Dr. Marianne maher - child clinic

04/01/2026

Find local businesses, view maps and get driving directions in Google Maps.

01/01/2026

🎊 كل عام وأنتم بخير🎉
مع بداية عام جديد، نتمنى لأطفالنا الأحباء دوام الصحة والضحكة اللي بتنور قلوبنا ❤️
سنة جديدة مليانة أمل، نمو، وسعادة لكل طفل،
وإن شاء الله نكون دايمًا عند حسن ظنكم في رعاية صحة أطفالكم🥰

03/12/2025

شكوى متكررة📩
الحقيني يا دكتور ابني شرب ازازة vidrop (فيتامين دال) اعمل ايه 🧒❓
✅الازازة دى كل الولاد بيحبوا بيشربوها عشان طعمها حلو 🤭
✅ مفيش داعى للرُعب....من ستر ربنا ان فيدروب جرعة فيتامين د فيه متوسطة مش عالية اوى
✅ بس طبعا فيدروب برده لازم يتاخد بالعقل، وبالجرعة المحددة للطفل حسب وصف الطبيب.

🎈 طيب أسعف الطفل أزاى لو اخد جرعة زايدة؟
1️⃣ وقفى الفيدروب على الاقل اسبوعين
2️⃣ لو ابنك بياخد دواء فيه كالسيوم وقفيه مؤقتا
3️⃣ حتشربى الطفل مياه و سوايل كتير جدا
4️⃣ حتقللى الاكلات اللى فيها كالسيوم عالى، زى منتجات الالبان....مؤقتا بس
5️⃣ حتتابعى اى اعراض غير معتادة على الطفل
6️⃣ حتكلمى مركز السموم، تبلغيهم بالجرعة ولو في اعراض
اللي ظهرت وهم يطمنوكي.

‎

01/12/2025

06/07/2025

‎ترتيب ظهور الأسنان عند الرضيع
_______________________________

‎ظهور الأسنان عند الرضيع بيكون حدث مهم في حياته، وبيكون له ترتيب معين. الأسنان بتظهر في فم الرضيع في فترة معينة، وكل سن بيظهر في وقت معين. القواطع الوسطى السفلية بتظهر أول حاجة، وبتكون في الشهور الستة الأولى من عمر الرضيع.

‎ترتيب ظهور الأسنان
‎بعد كده بتظهر القواطع الوسطى العلوية، وبتكون في الشهر السابع أو الثامن من عمر الرضيع. القواطع الجانبية العلوية بتظهر بعد كده، وبتكون في الشهر التاسع أو العاشر من عمر الرضيع. القواطع الجانبية السفلية بتظهر بعد كده، وبتكون في الشهر العاشر أو الحادي عشر من عمر الرضيع.

‎الأضراس والأنياب
‎الأضراس بتظهر بعد كده، وبتكون في الشهر الثاني عشر أو الثالث عشر من عمر الرضيع. الأنياب بتظهر بعد كده، وبتكون في الشهر السادس عشر أو السابع عشر من عمر الرضيع.

‎أهمية ظهور الأسنان
‎ظهور الأسنان عند الرضيع مهم جدًا عشان بتساعد على المضغ والنطق والشكل الجمالي للفك والوجه. كمان الأسنان بتساعد الرضيع على الأكل بشكل جيد والتحدث بشكل صحيح.

‎العناية بالأسنان
‎العناية بالأسنان مهمة جدًا من البداية، عشان تحافظ على صحة الأسنان واللثة. لازم الأم تنظف أسنان الرضيع بانتظام، وتتجنب إعطائه أطعمة مسكرة قبل النوم. كمان لازم الأم تتابع مع طبيب الأسنان عشان تطمن على صحة أسنان الرضيع .

‎

13/06/2025

‎ابني سنه ونص ومش بيقول غير ماما وبابا بس 🤔
‎هل كده طبيعي ولا متأخر

‎في عمر سنة ونصف (١٨ شهرًا)، الطفل عادةً:
‎📌 يتوقع أن:
‎▪️ينطق ٦ إلى ٢٠ كلمة مفهومة (غير "ماما" و"بابا").
‎▪️يشاور على الأشياء التي يريدها.
‎▪️يفهم الأوامر البسيطة مثل: "هات الكرة"، أو "اقعد".
‎▪️يقلد الأصوات أو الكلمات أحيانًا.

