28/06/2023
⁉️هل نقص الفيتامينات والمعادن تؤثر على صحه الأسنان واللثه⁉️
الاجابه😳 نعم للأسف و هنعرف مع بعض مدى تأثير نقص كل فيتامين أو معدن على صحه الأسنان واللثه.
👈طبعا زى ماكلنا عارفين ان الكالسيوم هو الى بيبنى العظم و الأسنان وبيحافظ على صلابتهم و قوتهم تعالوا نعرف مع بعض كده ايه الى علاقته نقص الفيتامينات بذلك.
١-💥فيتامين (D): وده من أهم الفيتامينات لانه بيتحد مع الكالسيوم عشان يعرف يرسبه بداخل الأسنان و العظم لذلك لو تم نقص فيتامين(D) الكالسيوم مش هيعرف يدخل بداخل العظم والأسنان فيحصل عندنا مشاكل بالأسنان وضعف وتأكل طبقه المينا وسرعه حدوث التسوس وسرعه تكون طبقه الجير و هشاشه وتشوه بالعظم عشان كده😯 ممكن يكون حد بيشرب لبن كتيير و بياخد حاجات بها كالسيوم كتتير ومع ذلك بيعانى من ضعف الاسنان و هشاشه بالعظم.
( لان زى مقولنا ان الكالسيوم محتاج vit.D.)
٢-💥فيتامين (A):فى خلايا داخل اسنانا مسئوله عن افراز الكالسيوم و الفوسفات فى وجود vit.A بتقوم هذه الخلايا بدورها بكفاءه لذلك عند نقصه الخلايا بتكون غير قادره على الانتاج بتؤدى الى طبقه مينا الأسنان بها ثقوب وطبعا بتكون عرضه للتسوس للسريع و مشاكل الأسنان.
٣-💥فيتامين2,3,12 (B):نقصه يؤدى الى قرح بالفم المؤلمه المتكرره واللسان والزاويه بالشفايف من الجانب.
٤-💥فيتامين(c):بالأسنان تحت طبقه المينا توجد طبقه العاج التى معظم تكونيها هو الكولاجين.
لذلك نقص vit .c بيؤدى الى ضعف انتاج الكولاجين المسئول عن صحه طبقه العاج و تؤثر سلبا على العصب وتؤدى الى مشاكل بعصب الأسنان لان طبقه العاج هى من تحمى مباشرا عصب الأسنان.
٥-💥فيتامين (k2):بيساعد على انتقال الكالسيوم من الدم الى العظم و الأسنان شبيه لدور vit. D.
٦-💥معدن البوتاسيوم و الماغنسيوم:
بيقوموا بدور مهم جدا انهم بيمنعوا تحول الدم الى وسط حامض التى يساعد فى خروج الكالسيوم من العظم والأسنان الى الدم وذلك يؤدى الى مشاكل وتسوس الأسنان و هشاشه العظام.
🤛لذلك الحفاظ على أكل صحى متوازن غنى بالفيتامينات و المعادن ضرورى جدا للحفاظ على صحه الأسنان و العظم و الجسم بشكل أساسى.
🌸د.سوزان البرجى🌸
