Dr.Norhan Gad -د. نورهان جاد

30/07/2025

🥗 خبر مهم لكل سكان اكتوبر والشيخ زايد! 🥗
تواجد دكتورة نورهان يوم في عيادة طبيعي كلينك – الخمايل
كـ أخصائي تغذية علاجية علشان أساعدك توصّل لهدفك الغذائي سواء:
✅ تخسيس أو زيادة وزن
✅ تغذية مريض السكر، الضغط، الغدة
✅ أنظمة غذائية لمرضي الحساسية أو مشاكل الهضم
✅ تغذية الأطفال والحوامل
أو ببساطة… عايز تبدأ تاكل صح! 🍎

📍 مستنياكم يوم الخميس 💚
📞 01207911147 للحجز أو الاستفسارل
#الخمايل #تخسيس #صحة #دايت

27/07/2025

🌿🔥 المورينجا... السر الطبيعي لقوة الجسم وصفاء العقل! 🔥🌿

سواء كنت 👩‍⚕️ ست بتدوري على مناعة قوية وبشرة نضرة
أو 👨‍💼 راجل نفسك في طاقة وتركيز وصحة قلب...

المورينجا هي الحل السحري من قلب الطبيعة! 💚
✅تقلل الشهية وتزود معدل الحرق
✅ بتظبط السكر والكوليسترول
✅ بتمد الجسم بالحديد والماغنسيوم
✅ غنية بالبروتين ومضادات الأكسدة
✅ بتقوي المناعة وتحسن الهضم
✅ وبتحارب الالتهابات والتعب والإرهاق

🟢 ممكن تشربها كشاي
🟢 أو تستخدم البودرة على الزبادي أو العصير
🟢 أو تاخدها كمكمل طبيعي

💡 المورينجا = طاقة × مناعة × صحة قلب × نضارة

🚫 تنبيه مهم: لا تستخدم للحامل أو المرضع إلا بإشراف طبي، وممنوع الإفراط!

جربها وابدأ التغيير الطبيعي من النهاردة 💪
#المورينجا

27/07/2025

🌞 في عز الحر… اشربه وانت مطمن! 🧊🍋

لو حاسس إنك دايخ، عطشان، ومش طايق الحر…
فيه مشروب واحد هينقذك: "ماء الليمون بالنعناع" 🍋🌿

ليه هو الأفضل؟

✅ يرطب جسمك بسرعة
✅ يعوّض الأملاح والمعادن اللي بتفقدها في العرق
✅ ينعش الجسم ويقلل الإحساس بالإرهاق
✅ يساعد على الهضم ويريّح المعدة
✅ يدّي بشرتك نضارة في الصيف ✨

الوصفة؟
كوب ماء بارد 💧 + عصير نصف ليمونة 🍋 + ورق نعناع طازج 🌿 + مكعبات ثلج 🧊
(ممكن تضيف رشة ملح صغيرة لو بتفقد أملاح كتير)

👈 جربه وهتدعيلي … جسمك هيشكرك في الحر ده! 🔥

#صحة

19/07/2025

🎯🤔عمرك سمعت عن قهوة تحرق دهون ؟
إسمها: بوليت بروف كوفي ☕🔥

دي مش قهوة عادية…
ده فطار سريع للناس اللي ماشية على كيتو أو صيام متقطع!

🌿 مكوناتها؟

فنجان قهوة سادة

ملعقة زبدة بلدي (أو زبدة طبيعية مش مملحة)

ملعقة زيت جوز هند أو MCT

وممكن نضيف معلقة كبيرة كريمة لباني

كل ده في الخلاط يطلعلك قهوة كريمي ومشبعة جدًا 💪

✅ بتديك طاقة
✅ بتقلل الجوع
✅ بتساعد في حرق الدهون
✅ بتحافظ على تركيزك طول اليوم

⚠️ مش مناسبة لو بتاكل فطار فيه عيش أو سكريات!
وممنوعة للحوامل أو اللي عندهم كوليسترول عالي من غير استشارة دكتور.

