمادات المياه الباردة في جانب واحد بس يعني بتعمل تحت الإبط ف جنب واحد بس لاما تحت الابط الايمن او الايسر

وده لأن كمادات الميه الباردة هتعمل تضيق في الاوعية الدموية وهتبدأ تقلل من سريان الدم في المنطقة دية (منطقة تحت الإبط) وبالتالي ده هيبدأ يخلي درجة حرارة المنطقة اللى هتقيس منها الحرارة أقل من درجة حرارة الجسم الفعلية وممكن تتوهم ان حرارة المريض قلت وانه خلاص مبقاش Feverish

❌ ولكنه مازال بالفعل Feverish...

فالصح انك لو هتعمل كمادات بالمياة الباردة تعمل من جنب واحد بس ولو انت نسيت وتم عمل كمادات في الجانبين وقتها لازم تستنى
ع الأقل 20 دقيقة علشان تقدر تقيس درجة الحرارة الصحيحه للمريض

✔ او انك تستخدم طريقة تانية من طرق قياس الـ Body Temperature زي عن طريق الفم او فتحة الشرج

وبس كدة ❤ احنا MediThen Ai

06/10/2025

تطبيق MediThen Ai بالعلامة الكاملة
مــــــــوســـــــــوعة أســـــــــئلة لا حصر لــــــــــــــــهــــــــــا ❤️
متاحة مجانا علي تطبيقنا | Prometric - NCLEX - Interview - CBT
التطبيق متاح علي جوجل بلاي GooglePlay

06/10/2025

السادس من أكتوبر
فلنحتفل سويا بيومــ العبور والصمود ضد الصهيون ❤️

05/10/2025

حالة نقص البوتاسيوم … ومفيش استجابة رغم إننا بندي Potassium! ⚡🥼

👩‍⚕️ أوقات المريض يكون عنده Hypokalemia (نقص البوتاسيوم) ومهما نديله Potassium IV أو Oral، الحالة مش بتتحسن! ليه؟

🔎 السر في الماغنسيوم:
لازم نعمل Check Serum Magnesium.
وجود Hypomagnesemia (نقص المغنيسيوم) بيزود من فقد البوتاسيوم في الكُلى والنتيجة حتى لو بتعالج Potassium لوحده، مش هيحصل Correction طول ما الماغنسيوم ناقص.

💡 الحل العلمي:
1️⃣ تعالج الأول نقص الماغنسيوم 🧴.
2️⃣ بعد ما الماغنسيوم يتصلح، تبدأ تظبط البوتاسيوم.
3️⃣ في بعض الحالات مجرد علاج نقص الماغنسيوم بيؤدي تلقائيًا لتصحيح مستوى البوتاسيوم بدون ما تحتاج جرعات إضافية كبيرة.

✅ الخلاصة:
لو المريض عنده Hypokalemia ومش بيستجيب للعلاج، لازم تبص على Magnesium الأول.
➡️ Treat Magnesium → Then Potassium.

وبس كدة ❤ احنا MediThen Ai

04/10/2025

البوتاسيوم ونقصه: غلطة كبيرة لازم ناخد بالنا منها

لما بيكون عندنا مريض عنده Hypokalemia (نقص بوتاسيوم)، ساعات في ناس تفكر في بوتاسيوم على جلوكوز.
بس ده غلط تمامًا ❌.
ليه ماينفعش ندي Potassium على جلوكوز؟

أول ما الجلوكوز يدخل الجسم، ده بيزوّد إفراز الانسولين والـ Insulin بيخلّي البوتاسيوم (K⁺) يدخل جوه الخلايا (Intracellular shift) يعني لو جيت تقيس البوتاسيوم في الدم، هتلاقيه قليل، وساعتها حالة الـ Hypokalemia مش هتبقى أحسن.

الصح يتعمل إزاي؟
لو المريض ناقصه بوتاسيوم وعايز تعوضه:
حط الـبوتاسيوم على محلول ملح (محلول ملحي عادي 0.9% NaCl) مش على جلوكوز ❌
كده تضمن إن البوتاسيوم اللي بتديه يرفع فعلاً مستوى البوتاسيوم في الدم (Serum Potassium) ومايسببش مشكلة أكبر.

✅ الخلاصة:
بوتاسيوم + Dextrose = خطر ❌
بوتاسيوم + Normal Saline = الصح ✅
📌 التصحيح الغلط للـ Hypokalemia ممكن يسبب مضاعفات خطيرة، علشان كده لازم نكون دقيقين في اختيار المحلول اللي بنخلط فيه البوتاسيوم.

وبس كدة ❤ احنا MediThen Ai

03/10/2025

ممنوع وانت بتجهز علاج الـ (streptokinase) أو الـ (Alteplase) انك تعمل (Shaking) ترجها لأن كده انت هتبوظ الفيال ودي ادوية غالية جدا خصوصا الـ (Alteplase) ولكن انت بتسحب المياه اللي جايه معاها وبتنزلها علي جدار الفيال ببطئ من غير ما ترج الفيال

وبس كدة ❤ احنا MediThen Ai

19/04/2024

يا مساء الهنا هنا من قلب الحدث ❤️
تطبيق MediThen موجود في كل مكان، شكرا ليكم من القلب 😍😍