كراكيب نور - Karakib Nour

16/08/2025

🎧 Back to School – مشاكل ما قبل المدرسة

📅 الأحد 17 أغسطس ⏰ 10 صباحاً

📻 راديو صوت العرب 106.3 FM

مع نور الإمام – أخصائي نفسي إكلينيكي ومرشد أسري وزواجي

👶 عندك طفل 3–6 سنين؟ بتلاحظ عليه صعوبة في النوم، عناد، خوف أو تأخر كلام؟

💡 الحلول والنصايح العملية هتكون معاكم في الحلقة!

15/07/2025

📺 بكره الأربعاء ١٦ يوليو على قناة الدلتا
⏰ الساعة ٢ الظهر

🧠 حلقة عن : مشكلات المراهقة ...

🔍 هل ممكن أسلوب التربية يكون السبب في إن ابنك مش عارف يعبّر عن مشاعره؟
🔍 ليه في مراهقين بيتصرفوا بعنف؟ وليه في غيرهم بينعزلوا تمامًا؟
🔍 يعني إيه عقاب صحي؟ وإزاي أربي من غير ما أكسّر؟
🔍 دور الصحاب والسوشيال ميديا... فين الخط الأحمر؟

🎙️ هكون معاكم :
نور الإمام
أخصائي نفسي إكلينيكي

📡 قناة الدلتا – على النايل سات
التردد: 11178 ميجاهرتز
الاستقطاب: رأسي (V)
معدل الترميز: 27500
معامل تصحيح الخطأ: 5/6

لو عندك ابن أو بنت في سن المراهقة ومش عارف تتعامل، الحلقة دي معمولة علشانك!

📌 شاركونا في التعليقات:
إيه أكتر حاجة بتقلقك في تربية المراهقين؟
وإيه أكتر سؤال نفسك تسأله ليا عن أولادك؟

06/07/2025

قواعد ✋

06/07/2025

📛 ايه هو هدف ❓

04/07/2025

يا صباح الهنا ♥

استنوني على إذاعة الشباب والرياضة ♥

في حلقة مميزة بعنوان:
"مشكلات المراهقة… فهم أعمق وتعامل أذكى"

🗓️ بكره السبت 5 يوليو
🕘 الساعة 9 صباحًا
📡 على إذاعة الشباب والرياضة – 108 FM

🎧 هنناقش فيها:

أبرز التغيرات النفسية والسلوكية في مرحلة المراهقة
أخطاء شائعة في التعامل مع المراهقين
نصائح عملية للأهل والمدرسين
وأمثلة حقيقية من الواقع

📌 ماتفوتش الحلقة… فيه كلام هيغير نظرتك للمراهقة تمامًا!

#المراهقين

24/06/2025

📛 هو هيعملي إيه ❓

24/06/2025

و ١٢٧ ساعه ⏰

24/06/2025

و فتره #الخطوبه 💔

23/06/2025

23/06/2025

- الطفل الذي لم تحتضنه قريته
سيعود يوماً و يحرقها ؛ ليشعر بدفئها 💔💔

في فيلم البطل عايش في جحيم من صغره
زباله في كل حته .. بيئه فقيره جدا .. أمه عيانه و بتموت و مش لاقيه تتعالج .. هو بيعاني و طالع عينه .. بيتضرب و يتهان و يتبهدل و يتنمروا عليه

🟨 ماسلو و البلطجه 🟨

مؤسس عَمل هرم مشهور قوي في النفسيه .. قَسم فيه إحتياجاتنا ك بشر

👈🏻 5 سلالم 👉🏻
1⃣ إحتياجات فسيولوجيه زيي الأكل ، النوم ، الجنس
2⃣ الحاجه للأمان .. أمان في كل حاجه ( مادي ، وظيفي ..)
3⃣ الحاجه للحب و الإنتماء
4⃣ الحاجه لتقدير الذات
5⃣ الحاجه لتحقيق الذات

و ماسلو قال إن أول ٣ سلالم هما حاجات البقاء
يعني عشان تقول إن فلان ده موجود ..
شرط يكون الإحتياجات التلاته دول مُشبعين ✅

و قالك يا سيدي إن طريقه الإشباع دي بتتصنف لنوعين
الأولاني حقيقي ✔ و التاني زايف ✖
و حط معايير تقيس بيها الإشباع ده أنهي نوع
يعني في الإشباع الزايف .. هتلاقي أضرار كبيره بتحصلك علي المدي الطويل منه ، كمان هتلاقي الزيف ده بيعزلك عن العالم أو بيشوهه صورتك عن نفسك 🥺🥺

تعالي ناخد مثال عن الأكل ك إحتياج فسيولوجي ؛ لما تكون جعان .. بيكون قدامك طريقتين عشان تشبع إحتياجك للأكل ده 🍔🍕

☝🏾 يا مثلاً ( تاكل من الزباله / تاكل أكل بايظ / حمضان / تسرق الأكل .... إلخ ) ⬅ زايف

☝🏾 تشتغل و تجيب فلوس عشان تعرف تاكل ⬅ حقيقي

و هو ده بالمللي إللي بيحصل في باقي الإحتياجات ♻
و الفيلم جَسد بشده أثر عدم إشباع الإحتياجات دي
بشكل سليم