‎🧠 لكن لو ابنك بيقول فقط "ماما" و"بابا" بدون كلمات أخرى:
‎ده ممكن يكون تأخر بسيط، ومحتاج متابعة، لكن مش بالضرورة مقلق طالما 👈
‎▪️بيسمع كويس (ينتبه للصوت، يلتفت لاسمه).
‎▪️بيتفاعل معاكِ (بيضحك، بيشاور، بيفهم).
‎▪️بيستخدم إشارات أو تعبيرات وجه للتواصل.
‎▪️بيفهمك لما تطلبي منه حاجة.

‎✅ نصائح تساعده:

‎▪️كلمي معاه طول اليوم، حتى أثناء الأعمال اليومية.
‎▪️غني له أغاني أطفال بسيطة ومكررة.
‎▪️اقري له كتب مصورة واشرحي له الصور.
‎▪️خليه يطلب الحاجة بصوته (ما تديلهوش كل حاجة يشاور عليها بدون محاولة كلام).
‎▪️قللي من الشاشات(موبايل–تابلت– تلفزيون)، لأنها بتأخر الكلام

‎⚠️ إمتى تستشيري أخصائي تخاطب أو طبيب أطفال؟

‎▪️لو عنده سنة ونص ومش بيقول غير كلمتين فقط.
‎▪️أو لو ما بيتواصلش بالنظر أو الإشارة.
‎▪️أو ما بيفهمش الكلام البسيط.
‎▪️أو لو عنده تاريخ مشاكل في السمع أو تأخرات أخرى.

‎📝 ممكن نبدأ بفحص السمع ونعرضه على أخصائي تخاطب إذا استمر التأخر بعد عمر السنتين.

01/06/2025

أبنى على طول دافىء وأقيس ألاقى الحرارة طبيعية!!!

“ليه راس الطفل بتحس إنها دافية أكتر من باقي جسمه؟”

ده بيحصل لأن الأطفال مختلفين عننا شوية ودى الأسباب:

1. زيادة تدفّق الدم في الرأس

رأس الطفل بيكون فيه تدفّق دموي عالي لأن المخ بيستهلك كمية كبيرة من الأكسجين والطاقة فى مرحلة النمو، فبالتالي بيحتاج دم أكتر، وده بيخلي حرارة الرأس أعلى شوية من باقي الجسم.

2. نسبة حجم الرأس للجسم

رأس الطفل الرضيع كبيرة نسبياً مقارنة بجسمه (ممكن توصل لـ25% من الطول)، فده بيخليها مصدر أساسي لفقد أو اكتساب الحرارة.

3. قلة الشعر وضعف العزل

رأس الطفل غالبًا بيكون فيها شعر خفيف، فده بيخلي الإحساس بسخونة الجلد واضح أكتر لما تلمسيها.

4. الحرارة الطبيعية للجسم بتتوزع

الحرارة مش متوزعة بالتساوي في الجسم. الأطراف (زي اليدين والرجلين) بيكونوا أبرد لأن الدورة الدموية فيهم أضعف نسبيًا، خاصة في الجو البارد.

26/05/2025

بما اننا في بدايه شهر الصيف فهو انسب وقت لبدء البوتي ترينينج و اليك عزيزتي الام بعض النصائح لاجتياز هذه المرحله:

بدء تدريب الحمام (potty training) يعتمد على استعداد الطفل أكثر من العمر نفسه، لكن أغلب الأطفال يكونون مستعدين بين عمر 18 شهرًا إلى 3 سنوات. ومع ذلك، يختلف كل طفل عن الآخر، وهناك علامات تشير إلى أن طفلك مستعد.