12/07/2025

مشروب الطاقة ؟ 🔥

ليه بقينا شايفينه في كل مكان؟
في الجيم، في الكافيه، في الشارع، حتى مع طلبة المدرسة! 🤯

👊 خليني أقولك الحقيقة:

مشروب الطاقة مش بيزود نشاطك
ده بيسحب من رصيد صحتك وانت مش واخد بالك!

⚠️ طيب بتدخل إيه جسمك وانت فاكر نفسك بتفوق؟
🥤 العلبة دي فيها:

جرعة عالية جدًا من الكافيين (زي 3-4 قهوات مرة واحدة!)

كمية سكر ضخمة 🍬

تاورين وجوارانا (منبهات بتلعب في الجهاز العصبي)

ألوان صناعية ومواد حافظة 💀
يعني باختصار: خلطة ضغط، توتر، وخلل في الجسم كله!

والنتيجة؟

💥 دقات قلبك بتجري

💥 مخك بيبقى متوتر

💥 ضغطك بيعلى

💥 ونومك بيطير

وبعدها؟ هبوط وخمول أسوأ من الأول!

والمصيبة؟
ناس بتشربه يوميًا... ومش فاهمة إنه ممكن يعمل جلطات، تلف أعصاب، وموت مفاجئ!
أيوه... موت فجأة من علبة بريئة شكلًا، قاتلة مضمونًا ☠️

💡 عايز طاقة؟
جرب تمرين، أكل صحي، أو حتى كباية مية بلمون 🍋
مش لازم تدفع صحتك تمن لمجرد "تفويقة" مزيفة!

✋ ابعد عنها... وشارك البوست ده مع أي حد لسه فاكر إنها بريئة!

06/07/2025

🚫 أسوأ 3 حاجات تبدأ بيهم يومك على الريق💭:

1️⃣ قهوة على معدة فاضية☕
– بتعلي الكورتيزول (هرمون التوتر)، وتوجع المعدة، وتلخبط الشهية طول اليوم.

2️⃣ عصير برتقال أو مشروب غازي🥤
– سكريات تضرب الأنسولين… وبعدها تحس بجوع ونُعاس سريع!

3️⃣ عيش أبيض أو معجنات🍰🥮
– طاقة وهمية! بعدها بجوع وسكرك ينخفض… وتدخل في دوامة أكل طول اليوم!

---

💡 طيب نبدأ يومنا إزاي؟
👇 أقوى 3 حاجات تفوقك وتحفز الحرق:

✅ كوباية مية دافية أو فيها شرايح ليمون🍋
– بتنشط المعدة والكبد والهضم

✅ بروتين في أول وجبة (بيض / زبادي / جبنة قريش)🥚🧀
– يشبعك، يحفّز الحرق، ويزبط السكر

✅ خضار طازج مع الفطار🫑🍅🥕🥒
– ألياف + فيتامينات = هدوء في القولون وشبع حقيقي

02/07/2025

🧠🍽 "هل فعلاً الأكل بيأثر على مزاجك؟!"

أيوه، مزاجك بيتحدد مش بس من الأحداث اللي حواليك… لكن كمان من اللي بتاكليه كل يوم!
في أكلات بتزوّد إفراز هرمونات السعادة زي "السيروتونين" و"الدوبامين"، وده بيأثر بشكل مباشر على حالتك النفسية.
تعرفي إن نقص المغنيسيوم ممكن يخلّيكي تحسي بتوتر من غير سبب؟ أو إن الشوكولاتة الداكنة ممكن تحسن مودك فعلاً؟

✨ أكلات ترفع مزاجك:

الموز 🍌

الشوفان 🌾

السلمون 🐟

الشوكولاتة الداكنة (باعتدال!) 🍫

المكسرات وبذور الكتان 🥜

و✋ بلاش الإفراط في السكريات والكافيين… بيخلوا الطاقة تطلع وتنزل بسرعة، وتدخلي في مود سيء بعدها.

🎯 التغذية الذكية = مزاج أحسن، تركيز أقوى، نوم أعمق.