الإحتياج التالت علي هو الحب و الإنتماء
و معناه إني ألاقي ناس بتحبني .. بتقبلني زيي ما أنا .. بنتمي ليهم .. بيدعموني و يشجعوني .. و أترمي في حضنهم لما أنكسر و أتهزم و الدنيا تيجي عليا بالقوي 🥺🥺

و لو الإحتياج ده ما إتسددش بشكل صحي و سليم
بيتسدد بشكل مرضي و مشوهه
زيي إني أنتمي لجماعه إرهابيه .. أو تيار سياسي او ديني متعصب .......... أو أبقي بلطجي

أحمي نفسي بنفسي يعني .. و آخد حقي بدراعي
و أسمي ده إني إنسان دمه حر ، طلقه حامي .... إلخ

و جزء كبير من ده جَسده بطل الفيلم
إترفض من بيئته .. و مالقاش بيئه بديله تقبله .. ف إتحوش
و إتشرس .. بقا عدواني .. عنيف .. همجي ....... مجرم

الخلاصه إن زوق عافيه .. الإحتياج هيتشبع 🙂
و الزتونه هو إنك مهم تدور علي طريقه صحيه لإشباعه 🙃

قولولي في الكومنتات لو حابين أكتب أكتر عن ماسلو

فقره

♥ لحجز جلسه ؛ إبعت رساله ♥

23/06/2025

طائر الدودو و المدارس العلاجيه النفسيه

23/06/2025

- أسوأ لحظة عَدت عليكي ⁉

= أسوأ لحظة .... مش عايزة أفتكرها
كنت زمان .. كنت في علاقه مع حد ، الأمور ما نجحتش ، أنا كنت عايزة الأمور تنجح
لكن هو لأ .... سابني و كمل حياته بشكل طبيعي

بعد الانفصال بشهر أو شهرين تقريباً ... إتقابلنا مرة تانية و كان لسه في شعور جوايا إني بحبه ؛ ليه الموضوع مكملش؟! كنا إتقابلنا على العشاء .. و قررت إني أنا إللي أفتح معاه الموضوع و سألته ... ليه محاولتش تِنَجَح علاقتنا ؟! ليه ما حاربتش عشاني ⁉

فقالي ...
ما تستحقيش إني أحارب عشانك 🤷🏻‍♂

في اللحظة دي .. أكاد أُُجزم إني سمعت صوت قلبي و هو بينكسر .. عمري ما هنسى .... ازاي حد يقول لحد كده ❗
كان احساس سئ جداً ، و أثر عليا ، انكسرت 💔💔

⚠⚠⚠⚠⚠⚠⚠
- هي القلوب بتنكسر بجد ؟!
= اه

🟣🟣 متخصصه نفسيه إسمها "إليزابيث كيبلر روس " عَملت نموذج للحزن و الفقد ... بيعدي بيه أي حد يعرف إنه هيموت
( زيي إنه عنده سرطان في مرحله متأخره )
و برضو لما حد يعرف إن عزيز له مات أو علي وشك الموت
و كتبت ده في كتابها

🟢🟢 و عَممت النموذج ده كمان علي إللي قلبه بينكسر
علي إللي بيمر بمرحله إنفصال
( فركشه علاقه / فسخ خطوبه / طلاق )

إنت مُتخيل ⁉ شَبهت الإنفصال بالموت ❗
من كتر ما هو مؤلم ( و بالمناسبه احياناً بيكون مؤلم حتي لو كانت العلاقه مش مؤذيه )

🟡🟡 و قالت إن القلب لما بيتفشفش و يتدشدش بيعدي ب 5 مراحل ... مش شرط يحصلوا كلهم ، و لا برضو شرط إنهم يحصلوا بنفس الترتيب .... و هما 👇🏻👇🏻

1⃣ الإنكار ... لأ لأ علي فكره هو هيرجع تاني ، شويه كده و هيكلمني .... لا لأ متخانقين إيه بس ؟! إحنا واخدين بريك

2⃣ الغضب ... أنا بغلي ... جوايا نار ... شايطه ... بولع من جوايا ... لازم أكسره ( او أزود كسرتي و أنتقم مني )

3⃣ المساومه ... مش يمكن أنا عملت حاجه ضايقته ؟! ما يمكن لو عملت كذا ؛ يرجع ❗

4⃣ الإكتئاب .... ممكن ما يوصلش لدرجه مرضيه ... بس فيه حاله كآبه و حزن و يأس و بؤس ... و الدرجه العاليه منه هي أنا عاوز أموت ⚰

5⃣ التقبل ... إللي حصل حصل ... خد الشر و راح .... حياتي كانت هتبقي أسوأ لو كنا كَملنا سوا ... يالا الحمد لله

ف بالهداوه علي إللي لسه خارج من تجربه إنفصال
و براحه علي نفسك إنت كمان .... ما تستعجلش التعافي .. عشان ده أصلاً بيعطله ..... و لو مش قادر تكمل لوحدك ؛ إجري علي أقرب متخصص نفسي يساعدك تعدي المراحل دي




❤ لحجز جلسه ؛ إبعت رساله ❤