د. محمد عادل سالمان للجراحة العامة و المناظير - Dr.Mohamed Adel Salman

  • Home
  • Egypt
  • Cairo
  • د. محمد عادل سالمان للجراحة العامة و المناظير - Dr.Mohamed Adel Salman

د. محمد عادل سالمان للجراحة العامة و المناظير - Dr.Mohamed Adel Salman إستشارى الجراحة العامة و المناظير و الأورام

20/02/2026

بين ضغط العمليات والدراسة…
لازم الواحد يلاقي وقت لنفسه شوية 💙
تجربة Hiking و ركوب عجل
وطريق طويل لحد الجبل
وتعب… بس بإحساس مختلف 👌⛰️
مش كل الرحلة شغل وبس،
فيها تحدي،
وفيها مغامرة،
وفيها طاقة جديدة نرجع بيها أقوى 💪
تحبوا تجربوا حاجة زي دي؟
ولا تفضّلوا الراحة؟ 😄👇
اكتبولي في الكومنتس

#الصين
#مغامرة

دلوقتي جراحة استئصال الغدة الدرقية باستخدام كافة وسائل الامان مع د. محمد عادل سالمان ✨ لو عندك اي مشكلة في الغدة الدرق...
24/01/2026

دلوقتي جراحة استئصال الغدة الدرقية باستخدام كافة وسائل الامان مع د. محمد عادل سالمان ✨

لو عندك اي مشكلة في الغدة الدرقية،
متترددش
مستنينكم

_____________________

د. محمد عادل سالمان ✨

‏‎- إستشاري الجراحة العامة و الاورام و المناظير.
‏‎- عضو الكلية الملكية للجراحين بانجلترا

📍أماكن العيادات

‎📌 المهندسين :
‎برج الحكمه الطبي ( ٢٠ ش البطل احمد عبد العزيز - فوق تاكي - الدور الرابع )
الاتنين _ الخميس ٦-٩ م

‎للحجز : 01507610071

https://maps.app.goo.gl/hiN6UQVmm8zEtyct6?g_st=ic

‎📌 مصر الجديدة :
‎ ‏‎مستشفي صفوة الجولف : ٢٥ ش محمد المهدي متفرع من ش
‎عبدالله دراز ‏‎
الاحد _ الاثنين من الساعة ٢-٤ م

‎‏‎للحجز : 01507610071 ‏

https://maps.app.goo.gl/mDFiH9QGLZCPJXcG8?g_st=ic

15/01/2026

تجربة مهنية مختلفة على أرض الواقع في الصين🇨🇳

لقاء مع دكتور محمد عادل
خلال فترة الزمالة في الصين،
واللي امتدت لشهرين من التدريب المكثف داخل المستشفى.

في اللقاء ده مع قناة ZICC الصينيه
اتكلم دكتور محمد عن
تجربة التدريب،
طبيعة العمليات،
مستوى المستشفى،
وقد إيه الاحتكاك العملي فرق في تطوره الجراحي.

رحلة بتأكد إن الطب
علم… وتطبيق… وخبرة حقيقية.





08/01/2026

مش كل حموضة تبقى ارتجاع…
ومش كل ارتجاع يبقى فتق في الحجاب الحاجز.

الفرق الحقيقي
بيبدأ من التشخيص الصح.

كتير من المرضى
بيتعبوا سنين بسبب علاج غلط
بس لأن السبب الأساسي ما اتشخّصش صح من الأول.

تشخيص دقيق =
✔️ خطة علاج مظبوطة
✔️ تجنب أدوية مالهاش لازمة
✔️ قرار صح بين العلاج الدوائي أو التدخل الجراحي

مع دكتور محمد عادل
التشخيص هو أول وأهم خطوة في علاج
فتق الحجاب الحاجز وارتجاع المريء.

