Dr.Amna helmy clinic

Dr.Amna helmy clinic دكتور/ آمنه حلمي
اخصائي طب الاطفال وحديثي الولاده
ماجيستير طب الاطفال جامعه عين شمس

19/06/2025

نشغل التكييف؟؟😶‍🌫️ نطفي التكييف ؟؟🥵ولا نعمل ايه؟😮‍💨
الجو حر جدا والرطوبة كمان عاليه جدا والأطفال بيحسوا بالحر زينا بالظبط وخصوصا حديثي الولاده بنخاف عليهم من البرد فبنكلفتهم بكذا طبقه وده طبعا غلط جدا عليهم
طيب ايه الصح؟🤕
الصح اننا بنشغل التكييف عادي جدا مع شويه احتياطات 🧐
🔶️اولا درجه الحراره تبقي ٢٥ فيما فوق.
🔶️التكييف مايبقاش مُوّجه علي الطفل مباشرة .
🔶️تهويه الغرفه بانتظام وتنظيف وصيانه التكييف بانتظام .
🔶️ونخلي بالنا ماننقلش الطفل مره واحده من مكان بارد لحار او العكس .
دمتم اصحاء 💖💖

25/05/2025

نخلي بالنا النهارده الجو حر جدااا🥵🥵 وبكره الصبح هيبقي حر 🥵وبعد العصر هتكون في رياح شديده ودرجات الحراره هتنزل كتير أطفالنا الحلوين مرضي الحساسيه 🤧نخلي بالنا ونلبس كمامه😷 لو نازلين عشان التراب والهوا هيبقي شديد والاحسن لو مفيش حاجه مهمه نفضل في البيت 👫.
دمتم اصحاء❤️❤️

18/05/2025

مواعيد عياده الحي التاسع سبت من٥ ل ٧واتنين من ٧ ل ٩ للحجز 01121496989
مواعيد عياده الحي الاول احد وتلات وأربع من ٧ لى١٠ 01000994577 للحجز

20/04/2025

نصبر يا جماعه شويه علي البطيخ والخوخ والفاكهة الصيفي. موجه نزلات معويه محترمه ناخد بالنا🫣🫣

التغذيه عند الاطفال حاجه مهمه جدا لازم نهتم بيها ازاي ولادنا بياكلوا وازاي نقدر نوفرلهم وجبه متكامله تناسبهم وتساعدهم عل...
10/09/2024

التغذيه عند الاطفال حاجه مهمه جدا لازم نهتم بيها
ازاي ولادنا بياكلوا وازاي نقدر نوفرلهم وجبه متكامله تناسبهم وتساعدهم علي النمو بشكل صحي
الفتره الجايه هيكون في بوستات بخصوص الموضوع ده باذن الله
دمتم اصحاء ❤❤

22/11/2023

حاطه السماعه وبسمع صدر العيل عادي
الام :كح ياحماده كل سمع الدكتوره الكحه 🙈
استني يا حماده انت هتكح في وشي ليه ياحماده 🫣🫣ايه ياام حماده انا عملتلك ايه بس 😂😂

05/11/2023

🖋️الوقايه خير من العلاج 🌹:
✨اليومين دور ادوار البرد الشديده منتشره جدا وخصوصا بين اطفال المدارس .🔸 في شويه حاجات نخلي بالنا منها عشان نسيطر شويه علي الوضع
🔸اولا اي طفل بيسخن 🤒او عنده اعراض برد او كحه يريح في البيت وياخد اجازه علي الاقل لحين انتهاء الحراره .
🔸في رشح وكحه بدون حراره ومضطرين ننزل يبقي نلبس كمامه عشان نحمي نفسنا ونحمي اللي حوالينا .
🔸الاطفال اللي عندها حساسيه صدر او انف نخلي بالنا من التعرض لتغيير مفاجئ في درجات الحراره من سخن لساقع والعكس . ونخلي بالنا من التعرض للتراب او الدخان او اي روايح اخري .
🔸الاكل الصحي الفاكهه والخضار والسوايل مهمه جدا .
🔸 تطعيم الانفلونزا مهم لو كان لسه ماحدش اخده ياريت ناخده لانه بيحمي الاولاد وخصوصا اللي عندهم حساسيه.
🔸الكحه ليها اسباب كتير ولو في كحه لازم الصدر يتسمع عشان نعرف سببها ياريت مانجبش ادويه كحه وخلاص الكشف ومعرفه السبب مهم جدا في العلاج .
🔸 الحراره بتنزل بخوافض مش بالمضاد ارجوكم برضه بلاش نتسرع ونجيب مضاد حيوي ونديه للولاد . المضاد مالوش علاقه بالحراره .
♥️دمتم اصحاء ♥️🌹
د . امنه حلمي
اخصائي طب الاطفال وحديثي الولاده
كليه الطب جامعه عين شمس

24/10/2023

كماماتنا الجميله عشان الدور اللي ماشي لو سمحتم مابيهزرش 🙈🙈

24/08/2023

♦️نصيحه لكل ام🔎🔎
من فضلك ماتسمحيش لحد يبوس ابنك الرضيع من فمه ابدا ابدا وطبعا الكلام ليكي اولا. مش معني انك امه يبقي انتي كده تمام
منطقه الوجه دي ياريت نبعد عنها تماما
والاطفال احباب الله اللي بيلعبوا مع النونه🙈 ياريت نبعد عن وشها .😔 الاطفال في السن ده سهل جدا يجيلهم عدوي تنفسيه 🦠وتقلب بالتهاب رئوي بكل سهوله نتيجه فيروس اتنقل عن طريق البوسه اللطيفه دي .
ياريت ناخد بالنا من فضلكم
♥️🌹دمتم اصحاء♥️🌹
د امنه حلمي
اخصائي طب الاطفال وحديثي الولاده
كليه الطب جامعة عين شمس

