Dr. Hazem Rashad

04/12/2025

حلقة جديدة في عيادة مصر علي راديو مصر مع نسرين عكاشة
عنوان الحلقة ( ترندات الدايت )

01/12/2025

⭐ مريض سكري من النوع الأول؟ ده محتاج نظام أكل مضبوط

لو عندك سكري من النوع الأول وبتاخد الأنسولين، تنظيم أكلك مهم جدًا علشان تحافظ على سكر الدم ثابت طول اليوم.

الأخطاء الكبيرة: وجبات كبيرة متباعدة أو أكل عشوائي… ده بيخلي السكر يعلى بسرعة وبعدها يقع فجأة.

✅ الحل: 5–6 وجبات صغيرة ومتوازنة
• كربوهيدرات محسوبة
• بروتين وخضار
• سناك خفيفة

: النتايج
• سكر الدم ثابت
• طاقة أطول طول اليوم
• أقل فرص لنوبات انخفاض السكر
• انسجام تام مع جرعات الأنسولين

29/11/2025

🚦 جسمك واقف على أنهي لون؟

علشان تعرف انت في انهي لون بكل بساطة احسب وزنك علي مربع طولك

هيطلع رقم شوف الرقم هيبقي لي انهي لون من دول

🔵 أقل من 18.5 → أزرق = ضعف أو نحافة
🟢 18.5–24.9 → أخضر = تمام وزنك طبيعي
🟡 25–29.9 → أصفر = نخلي بالنا داخلين علي زيادة الوزن
🟠 30–34.9 → برتقالي = سمنة من الدرجة الاولي
🔴 35–39.9 → أحمر = سمنة من الدرجة التانية
⚫ 40+ → أسود = خطر عالي بقي عندك سمنة مفرطة

قولنا طلعلك لون ايه وانا اقولك تتصرف ازاي ❤️

22/11/2025

"السكر مش بس يرفع وزنك… تأثيره أخطر مما تتخيل

يخرب الأوعية الدموية تدريجيًا ويزود خطر أمراض القلب

يضعف المناعة، وبالتالي الجسم يكون أقل قدرة على مقاومة العدوى

بيأثر على الدماغ: زيادة السكر المزمنة ممكن تقلل التركيز والذاكرة على المدى الطويل

الجلد والشعر كمان بيتأثروا، السكر بيزود الشيخوخة المبكرة للجلد

حتى لو بتشرب عصائر طبيعية، أو تاكل فواكه غنية بالسكر، الكمية مهمة جدًا… السيطرة على السكر اليومي مش رفاهية، ده حماية لكل جزء في جسمك

20/11/2025

🚀 لما التغذية تقابل الموهبة… النتيجة بتكون عظمة 🚀

١١ شهر من الشغل الهادي، المتراكم، اللي بيتبني يوم ورا يوم من تغذية و تمرين وصبر وتحدي

النهاردة علي مجدي بيحتفل بـ
🥈 ميدالية فضية في بطولة الجمهورية – سباق 4×200 تتابع

: بس اللي ورا الكواليس أهم من الميدالية
✔️ تطوير كتلة عضلية
✔️ باور أعلى في الميه
✔️ ريكوفري أسرع
✔️ نفسية بطل جاهز يكسر توقيته كل أسبوع

الرحلة لسه طويلة… والبطولات كتير 🌊💙

18/11/2025

حلقة خاصة في عيادة مصر علي راديو مصر مع نسرين عكاشة

11/11/2025

أهمية شرب المياه والكمية اللي الجسم بيحتاجها يومياً 🚰

01/11/2025

بوست طويل شوية بس مهم جدا ومليان أسرار بتتقال لأول مرة عن الطب الفرعوني بمناسبة افتتاح المتحف المصري الكبير

🕯️ الحجامة عند الفراعنة.. أسرار من عصور الذهب والشفاء

من آلاف السنين، قبل ما الطب الحديث يظهر، كان أطباء الفراعنة من أوائل الناس اللي استخدموا "الحجامة" كوسيلة علاجية.

الرسومات على جدران مقابر “سقارة” و“تونا الجبل” بتوضح أدوات نحاسية صغيرة استخدموها كوسائل علاجية .

