روان السيد- مجتمع مسك

06/12/2025

📣 آخر فرصة للحضور!

المعاد الصباحي (الراوند التالتة) هيبدأ بكرة،
والمعاد المسائي (الراوند الرابعة) يوم الاتنين.

ودي آخر راوندات السنة دي… وبعدها في 2026 هتكون بالاستثمار الفعلي.

دلوقتي تقدري تحضري بخصم 75% — الخصم ده رزق الدفعات الأولى دايماً من كل ورشي وبرامجي ومش هيتكرر تاني.

لو حاسة إن الوقت جه إن خطوتك الجاية تكون في صالح الحياة اللي نفسك ترسميها…
فالورشة ممكن تكون فرصتك للبداية دي. ✨

لينك التفاصيل والحجز في أول كومنت.
بالتوفيق 💚

04/12/2025

بحس إني مسموعة… بس مش مفهومة.
بقابل ناس من نفس بلدي، ومع ذلك بحس إننا مش بنتكلم نفس اللغة.
إحساس الاغتراب بيزيد يوم بعد يوم، وروحي متقسمة بين بلدين وحياتين.

بحاول أتأقلم وأشوف المزايا…
بس برجع تاني لإحساس الوحدة.

لو بتمري بده، أحب أطمنّك:
انتي مش غريبة.
الغربة تغيير كبير جداً على مستويات كتير في الحياة، ومعاه تحديات نفسية عميقة ممكن توصل لاكتئاب أو قلق لو مش واخدة بالك منها.

ولو قرارك إنك:
– تبني حياة جديدة.
– تعيشي حياة بجودة أفضل.
– تلاقي صحبة مهتمة بصحتها النفسية زيك تمام

فاللقاء بتاعنا ممكن يكون بداية "ونس" ودعم ليكي
بخطوات عملية من تجارب حقيقية لأمهات مغتربات 🥰 🥰

اللقاء هيقدمه أنا وشروق لطفي —إحنا الاتنين أمهات مغتربات وشغالين في مجال الصحة النفسية.
هنشارك تجاربنا وتحديات الغربة اللي مرّينا بيها…
وإزاي قدرنا نبدأ من جديد.

سواء كنتِ بتبدأي حياتِك من الصفر في الغربة، أو راجعة تبدأي من جديد بعد ما كان ليكي حياة كبيرة وواسعة في بلدِك…
إحنا هانشاركك التحديات اللي بيمرّ بيها الاتنين.

هنتكلم عن:
– مصادر الدعم وإزاي تبنيها.
– العقلية المناسبة لبداية جديدة.
– تكوين شبكة علاقات مريحة شبهك.
– الحدود المهمة في حياتِك الجديدة.
– العلامات اللي تقولك إنك محتاجة ترزوري الطبيب النفسي.

هاتي قهوتك وتعالي 💚☕
اللقاء مجاني 🎁
يوم الأحد ٧ ديسمبر، الساعة ٩:٣٠ صباحاً بتوقيت السعودية. (خلي بالك من فرق التوقيت عندك😉)

للحضور: اكتبي "كافيه المغتربات" في الكومنت وهبعتلك الجروب الخاص باللقاء.

ومتنسيش تشاركي البوست مع أي مغتربة اللقاء ده ممكن يفيدها 💚

01/12/2025

عارفين يا جماعة ف الأفلام الأجنبي لما البطل يمشي في طريق ف حياته وهو بيقول لنفسه: أنا عارف أنا بعمل إيه بالظبط؟

بس كان في تنظيم سري راسماله كل خطوة، وراسم له الطريق بالظبط اللي هيمشيه عشان يفكر نفسه إنه هو بيختار… بس هو الحقيقة مختارش أي حاجة، وكان ماشي على الطريق اللي مرسوم زي ما الكتاب بيقول.
• • •

أهو التنظيم السري ده في مخنا موجود في اللاوعي بتاعنا… هو السرديات اللي إحنا عايشين بيها في حياتنا ومصدقنها عن نفسنا وعن الحياة… الـ narration والـ script اللي شغال في الخلفية اللي بيحرك كل خطوات حياتنا وقراراتنا وإحنا مش دريانين.
• • •

فتلاقي نفسك بتفحّتي نفسك ف الشغل، بتاخدي شغل فوق طاقتك…
وأنت فاكرة إنك بتسعي ورا الطموح والإنجاز.
وفي الحقيقة التنظيم السري من جوا بيقول:
مهما عملتِ إنتِ مش كفاية… عمرك ما هتوصلي.
• • •

