لصحة طفلك مع د. محمود كامل

18/04/2026

18/04/2026

ازاى تستغلي عند الطفل لصالحك... وتبني منها اشياء مفيدة..
الامثلة في الصور...

18/04/2026

معلومات صادمة من مركز الكلي جامعة المنصورة وخصوصا أن عصير القصب بيعمل سرطان ؟؟؟؟؟

لما حاولنا نعرف ليه عصير القصب 😇😇
قالوا عصير القصب متهم رئيسي ولعدة اسباب :
✅ قشرته مش بتتغسل كويس وبتتعصر معاه.....
✅ كذا ايد بتمسكه قبل العصير........
✅ الماكنه والادوات المستخدمه في عصره.......
✅ اماكن العصر وتلوثها وتعرضها للهواء المباشر وعدم نظافة المكان اللازمه.....
✅ طريقة زراعته الخاطئه ورويه الخاطئ والله اعلم ...

هو_ايه_مبقاش_بجيب_سرطان 🥲🥲

معا لصحة افضل لأطفالنا

18/04/2026

توعية الأطفال بالمناطق الخاصة بأجسادهم،
واللمسات السيئة الممنوعة!
اولادك خط احمر 🚫
نبههوا عليهم الأتي :

١.عدم خلع ملابسهم أمام أحد 👚🩱

٢.عدم ترك باب الحمام مفتوح 🚪

٣.عدم الاستحمام مع أحد .🛀

٤.عدم النوم فى فراش واحد مع أحد .🛌

٥.عدم الجلوس على رجل أحد أو الوقوف بين قدميه .

٦.عدم التقبيل من الفم .💏

٧.عدم زغزغة الطفل فى أماكن العورة .🚫

٨.عدم منح الثقه المطلقه للمحارم وأطفال العائله والأصدقاء .

٩.عدم منح أحد فرصة الاختلاء بالطفل فترات طويله .

١٠.عدم ترك الأطفال بمفردهم فى المنزل ولا مع الخادمة .

١١.رقابه على أفلام الكرتون وألعاب الجيمز ومشاهدتها قبل عرضها على الطفل .

١٢ علميهم ركوب المصعد بمفردهم علميهم أن لا يسمحوا للغرباء الركوب معهم

١٣.الحذر من الحمامات العامه والأماكن المظلمه

١٤.حمامات السباحه والتنزه على الشواطئ أماكن بحاجه الى يقظه وانتباه وحذر

١٥.عدم تناول شئ من الغرباء

١٦.عدم فتح الباب لأي أحد في حال عدم وجود الأم و الأب في المنزل

١٧.عدم ارتداء حلي تحمل اسم الطفل فيسهل استدراجه

١٨. لا تجبرى الطفل على تقبيل أحد أو حضنه واحترمى رغبته فى ذلك حتى لا يعتاد الاستسلام اذا تعرض لتحرش لا قدر الله

١٩ .علمهيم سمع كلام الكبار فى حدود تخصصهم مثلا المدرس فى عمل الواجب ولا طاعة في غير ذلك من الأمور الغريبة او الغير مألوفة

٢٠.علمي طفلك عدم الذهاب مع أي شخص يدعى انه انت أو أباه ارسله ليأخذه

اهتم بالاعتدال فى التوجيهات والتوازن
فلا افراط ولا تفريط ولا تخويف
مما قرأت
ضد_التحرش

معا لصحة افضل لأطفالنا

18/04/2026

👶 فتحة اليافوخ عند الأطفال… طبيعي ولا نقلق؟ 🤔

📌 “ابني اليافوخ قفل بدري!”
📌 “بنتي لسه مفتوح عندها!”
أسئلة بتتكرر كتير جدًا… تعالى نفهم الموضوع ببساطة 👇

🧠 إيه هو اليافوخ أصلاً؟

رأس البيبي مش عظمة واحدة 👶
دي عبارة عن عظام وبينها فراغات صغيرة (اليافوخ)

