Psychologist / Hala youssif

06/09/2025

دا أكبر مثال لنمط تفكير المضطرب النفسى أو المريض (الشخصيات السامه المريضه)
هتدخل حياتك بكدبه و تخرج من حياتك فجأه بكدبه و اذا ضحيه فكرت تسأل ليه !! هيردو عليها بكدبه
شخصيات مزيفه و ضاله .. مستغلين و مستنزفين لأبعد درجه . واخدين الحياه و العلاقات حرب لازم يكسبوها و مالك و عرضك و وقتك حق مكتسب ليهم فقط ..
يعيشوا دور الضحيه و تزيف الحقايق و تغيرها و اعاده سرد القصه بخيالهم أنهم مظلمومين و مضطهدين ..
مستحيل يقولوا كلمه حق ولا يشعروا بالندم ..
مستحيل يعترفوا بذنب أو جريمه ..
مستحيل يعتذروا إلا لو عندهم نوايا استنزاف خفيه و استغلال أخرى و وجودك هيخدم مصالحهم..
مستحيل يشعروا بالذنب أو تأنيب الضمير على ما فعلوا.. لازم يقدموك انت قربان ليهم و شماعه لعيوبهم ..
انتم السبب بالشكوى للناس و تغيير صورتكم بالباطل بصفات مش فيكم او أفعال هما يعملوها و ينسبوها ليكم او بالخيانه أو العنف أو الغلط اللى يصدر منهم و عنهم ..
انتم السبب بالفشل بالعلاقه أو المشروع و الشراكه و كان المفروض تحافظوا عليهم مهما حصل منهم ..
انتم السبب بالتقصير و العيوب و الضعف ..
انتم اللى وصلتهم لكدا أو أجبرتهم يعملوا دا ..
انتم السبب بكل شئ حتى من قبل ما يعرفوكم و عن ماضيهم هيقولوا ليكم و للناس و لنفسهم إنكم السبب و هيكذبوا الكذبه و يعيشوها بأتقان شديد و يصدقوها ..
دايما أعذارهم أقبح من الذنب ..
الخلاصه ابعدوا فورا عن الشخصيات دى👇
١_ المترددين برد الفعل و بالأصول و الحقيقه و الحق ..
٢_المشككين فى أفعال و تصرفات و نوايا الناس حواليكم ..
٣_ اللى بيضربوا علاقتكم مع الأهل/ و الأصحاب تحت ستاره بيكرهونا_ مش بيحبولنا الخير_بيغيروا مننا) لأن العكس صحيح اللى بيعمل دا هو اللى بيقول دا و بيحاول يبعدكم علشان يحكم السيطره عليكم ل سرقه كل شئ منكم فى هدوء و صمت من غير شاهد على جريمتهم أو أفعالهم و كمان اما يرموكم غدره و فجأه و يجروا على إمداد تانى تكونوا لوحدكم مكسورين مفيش حد حقيقى يساعدكم او يحبكم .. شياطين الإنس كتير و جنبكم و قريبين ب اكتر من صوره و شكل و مسمى ..
٤_اللى يغير حقايق خاف منو و اقطع معاه فورا ..
٥_ اللى بيظهر و بيختفى انساه ..
٦_ اللى يتسبب فى ضرر نفسى/عقلى /اجتماعى لازم يكون ليك موقف حاسم و تعرف أن شر مُحتم و اقطعوا حبل الوصال بلا رجعه .
[ و لأ مش هيحسوا بالذنب ولا يقولوا انتقام ربنا عن ما فعلنا ولا هيفتكروا و يقولوا ظلمنا و كذبنا و أذينا و دمرنا حياه حد مهما حصل بحياتهم هيحاولوا يظهروا النجاح الوهمى أو الفرحه و السعاده و الضحكه المزيفه أو التجاهل و النسيان الكاذب ] هيدوروا على بديل ليكم و دخول علاقات سريعه ..
و هيهربوا من رد الحق و ظهور الحقيقه و الأعتراف بالمسؤولية متستناش حد ميت يكلمك .. هما أجسام بلا عقول تتدبر أو قلوب تنبض بالخير و المشاعر أو ضمير يحاسب .

