https://instagram.com/dr_alaa_hossam_54?igshid=OGQ5ZDc2ODk2ZA%3D%3D&utm_source=qr

Dr.Alaa Hossam, el zyton, Cairo (2025)

05/06/2024

لما نيجي نتعامل مع الفاكهه ناكلها زي ماهي منعملهاش عصير الا نادرا لان فيدتها كلها في انها تبقي زي ماهي وبتتحول انها تبقي مضره اكتر من انها نافعه طيب ليه؟
اولا لما بتتعمل عصير كل الالياف اللي فيها بتروح منها ودي وظيفتها انها بتعمل اتزان لمستوي السكر في الدم وبتظبط الكوليسترول في الدم وبتعالج الامساك
لو اتعمل العصير كل الالياف دي مش هتبقي موجوده وهيتبقلنا سكر الفراكتوز ده بيزود السكر في الدم خصوصا لمريض السكر او الناس اللي بتعمل ريچيم وكمان علي المدي البعيد بيعمل دهون علي الكبد فكده ضرر الفاكهه هيبقي اكتر من نفعها
طيب كمية الفاكهه اللي ناكلها اد ايه في اليوم ناخد اد كف ايدينا مرتين يعني حبتين تفاح في اليوم اواتنين موزه في اليوم وهكذا
طيب الناس مريضة السكر واللي بيعملو رچيم اخرها حبه واحده بس من الفاكهه يعني اد كف ايدينا مره واحده بس

يارب اكون فيدتكم🙏♥️
كان معكم د/الاء صيدلانيه واخصائية تغذيه♥️

11/02/2024

مش معني اني مش عطشانه يبقي جسمي مش محتاج ماء🤷‍♀️
جسمنا محتاج كميه اجباريه لازم نشربها كل يوم سواء حسينا بالعطش او محسناش
كل عضو في جسمك محتاج للمايه علشان يشتغل الجلد والشعر والاظافر علشان يبقي شكلهم صحي محتاجين ماء بشرتنا علشان نقلل الحبوب نشرب ماء كتيره كل السموم بطلع من جسمنا بالماء نضارة بشرتك معتمد عليها من غيرها بهتانه بشره مجهده مأكسده
والكميه دي بتتراوح من 1.5 لتر ل2 لتر وده علي حسب السن وراجل ولا ست
لو pregnant هتحتاج حوالي 9 كوب
وفي حالة breastfeeding هتحتاج حوالي لترين ونص يعني 10 كوب
والfemale هتحتاج 8كوب
ال male هيحتاج 10 كوب هيحتاج اكتر من الfemale لانه بيستهلك طاقه اكتر
واخيرا الاطفال هتحتاج حوالي لتر ونص يعني 6 كوب ماء

لازم كل يوم نشرب الكميه دي نحط ازازه جنبنا ونحط الكميه اللي هنشربها وعلي مدار اليوم نكون مخلصنها ممكن نزود لو احتاجنا لكن منقللش

في ناس لما بقولها كده بتقولي مش بحب المايه وده اكتر رد استغربته ان ممكن حد فلا ميحبش المايه!!!
طبعا هنحاول نفكر نفسنا الايام دي لان البرد مش هيخلينا نفتكر نشرب

09/02/2024

في مقوله بتقول
“you are what you eat”
معناها شكل جسمك وبناءه بيدل علي نوعية الاكل اللي بتاكلها مفيش حاجه اسمها انا باكل كتير انا ليه رفيعه طيب انا مش باكل خالص هو انا ليه تخينه هنرجع للحاجات اللي بناكلها هنلاقي ان ده فعلا مخلي شكل جسمنا علي اللي هو عليه وعلشان كده سواء رفيعه او مليانه لازم تظبطي نوع الاكل علشان توصلي للجسم المثالي
دمتم بخير♥️🙏

08/02/2024

ستات كتير حوامل بتيجي خايفه من vitamin A الدكتور كاتبها دواء وجواه vitamin A وهي سمعت انه بيعمل تشوهات للجنين فقررت متاخدهوش طبعا لان بنسمع من غير مانعرف المعلومه كامله
هو فعلا vitamin A خطر علي الحامل غير الشخص العادي ولكن ليها جرعه موصي انها تاخدها عادي جدا لان لازم جسمها هيحتاجو ولكن بكمية اقل جدا من العادي
طيب ايه هي الكميه دي 770 microgram يعني حوالي
0.77mg
لو شوفتي الدواء اللي الدكتور كاتبهولك هتلاقي لايتعدي النسبه دي متخافوش الدكتور بيبقي عارف ولازم بردو تطمني اسألو الدكتور او الصيدلي او اخصائي التغذيه ومتوقفوش الدواء من نفسكو
دمتم بخير♥️😊