لو الأعراض مكملة
راجع تشخيصك… مش بس علاجك





07/12/2025

وسط ضغط العمليات والتدريب اليومي…
اللحظات اللي بنقف فيها في الـ Doctor’s Lounge بتبقى مهمة جدًا ⏸️💙

استراحة صغيرة… بس بتنقلّك لعالم تاني:
دكاترة من دول مختلفة، لغات متعددة، خبرات كبيرة…
وإحساس إنك جزء من منظومة عالمية كبيرة جدًا 👨‍⚕️🌍

هنا في الصين… كل تفصيلة متصممة علشان تساعد الجراح يكمّل يومه بأعلى تركيز.
حتى الاستراحة… جزء من التجربة 👌✨

تحبوا أشوفلكم فيديو من داخل غرف التدريب أو الروبوت الجراحي؟
اكتبولي في الكومنتس 👇🔥

#الصين

14/11/2025

أول صلاة جمعة ليا في الصين…
إحساس مختلف، وراحة مش ممكن تتوصف 🙏✨

رغم بُعد المسافة عن مصر…
لكن وجود مسلمين من بلاد وثقافات مختلفة…
بيفكرك إن مهما الدنيا فرقت الناس،
الإيمان دايمًا بيجمعنا ❤️

دعيت لنفسي… ولبلدي…
ولكل حد مسافر ومستغرب شويّة 🌍

#الصين #غربة #سفر

13/11/2025

بعد أكتر من شهر في الصين…
أخيرًا لقيت مكان بيعمل أكل عربي! 😂🔥
اللي عايش برّه يفهم قد إيه اللحظة دي بتبقى priceless…
ريحة الأكل، الطعم، وحتى الجو… تحس انك رجعت البيت
بيرجّعك للبيت 🇪🇬✨

قولولي… لو سافرتوا برّه أكتر أكلة هتوحشكوا إيه؟ 👇😄

#الصين #غربة #سفر

11/11/2025

اللي هتشوفوه في الفيديو ده مش تدريب عادي 👨‍⚕️

دي محاكاة حقيقية لعملية جراحية معقّدة باستخدام الروبوت الجراحي،
وانا هنا بشتغل العملية على المحاكي كأني جوه غرفة العمليات فعليًا 🔬

التكنولوجيا دي بتخلّي الجراح يتحكم في كل حركة…
بدقّة تفوق الجراحة التقليدية والمنظار،
وبتفتح باب جديد في مستقبل الجراحات 👇

في الجزء التاني، هتشوفوا شرح مفصل للمراحل التلاتة لأي عملية روبوتية
وإزاي بيشتغل كل جهاز في المنظومة دي خطوة بخطوة ⚙️

مستقبل الجراحة بدأ دلوقتي 💪

تحبوا الفيديو الجاي يكون عن الفرق بين المنظار والروبوت الجراحي؟

اكتبوا رأيكم في الكومنتات 👇

#منظار

08/11/2025

لقطات حقيقية من داخل غرفة العمليات قبل واحدة من أعقد الجراحات في العالم

🔬 زراعة كبد من متبرع متوفى.

التحضيرات الأخيرة قبل بداية العملية:

الأدوات، فريق الجراحة، أجهزة المراقبة، وتعقيم الكبد اللي هيتزرع للمريض خلال الدقايق الجاية.

مشاهد نادرة جدًا، من قلب الحدث…
فيها علم، إنسانية، ومسؤولية عظيمة 🙏

04/11/2025

تحدي “عيش على قد ما تقدر” 😂

أنا هنا تقريبًا صايم صيام تطهير روحي…

وأكسب ثواب من غير ما أنوي 😇🤣

وعكس أهل مصر اللي دلوقتي بياكلوا محشي، والحاجات الحلوه دي…
وبياخدوا الحسنات دي على بطن شبعانة 😭❤️🇪🇬

بس مهما كان…
التجربة جزء من الرحلة،

إيه أكتر أكلة مصرية لو سافرت بره هتوحشك؟ 👇

لو قولتوا محشي هنهي التريننج وأرجع بكرة 😂

#الصين #غربة #مصر #محشي #سفر

من وانا صغير، كنت شايف إن مهنة الدكتور مش سهلة…مش لأنني كنت فاهم الطب ساعتها، لكن لأن كل ما حد في العيلة كان يعيّا،الكل ...
30/10/2025

من وانا صغير، كنت شايف إن مهنة الدكتور مش سهلة…
مش لأنني كنت فاهم الطب ساعتها، لكن لأن كل ما حد في العيلة كان يعيّا،
الكل كان يستنى “رأي الدكتور” وكأن القرار عنده هو اللي هيطمن الكل.