تلاقي نفسك بتدي عطاء بلا حدود ف العلاقات… بتقبّلي حاجات محدش يقبلها.
والتنظيم السري من جوا بيقولك:
كده كده كل الناس هتمشي وتسيبك ف الآخر.
• • •

والحقيقة برضو إن التنظيم السري هيفضل ليه سلطة على حياتك إلا إذا قفشتيه!
اتعرفتي عليه، عرفتي بوجوده أصلاً، شفتي أثره على حياتك وقررتي تواجهيه.
• • •

اللحظة دي — على قد ما بتكون لحظة صادمة —
معقولة! معقولة كل ده كان بيحصل وأنا مش واخدة بالي! وأنا مش واعية بيه!
• • •

إلا إنها هتفسرلك الماضي…
هتفهمي تصرفات، أحداث، وسلوكيات كتير جدًا مكنتيش عارفة بتحصل ليه…
وليه كل مرة كنت بوصل لنفس النهاية.
• • •

وهترسملك المستقبل…
وشكل اللي جاي من حياتك لما تكسري دايرتها.
• • •

وده اللي أنا بساعدك تتعرفي عليه بشكل مختصر في هذه الويبينار.
• • •

ويبينار The Untold Story
هو محاضرة تأسيسية تمهيدية لورشة Your Next Move
اللي بتساعدك على إنك تقدري تواجهي التغييرات اللي بتطرأ على حياتك بخطوات واضحة وواثقة.
(هسيب تفاصيل الورشة في الكومنتس لو حابة تشتركي في الراوند القادمة 3&4) هتبدأ الأسبوع القادم.
• • •

الويبنار ده أول مفتاح علشان:
– نفهم إحنا شايفين نفسنا إزاي… وبالتالي قادرين نتحرك لحد فين؟
– نكشف الأصوات اللي بتعطلنا وقت التغيير
– ونكسر تأثيرها على خطواتنا الجديدة
• • •

التسجيل هيفضل متاح لحد يوم الخميس… وبعدها هيكون متاح فقط لمشتركين الورشة لحد نهاية السنة 💚
بالتوفيق للجميع 💚

ده أول جزء من ورشة Your Next Move اللي بنتعلم فيها فن إدارة التغيير في حياتنادي تفاصيلها: https://docs.google.com/forms/d/e/1FAIpQLScpttl75aY7VU_QOayeBMwqRgp...

25/11/2025

✨بتحسي بالذنب .. لما يساعدِك حد في عز ما انتي محتاجة المساعدة؟
بيطلع صوت جواكي بيقول "إنتِ عبء على اللي حواليكي"؟
ولما تبقي محبطة…
تروحي ترسمي ابتسامة واسعة وسط الناس؟
لأن في صوت تاني بيقول "إنتِ لازم تبقي مصدر الإيجابية.. لو شافوكي مضايقة هيبعدوا عنك"؟
وعشان تبدئي مشروعك…
تدرسي وتخططي وتاخدي كورسات أكتر… وبرضه تحسي "إنك لسه مش جاهزة"؟
لأن في صوت دايماً بيقولك "أنتِ مش كفاية"؟

الحقيقة إن الأصوات دي مش خيالات…
هي أصوات موجودة جوا دماغك أنت بتسمعيها كل يوم،
وأوقات كتير بتكون المحرك الأساسي لقراراتك وسلوكك:
🔹 إما تتحركي ناحية الحياة اللي نفسك فيها
🔹 أو تفضلي تلفي كتير وانت واقفة في مكانك

والعطلة هنا مش دايمًا جاية من قلة الموارد أو الفرص أو الدعم حواليكي
أوقات كتير بتيجي من جوا… من معتقداتك عن نفسك اللي بتطلع أصوات صوتها أعلى من رغبتك الحقيقية في التغيير.

✨ عشان كده… قررت نبدأ الراوند الجديدة من ورشة Your Next Move المرة دي من الجذور
من الصورة الذاتية… من السؤال الأعمق:
أنا مصدّقة إيه عن نفسي وعن العالم؟

ده أول مفتاح علشان:
✔️ نفهم إحنا شايفين نفسنا إزاي
وبالتالي قادرين نتحرك لحد فين؟
✔️ نكشف الأصوات اللي بتعطلنا وقت التغيير
✔️ ونكسر تأثيرها على خطواتنا الجديدة

✨ هنتكلم عن 3 معتقدات محورية كونوا صورتنا الذاتية عن نفسنا من طفولتنا ولسه بيأثروا علينا لحد النهاردة

✨وهنتعلّم مع بعض خطوات بسيطة وعملية نتعامل بيها مع أي صوت داخلي معطِّل.