21/01/2024

في ظاهره غريبه بشوفها ان البنات علشان تخس بتاكل الاكل وبعدين ترجع الاكل ده كأنها اشبعت رغبتها من الاكل وسدت جوعها وبعدها تحط ايديها وترجع الاكل ده تاني او بنات تانيه بتاخد ملينات قويه جدا علشان تنزل اي حاجه في معدتها وكل ده باعتبار انها هتخس هو ده فعلا بيحصل وبتخس لكن العواقب بتاعته خطر جدا جدا فوق ماتتخيلو تخيلو مفيش اكل بيستفيد منه الجسم يعني مفيش معادن زي كالسيوم وحديد وزنك وكل المعادن اللي الجسم بيبني نفسه عليها ومفيش ڤيتامينات كمان تقوم بالعمليات الحيويه بتاعت الجسم ومفيش طاقه الجسم هيبقي هزيل ممكن الشخص ده يعلق محاليل ويجيله جفاف شديد جدا بسبب حركه هي شايفه انها مفيده
وغير ده كله فكرة اننا نرجع الاكل تاني بيطلع مع حمض المعده وده بيبوظ المرئ وممكن يعمل امراض زي الكانسر
فنخلي بالنا مش علشان نعدل حاجه نبوظ مليون حاجه قدمها
في انظمه كتير للدايت نقدر من خلالها نفيد جسمنا وبردو نخس بطريقه صحيه

06/01/2024

اكتر ادوية حديد بتطلع في حالة الانيميا
طيب مين احسن من التاني او مين بمعني اصح هيعرف يتعامل مع كل دواء فيهم؟
Ferrotron
ده جواه حديد وvitamin c وده بالنسبالي الاحسن لان امتصاص الحديد بيبقي افضل في وجود vitamin c وبيعالج الانيميا اسرع

Feroglobin
ده في حديد بس من غير مايكون في vitamin c وبالتالي لازم اخد من بره اي حاجه فيها ڤيتامين سي سواء كبسولات و اقراص من الصيدليه او اي فاكهه فيها vitamin c زي الجوافه ودي اكتر فاكهه فيها vitamin c والبرتقال والليمون

بالنسبالي هرشح ferrotron لان في الحديد وvitamin c لان ناس كتير مش هتلتزم انها تاكل فاكهه او تاخد اقراص فيهاvitamin c بجانب الحديد

دمتم بخير ♥️

07/12/2023

ناس كتير في اعتقادها ان ماية الفلتر احسن بكتير من ماية الحنفيه لكن للاسف مش صح لو حد عنده فلتر بص علي الشمع بتاعه كده هتلاقي اسود واحنا كبشر مش بنلتزم ان نغير شمع الفلتر كل شهر او شهرين علي حسب نوع الفلتر فبيبقي source of infection يعني جواه ميكروبات مركزه فبدل ماتكون نسبتها تكاد تكون معدومه في ماية الحنفيه هتشربها من الفلتر وهي جواها كمية كبيره لانها بتعدي علي الشمع ده واخد معاها كل الجراثيم وهي نازله

15/10/2023

Offer علي سعر مصل الانفلونزا ب200 بدل من267 لو حد عايز كلموني

12/10/2023

اي استفسارات عن الديرما بن قولولي♥️🤭

01/10/2023

من الحاجات المهمه جدا اللي لازم نخلي بالنا منها والاغلب بيعملها
لما نيجي ناخد دش اغلبنا بيدخل براسه الاول والميه سواء كانت سقعه او سخنه ده مختلف عن درجة حرارة جسمنا
مينفعش ندخل راسنا الاول لان ده هيخلي ضغط الدم يرتفع مره واحده وشرايين الدماغ يحصلها تمزج وفي النهايه ممكن لا قدر الله يحصل سكته دماغيه اللي هي الجلطه
طيب علشان نتفادي المشكله دي بنعمل ايه بندخل جسمنا الاول واحده واحده لحد مادرجك حرارة الجسم الداخليه تتأقلم مع درجة الحراره الميه وبالتالي ده هيمهد للدوره الدمويه للمخ ونبدأ بعدها في الاخر خالص لما نحس جسمنا اخد علي درجة حرارة الميه ندخل رأسنا