✅ علامات استعداد الطفل للبدء في البوتي ترينينج:
1. يبقى حفاضه جافًا لعدة ساعات (2–3 ساعات متواصلة أو أثناء القيلولة).
2. يبدأ في إظهار انزعاجه من الحفاض المتسخ.
3. يخبرك عندما يتبول أو يتبرز أو حتى قبل أن يفعل ذلك.
4. يظهر اهتمامًا بدخول الحمام أو تقليد الكبار.
5. يستطيع خلع وارتداء ملابسه بنفسه (أو بمساعدة بسيطة).
6. يفهم التعليمات البسيطة ويتبعها.

⏰ متى لا يُنصح بالبدء:
• أثناء تغييرات كبيرة في حياة الطفل (مثل ولادة أخ جديد، الانتقال لمنزل جديد، بدء الحضانة).
• إذا كان الطفل مريضًا أو يمر بفترة توتر.

✨ نصائح للبدء:
• استخدمي نونية (بوتي) مريحة، أو مقعد خاص على المرحاض.
• اجعلي التجربة ممتعة، بدون ضغط.
• امدحيه على المحاولات، حتى لو لم ينجح.
• تجنبي العقاب أو التوبيخ.
• استخدمي جداول تحفيز (stickers) أو مكافآت بسيطة.
• تقبلي “الحوادث” كجزء طبيعي جدًا.
• إذا أبدى رفضًا شديدًا، توقفي لأسبوعين ثم عودي بلطف

و اليك خطة تدريب الحمام لطفلك (بشكل تدريجي)

المرحلة 1: التمهيد (1-2 أسابيع)

الهدف: جعل الطفل مألوفًا مع النونية (البوتي) دون ضغط
• 👀 اشتري نونية مناسبة: اختاري نونية مريحة وثابتة، ويفضل أن تكون ذات ألوان جذابة.
• 🪑 اجعليها جزءًا من الروتين: ضعي النونية في الحمام ودعي الطفل يجلس عليها وهو مرتدٍ ملابسه، فقط ليتعود عليها.
• 🧸 اللعب التعليمي: استخدمي دمى أو كتب مصورة عن استخدام الحمام (يوجد كتب عربية مثل “أريد أن أخلع الحفاض”).
• 🎉 امدحي الاهتمام: إذا جلس أو أبدى اهتمامًا بالنونية، امدحيه وشجعيه بكلمات إيجابية بسيطة.

المرحلة 2: التجربة بدون ضغط (2-4 أسابيع)

الهدف: التجريب بلطف وربط الإحساس بالجسم باستخدام النونية
• ⏰ اختاري أوقاتًا منتظمة للجلوس على النونية:
• بعد الاستيقاظ
• بعد الوجبات
• قبل النوم
• 🩲 استخدمي حفاضًا تدريجيًا أو سراويل تدريب (training pants): تساعد الطفل على الإحساس بالبلل.
• 👏 شجعي المحاولات لا النتائج: حتى لو لم يخرج شيء في النونية، امدحيه لأنه جلس وجرب.

المرحلة 3: إشارات واستجابة (شهر أو أكثر حسب تطور الطفل)

الهدف: مساعدته على الربط بين الإحساس بالجسم والذهاب للنونية
• 🗣️ استخدمي كلمات بسيطة مثل: “بوو” أو “بيبي” أو
أي كلمة تناسبك عند التبول أو التبرز

• 🕵️‍♀️ راقبي الإشارات: مثل الوقوف فجأة، الإمساك بالحفاض، أو الاحمرار، ثم اسأليه بلطف: “هل تريد النونية؟”
• 🧼 علميه النظافة تدريجيًا: غسل اليدين بعد الاستخدام..