03/09/2025

27/07/2025

لحجز الأستشارات النفسيه و التربويه من خلال رسائل الصفحه PSYCHOLOGIST/HALA YOUSSIF
او من خلال منصه رفيق للأستشارات rafiiq.org

06/07/2025

24/06/2025

ما هو الاكتئاب؟ وما الفرق بين الاكتئاب والحزن؟

●الاكتئاب هو أضطراب نفسي شائع يظهر من خلال العزلة وتقلب المزاج وعدم الرغبة بعمل أي شئ أو الاستمتاع بمظهر الحياة ويؤثر على الشعور والتفكير للشخص الذي يعاني من الأكتئاب والعلاج عن طريق الأستشارة الطبية/ العلاج الدوائي/ الجلسات النفسية /استشارة اخصائي نفسي

●الحزن حالة شعورية تحدث بأسباب فعلية يواجهه الفراد ولكن لا يشترط العزلة وترك العمل والنشاطات أي أنه من الممكن أن الشخص الحزين يطمس مشاعر الحزن، ويكمل عمله أو دراسته أو أنشطة ومهامه وذلك يسبب الكبت والأنفجار بمواقف حياتية تالية.

ولعلاج الحزن يجب التقرب من الله والعبادات ثم عدم الأستجابه للوحده و ملئ الفراغ بالأعمال وممارسه الرياضة والحديث مع أشخاص موثوق بهم
والققرب للشخص من خلال تقديم المساعدة وإذا لزم الأمر استشارة نفسية وطلب المساعدة من جانب علمي من قبل مختصين و مؤهلين
المستشارة هالة يوسف

تواصل واحجز استشارتك الآن اونلاين بكل سهولة وخصوصية🔰👇

22/06/2025

لحضور الندوات العلمية الأسبوعية
يرجى التواصل على واتساب
01229406541
لحجز الاشتراك فى الندوة
الحضور مجاناً للأعضاء
و يمكنك طلب شهادة حضور للندوة

22/06/2025

ما عندي ثقة كافية بنفسي

الإجابة:
قلة الثقة بالنفس قد تكون علامة على أضطراب الشخصية أو الرُهاب الإجتماعي وقد تحدث نتيجة لصدمات طفولة أو تربية قاسية والتعرض للتعنيف والتعدي منذ الصغر وتكون نظرة الشخص لذاته ضعيفة وغير راض عن نفسه أو شكله أو مواصفاته والتقليل لقيمته ولمجهوداته بناء عن ما واجهه منذ الطفولة والصغر أو المواقف والصدمات الحياتية الإجتماعية
العلاج
عن طریق الجلسات النفسیة
التوعیة التربویة والدینیة
التوجه لمختص نفسي
المستشارة هالة يوسف

تواصل واحجز استشارتك الآن اونلاين بكل سهولة وخصوصية🔰

08/06/2025

سؤال يواجه البعض
(هل هيحصل جديد؟
طيب ازاى!
خليك فاكر انت مريت ب ايه .. و أفتكر ابتلاءك كويس جدا .. متنساش ملامح اللى ضرك بيوم و أذاك و لا تنسى عمل فيك ايه و رضالك بالوجع و الخساره ازاى /او الخيانه ب انواعها و كمان خطط ل ده .. لعل يحدث بعد ذلك أمرامش مجرد آيه ..
دا حقيقه ممكنه و يتغير النتيجه على آخر لحظه فيها انت يأست ان حقك يترد أو خلاص اتنصب ليك فخ و تم الاحتيال عليك بنجاح فى أمر أو موقف / او أمنيه تتحقق /او تبديل من حال إلى حال ..
صبرا جميل والله المستعان..
و اتأكد أن تلك الأيام نداولها بين الناس ..
( لكى لا تأسوا على ما فاتكم و لا تفرحوا بما أتاكم ) .. ربنا عنده خطه هتتم حتى على إيد اللى آذاك و مكرلك مكر سيئ و حاربك او منع عنك بمنظوره الضعيف شئ .. هيكون عنصر مساعد دون أن يدرى

