06/11/2022
فيروسات الجهاز التنفسى🫁
كتير من الأطفال تقريبا كل الاطفال بتصاب بأمراض تنفسية كتير مع بداية الشتاء ...زى البرد او الالتهاب الشعبى او الالتهاب الرئوى
فيروسات كتير مسئولة عن الادوار دى
واحد من اشهرهم و بالاخص السنة دى منتشر جدا مع الاطفال ..
Respiratory syncytial virus🦠
طبعا هو مش فيروس جديد زى ما الناس متوقعة لكن مشهور من زمان انه من اهم اسباب التهاب الجهاز التنفسي بالاخص فى الاطفال ..لكن السنة دى الإصابات كتير و باعراض شديدة شوية
هو ايه ؟🤔
فيروس تنفسى بيجى باعراض تشبه البرد فى الكبار👨👩 و فى الاغلب بيقعد من اسبوع لاسبوعين .
فى الاطفال للاسف الاعراض ممكن تتطور لمرحلة النزلة الشعبية او الالتهاب الرئوى ..يعتبر السبب الاول للاصابة بالنزلات الشعبية تحت سن سنة
اهم الاعراض الفيروس ده فى الأطفال ؟🤧
بيبدا دايما بخنفرة او رشح
الم بالحلق
صداع خفيف 🤕
كحة 😪
حرارة 🤒
رفض الاكل او الرضاعة
همدان😴
و بعض الاطفال ...تزييق نتيجة التهاب شعبى او رئوى بالاخص اللى اقل من سنة او عندهم اى امراض مناعية او امراض مزمنة .. جفاف
امتى يحتاج الطفل للفحص؟👨⚕️🩺
لو كان دور برد و بعدها بدا يبقى فى حرارة عالية و كحة مستمرة و همدان و رفض الاكل مينفعش ننتظر لانه ممكن يدخل فى صعوبة فى التنفس الاعراض دى بتقول ان الطفل محتاج للفحص و استكمال العلاج مع الطبيب
هل الفيروس معدى ؟
للاسف معدى جدا و بيتنقل عن طريق الرزاز اثناء الكحة او العطس او ملامسة سطح عليه الفيروس
و دى الطريقة اللى بيتنقل بيها بسهولة بين اطفال المدارس تقريبا كل الاطفال قبل سن سنتين بيصابوا بالفيروس و لو لمرة واحدة
الاصابة بتقعد قد ايه ؟ ⏳️
فى الاغلب من اسبوع لاسبوعين ...لكن بعض الاطفال بيدخلوا فى مضاعفات و يستمر فترة اطول
ايه ممكن نعمله فى البيت ؟🏠
دايما فى بداية الاصابة و مع وجود رشح خفيف
بنعمل غسيل الانف للاطفال اللى اقل من سنتين
بندى سوائل كتير بتمنع حدوث جفاف للطفل
راحة تامة بالاخص لاطفال المدارس
ممنوع ندى مضاد حيوى 🛑✋️
خوافض الحرارة مهمة جدا و نتوجه للطبيب فى الوقت المناسب لو الاعراض بدات تزيد عن برد خفيف
ازاى نقدر نحمى اطفالنا ؟🛡
دايما الاصابة بتبدأ من اطفال فى سن المدرسة
فلازم نعلمهم غسيل الايدين كويس جدا بعد لمس اى سطح قبل ما نحطها على وشنا 🙋♂️🙋♀️
نعزل اى طفل مصاب عن الاطفال الاقل من سنتين لحد ما الاعراض تختفى عنده .
نقلل القبلات و الاحضان بين الاطفال و اخواتهم الاكبر .ربنا يحفظ اطفالنا
العيادة: ٣٧ شارع العشرين - مزلقان العشرين - عين شمس,