الهدف؟
إنك لما تقرري تتحركي..
تتحركي بخطوة واعية، واثقة، أقرب لذاتك الحقيقية — مش من أصوات قديمة مبقتش تنفعك هنا والآن.

🎁 والمفاجأة:
ويبنار The Untold Story هيكون متاح للجميع كهدية مجانية تقدروا تحضروها بالكامل وتتفاعلوا وتسألوا. وبعد الويبنار، المحتوى ده هيكون حصري ومتاح فقط للمشتركين في ورشة Your Next Move.

📅 تفاصيل الويبنار
يوم الأربعاء 26 نوفمبر – الساعة 8 مساءً بتوقيت القاهرة
المدة: ساعة ونصف
للانضمام، اعملي join لجروب الواتساب(موجود في أول كومنت)
ده اللي هيتبعت عليه لينك اللقاء وكل التفاصيل 💚

✨ ومتنسيش تشيرِي ومنشني أي حد حاسّة إن الوعي ده هيفيده
حد حابب يفهم نفسه أكتر،
حد بيحاول يخرج من عطلة جواه،
حد نفسه يبدأ خطوة جديدة بثقة.

أشوفكم على خير 💚

20/11/2025

وده إنتي كمان تقدري توصليله بنفسك لما تتعلمي وتطبقي مستويات التغيير على حياتك
اليوم هو آخر اليوم للحجز في ورشة الراوند التالتة والرابعة Your Next Move باستثمار الحجز المبكر.
احجزي مكانك دلوقتي.

16/11/2025

بزمتكم حصل ولا محصلش؟! 😂

مرحلة ال Denial هي جزء من رحلة التغيير
جواز، حمل، أمومة، غربة، تغيير شغل… أو حتى كارير شيفت كامل.

معرفتك بالمراحل اللي بتمرّي بيها بتسهّل عليكي الطريق:
بتساعدك تسمّي اللي بتحسيه،
تستوعبيه،
وتتقبّليه كجزء طبيعي من الرحلة… بدل ما تحاربيه.

كل مرة تفهمي المرحلة اللي إنتي فيها صح، بتلاقي نفسك قادرة تتحركي لقدّام بخطوة أوضح وثبات وثقة أكتر 💚✨

ورشة Your Next Move بتساعدك تبقى جاهزة على كل الأصعدة للخطوة الجديدة من حياتك.

الاشتراك في الراوند الثالثة والرابعة متاح الآن 💫
متاحة ل ١٥ سيدة فقط.
الحجز المبكر ينتهي يوم ٢٠ نوفمبر.

في الكومنتس هتلاقي تفاصيل أكتر عني
هتلاقي تفاصيل أكتر عني وعن تجارب المشتركات في الراوندات السابقة 💚

13/11/2025

أوقات التغيير بيحرّك جوانا مشاعر متناقضة جدًا، نكون بنحب اللي إحنا فيه، ومع كده نحس بحزن وارتباك وقلق في نفس الوقت.

مش دايمًا دي علامة إن في حاجة غلط، لكنها إشارة إنك محتاجة تتعرفي على الأجزاء دي من نفسك وتفهمي تأثير التغيير على مستويات حياتك المختلفة.

🌿 في ورشة Your Next Move
هتقدري تشوفي التغيير بعدسة ٣٦٠ درجة،
وتفهمي نفسك أكتر،
وتفكي العطلة اللي موقفاكي تتحركي ناحية الشكل الأنسب لحياتك.