31/05/2025

بالعلاقات الاجتماعيه و الأنسانيه
قاعده أن هتكون مع الشخص الغلط .. أنتى هتكونى منسيه لكافه الاحتياجات و العواطف مأذيه بكل الطرق المعنويه و ماديه .. مطفيه .. شكلك و ملامحك و ضحتكت و مهمله و دا اخر حاجه بكل حاجه بالنسبه لشريك حياتك الخاطئ دا لو كنتى أمرآه ..
لو كنت رجل بعلاقه خطأ .. انت مع الشخصيه الغلط مش مرتاح هيوصلك نفور و اختلافات و ممكن كراهيه او تقصير و منع ب احتياجاتك ..
مش متصان هيدخل الشك قلبك من المكالمات الطويله و التليفون بصوت واطى طول الوقت و غموض شخصيه شريكه حياتك او اختلاطها بغير عذر و داعى ل رجال و اصدقاء عمل .. مش متقدر اى مجهود مش موجود و اى اموال غير كافيه و كل شئ بيتم التقليل منها و المقارنه و عدم الرضى بيك و مش مأمن لأن هتتعرض للبيع او الخيانه أو الأنفصال او الاستبدال ببعض الحالات .. العلاقات الناجحه السويه هتزيدك و تساعدك و تستقر و تستمر .. المزيفه و المؤقته و السلبيه منقطعه و منتهيه بلا سبب ..
الخل دايما هو العلاج و التوازن النفسى .. اختيار النفس بالسواء دواء

28/05/2025

🗯تعرفى ليه إبنك مش بيعرف يدافع عن نفسه ؟
٣ أسباب قويه منها نفسى و أسرى و اجتماعى

١-العامل النفسى و دا بسبب الخوف و التهديد سواء من أذى غيره من اللى بيعتدوا عليه _ أو من معتقد نفسى خاطئ _ أو مشاهد نفسيه مؤثره سلبياً عليه .
٢_عامل أسرى و دا من خلال التربيه بيتعرض لتعنيف و ترويع و عقاب و توبيخ دائم او ضرب ! / بيسمع جمل زى انت وحش / انت غبى / أنت فاشل / فلان اشطر منك أو احلى منك أو بيسمع الكلام و انت لأ !
♨️وضع المقارنه هو وضع تهديد
اختلافات اسريه و تعنيف بيشوفه/انفصال والدين و غيرها...
أو إذا قال إن تعرض لشئ رد الأم( اكيد أنت زعلته علشان كدا ضربك) اكيد انت الغلطان /او اذا أظهر رد يتراجع بسبب (صحابك مش هيلعبوا معاك تانى ) / ف بيتكون تأنيب مشاعر و تذبذب فى الصوره للسلوك و بالتالي سكوت و خوف من الرد و الدفاع عن النفس و خضوع
٣_عامل اجتماعى و هو التوعيه بالمدارس و كذلك مستوى الأطفال النفسى و البيئى بيترتب عليه رد فعلهم و سلوكهم
الطفل السوى غير مفتعل للمشكلات و غير مؤذى لزملائه و دا يرجع لنشأه الطفل و تربيته و هو مقياس تعريف إجتماعى وسلوكى .. بجانب ضوابط و قوانين البيئه الأجتماعيه هل يوجد متابعه ام لا .. هل يوجد تدخل و علاج ام لا .. و نرجع نقول من آمن العقاب أساء الأدب و ده من التربيه بالصغر .

22/05/2025