Dr. Christine Emeil - Parenting coach

30/03/2026

أحيانًا بنبقى عارفين إن في مشكلة عند أولادنا…
بس مش بنحب نعترف بيها 😌 ،بنقول: “هتعدي لوحدها”،
“هو صغير وبيتغير”، “مش كبيرة للدرجة دي”
لكن الحقيقة إن تجاهل المشكلة مش بيحلها ،ده بيخليها تكبر وتبقى أصعب 🙏
الإيمان الحقيقي إنك تواجه المشكلة،وتسعى للحل، وتطلب المساعدة لو محتاجه .
👈 ربنا بيدينا الحكمة مش علشان نطنّش…
لكن علشان نحب أولادنا صح ونوجّههم صح
مش ضعف إننا نعترف إن في مشكلة 👌
الضعف إن نفضل ساكتين لحد ما تكبر .

ربنا يدينا كلنا حكمة نربي صح ونفهم أولادنا أكتر 🌿

26/03/2026

الطفل الأول غالبًا بيكون واخد جرعة دلع زيادة شويه🙆‍♀️
والطفل الوحيد بيبقى محور الكون كله 🤦‍♀️
وده طبيعي جدًا… مفيش حد فينا بيحب يحرم عياله من حاجة.
طب فين المشكلة بقى❓️❓️❓️
إننا من غير ما ناخد بالنا… بنوفر كل حاجة.🙉
ألعاب كتير، خروج، هدايا… كل حاجة متاحة طول الوقت.🙊
طيب وإيه المشكلة يعني❓️❓️❓️
ما ننبسطهم… مش هنستخصر فيهم!🤌
المشكلة بتظهر بعد شوية🫣
لما ميبقاش في حاجة تشجعهم عليها،💁‍♀️
لما كل حاجة بقت سهلة وموجودة،🤦‍♀️
لما كلمة “لا” تبقى غريبة عليهم.😩
ساعتها لا الترغيب بيجيب نتيجة😓
ولا حتى العقاب له تأثير😢
لأن ببساطة هيلاقوا بديل في أي وقت🤳
وحد تاني ممكن يدلع أكتر منك 😄
طب نعمل إيه❓️❓️❓️
هل خلاص كده؟ اللي حصل حصل❓️❓️❓️
لأ… لسه في فرصة.🤌
بس محتاجة شوية وقفة مع نفسنا👏
نراجع أسلوبنا، ونبدأ نغير بهدوء ولو احتاجنا مساعدة نطلب🙏
ونصبر… لأن اللي اتبنى في سنين👌
مش هيتغير في يوم وليلة.🙏

24/03/2026

ينفع كده ؟؟؟ 😄😄

21/03/2026

كل أم سهرت الليالي عشان راحة أولادها 👏❤️
كل أم تعبت وابتسمت، وخبت وجعها عشان تفرّحهم…
إنتِ بطلة حقيقية، حتى لو محدش قالك 🙏

عيد أم سعيد لكل أم موجودة
وربنا ينيّح نفس كل أم انتقلت ويعوض كل قلب مشتاق 🤍

20/03/2026

يامساء الخير 🤩🤩

الصورة شارحة نفسها بس هستني منكم تعليقاتكم و وجهة نظركم ؟

18/03/2026

4 yrs ago ..🤗🤗

مساء الخير ❤️
من كام يوم نزلت بوست عن أي انطباعك عن الشخص اللي من اول مابتشوفه مش بيبطل اسئله ومش بتعرف تجاوب على اي ولا أيه😉
اغلب الكومنتات كانت أنهم بيتعصبوا من الشخص ده وفالغالب مش بيردوا علي كل الاسئله وعلي حسب المزاج ونوعية الاسئله واحيانا الاجابات بتكون عايمه مش واضحه علي حسب درجة خصوصية الاسئله .
ورأيي برضه علي حسب قرب الشخص ده ليا وهل بيسأل من باب الفضول ولا الاطمئنان ولا بيضيع وقت في معرفة قصص حياة الآخرين والمقارنات بين ده وده 😄
..المشترك في كل الآراء ان كلنا مش بنقبل الشخص ده بسهوله ومش بنرد علي كل أسئلته .

وده هيدخلنا ف موضوع الامهات اللي بتشتكتي أن ابني لما بيرجع من المدرسه او من الحضانه مش بيحكيلي حاجه ، او بعرف منه حاجات بسيطه جدا .
ده بيرجع لكذا سبب ممكن تكوني انتي مش متعوده انك تتكلمي معاه من صغره وبالتالي هيا دي شخصيته اللي بتتكون تلقائي .

والسبب التاني اللي ليه علاقة بموضوعنا أن الأم بتعمل زي الشخص اللي اول ما يشوفنا مش بيبطل اسئله وبالتالي الطفل جاي عامل بالظبط زي لوزا وهيا بتقول عاوزه اقعد لوحدي ولا بيا ولا عليا 😀

الطفل جاي من يوم مليان مواقف حلوه ووحشه
ممكن تكون مواقف اول مره يتعرض ليها ووارد يكون اتعامل بطريقه صح ووارد يكون اتعامل بطريقه غلط .
كل يوم في تجربه جديده ،مشكله جديده ،عدد ساعات كبيره بيتعامل مع أشخاص كتير وكل شخص مختلف عنه في التفكير والتعامل .
طريقة استقبال الطفل بعد رجوعه من المدرسه هيا اللي بتحدد أن كان هيقدر يجاوب ويقول المعلومات اللي الام عاوزه تعرفها او لا !