الاشتراك في الراوند الثالثة والرابعة متاح الآن 💫
العدد محدود ومتاح ل ١٥ شخص فقط لضمان التفاعل والحجز بيقفل بمجرد اكتمال العدد

في الكومنتس هتلاقي تفاصيل أكتر عني وعن تجارب المشتركات في الراوندات السابقة 💚

11/11/2025

ورشة Your Next Move موجودة عشان تساعدك تبقي جاهزة ومستعدة للي جاي من حياتك بخطوات واثقة ✨

بعد ٣ أيام من التجهيز والتعلم والتصالح وتصحيح المفاهيم بنوصل لليوم الرابع في الورشة اللي بيشارك فيه المشتركات Your Next Move Map

خريطة بتشمل كل جوانب حياتك وبتنزل لأدق أدق تفاصيلك عشان تساعدك تكوني رؤية واضحة لشكل حياتك في التغيير اللي بتمري بيه حاليًا

احجزي مكانك دلوقتي في الراوند التالتة والرابعة من ورشة Your Next Move واتعلمي فن إدارة التغيير ✨

الراوند بتتكون من ١٥ مشتركة فقط والحجز بيقفل بمجرد إتمام العدد

في الكومنتس هتلاقي تفاصيل أكتر عني وعن آراء وتجربة المشتركات في أول وتاني راوند من الورشة 💚

31/10/2025

أنا لو حسيت بالحزن ربنا هيعاقبني وهياخد مني النعمة اللي ف إيدي

أكتر حاجة لمستني بشكل شخصي في ورشة Your Next Move كانت اللحظة اللي اتكلمنا فيها عن علاقتنا بربنا، وعن الأحكام المسبقة اللي بنحطها على مشاعرنا — الأحكام اللي بتخلينا نكبت إحساسنا، وبتوقف بينا وبين إننا نقبل التغيير اللي بيحصل في حياتنا ونتعامل معاه بمرونة.
بجد، لو الناس طلعت من الورشة بالنقطة دي بس، أنا هكون راضية ومبسوطة جدًا 💚

الحمد لله تم يوم الأربعاء الماضي انتهاء ورشة Your Next Move للراوند الأولى والثانية
 ✨ Navigate Change with Clarity & Confidence ✨
الورشة اللي بنناقش فيها ببساطة فن إدارة التغيير في حياة السيدات.

في البداية كان هدفي أعمل ورشة خفيفة ليوم واحد، تساعد السيدات يتعاملوا مع التغييرات اللي بتحصل في حياتهم من (زواج، حمل، أمومة، غربة، شغل...)
 من غير ما حياتهم تقف أو تنهار،
 ومن غير ما يفقدوا نفسهم في النص 💚

كنت عايزة كل واحدة تكتسب عقلية جديدة تواجه بيها الحياة بكل متغيراتها، وهي قادرة تدير مشاعرها بثقة ومرونة، وتاخد خطوات تشبهها وتناسبها فعلًا 🌿

لكن الحقيقة إن التجربة خدتنا لأبعد من كده… الورشة انتهت بـ ٨ ساعات كاملة،
واتغير تصميمها مرتين وتلاتة،
 وقررت أقفل الحجز عند ٣٠ سيدة فقط على جروبين، علشان أحافظ على المساحة الآمنة والتفاعل الحقيقي 🥰
وحتى دايرة الورشة وسعت لتشمل السيدات المغتربات العاملات 💚

والخبر الحلو إن راوند نوفمبر الجاية هتخرج الورشة فيها على ٤ أيام كاملة!

لأن في بناء وتأسيس لازم يحصل الأول، علشان كل واحدة تكون قادرة تتخذ قرار نابع من احتياجاتها، وتعيد تصميم حياتها كل مرة يكون فيها نقلة جديدة أو متغير جديد بمرونة وثقة 🌸

الورشة دي كانت مزيج ما بين التطبيق العملي وروح جروبات الدعم الأقرب لقلبي دائما أبداً— مساحة آمنة حقيقية لإعادة اكتشاف نفسك من جديد ✨

مرينا فيها بـ٣ محطات رئيسية:
1️⃣ فهم معنى التغيير ومستوياته
2️⃣ إدارة المشاعر والتخوفات المصاحبة للتغيير 3️⃣ خريطة عملية لكل جوانب حياتك اللي بيأثر فيها التغيير

علشان بنهاية الورشة، تكوني معاكِ منهجية وخطوات قابلة للتحقيق إنتِ اللي كتبتيها بإيدك… تجاوبي بيها على سؤالك: “خطوتي الجاية إيه؟” 🌿

لو حابة تكوني موجودة في راوند نوفمبر من ورشة Your Next Move 💚 العدد محدود
(١٥ مشتركة فقط) والحجز بيقفل أول ما العدد يكتمل.
الاستثمار المرة دي بـ ٢٥٪ من السعر الأصلي، وده آخر راوند بالسعر المخفّض السنة دي ✨
سيبي كومنت فيه "مهتمة" وهبعتلك استمارة الحجز أول ما تنزل 💌