والجراحة بالذات كانت دايمًا مرتبطة في دماغي باللحظات اللي مافيهاش مساحة للخطأ.

كبرت، ودخلت كلية الطب، وبدأت أفهم إن المشوار أطول بكتير من مجرد حلم.

مناوبات، دراسة، تدريب، تعب ملوش توقيت…
ومع ذلك كنت كل يوم متأكد إن ده مكاني.

اتجهت للجراحة العامه والمناظير ومش بس كدا شاركت كتير في جراحات الاورام خصوصًا أورام الكبد والبنكرياس والثدي
مش لأنها سهلة، بالعكس…

لكن لأنها من أكتر الجراحات اللي بتحتاج تركيز، صبر، وهدوء في أصعب لحظات القرار.

دلوقتي أنا في الصين،
في برنامج تدريبي عملي وسط واحد من أكبر مستشفيات الأورام في العالم.

هنا مفيش “مشاهدة”… في مشاركة حقيقية، خطوة بخطوة،
مع فرق جراحية من أقوى اللي شفتهم في حياتي.

في أول أسبوع شاركت في استئصال ورم في رأس البنكرياس بالمنظار لمدة تقريبًا أربع ساعات.
دقة غير عادية في كل خطوة.

شاركت كمان في عملية زراعة كبد بالفتح الجراحي مع فريق متكامل،
كل واحد عارف دوره، وكل لحظة محسوبة.

وفي يوم تاني شاركت في عملية استئصال ورم بالبنكرياس باستخدام الروبوت الجراحي،
واللي فعلاً بيخليك تفهم يعني إيه تكنولوجيا بتخدم الطب،
ودقة توصل لدرجة صعب توصفها.

غير كده، شفت نظام كامل بيعتمد على روبوتات للتعقيم ونقل الأدوات داخل المستشفى.
هنا كل حاجة معمولة علشان المريض يكون في أمان في كل لحظة.

اللي بشوفه كل يوم هنا مش بيخليني أحس إنني “وصلت”…
بالعكس، بيأكدلي إن الطريق لسه طويل،
بس كل خطوة فيه لها قيمة ومعنى.

الهدف بسيط:
إني أرجع وأنا شايل خبرة أكبر،
وقدرة أعلى على تقديم أفضل رعاية ممكنة لكل مريض يحتاجني.
رحلة بدأت من حلم طفل…
ولسه مستمرة.

التطور في الطب ما بيقفش، والتعلم الحقيقي عمره ما بيخلص.

لو عندك سؤال عن الجراحات اللي ذكرتها او الجراحه العامه بشكل عام او التدريب في الصين،
أو عن الفرق بين الفتح والمنظار والروبوت 👇

اكتب سؤالك في الكومنت او في رسائل الصفحه
وهجاوب عليه إن شاء الله،
وهعمل كمان Live قريب ارد فيه على كل الأسئلة 🩺✨

#الصين

29/10/2025

يوم مميز بكل المقاييس…

شاركت النهارده في عمليتين من أعقد وأدق الجراحات في العالم:

🩺 زراعة كبد بالكامل
و
🎯 استئصال ورم في البنكرياس بالمنظار

التجربتين بيأكدوا إن الجراحة دخلت مرحلة جديدة تمامًا…
التكنولوجيا بقت جزء من كل خطوة، والدقة بقت على مستوى المليمتر.

كل يوم هنا في الصين بيوريني إزاي العلم لما يقترن بالتقنية بيغير مفاهيمنا عن حدود الجراحة.

✈️ رحلة التعلم مستمرة… واللي جاي أقوى.

#الصين

Address

Al Batal Ahmed Abdelaziz
Cairo

Telephone

+201507610071

Website

Alerts

Be the first to know and let us send you an email when د. محمد عادل سالمان للجراحة العامة و المناظير - Dr.Mohamed Adel Salman posts news and promotions. Your email address will not be used for any other purpose, and you can unsubscribe at any time.

Shortcuts

Share

Category