💡 ربنا خلقها لسببين مهمين:
✔️ تسهّل الولادة
✔️ تدي مساحة للمخ يكبر (والمخ بيكبر بسرعة جدًا أول سنتين)

📍 أنواع اليافوخ

🔹 اليافوخ الخلفي:
👶 بيقفل بدري (غالبًا خلال أول شهرين)

🔹 اليافوخ الأمامي (المشهور):
👶 ده اللي بنحسّه في أعلى الرأس وبيقلقنا

📏 حجمه الطبيعي عند الولادة

من حوالي 0.5 سم لحد 3.5 سم
💡 يعني الصغير والكبير ممكن يكونوا طبيعي 👌

⚠️ معلومة مهمة جدًا

في أول شهرين…
👶 ممكن اليافوخ يكبر شوية
وده طبيعي جدًا ومش علامة مرض ❌

⏳ بيقفل إمتى؟

✔️ بعض الأطفال: عند سنة
✔️ الأغلب: بين 12 – 18 شهر
✔️ الطبيعي لحد: 24 شهر
💡 أشهر سن للقفل: حوالي سنة وشهرين 👌

❗ إمتى نقلق؟

مش بنحكم باللمس بس 👇

⚠️ لازم نتابع لو فيه:
🔸 محيط الرأس مش بيزيد كويس
🔸 شكل الرأس غير طبيعي
🔸 تأخر في النمو أو الحركة
🔸 أعراض تانية زي تشنجات أو ضعف عام
📌 ساعتها لازم نراجع دكتور أطفال

🛑 لو حسيتي إن اليافوخ قفل بدري… تعملي إيه؟ 🤔

✔️ أول حاجة: ماتتوترش 🙏
في أطفال طبيعي جدًا اليافوخ عندهم بيقفل بدري شوية

🔹 تعملي إيه :
✅ تابعي محيط الرأس كل شهر
✅ راقبي نمو الطفل (الحركة – الانتباه – الرضاعة)
✅ بصي على شكل الرأس (فيه تماثل ولا فيه اعوجاج؟)

👌 إمتى نطمن ونكتفي بالمتابعة؟
لو:
✔️ شكل الرأس طبيعي
✔️ محيط الرأس بيزيد طبيعي
✔️ الطفل نشيط وبيتطور كويس
👈 كده غالبًا مفيش مشكلة ونكمل متابعة بس 👌

⚠️ إمتى لازم نتحرك بسرعة؟

لو فيه:
❌ محيط الرأس ثابت أو بيزيد ببطء
❌ شكل الرأس غريب أو غير متماثل
❌ تأخر في النمو أو أعراض عصبية

👈 هنا لازم نروح لدكتور أطفال
وممكن نحتاج أشعة أو تقييم متخصص 👨‍⚕️

💊 طب فيتامين د (الفيدروب) له علاقة؟

❌ لا
فيتامين د:
✔️ مهم لتقوية العظام
❌ لكن مالوش علاقة مباشرة بقفل اليافوخ بدري أو متأخر
⚠️ بلاش نوقفه أو نزوده من نفسنا

💡 خلاصة الكلام

✔️ اختلاف حجم اليافوخ طبيعي
✔️ القفل ممكن يحصل من سنة لحد سنتين
✔️ الأهم: متابعة النمو ومحيط الرأس

📌 مش كل حاجة مختلفة تبقى مرض 😊

معًا لصحة أفضل لأطفالنا ❤️
د/ محمود كامل 👨‍⚕️

18/04/2026

📌 الحملة ده مش حملة قومية على مستوى جمهورية مصر العربية، ولكنها حملة محدودة جغرافيًا في بعض المناطق فقط مثل:
الشيخ زايد – اكتوبر.