فنخلي بالنا من حاجه زي دي فاكرينها عاديه وهي خطر⚠️

14/09/2023

هكلمكو في البوست ده عن اد ايه اوميجا 3 من الحاجات المهمه اللي ضروري ناخدها في يومنا
اكيد مش كل يوم بناكل الحاجات اللي فيها اوميجا 3 خصوصا السمك مش بناكله كل يوم وانواع معينه اللي فيها اوميجا3 بكميات عاليه زي الساردين والماكريل والسالمون علشان كده لازم نخلي كبسولة الاوميجا3 من اساسيات يومنا لان جسمنا كل يوم يوم بيحتاج حوالي من 2-4 جرام يوميا ودن مش هيوفرهولنا الاكل خالص
لو جينا لاحظنا جسمنا هنلاقي ان في مشكله اللي يحلها اوميجا3
-اغلب الناس عندها جفاف في العين وبيسخدمو القطرات المرطبه وبتجيب نتايج مؤقته لكن لو اخدنا الاوميجا هتعالج الموضوع ده فعلا لان دموع العين بيدخل في تركيبها الاوميجا وكنت اتكلمت عن النقطه دي قبل كده

-شكل الجلد مهما حطينا مرطب ممكن شكله ميبقاش صحي لو اخدنا اوميجا ده هيفرق جدا في شكل وملمس ومرونه الجلد

-الذاكره ودي من اكتر الحاجات المشهور بيها الاوميجا3 لان من ضمن مكوناته DHA بيحسن الذاكره جدا والدكاتره كمان بيكتبو للحوامل علشان يحسن الجهاز العصبي للجنين

-بالنسبه لامراض القلب كلها بيساهم فيها سواء ضغط او كوليسترول بيقلل منهم لان من ضمن مكوناته EPA

-للبنات بقي بيقلل اعراض الPMS خالص

لو اخدتو هيفرق جدا في يومك هتحسه بصحه احسن
في حاجات كتير في الماركت لكن هقولكو علي احسن الانواع في الكومنتات 👇 علشان في ناس كتير بتشتكي انها مش بتحب تاخد الاوميجا بسبب ان ريحة الكبسولات زفارة السمك

29/08/2023

هقولكو معلومه بسيطه بعد غياب طويل😌🫶

طبعا كلنا بنشوف اي حد بياخد سيبرالكس بنقول عليه مكتئب وبياخد مهدئات🤷‍♀️
عو اه فعلا المتعارف عليه انه دواء اكتئاب لكن لي استخدمات تانيه كتير
ممكن تلاقو اكتر الستات الكبيره بتاخدو لو لاحظتو طيب ايه السبب؟
السبب ان السيدات لما بتوصل لسن اليأس العرض المشهور اللي بتعاني منه الhot flash وسخونيه وحراره في جسمها كله ومش طايقه نفسها فبتروح للدكتور ويكتبلها سيبرالكس بيقلل الhot flash ده
طيب السيدات اللي عندها سرطان الثدي وبتاخد دواء novaldex (tamoxifen) الدواء ده اشهر عرض جانبي لي انه بيعمل hot flash بردو في الجسم كله في الحاله دي بندي سيبرالكس
الدكتور قبل مابيكتب سيبرالكس بيسأل المريضه الhot flas بتجيلها في انهي وقت بليل ولا علي مدار اليوم كله
لو بيجيلها علي مدار اليوم بيكتب سيبرالكس
ولو بليل بيكتب الادويه اللي فيها مادة ال gabapentin

يبقي بعد المعلومه دي مش اي حد بياخد سيبرالكس يبقي مكتئب وعموما مش اي حد ياخد ادوية اكتئاب ومهدئات يبقي عنده حاله نفسيه وبيروح لثيرابيست🤷‍♀️

Dr.Alaa Hossam

05/06/2024

11/02/2024

09/02/2024

08/02/2024

21/01/2024

06/01/2024

07/12/2023

15/10/2023

12/10/2023

01/10/2023

14/09/2023

29/08/2023

Address

Website

Alerts

Shortcuts

Share

Category