وورد في بردية إيبرس — أقدم مرجع طبي في التاريخ (حوالي 1550 قبل الميلاد) — وصف واضح لطريقة العلاج بـ "كؤوس الهواء"، واللي هي الحجامة بالضبط، لعلاج آلام المفاصل والالتهابات وتنشيط الدورة الدموية وعلاج الصداع .

وفي معبد “إمحوتب” – الطبيب الأشهر في تاريخ الفراعنة – اكتشف علماء الآثار نقوشًا غريبة توصف جلسة علاجية كانت تُجرى باستخدام “كؤوس الهواء”.
النقوش بتظهر الكهنة وهم بيضعوا كؤوسًا صغيرة على الجلد، ومعاها نار خفيفة داخل الكأس، لخلق ضغط يسحب “الدم الراكد” وينشّط الجسم.

و في إحدى البرديات التي عُثر عليها في المغبد مكتوب:
“حين يتثاقل الجسد وتتعكر الدماء، فليُسحب منها ما فسد، لتعود طاقة رع تسري في العروق.”

و كان الطبيب الفرعوني بيؤمن إن الجسم فيه مسارات للطاقة لازم تفضل مفتوحة، وإن الحجامة بتعيد توازن
الطاقة وتنشّط أعضاء الجسم.

حتى الملك "رمسيس الثاني" اتقال إنه كان بيعمل جلسات حجامة منتظمة للحفاظ على قوته ونشاطه.


و في عام ١٩٢٣، أثناء ترميم مقبرة رمسيس الثالث، لاحظ أحد علماء الآثار البريطانيين رسومات غريبة على الجدار الخلفي للمقبرة:
رجال يجلسون على الأرض، وعلى ظهورهم كؤوس شفافة تشبه أوعية زجاجية.

اعتقدوا في البداية إنها طقوس دينية، لكن بتحليل المشهد اتضح إنها أول توثيق واضح في التاريخ لـ
جلسة حجامة فرعونية كاملة.

كما ان بردية “إدوين سميث” و“إيبرس” أكدت إن المصريين القدماء كانوا بيستخدموا الحجامة لعلاج “امتلاء الدم الفاسد”، وتحسين تدفق الطاقة في الجسم.

وكان الطبيب الملكي في البلاط بيُلقب بـ “سيد الكؤوس”، وده كان شرف عظيم، لأن الحجامة كانت
تعتبر وسيلة لإعادة الحيوية والنقاء إلى الجسد.
حتى إن بعض الأدوات اللي اكتشفت بجوار المومياوات كانت أكواب نحاسية مطلية بالذهب — رمز لقدسية العلاج ده عند الملوك.

أما الفلسفة اللي ورا الحجامة عند المصري القديم فكانت أعمق من مجرد سحب دم،
هو كان شايف إن كل وجع سببه “ركود في الطاقة” أو “خلل في توازن الجسم”،
والحجامة كانت أداة لإعادة الانسجام بين الجسد والروح.

و النهاردة علماء الآثار بيعلنوا عن اكتشاف جديد غريب جدًا هيتم الاعلان عنه في افتتاح المتحف المصري الكبير :

📜 ورقة بردي صغيرة مكتوب فيها بخط كاهن فرعوني:

“خصم ٣٠٪ على كل جلسات الحجامة عند الطبيب حازم رشاد، لمدة محدودة بعد اكتمال القمر” 🌕😂

واضح إن حتى الفراعنة كانوا بيحبوا العروض القوية 💪

احجز جلستك النهاردة علشان تستفيد بالعرض

31/10/2025

تأثير التوتر علي الوزن 🤔

24/10/2025

لما الضربة تيجي من أقرب حد ليك 😅

قاعد في آخر حلقة، مركز وبتكلم عن الإرادة والتحكم في الشهية…

وفجأة مريم خطيبتي تقرر تكلمني على الهوا وتقولي:
"نعمل إيه علشان ما نزهقش من الدايت وكل الحرمان ده؟!" 😂

06/10/2025

نصر أكتوبر و الدايت ❤️✌️🇪🇬
كل عام وانتم بخير 🇪🇬

06/10/2025

تشرفت بوجودي اليوم في قناة نايل لايف ❤️

انتظرونا اليوم 6-10-2025 الساعه 2 ظهرا علي قناة نايل لايف في برنامج
دكتور : حازم رشاد / استشاري التغذية العلاجية
#ماسبيرو #طبيب