🔍 الحملات ده بيتم تنفيذها بشكل دوري بناءً على نتائج الترصد البيئي (تحليل الصرف الصحي)، وقد تُظهر أحيانًا وجود فيروسات ناتجة عن:
* وافدين من دول أخرى
* أو استخدام أنواع مختلفة من التطعيم خارج مصر

💉 لذلك يتم تنفيذ حملات احترازية مؤقتة لإعطاء نوع إضافي من التطعيم غير المستخدم بشكل روتيني داخل مصر، وذلك لزيادة الحماية المجتمعية.

✅ نحب نطمن حضراتكم:

* لا يوجد أي انتشار لشلل الأطفال في مصر من عشرات السنين
* الوضع الصحي مستقر تمامًا
* هذه الإجراءات وقائية وطبيعية جدًا وتعكس قوة نظام المتابعة الصحية

🛡️ التطعيمات جزء أساسي من الحفاظ على خلو مصر من المرض، والحملات دي دليل على كفاءة منظومة الترصد وليس العكس.

معا لصحة افضل لأطفالنا

17/04/2026

🐾 لما طفلك يبدأ يزحف… استعدي بقى 😂

غالبًا من حوالي 8–10 شهور 👶
هتلاقي فجأة عندك في البيت “مستكشف صغير” 😎

💥 الطفل بيكون مبسوط جدًا بالحركة الجديدة دي
وبيبدأ يلف في كل مكان…
وأماكن كنتي فاكرة إنها “مستحيل يوصلها” 😅
هتتفاجئي إنه وصلها بسهولة!

🤣 حاجات غريبة بتحصل في المرحلة دي:

👶 أي حاجة على الأرض = تستحق التجربة
👶 أي حاجة في إيده = لازم تتحط في البق
👶 وشباشب الحمام تحديدًا… ليها جاذبية خاصة جدًا 😅 (لغز لحد دلوقتي 😂)

⚠️ مهم جدًا تعملي إيه؟

🔸 خليكِ مركزة معاه طول الوقت
🔸 اقفلي الأبواب كويس 🚪
🔸 نظفي الأرض باستمرار 🧼
🔸 شيلي أي حاجة صغيرة ممكن تتبلع
🔸 خبي المنظفات في مكان آمن تمامًا ⚠️
🔸 نظفي السجاد والأرضيات لأنه قريب منهم جدًا
🔸 غيّري هدومه باستمرار 👕

💡 معلومة مهمة:

مش كل الأطفال بيزحفوا 👌
في أطفال بتعدي المرحلة دي وتبدأ تمشي على طول… وده طبيعي جدًا

مرحلة الزحف مرهقة شوية…
بس ممتعة جدًا ومليانة ضحك ومغامرات ❤️

استمتعي بيها…
واستعدي للمرحلة اللي بعدها 😈 (المشي بقى 😅)

معًا لصحة أفضل لأطفالنا 🌱
د/ محمود كامل

17/04/2026

🚨 مش كل أم فرحانة بعد الولادة… وده طبيعي ❤️

👩‍🍼 لو لقيتي نفسك:
▪️زعلانة بدون سبب
▪️بتعيطي كتير
▪️مش قادرة تستمتعي بطفلك

👈 ده ممكن يكون اكتئاب ما بعد الولادة

💡 خلي بالك:

في فرق بين:

✔️ تقلبات طبيعية (بتعدي لوحدها)
❗ واكتئاب حقيقي محتاج مساعدة

⚠️ لازم تطلبي مساعدة فورًا لو:
▪️مش قادرة تقومي بمهامك
▪️عندك أفكار مؤذية ليكي أو لبيبي

❤️ افتكري:
▪️مش ضعف…
▪️ومش تقصير…

👈 دي حالة طبية… وليها علاج

🤝 دعم جوزك وأهلك = نص العلاج
👨‍⚕️ والدكتور = النص التاني

🌸 خدي بالك من نفسك…
علشان تقدري تاخدي بالك من طفلك

معًا لصحة أفضل لأطفالنا 💙