20/08/2023

🖋️هنتكلم في البوست ده عن اشهر التطعيمات الاضافيه ومواعيدها واهميتها. 💉تطعيم الروتا:
♦️تطعيم الروتا بيحمي الاطفال من الاصابه بفيروس الروتا اللي بيسبب نزله معويه شديده ممكن تؤدي الي جفاف شديد.
♦️انواعه :

🔎الروتاريكس Rotarix" ويؤخذ على جرعتين.

🔎الروتاتيك RotaTeq " ويؤخذ على 3 جرعات.

⏰مواعيد الجرعات:
أول جرعة: بدءا من عمر ٦اسابيع من العمر والجرعة الثانية تكون بعدها بحد أدنى شهر، وآخر موعد للجرعة الثانية 8 أشهر، وهو بيدي مناعة بنسبة 80% وحتى فى حالة إصابة بتكون الاعراض خفيفه.

وممكن تسهيلا بنديه للطفل مع التطعيم الإجبارى فى عمر شهرين و4 أشهر، و6 أشهر فى حال الروتاتيك.

💉تطعيم المكورات الرئويه:

♦️تطعيم المكورات الرئوية يحمي الطفل من مجموعه امراض بتسببها البكتيريا العقديه الرئويه منها التهابات الأذن، و التهاب الجيوب الأنفية، و الالتهاب الرئوي، و التهابات مجرى الدم، و الالتهاب السحائي.
⏰المواعيد:
يُعطى في عمر شهرين، و 4 أشهر، و 6 أشهر، و 12 إلى 15 شهر من العمر .

💉تطعيم الجديري المائي :
♦️بيحمي الطفل من الاصابه بالجديري المائي
⏰ مواعيده :
جرعتين . الاولي من عمر ١٢ الي ١٥شهر
التانيه بعدها ب ٣شهور .

💉تطعيم الالتهاب الكبدي أ :
♦️يحمي من الاصابه بالالتهاب الكبدي الوبائي أ
⏰مواعيده:
جرعتين الجرعه الاولي بعد اتمام الطفل العام الاول والجرعه التانيه بعد الجرعه الاولي ب ٦شهور .

💉 تطعيم الالتهاب السحائي :
♦️ يحمي من مرض التهاب السحايا البكتيري اللي بتسببها المكورات السحائية أو النيسرية السحائية وينتج عنه التهاب الأغشية الرقيقة المحيطة بالدماغ والحبل الشوكي
⏰مواعيده
من عمر ٩ شهور و حتي عمر ٢٣ شهر :
جرعتين بفارق ٣شهور بين الجرعه الأولي والثانيه.

من عمر ٢٤ شهر حتي ٥٥ سنه : جرعه واحده.
كل اللقاحات دي موجوده في المصل واللقاح .
🌹♥️دمتم اصحاء سعداء🌹♥️
دكتوره امنه حلمي عوض
اخصائي طب الاطفال وحديثي الولاده

13/08/2023

💉💉التطعيمات الاضافيه
🔎 ايه هي التطعيمات الاضافيه ؟ ⬇️
💎كل الاطفال لما بتتولد بناخدها مكتب الصحه واحنا بنعملها شهاده الميلاد بتاخد تطعيماتها وفي جدول بنمشي عليه لحد ١٨ شهر . بس في تطعيمات مش موجوده في التطعيمات الاساسيه اللي بتوفرها وزاره الصحه . هي دي التطعيمات الاضافيه .
♦️التطعيمات دي مهمه ؟
هي بصراحه مهمه ويستحسن اننا نهتم نديها لاولادنا لانها بتحميهم من امراض ومضاعفات احنا في غني عنها .
♦️زي ايه الامراض دي؟
زي النزلات المعويه اللي بيسببها فيروس الروتا. واللي ممكن ينتج عنها جفاف شديد للطفل لانه بيبقي معاه اسهال عنيف
زي الالتهاب الرئوي . زي الجديري المائي . زي الالتهاب الكبدي الوبائي .
♦️ التطعيمات دي بيبقي ليها مواعيد وجدول برضه ؟⏰
اكيد بيبقي ليها .
🔰هنتكلم عن كل تطعيم وجدوله وامتي نديه في البوست الجاي باذن الله.
🌹♥️دمتم اصحاء ♥️🌹
دكتوره امنه حلمي
اخصائي طب الاطفال وحديثي الولاده

03/08/2023

-والله يا دكتوره جسمي مكسر جدا
-ايوه
-وجسمي كله تحسي انه بيشوكني كده
-اااه جدا
-وصداع بقه صداع جامد
-ايوه فعلا
-وبقالي قتره كده مش مركز ومتوه وبنسي بسرعه جدا
-جدا جدا
-طب اعمل ايه بقه
-ااه والنبي اعمل ايه بقه

Address

Obour City, Ninth District . Medical Destination Mall . Clinic G5
Cairo
47281

Opening Hours

Wednesday 6pm - 9pm
Sunday 6pm - 9pm

Telephone

+201227517970

Website

Alerts

Be the first to know and let us send you an email when Dr.Amna helmy clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category