لو حابة أشاركك خطة غذائية تحسّن مزاجك أو نظام يومي مناسب ليكي، اكتبيلي في الكومنتات أو ابعتيلي رسالة 💌

01/07/2025

🍉 مفيش صيف من غير بطيخ! 🍉
لو البطيخ مش جزء من يومك، يبقى لسه الصيف ما بدأش صح! 😎

ليه كلنا بنحب البطيخ؟ تعالي نعدّ سوا:

1️⃣ مرطّب طبيعي:
أكتر من 90% من البطيخ مية! يعني بيروّي جسمك ويحارب الجفاف في عز الحر 💦

2️⃣ مضاد عطش + حارق دهون:
بيقلل الشعور بالجوع، وسعراته قليلة جدًا (بس حوالي 30 كالوري لكل 100 جم!) = ينفع مع الدايت 👌

3️⃣ غني بالليكوبين:
مضاد أكسدة يحمي بشرتك من الشمس ويدعم صحة القلب ❤️

4️⃣ يحسّن الهضم:
فيه ألياف خفيفة تساعد المعدة تشتغل براحة، خصوصًا بعد وجبة تقيلة

5️⃣ بيحسّن المزاج:
طعمه مسكّر طبيعي، بيدي إحساس بالسعادة بدون تأنيب ضمير 🍭✨

🎉 أفكار أكل لذيذة بالبطيخ:
🍉 مكعبات باردة مع شوية نعناع = إنعاش فوري
🍉 مع جبنة قريش = حادق × حلو = طعم وهمي
🍉 عصير بطيخ فريش بدون سكر = مشروب صيفي صحي
🍉 سموثي بطيخ + فراولة = مزاج رايق 🔥

26/06/2025

🟢 اللب الأبيض (بذور اليقطين) = كنز صحي في حفنة!

✔️ غني بـ الماغنيسيوم: مهم للأعصاب، تقليل التوتر، النوم المريح، والتخلص من الشد العضلي.

✔️ يساعد في التخسيس لما يتاخد بكميات محسوبة: 🔹 بيشبع بسرعة بسبب الدهون الصحية والبروتين.
🔹 بيساعد في تقليل اشتهاء الحلويات.

🧠 كمان مفيد لـ: ✅ صحة القلب
✅ تحسين المزاج
✅ دعم المناعة

🥄 حفنة صغيرة (30 جم) = 150 كالوري تقريبًا + 150 ملغم ماغنيسيوم

⚠️ اختاريه محمص من غير ملح أو زيوت، وادخليه كسناك خفيف في الدايت.

—

💬 جربتي اللب الأبيض في الدايت قبل كده؟ اكتبيلي في الكومنتات👇
#دايت #ماغنيسيوم #الامارات #دايت

26/06/2025

عمرك سمعت عن نظام El dash diet 🤔💬
كل فترة بيظهر أنظمة دايت وتبقي تريند والحقيقة أن كل جسم وليه النظام الي يمشي معاه و وده من أهم الأنظمة الي هنتكلم عنها النهارده ⬇️

من اهم أهدافه :
☑️خفض ضغط الدم المرتفع وهو رقم 1 عالميا لمرضي الضغط ❗
☑️تقليل الكوليسترول ودعم انقاص الوزن
☑️الوقاية من سكر النوع التاني

يعتمد علي :
⬅️تقليل الصوديوم (الملح ) وزيادة البوتاسيوم والماغنسيوم

✔️المسموح
الخضار والفاكهة والحبوب الكاملة والألوان والدهون الصحية

❌الممنوع
الأطعمة المالحة والمعلبة🥫 والخبر الابيض🍞 واللحوم المصنعة 🌭🍩🧃

لو عجبكم البوست اعملو شير ولايك عشان يوصلكم كل جديد 🥰

26/05/2025

💬 كتير من الناس بتشتكي من تشنجات فالعضلات و تعب في العظام وتغييرات فالمزاج ومتعرفش أن ده ممكن يكون بسبب نقص المغنسيوم ومن أهم مصادره ⬅️ #تغذية

04/03/2025