16/06/2025
السلام عليكم ورحمه الله وبركاته
اهلا بيكم ✨
النهارده هنتكلم عن موضوع مهم وشائع جدا وهو ارتفاع نسبه الكوليستيرول
يعنى ايه كوليستيرول اصلا ! دا نوع من انواع الدهون بينتجه الكبد وبيعمل على تكوين جدار الخلايا الى موجوده في اجسامنا وبيساعد على تكوين الهرمونات ولكن لو زاد عن الحد الطبيعي بيعمل مشاكل كبيره زى الجلطات والسكتات القلبيه
اخطر حاجه فيه انه بيرتفع بدون اى اعراض
فجاه عشان كدا لازم نعمل التحاليل الروتينيه كل ست شهور ونطمن على صحتنا
طيب ايه هيا الحجات الى بتزود عندى نسبه الكوليسترول والدهون السيئه
اول حاجه استهلاك كميه كبيره من الدهون في الاكل الى بناكله التدخين والسمنه المفرطه والسكر وخمول الغده الدرقيه
نعمل ايه بقا عشان نظبط اكلنا ونقلل نسبه الكوليستيرول
اول حاجه نمنع الاكلات الى مليانه دهون وزيوت مشبعه نكتر من البروتين والبقوليات والخضروات والفواكهه نقلل الفاست فود والاكلات الى مليانه سكريات نهتم بتخفيف اوزنا ونلعب رياضه ونبطل سجاير كمان نهتم بأكل الافوكادو والتوت وبذور الشيا والشوفان والاسماك عاليه الدهن زى الماكريل والسالمون والمكسرات .
دمتم بالف خير وصحه وعافيه
د.خلود جمال الباز اخصائي التغذيه العلاجيه وتغذيه الرياضين وعلاج السمنه و النحافه
للحجز والاستفسار برجاء التواصل على رقم
٠١٠٩٥٢٠٧٧٠٨
تابعونا على الانستجرام 👇👇👇
https://www.instagram.com/dr.kholodelbaz/
