01/08/2024
معظمنا تقريباً بيعاني من العند في تصرفات أولاده وبنسأل نفسنا الطفل الصغير ده جاب كميه العند دي منين ؟ ازاي بقي كده ؟..!🤔
هأكد تاني أن مافيش طفل بيتولد عنيد أو عنيف أو عدواني ولكن البيئة المحيطة بيه و تصرفاتنا معاه والقدوة هما العامل الأساسي في تشكيل شخصيه الطفل
؟..!😕
1- أوامر أوامر أوامر هيحس الطفل بالإحباط وهيحاول بكل جهده إثبات وتأكيد شخصيته واستقلاليته وهتلاقيه كل أمر هيعترض عليه ويرفض تنفيذه
2 - القسوة في التربيه والتعامل مع الطفل بتدفع الطفل لتكوين مشاعر سلبيه ضد والديه او أحدهما وبالتالي هيبذل كل جهده لمخالفه اوامرهم وارهاقهم واحراجهم
3- التدخل الفج في كل صغيرة وكبيرة في حياه الطفل إما للحمايه الزائدة أو للسيطرة وعليه الطفل هيقاوم بالعند والرفض
4- ممكن يلجأ الطفل للعند كنوع من الضغط لتنفيذ مطالبة وده بيحصل نتيجه التدليل والحب المبالغ فيهم
⬅️ احمي ابني ازاي من إكتسابه لسلوك العند؟..!
1- نتصرف بذكاء يعني دايماً نوفر له بدائل وإختيارات مثلاً : خارجين وابنك مستمتع وفجاه يلا هنروح 🙄 لا الأفضل تديله إختيارات ايه رأيك تحب نروح دلوقتي ولا مثلاً كمان ربع ساعه ؟؟؟
2- نحاول علي قدر المستطاع نقلل من كلمه ( لا ) لإن تكرار الرفض هيقابل بالعند
3- نشجع الطفل بإستمرار إنه يعتمد على نفسه وعلى تحمل المسئولية مثلاً يختار لبسه أو نوع السندويشات وهكذا
4 - نفتكر دايماً أن أولادنا مش أعدائنا ايه المانع إن علاقتنا بيهم تتسم بالمرونة مش لازم أصر إن كلامي انا اللي ينفذ بالحرف كل مرة
5- ما ننساش إن ابننا مهما كان صغير هو انسان محتاج مننا الإحترام ومحتاج إننا نتفهم مشاعره ونحتويه حتى لا يشعر بأنه طفل غير مقبول ومحدش فاهمة
6- نحرص دايماً علي إعطاء أولادنا مساحة للتعبير عن نفسهم ولو رفضوا تنفيذ أي أمر .. أي المانع إننا نتناقش معاه لمعرفه سبب رفضه
⬅️تابعوني علشان تعرفوا معلومات تفيدكم في تربية أولادكم 👌
ولو في سؤال محيرك أو مشكلة بتواجهك في تربية أولادك ابعتيلي فوراً على رسائل الصفحة أو علي
رقم الواتس http://www.wasap.my./+01030301811
هتلاقيني معاكي دايماً .. و هرد عليكي في اقرب وقت 🌹