15/05/2025

🤔 هي السكّاتة مضره ؟؟
السكاته او اللهاية لها فوائد وأضرار، وده يعتمد على طريقة استخدامها و عمر الطفل وحالته.
🩺 من اهم فوايدها انها :
🔹بتساعد علي تهدئة الطفل: أثناء البكاء غير المرتبط بالجوع.
🔹بتساعد على النوم: بعض الأطفال ينامون بسهولة أكبر عند استخدام السكّاتة (لكن يجب إزالتها عند فطام الطفل عنها لاحقًا).
🔹بتقوي مهارة الشفط والمص من ث*ي الأم ومن الببرونة 🤱
🔹تشتيت الطفل: يمكن أن تُستخدم أثناء الفحوصات الطبية أو التطعيم لتهدئة الطفل.
⸻
💡لكن من أضرارها :
🔸 مشاكل في الرضاعة الطبيعية: الاستخدام المبكر قبل تثبيت الرضاعة قد يسبب ارتباكًا للطفل بين الحلمة والسكّاتة.
🔸مشاكل في الأسنان: الاستخدام الطويل (خاصه بعد سنتين) قد يسبب بروز الأسنان أو تشوّه في نمو الفك.
🔸التهاب الأذن الوسطى: استخدامها بعد عمر 6 أشهر يزيد من احتمالية الإصابة بعدوى الأذن.
🔸الاعتماد النفسي: قد يصعب فطم الطفل عنها لاحقًا.
⸻
📣 افضل وقت لاستخدامها :
من عمر شهر حتي ٦ شهور
بعد تثبيت الرضاعة الطبيعية (عادة بعد 3–4 أسابيع).
و حتي لا تسبب التهابات بالاذن الوسطي او مشاكل في الأسنان🦷

07/05/2025

6 Followers, 0 Following, 2 Posts - See Instagram photos and videos from Dr marianne maher (.mariannemaherclinic)

10/04/2025

🙈 القطه خربشت ابني 🐕
للاسف بعد انتشار الكلاب و القطط ، كتير من الامهات بتسأل اعمل ايه لو اتعرض طفلي لخربشه قطه او كلب

عشان كده هنقولك النهارده ايه هو داء الكلب وازاى نتعامل معاه ⁉️
داء الكلب هو فيروس بيهاجم الجهاز العصبي المركزي ويسبب التهاب في الدماغ وبيتنقل للإنسان من خلال اللعاب عن طريق عضات وخدوش الحيوانات الأليفة زي الكلاب و القطط 🐈و الارانب 🐰وكمان الحيوانات البرية وكمان ممكن عن طريق لمس الجرح المفتوح

طب ايه اعراض داء الكلب ❓
عادة مبتظهرش الأعراض علطول ممكن تاخد من شهر لثلاثة أشهر
في بداية الإصابة بداء الكلب بتظهر أعراض تشبه أعراض الأنفلونزا زى (الحمى -الشعور بالتعب-ضعف العضلات-تنميل)
كمان ممكن تحس بالألم أو الوخز أو الحرق مكان الجرح
ومع انتشار الفيروس خلال الجهاز العصبي المركزي هتظهر اعراض تانيه اكتر حدة 😰 وهى
(الأرق وعدم القدرة على النوم- الغثيان والتقيؤ- ارتباك
-شلل طفيف أو جزئي-الهلوسة-سيل اللعاب اكتر من المعتاد-صعوبة في البلع)
وممكن الأعراض دى 👆 تتسبب بغيبوبة أو فشل القلب أو الرئة والموت

طيب اعمل ايه لو عضني حيوان ⁉️
✅ بعد التعرض للعضة مباشرة اغسل الجرح بالماء والصابون 🧼 ثم بالمعقمات أو اليود ودى أفضل طريقة 👌 عشان نقلل فرصة الإصابة بداء الكلب
✅ مراجعه الطبيب علطول عشان يقرر إعطاء لقاح مناعي 💉 ضد داء الكلب اللى بيدى جرعة فورية من الأجسام المضادة للوقاية من العدوى وده بيتاخد خمس جرعات على مدى 14 يوم

📍 الوقاية من داء الكلب
🔹في حال التعرض للعضة فالحصول على التطعيم ضد داء الكلب في أقرب وقت ممكن بعد عضة الحيوان هي أفضل طريقة لمنع العدوى.
🔹الحصول على التطعيم ضد داء الكلب قبل السفر إلى البلدان النامية أو العمل بشكل وثيق مع الحيوانات أو العمل في مختبر يتعامل مع فيروس داء الكلب.
🔹تطعيم الحيوانات الأليفة الخاصة بك.
🔹لا تقترب من الحيوانات الأليفة الضالة.
🔹لا تلمس حيوانًا بريًا أبدًا حتى إذا كان ميتًا.

01/04/2025

كل عام و حضراتكم بخير
🎉 عيد فطر مبارك 🎉