بمعني أن طريقة ونوعية الاسئله لو ماشيه بالشكل ده :

عملت اي النهارده ؟
اكلت أكلك كله ولا سيبته زي كل يوم ؟
عملت كام خناقه؟
كام مس زعقتلك ؟
اخدت كام مره punish؟
جبت ال fullmark ولا لا ؟
في شكاوي كتير بتيجي منك وانا مش مبسوطه؟
اي لبسك ده شكله مش نضيف لي كده ؟

ثقي تماما أن الطفل هيتعصب🤨 اول ماهيلاقي كل الاسئله دي اتفتحت قدامه ولو مجاوبش علي سؤال منهم يبقي هو الغلطان ومش بيحكي حاجه ووارد تلاقيه بيكدب عشان يحاول يوصلك أنه عكس اللي بتقوليه ده كله بس انتي اللي بتشوفيه وحش أو بمعني اصح بتشوفي الوحش اللي فيه 🤕

لو نوعية الحوار هيكون بالشكل ده :

وحشتني .
طول الوقت كنت بفكر فيك .
براڤو عليك انك غسلت ايدك لما رجعت .
يومك كان عامل ازاي يارب يكون حلو .
اي المشاعر الحلوه اللي كانت فيه (الاكل مثلا عجبك ، لعبت مع حد بتحبه ،في مس انبسطت منك وجاوبت معاها ....) .
برافو عليك انت النهارده جاي والچاكت نضيف .
لما ترتاح ابقي قولي عملت اي في الامتحان .
لو حابب تتكلم عن موقف ضايقك ونشوف الحل اللي عملته كان صح ولا غلط اوك ،،لو حابب تستني شويه بعد ماترتاح اوك .

طريقة الحوار والاسئله لما تكون بالشكل ده هتلاقي الطفل اتجاوب معاكي بحب وحابب هو اللي يتكلم ويقول كل اللي جواه وممكن بدون اسئله لانه مش حاسس بضغط .

17/03/2026

أبناؤنا لا يسمعون كلماتنا فقط…
بل يراقبوا تصرفاتنا أيضًا

17/03/2026

التربية الحقيقية بتظهر لما الأهل يكونوا مش موجودين ،
وقتها بس نعرف إن القيم وصلت لقلب الطفل، مش بس لتصرفاته قدامنا. 🤍

11/03/2026

The page got over 1,000 reactions on my posts last week! Thanks everyone for your support! 🎉

11/03/2026

امتى بنزعل على أولادنا بجد؟

هل لما يحطونا في موقف محرج قدام الناس؟
لما يردوا بطريقة تضايقنا قدام حد؟

ولا لما نبتدي نلاحظ سلوكيات غلط بتتكرر…
غضب، عدم احترام، أو استهتار بالحاجة الصح؟

الحقيقة إن الإحراج بيضايقنا لحظة…
لكن اللي بيوجع القلب بجد هو الخوف عليهم.

الخوف إنهم يمشوا في طريق غلط…
أو يبعدوا عن القيم اللي حاولنا نزرعها فيهم من وهم صغيرين.

علشان كده أحيانًا زعلنا منهم بيكون شكله غضب…
لكن حقيقته خوف وحب كبير.

قولولي بصراحة:
ايه أكتر حاجة ممكن تزعلوا بسببها من أولادكم

❓️❓️❓️❓️❓️❓️❓️❓️❓️❓️❓️❓️❓️❓️❓️❓️❓️

11/03/2026

شايفين الصوره ازاي ؟؟

10/03/2026

مش كل طفل عنيد… أحيانًا هو فقط بيحاول يقول رسالة.👌

في علم #التربية، أغلب السلوكيات المزعجة عند الأطفال بيكون وراها أربع أهداف خفية:

1️⃣ جذب الانتباه
الطفل يعمل دوشة، يقاطع، أو يضايق…
مش عشان هو سيئ، لكن لأنه محتاج يشعر إنك شايفه.

2️⃣ الصراع على القوة
كل طلب تقابله كلمة "لا".
الطفل هنا بيحاول يقول:
"أنا كمان لي رأي."🤦‍♀️

3️⃣ الانتقام
لما الطفل يشعر بالألم أو الإهمال…
قد يؤذي الآخرين لأنه يشعر أنه تأذى.

4️⃣ إظهار عدم القدره علي عمل المهام
"أنا مش بعرف احل الواجب "
"مش هينفع"
الطفل هنا فقد ثقته في نفسه فيستسلم قبل أن يحاول.

الحقيقة المهمة:
وراء كل سلوك رسالة…
ولو فهمنا الرسالة، هنقدر نساعد الطفل بدل ما نعاقبه فقط.

اي اكتر #سلوك بيقابلكم ؟؟؟ وازاي بتتعاملوا معاه ؟؟؟